UMA Labarik Sta.Rafaela Naroman

Atividade Vizita Uma.

Semana kotuk, ekipa Naroman halo vizita ba Partisipante tuan hodi rekonekta fila fali ho familia Sira ne’ebe antes partisipa iha Naroman nia programa nutrisaun.

Durante Vizita, halo monitoriza ba Labarik Sira Nia Kresimentu liu husi tetu todan, altura, LILA no spot vision screening (screening matan). Vizita follow-up ida ne’e Objetivu atu ajuda ita komprende no hatene Labarik Sira Nia Kresimentu no Bem estar liu husi mantein koneksaun ho Sira nia familia. Ami Nia agradese ba Inan Aman ba Kooperasaun diak.

“Informasaun kona-ba Ai-han Grupu 3 no Merenda ai-han lokal inovativu ba Labarik “

Iha sexta-feira Semana kotuk ekipa Nutrisaun husi Naroman Kontinua Prepara no fo Merenda saudavel ba Labarik Sira “Klepon Fehuk midar Roxu”.

Fehuk midar roxu mak ai-han ida nebe pretense ba ai-han fo forsa natural no fasil atu hetan iha Merkadu no toos. Riku ho Nutriente barak hanesan: Vitamina C, A, B6, Kalsiu, proteina no antioxidante nebe diak ba isin lolon. Atu konvense Labarik Sira han Fehuk midar ho maneira oi-oin tenke Koko halo reseita Fehuk midar ho variedade seluk hanesan : “klepon Fehuk midar roxu” uza kor natural husi Fehuk roxu. Tenpu hanesan ekipa mos nafatin fo hanoin ba Labarik Sira kona ba inportansia husi balansu ai-han grupu 3: ai-han fo forsa, haburas no fo protesaun. No Labarik Sira mos Halimar jogu “Sugoroku” hodi aprende oinsa atu Kuidadu bