Khit Thit Nway Oo

မင်းလက်ပံမှာအဓိကကျားဖြန့် ခေါင်းဆောင်တွေ ဖြစ်တဲ့တရုတ်(၂)ဦးကိုအမေရိကန်ကဖမ်း၀ရမ်းထုတ်၊

မြန်မာပြည်အခြေစိုက်ကျားဖြန့်တွေကို အမေရိကန် နှိမ်နင်းပြီလား

မြန်မာပြည်မှာ
အခြေစိုက်တဲ့(Tai Chang)ကျားဖြန့်ဂိုဏ်းကိုဖမ်းဆီးဖို့ သတင်းပေးသူကိုဒေါ်လာ(၁၀)သန်းချီးမြှင့်မယ်လို့အမေရိကန်က ကြေညာ
====

မင်းလက်ပံမှာအဓိကကျားဖြန့် ခေါင်းဆောင်တွေ ဖြစ်တဲ့တရုတ်(၂)ဦးကိုအမေရိကနိကဖမ်း၀ရမ်းထုတ်လိုက်သည်။

မင်းလက်ပန်ရှိ ရှူးဒါဝင်းတွင် cryptocurrency ရင်းနှီးမြှုပ်နှံမှုလိမ်လည်မှုလုပ်ငန်းများနှင့် ဆက်စပ်၍ တရုတ်နိုင်ငံသားနှစ်ဦးအပေါ် ရာဇ၀တ်မှုစွဲချက်များနှင့် ဖမ်းဝရမ်းများထုတ်ပြန်ခဲ့သည်။

မြန်မာပြည်မှာအခြေစိုက်သည့်ကျားဖြန့်လုပ်ငန်းတွေကို FBI က ဓါတ်ပုံနှင့်တကွထုတ်ပြန်ခဲ့သည်။

မြန်မာနိုင်ငံမှာအခြေစိုက်သည့်ကျားဖြန့်ဂိုဏ်းတွေအပါအ၀င်
အရှေ့တောင်အာရှရှိကျားဖြန့်ဂိုဏ်း
တွေကိုအပြတ်နှိမ်နှင်းမည်ဟုအမေရိကန်က သတိပေးလိုက်သည်။

အမေရိကန်နိုင်ငံခြားရေး၀န်ကြီးဌာနက
ဧပြီ ၂၃ ရက်မှာ ကြေညာချက်တွေဆက်တိုက်ထုတ်ပြန်လာတာတွေ့ရသည်။

ကျားဖြန့်လုပ်ငန်းနှင့်ဆက်နွယ်နေသည့်
ကမ္ဘောဒီးယားအထက်လွှတ်တော်အမတ် ကော့အန်နှင့် ၎င်းနှင့်ဆက်စပ်နေသော လူ ၂၈ ဦးနှင့် အဖွဲ့အစည်းများအပေါ် အမေရိကန်က ပိတ်ဆို့အရေးယူမှုများ ချမှတ်ခဲ့သည်။

၂၀၂၄ ခုနှစ်တွင် ကျားဖြန့် ကြောင့်
အမေရိကန်နိုင်ငံသားများသည် အနည်းဆုံး ဒေါ်လာ ၁၀ ဘီလီယံ ဆုံးရှုံးခဲ့ရသည်။ယင်းကို
လက် တုံ့ပြန်သည့်အနေဖြင့် အမေရိကန်ဘဏ္ဍာရေးဌာန၏ နိုင်ငံခြားပိုင်ဆိုင်မှုထိန်းချုပ်ရေးရုံး (OFAC) သည် ဧပြီ၂၃ရက် တွင် ကမ္ဘောဒီးယားအထက်လွှတ်တော်အမတ် ကော့အန်နှင့် ၎င်းနှင့်ဆက်စပ်နေသော လူ ၂၈ ဦးနှင့် အဖွဲ့အစည်းများအပေါ် ပိတ်ဆို့အရေးယူမှုများ ချမှတ်ခဲ့သည်ဟု ကြေညာသည်။

အမေရိကန်ပြည်ထောင်စုသည် အမေရိကန်နိုင်ငံသားများကို အွန်လိုင်းလိမ်လည်မှုများမှ ကာကွယ်ရန်နှင့် ထိုလိမ်လည်မှုများကို အထောက်အကူပြုသည့် လူ့အခွင့်အရေးချိုးဖောက်မှုများကို အအေရိကန်က ဖော်ထုတ်လျက်ရှိသည်ဟုဆိုသည်။
မြန်မာပြည်
မှာ အခြေစိုက်ပြီး အမေရိကန်နိုင်ငံသားတွေကို အဓိကထား လိမ်လည်နေတဲ့ 'ထိုက်ချန်း' (Tai Chang) အွန်လိုင်းငွေလိမ်ဂိုဏ်းကို ဖမ်းဆီးနိုင်ရန် သတင်းပေးနိုင်သူကို အမေရိကန်ဒေါ်လာ ၁၀ သန်း ဆုငွေချီးမြှင့်မယ်လို့ အမေရိကန် က ကြေညာခဲ့သည်။

စစ်တပ်မှရွေးကောက်ပွဲအနိုင်ရရှိသူအား
အာဏာလွှဲပြောင်းနေပုံ

မြ၀တီမြို့နယ်၊ ကျော်ခို့ကျေးရွာအနီးတွင် စစ်တပ်လက်အောက်ခံ BGF စောချစ်သူ၏ လက်ထောက် ဗိုလ်မောင်ဝင်းက ကျားဖြန့်ရွာအသစ်တည်နေပြန်

ရန်ကုန်၊ ဒီဇင်ဘာ ၁၅

ကရင်ပြည်နယ်၊ မြ၀တီမြို့နယ်၊ ကျော်ခို့ကျေးရွာအနီးတွင် စစ်တပ်လက်အောက်ခံ BGF စောချစ်သူ၏ လက်ထောက် ဗိုလ်မောင်ဝင်းက ကျားဖြန့်ရွာအသစ်တည်နေပြန်ကြောင်း အဆိုပါဒေသအတွင်းသို့ ဆောက်လုပ်ရေးသုံး ပစ္စည်းများ ပို့ဆောင်ပေးနေရသော ကယ်ရီသမားများနှင့် ကရင်စစ်ရေး သတင်းရင်းမြစ်ထံမှ သိရှိရသည်။

ထိုင်း-မြန်မာနယ်စပ်၊ သောင်ရင်းမြစ်ကမ်းဘေးရှိ KK Parks၊ ရွှေကုက္ကိုလ်၊ မင်းလက်ပံ အစရှိသော ကျားဖြန့်နေရာများမှာ နိုင်ငံတကာ၏ အာရုံစိုက်မှု ရရှိလာပြီး ဖြိုခွင်းမှုများ ကြုံတွေ့လာရပြီးနောက် စစ်တပ်လက်အောက်ခံ BGF များက ဒေါနတောင်ခြေနှင့် လူသူအရောက်အပေါက်နည်းသော ဒေသများသို့ ကျားဖြန့်အဆောက်အအုံနှင့်ဝင်းများကို ပြောင်းရွှေ့ တည်ဆောက်လာကြောင်း၊ လတ်တလော BGF ဗိုလ်တင်ဝင်း ဦးဆောင်သော တပ်များက သစ်ကတေကျေးရွာအနီးတွင် ကျားဖြန့် ဆိုက်နေရာ အသစ်များ တည်ဆောက်နေသကဲ့သို့ BGF စောချစ်သူ၏ လက်ထောက် ဗိုလ်မောင်ဝင်းကလည်း ကျော်ခို့ကျေးရွာအနီးတွင် ကျားဖြန့်ရွာအသစ်ကို တည်နေကြောင်း သိရှိရသည်။

"အခုက ကျားဖြန့် အမြစ်ပြတ်တာမဟုတ်ဘူး။ နေရာရွှေ့နေတာ။ သောင်ရင်းမြစ်ကမ်းဘေးကတော့ လူမြင်သူမြင်ရှိတော့ အခုက လူမမြင် သူမမြင် ဒေါနတောင်ခြေနဲ့ တောင်တွေကြားထဲကို ပြောင်းရွှေ့နေကြတာ။ BGF တွေက သူတို့ တပ်အလိုက် ကျားဖြန့် နေရာဝင်းအသစ်တွေ ဆောက်နေတယ်။ ရွှေကုက္ကိုလ် တာဝန်ခံ BGF ဗိုလ်မောင်ဝင်းက သူရဲ့ BGF ၁၀၁၅ တပ်ရင်းနား ကျော်ခို့ရွာအနီး ကြက်ဥတောင် နားမှာ ကျားဖြန့်ရွာအသစ်ကြီး တည်နေတယ်။ အဲဒီကျားဖြန့်ရွာသစ်နားမှာ BGF တပ်ရင်း ၃ ခုကြားထဲမှာ တည်နေတာ။ အပြင်လူလည်း သွားမရဘူး။ ဒါပေမယ့် ဂြိုလ်တု Satellite ကနေ ကြည့်ရင် သိနိုင်တယ်။ အရင်တောကြီးက မြေတွေရှင်းပြီး အဆောက်အအုံတွေ ဆောက်နေတာ" ဟု ကရင်စစ်ရေး သတင်းရင်းမြစ်က ပြောဆိုသည်။

လတ်တလော BGF များက ကျားဖြန့် တရုတ်သူဌေးများကို တည်ဆောက်နေဆဲ ကျားဖြန့် နေရာသစ်များ တွင် ပြန်လည် နေရာချထားပေးနေပြီး ရေ၊ မီး၊ လမ်းနှင့် အင်တာနက် မပြည့်စုံသေးသည့်ကြားမှပင် တရုတ်ကျားဖြန့်မှာလည်း တဖွဲဖွဲ ဝင်ရောက်လာနေဆဲဖြစ်ကြောင်း သိရှိရသည်။

"အရမ်းအရေးကြီးတဲ့ တရုတ်ကျားဖြန့်ကြီးတွေကို BGF က သူတို့ ဌာနချုပ်နဲ့ စခန်းတွေမှာ ခဏထားတယ်။ ဒီဘက်မှာဆောက်တဲ့ ကျားဖြန့်နေရာသစ်တွေ ပြီးမှပဲ ရွှေ့မယ်ထင်တယ်။ အခုကျနော်တို့သိသလောက် ဒေါနတောင်ခြေမှာတင်ကို ကျားဖြန့်နေရာသစ် အနည်းဆုံး ၁၀ ခုထပ်မနည်း ဆောက်နေတာ။ အကုန်လုံး BGF က ဆောက်နေတာတွေချည်းပဲ" ဟု ကရင်စစ်ရေး သတင်းရင်းမြစ်က ပြောဆိုသည်။

စစ်တပ်လက်အောက်ခံ BGF များက ကျားဖြန့် နေရာသစ် ၁၀ ခုထက်မနည်းကို အလျှင်အမြန် တည် ဆောက်နေမှုတွင် စစ်တပ်နှင့် နယ်မြေခံတပ်များ၊ စစ်အရာရှိများက တရုတ်များနှင့် နိုင်ငံခြားသားများကို သယ်ယူ ပို့ပေးခြင်း၊ ဆောက်လုပ်ရေးသုံးပစ္စည်းများနှင့် လိုအပ်သော လူသုံးကုန်၊ စားသောက်ကုန်များ သယ်ခွင့်ပေးခြင်း၊ စက်သုံးဆီများ သယ်ခွင့်ပေးခြင်းတို့အတွက် အကျိုးအမြတ် ပူးပေါင်းရယူပြီး ပါဝင်လျက်ရှိကြောင်း ကရင်စစ်ရေး သတင်းရင်းမြစ်က ရှင်းပြသည်။

အကြမ်းဖက် ဇော်မင်းထွန်းက ယမန်နေ့ ကျားဖြန့် နှိမ်နင်းရေး သတင်းစာရှင်းလင်းပွဲတွင် ကျားဖြန့်များကို အပြီး သတ်ချေမှုန်းမည်ဟု ထုတ်ပြန်ပြောဆိုထားသော်လည်း လက်တွေ့တွင် BGF ထိန်းချုပ်သော နယ်မြေများတွင် ကျားဖြန့် နေရာအသစ်များ ထပ်မံပေါ်ပေါက်လာနေခြင်းဖြစ်ကြောင်း စုံစမ်းသိရှိရသည်။

ဓာတ်ပုံ- BGF ဗိုလ်တင်ဝင်း တည်ဆောက်နေသည့် သစ်ကတေ့ကျားဖြန့်နေရာသစ်ဝင်းကြီးကို မြင်တွေ့ရစဉ်။

၂၀၀၃ ခုနှစ်က အာဏာရှင်တဦးဖြစ်တဲ့ ဆက်ဒမ်ဟူစိန် (Saddam Hussein) ကို နောက်ဆုံး ရှာတွေ့ဖမ်းဆီးမိတဲ့နေရာက နန်းတော်ထဲ မဟုတ်သလို စစ်စခန်းမှာလည်း မဟုတ်ဘူး။ မြေအောက် အခန်းငယ်၊ ဂူငယ်လေးထဲမှာပါ။

အမေရိကန်တပ်ဖွဲ့ လပေါင်းများစွာ ရှာဖွေပြီးနောက် Saddam Hussein ရဲ့ မွေးရပ်ဇာတိဖြစ်တဲ့ Tikrit မြို့ရဲ့ လယ်တောအိမ် တဲသေးသေးလေးကို ဝိုင်းရံထားလိုက်
တယ်။

အုတ်နဲ့စီထားပြီး ဖုန်တသောသောရှိနေတဲ့ ကျဉ်းကျဉ်းကြပ်ကြပ် မြေအောက်အခန်းငယ်လေးဟာ အခေါင်းတခုထက် အများကြီးပိုမကြီးဘူး။

အထဲမှာ ပန်ကာတပ်ဆင်ထားသလို လေထွက်ပိုက်တခုလည်း တပ်ဆင်ထားတယ်။အထဲမှာတော့ တချိန်က တိုင်း ပြည်အုပ်ချုပ် မင်း လုပ်ခဲ့တဲ့လူတယောက်လဲလျောင်းနေပါတယ်။

လူက ညစ်နွမ်းနေတယ်၊ မုတ်ဆိတ်ကျင်စွယ်တွေ ပြည့်နှက်နေတယ်၊ ပင်ပမ်းနွမ်းနယ်နေတယ်။ သူ့ဘေးမှာ ပစ္စတိုတလက် ချထားတယ်။ တချက်မှတော့ မပစ်လိုက်ရဘူး။

သစ္စာစောင့် တယောက်မှ မရှ်ိသလို စစ်သားတွေလည်း တယောက်မှ မရှိဘူး။ တိတ်ဆိတ်ငြိမ်သက်နေတာပဲ။ တဖျတ်ဖျတ်ထိုးနေကြတဲ့ဓါတ်မီးရောင်တွေပဲ အမှောင်ခန်းထဲ ဝင်းလက်နေတယ်။

အမေရိကန်စစ်သားတွေ Saddam ကို ဆွဲထုတ်လာတဲ့အချိန် အသံတသံဟာ ရေဒီယိုမှတဆင့် ကမ္ဘာကိုကြေငြာလိုက်တဲ့ စကားတလုံးက “We got him.” တဲ့။

အဲဒီညဟာ အာဏာရှင် မြေပေါ်ပုံကျတဲ့ညပါပဲ။ ဘယ်အာဏာရှင်မှ မတွန်းဖယ်နိုင်တဲ့ ပြယုဂ်။ အဲဒီမြေကမ္ဘာပဲ
တချိန်က စစ်ဘွတ်ဖိနပ်အောက်မှာ တုန်လှုပ်ခဲ့ရတာ။

ခုတော့ သူ့ရဲ့ နောက်ဆုံးခိုလှုံစရာ ဖြစ်ရပြီ။ အာဏာရှင်တယောက် ဘယ်လောက်ပဲ တန်ခိုး ကြီးထွားပါစေ၊ မြေကမ္ဘာကတော့ နိဂုံးချိန်ကို အမြဲစောင့်ကြိုလျှက်ပါ။

Credit

ရန်သူဟာ အားနည်းလာလေ

အင်အားကြီးပြလေတဲ့

သွားစရာရှိတာဆက်သွားပါ

နောက်လှည့်မကြည့်ပါနဲ့

ရဲဘော်တို့...........🫵

မြောက်ဦးဗုံးကြဲခံရပြီး နောက်တစ်ရက်တွင် ကျောက်ဖြူကို စစ်တပ် ထပ်မံဗုံးကြဲ ၈ ဦး သေဆုံး

သံလွင်ခက်
ဒီဇင်ဘာ ၁၂၊ ၂၀၂၅

အပြည်ပြည်ဆိုင်ရာ လူ့အခွင့်အရေးနေ့ည၌ မြောက်ဦးဆေးရုံကို ဗုံးကြဲတိုက်ခိုက်ခဲ့သည့် စစ်အုပ်စုသည် နောက်တစ်ရက် (ဒီဇင်ဘာ ၁၁) တွင် ကျောက်ဖြူခရိုင်၊ ကျောက်ဖြူမြို့နယ်၊ ငလုံးစုကျေးရွာအား လေကြောင်းမှ ထပ်မံဗုံးကြဲတိုက်ခိုက်ခဲ့ရာ အရပ်သား ၈ ဦး သေဆုံးခဲ့ကြောင်း အာရက္ခတပ်တော် (AA) က သတင်းထုတ်ပြန်သည်။

ဒီဇင်ဘာ ၁၁ ရက် ညဦးပိုင်း ၇ နာရီ ၃၄ မိနစ်အချိန်တွင် အာဏာသိမ်းစစ်အုပ်စု၏ ဂျက်တိုက်လေယာဉ်တစ်စီးသည် ငလုံးစု အထက်ရွာနှင့် အောက်ရွာအတွင်းသို့ ဗုံး ၂ လုံး ကြဲချတိုက်ခိုက်ခဲ့သည်ဟု ထုတ်ပြန်ချက်တွင် ဖော်ပြထားသည်။

အဆိုပါ လေကြောင်းတိုက်ခိုက်မှုကြောင့် ငလုံးစု အထက်ရွာနှင့် အောက်ရွာမှ ဒေသခံပြည်သူ အမျိုးသား၊ အမျိုးသမီး စုစုပေါင်း (၈) ဦး သေဆုံးခဲ့ပြီး (၁၀) ဦးခန့် ထိခိုက်ဒဏ်ရာရရှိခဲ့သည်ဟု ထည့်သွင်းဖော်ပြထားသည်။

"မြောက်ဦးဆေးရုံအား ဗုံးကြဲသည့်နည်းတူ အရပ်သားပြည်သူအပေါ် ကြဲချတိုက်ခိုက်ခဲ့ခြင်းသည် စစ်ရာဇဝတ်မှုကို ထပ်မံကျူးလွန်ခဲ့သည်" ဟု AAက ပြောဆိုထားသည်။

ကမ္ဘာတစ်ဝန်း လူ့အခွင့်အရေးနေ့ကျင်းပနေသည့် ဒီဇင်ဘာ ၁၀ ရက် ညပိုင်းတွင် မြောက်ဦးခရိုင် ပြည်သူ့ဆေးရုံကြီးအား စစ်အုပ်စုက ပေါင် ၅၀၀ဗုံးကြဲခံရမှုဖြစ်စဉ်တွင် ဆေးကုသမှုခံယူနေသော လူနာများနှင့် စေတနာ့ဝန်ထမ်း ၃၀ ကျော် သေဆုံးခဲ့ပြီး ၇၀ ကျော် ဒဏ်ရာရရှိခဲ့သည်။

မြောက်ဦးဆေးရုံ ဗုံးကြဲခံရမှု သေဆုံးသူ ထပ်တိုး

ဧရာဝတီ၊ ဒီဇင်ဘာ ၁၂၊ ၂၀၂၅

စစ်တပ်က မြောက်ဦးဆေးရုံအား ဒီဇင်ဘာ ၁၀ ရက် ည ၉ နာရီခန့်တွင် ပေါင် ၅၀၀ ဗုံး နှစ်လုံးဖြင့် ကြဲချတိုက်ခိုက်ခဲ့မှုကြောင့် ဆေးကုသမှုခံယူနေသော အရပ်သား ကလေးငယ်များ အပါအဝင် သေဆုံးသူ ၃၄ ဦး ရှိလာပြီဖြစ်ကြောင်း ဒေသခံသတင်း ရင်းမြစ်များက ပြောသည်။

သေဆုံးသူများထဲ ၃ လသားအရွယ် ကလေးငယ်တဦး၊ ကိုယ်ဝန်ဆောင်အမျိုးသမီးတဦး ပါဝင်ခဲ့ပြီး Mrauk-U Youths Association-MUYA မှ စေတနာ့လုံခြုံရေးဝန်ထမ်းအဖြစ် လုပ်အားပေးနေသူ ၄ ဦးလည်း ပါဝင်ကြောင်း၊ အများစုမှာ မြောက်ဦး၊ မြေပုံ၊ ကျောက် တော်နှင့် ပုဏ္ဏားကျွန်းတို့မှ ဆေးကုသမှုခံယူနေကြသည့် လူနာများနှင့် လူနာစောင့်များ ဖြစ်ကြောင်း သိရသည်။

သေဆုံးသူများအနက် အချို့မှာ မိသားစုဝင် ၃ ဦးမှ ၅ ဦးထိ အစုလိုက်သေဆုံးမှုများရှိသလို ရုပ်အလောင်းများအား ယနေ့အချိန်ထိ ရှာမတွေ့ကြသေးသူများလည်းရှိကြောင်း သိရသည်။

ဓာတ်ပုံ - ဧရာဝတီ

မြောက်ဦးဆေးရုံကို ဗုံးကျဲ တိုက်ခိုက်ခဲ့သော ပြစ်မှုကျုးလွန်သူ ၊ ကျူးလွန်ရန် စေခိုင်းသူ နှင့် ပါဝင်ပတ်သက် သူများကို ပြင်းထန်စွာ လက်တုံ့ပြန်မည်ဟု AA ထုတ်ပြန်

■ စစ်တပ်၏ လုပ်ရပ်သည် "အဆိုးဝါးဆုံး၊ အပြင်းထန်ဆုံးသော စစ်ရာဇဝတ်မှုကြီးတစ်ခု” ဟု AA ပြောဆို

ရန်ကုန်၊ ဒီဇင်ဘာ ၁၁

ရခိုင်ပြည်နယ်၊ မြောက်ဦးဆေးရုံကို ဗုံးကျဲ တိုက်ခိုက်ခဲ့သော ပြစ်မှုကျုးလွန်သူ ၊ ကျူးလွန်ရန် စေခိုင်းသူ နှင့် ပါဝင်ပတ်သက် သူများကို ပြင်းထန်စွာ လက်တုံ့ပြန်မည်ဟု AA က ယနေ့ ဒီဇင်ဘာလ ၁၁ ရက်နေ့တွင် ထုတ်ပြန်ကြေညာလိုက်သည်။

ဒီဇင်ဘာလ ၁၀ ရက်နေ့ (အပြည်ပြည်ဆိုင်ရာလူ့အခွင့်အရေးနေ့) ၊ ည ၉ နာရီ ၁၃ မိနစ်ခန့်တွင် မြောက်ဦးမြို့၊ ထမ္မရာဇ်ရပ်ကွက်ရှိ မြောက်ဦး ပြည်သူ့ဆေးရုံကြီးကို ဖက်ဆစ် အကြမ်းဖက် စစ်ကော်မရှင်က တမင်တကာ ရည်ရွယ်ချက်ရှိရှိဖြင့် ဂျက်ဖိုက်တာ ၁ စီးပေါ်မှ ဖျက်အားပြင်း ပေါင် ၅၀၀ ဗုံး ၂ လုံးဖြင့် အကြမ်းဖက် ကျဲချ တိုက်ခိုက်ခဲ့ခြင်းဖြစ်ကြောင်းသိရသည်။

ထိုကဲ့သို့ ဗုံးကျဲ တိုက်ခိုက်ခံခဲ့ရသောကြောင့် ပြည်သူ့ဆေးရုံဝင်းအတွင်းရှိ ဆေးရုံပင်မဆောင်ကြီး၊ ခွဲစိတ်ဆောင်၊ အရိုးဆောင်၊ အဓိက ခွဲစိတ်ခန်းမ အပါအဝင် ဆေးရုံဝင်းအတွင်းရှိ ဝန်ထမ်းအိမ်ရာ အစရှိသော မြောက်ဦးပြည်သူ့ဆေးရုံကြီး တစ်ခုလုံးနီးပါး ပျက်စီးဆုံးရှုံးခဲ့ရပြီး ဆေးရုံပတ်ဝန်းကျင်ရှိ လူနေအိမ် အဆောက်အအုံအချို့ပါ ထိခိုက်ပျက်စီးခဲ့ကြောင်း သိရှိရသည်။

ဖက်ဆစ် အကြမ်းဖက် စစ်ကော်မရှင်၏ ဗုံးကြဲ တိုက်ခိုက်မှုဖြစ်စဉ်၌ ဆေးရုံအတွင်း ဆေးကုသခံယူ နေကြသော အပြစ်မဲ့အရပ်သားပြည်သူများ၊ ၃ လသားအရွယ် မိန်းကလေး ၁ ဦးအပါအဝင် အမျိုးသား ၁၆ ဦး၊ အမျိုးသမီး ၁၇ ဦး စုစုပေါင်း ၃၃ ဦး ပွဲချင်းပြီး သေဆုံးခဲ့ကြောင်း၊ အခြားသော ဆေးကုသမှုခံယူနေကြသည့် ကိုယ်ဝန်ဆောင် အမျိုးသမီးများ၊ သက်ကြီးရွယ်အိုများနှင့် ကလေးသူငယ်များအပါအဝင် အပြစ်မဲ့အရပ်သားပြည်သူ ၇၆ ဦးတို့မှာလည်း ထိခိုက်ဒဏ်ရာများရရှိခဲ့ကြောင်း၊ ထိုသို့ ဒဏ်ရာရရှိခဲ့သူများအထဲတွင် အာရက္ခပြည်သူ့ကျန်းမာရေးဝန်ထမ်း အချို့လည်း ပါဝင်ခဲ့ကြောင်း သိရသည်။

မြောက်ဦးခရိုင်အတွင်းရှိ မြောက်ဦးပြည်သူ့ဆေးရုံကြီးသည် အာရက္ခဒေသအတွင်း နေထိုင်ကြသည့် လူမျိုး၊ ဘာသာမရွေး ဆေးကုသပေးနေသော အာရက္ခပြည်သူလူထု အားကိုးအားထားအပြုရဆုံး ဆေးရုံကြီးတစ်ရုံ ဖြစ်ကြောင်း၊ အခြားတစ်ဖက်တွင် ဖက်ဆစ် အကြမ်းဖက် စစ်ကောင်မရှင်နှင့် အာရက္ခတပ်တော်တို့ နှစ်ချီတိုက်ပွဲများ ဖြစ်ပွားကာ ယနေ့အချိန်အထိ တိုက်ပွဲများပြင်းထန်နေသည့်ကာလ၊ ဖက်ဆစ်အကြမ်းဖက် စစ်ကော်မရှင်၏ လူသားချင်း စာနာထောက်ထားမှုဆိုင်ရာအကူအညီများအပါအဝင် အခြေခံဆေးဝါးများ ပိတ်ဆို့ဖြတ်တောက် ခံထားရသည့်ကာလ၊ အိမ်နီးချင်းနိုင်ငံများမှ ဆေးဝါးများ အလွယ်တကူ ဝယ်ယူမရရှိနိုင်သည့်ကာလများနှင့် အခက်ခဲအကြမ်းတမ်းဆုံး အချိန်ကာလများကို သိမ်မွေ့စွာဖြတ်သန်းနေရသောကာလလည်း ဖြစ်ကြောင်း သိရှိရသည်။

ထိုသို့ အခက်အခဲမျိုးစုံကြားမှ အရပ်သား ပြည်သူများကို လူမျိုး၊ ဘာသာမရွေး ပြည်သူ့ကျန်းမာရေး ဝန်ဆောင်မှုပေးနေသည့် မြောက်ဦးပြည်သူ့ဆေးရုံကြီးကို တမင်တကာ ရည်ရွယ်ချက်ရှိရှိဖြင့် လေကြောင်းမှ အကြမ်းဖက် ဗုံးကျဲတိုက်ခိုက်ခဲ့သည့် စစ်ကော်မရှင်၏ လုပ်ရပ်သည် လွန်စွာ စက်ဆုပ်ရွံရှာဖွယ် အကြမ်းဖက်လုပ်ရပ် ဖြစ်သည်သာမက အာရက္ခဒေသအတွင်း ဖက်ဆစ် အကြမ်းဖက် စစ်ကောင်မရှင် ကျူးလွန်သည့်အထဲ “အဆိုးဝါးဆုံး၊ အပြင်းထန်ဆုံးသော စစ်ရာဇဝတ်မှုကြီးတစ်ခု” ၊ “အပြစ်မဲ့အရပ်သားပြည်သူများ အစုလိုက်အပြုံလိုက် ထိခိုက် ဒဏ်ရာရ၊ သေဆုံးမှုအများဆုံးဖြစ်စဉ်တစ်ခု" လည်း ဖြစ်ကြောင်း AA က ပြောဆိုထားသည်။

ရက္ခိုင်အမျိုးသားအဖွဲ့ချုပ်/ အာရက္ခတပ်တော်သည် မြန်မာနိုင်ငံတွင်ဖြစ်ပွားလျက်ရှိသော ပြည်တွင်းစစ် ပဋိပက္ခ၊ နိုင်ငံရေးပြဿနာများကို နိုင်ငံရေးနည်းလမ်းအရ ငြိမ်းချမ်းစွာဖြေရှင်းနိုင်မှ ပြေလည်နိုင်မည်ဟု နားလည် လက်ခံထား‌ကြောင်း၊ သို့သော်လည်း နိုင်ငံရေးအရ မဖြေရှင်းနိုင်သေးသည့် အခြေအနေနှင့် အဖြေရှာရန် လမ်းစမရသေးသော အခြေအနေများအောက်တွင် စစ်ရေးအရ မလွှဲမရှောင်သာ လုပ်ဆောင်နေရသော်လည်း နိုင်ငံတကာ စစ်ဥပဒေအတိုင်း လိုက်နာပြီး အရပ်သားပြည်သူလူထုများ ထိခိုက်နစ်နာစေမည့်လုပ်ရပ်များကို အတတ်နိုင်ဆုံး ရှောင်ရှားလျက်ရှိကြောင်း AA က ဆက်ပြောဆိုထားသည်၊

ထို့ပြင် စစ်အတွင်း လိုက်နာကျင့်သုံးရမည့် စစ်ကျင့်ဝတ်များကို တပ်ဖွဲ့ဝင်များကို တိကျစွာ လမ်းညွှန်ထားပြီး လိုက်နာကျင့်သုံးလျက်ရှိကြောင်း၊ စစ်သားအချင်းချင်းတိုက်ခိုက်သည်မှာ စစ်၏သဘောသဘာဝအရ ပြောစရာမလိုသော်လည်း အရပ်သားပြည်သူလူထုများရှိရာ မြို့၊ ရွာများနှင့် ပြည်သူ့ဆေးရုံကြီးများကို တမင်တကာ ရည်ရွယ်ချက်ရှိရှိတိုက်ခိုက်ပြီး အပြစ်မဲ့ပြည်သူများ အစုလိုက်၊ အပြုံလိုက် သေစေနိုင်သော လေကြောင်းဖြင့် ဗုံးကျဲ တိုက်ခိုက်မှုမျိုးမှာ ယဉ်ကျေးသော ကမ္ဘာကြီးနှင့် လူ့အသိုင်းအဝိုင်းက မည်သို့မျှ လက်သင့်ခံ၍ မရနိုင်သော အကျည်းတန် စက်ဆုပ်ရွံရှာဖွယ် လုပ်ရပ်များပင်ဖြစ်ကြောင်း ထုတ်ပြန်ချက်တွင် ဖော်ပြထားသည်။

"ယခုကဲ့သို့ အများပြည်သူပိုင် ဆေးရုံ၊ ဆေးခန်းများ၌ ဆေးကုသမှုခံယူနေကြသော အပြစ်မဲ့ အရပ်သား ပြည်သူများအပေါ် ပြစ်မှုကျူးလွန်ခံရခြင်းနှင့်ပတ်သက်၍ တရားမျှတမှုရရှိရေးအတွက် ရက္ခိုင်အမျိုးသားအဖွဲ့ချုပ် အနေဖြင့် တရားမျှတမှုကို ချစ်ခင်မြတ်နိုးသော လူပုဂ္ဂိုလ်၊ အဖွဲ့အစည်းများနှင့်ပူးပေါင်းကာ တရားမျှတမှု ရရှိသည်အထိ ဆောင်ရွက်သွားမည် ဖြစ်သကဲ့သို့ ပြစ်မှုကျုးလွန်သူ၊ ကျူးလွန်ရန် စေခိုင်းသူနှင့် ပါဝင်ပတ်သက် သူများအား ပြင်းထန်စွာ လက်တုံ့ပြန်သွားမည် ဖြစ်ပါသည်" ဟု AA ၏ ထုတ်ပြန်ချက်တွင် ဖော်ပြထားသည်။

အာရက္ခဒေသ အပါအဝင် မြန်မာနိုင်ငံအနှံ့မှ အပြစ်မဲ့ အရပ်သားပြည်သူများကို ယခုကဲ့သို့ နေ့စဉ်ရက်ဆက် တမင်တကာ ရည်ရွယ်ချက်ရှိရှိ အဓိက ပစ်မှတ်ထားတိုက်ခိုက်နေသော ဖက်ဆစ် အကြမ်းဖက် စစ်ကော်မရှင်၏ စစ်ရာဇဝတ်မှုနှင့် လူသားမျိုးနွယ်အပေါ် ပြစ်မှုကျူးလွန်နေမှုများကို နိုင်ငံတကာအနေဖြင့် လက်ပိုက်ကြည့်မနေဘဲ ဝိုင်းဝန်းထိန်းကျောင်းပေးကြပါရန် အားကိုးစွာဖြင့် အကူအညီတောင်းခံအပ်ကြောင်း၊ ဤကဲ့သို့တိုက်ခိုက်မှုကြောင့် အသက်ဆုံးရှုံးခဲ့ကြသော အပြစ်မဲ့ အရပ်သား ပြည်သူလူထုများအတွက် တရားမျှတမှုရရှိစေရန်နှင့် ကျူးလွန်ခဲ့သောသူများကို ထိထိရောက်ရောက် အရေးယူ အပြစ်ပေးနိုင်ရန်ကိုလည်း မတရားကျူးလွန်ခံခဲ့ရသော သူများကိုယ်စား ရက္ခိုင်အမျိုးသားအဖွဲ့ချုပ်မှ နိုင်ငံတကာနှင့် ကမ္ဘာ့နိုင်ငံကြီးများ၊ အိမ်နီးနားချင်းနိုင်ငံများထံသို့ တလေးတစား အကူအညီတောင်းခံအပ်ကြောင်း ပြောဆိထားသည်။

၂၀၂၃ ခုနှစ်၊ နိုဝင်ဘာလ ၁၃ ရက်နေ့မှ ၂၀၂၅ ခုနှစ်၊ နိုဝင်ဘာ‌လ ၁၃ ရက်နေ့အထိ ၂ နှစ်တာ ကာလများအတွင်း ဖက်ဆစ် အကြမ်းဖက် စစ်ကော်မရှင်သည် အာရက္ခဒေသအတွင်း၌ စစ်ဘက်ဆိုင်ရာ ပစ်မှတ်များမဟုတ်သော အပြစ်မဲ့အရပ်သားပြည်သူလူထုများ နေထိုင်၊ သွားလာလှုပ်ရှားရာ အရပ်ဘက်နေရာ များသို့ တမင်တကာ လေကြောင်း တိုက်ခိုက်မှုများအပါအဝင် လူ့အခွင့်အရေးချိုးဖောက်မှုများကြောင့် အပြစ်မဲ့ အရပ်သားပြည်သူ ၁၁၅၂ ဦး သေဆုံးခဲ့ရပြီး ၂၁၅၃ ဦး ထိခိုက်ဒဏ်ရာရရှိခဲ့ကာ မတရား ဖမ်းဆီးခံခဲ့ရသူ ၁၀၃၄ ဦးအထိ ရှိခဲ့ကြောင်း၊ ၂၀၂၅ ခုနှစ်၊ ဇန်နဝါရီလ ၃ ရက် မှ နိုဝင်ဘာလ ၂၈ ရက်နေ့ထိ တစ်နှစ်တာနီးပါးကာလအတွင်း ဖက်ဆစ် အကြမ်းဖက် စစ်ကော်မရှင်က စစ်တွေ၊ ပေါက်တော၊ ရသေ့တောင်၊ ပုဏ္ဏားကျွန်း၊ ကျောက်တော်၊ မင်းပြား၊ မြောက်ဦး၊ အမ်း၊ တောင်ကုတ်၊ ရမ်းဗြဲ၊ ကျောက်ဖြူ၊ ဂွမြို့နယ်နှင့် ပလက်ဝ တို့တွင် လူ့အခွင့်အရေးချိုးဖောက်မှု၊ လူသားမျိုးနွယ်အပေါ် ပြစ်မှုကျူးလွန်မှု၊ စစ်ရာဇဝတ်မှုမြောက်သော လေကြောင်းတိုက်ခိုက်မှု ၉၂ ကြိမ် ပြုလုပ်ခဲ့ကြောင်း၊ ထိုသို့တိုက်ခိုက်ခဲ့မှုကြောင့် အပြစ်မဲ့ အရပ်သားပြည်သူ ထိခိုက်ဒဏ်ရာရရှိသူ စုစုပေါင်း ၅၀၂ ဦး၊ သေဆုံးသူ စုစုပေါင်း ၁၉၂ ဦး နှင့် လူနေအိမ် စုစုပေါင်း ၅၉၆ လုံး ပျက်စီးဆုံးရှုံးခဲ့ကြောင်း ထုတ်ပြန်ချက်တွင် ဖော်ပြထားသည်။

မြောက်ဦး ပြည်သူ့ဆေးရုံဖြစ်စဥ်က တော်တော်လေးကို အခြေအနေဆိုးပါတယ်။ ကျနော်တို့သတင်းထောက် မြင်တွေ့ခဲ့ရတာ ပြန်ပြောပြတယ်။ နားထောင်ရင်းကို အဆင်မပြေဘူး။ တော်တော်ဆိုးဝါးပါတယ်ဗျာ။

အမေ့ဗိုက်ထဲကထွက်တာ တစ်ရက်နှစ်ရက်ပဲရှိသေးတဲ့ ကလေးငယ်လေးကအစပါသွားတယ်။ အချို့မိသားစုတွေ တစ်စုလုံးနီးပါး ပါသွားတယ်။ ကျန်ရစ်တဲ့မိသားစုဝင်ဆိုရင် ရူးမတတ်ပဲတဲ့။ အချို့ကသေဆုံးတဲ့အထဲပါတယ်။ အချို့ကဒဏ်ရာရလို့ အခြားနေရာမှာ ကုသနေရတယ်။ အချို့က အခုထိပျောက်နေတုန်းပဲ။ ကျန်ခဲ့တဲ့မိသားစုဝင်က အသုဘပဲလုပ်ရမှာလား၊ ဒဏ်ရာရသူကိုပဲ ပြုစုကုသရမှာလား၊ ပျောက်ဆုံးနေသူကိုပဲ မျက်ရည်အရွှဲသားနဲ့ လိုက်ရှာရမှာလား မသိလောက်အောင်ပါပဲတဲ့။

လက်ရှိက အတည်ပြုလို့ရတဲ့အရေအတွက်ပဲရှိသေးတယ်။ အစအနပျောက်သွားတာတွေ အခုထိမတွေ့သေးတာတွေ ရှိသေးတယ်။ DB ကိုတောင် မနည်းခွဲခြားပြီး မိသားစုတွေက အတည်ပြုနေရတယ်။

ဟိုဘက်ကကောင်တွေပြောသလို ဘာAA စစ်သားမှ ဆေးရုံမှာမရှိဘူး။ အားလုံးက အရပ်သားပြည်သူတွေချည်းပဲ။

ဒီလိုလုပ်ရပ်နဲ့ပတ်သတ်လို့ ပြင်းပြင်းထန်ထန်တုံ့ပြန်မယ်ဆိုပြီး AA ကတော့ ပြောလာတယ်။ အပြောမဟုတ်ဘူးဆိုတာလည်း သေချာတယ်။ ဒီလိုစစ်ရာဇဝတ်မှုတွေကိုလည်း ကျယ်ကျယ်ပြန့်ပြန်ထုတ်ဖော်ရမယ်။

ဒီလုပ်ရပ်မှာ စကစဘက်က အကုန်တာဝန်ရှိတယ်။ အကုန်လုံးကို တာဝန်ရှိတယ်။ သိသိရက်နဲ့ မိုက်ရိုင်းတဲ့ကောင်တွေ။

ဆေးရုံဟာ ပြန်လည်ထူထောင်ဖို့အတွက်ကို မလွယ်ကူတော့ဘူး။ ဒေသတွင်း ကျန်းမာရေးအခက်ခဲတွေ ပိုမိုပြီး ကြုံရနိုင်ခြေရှိလာတယ်တဲ့။

Htet Myat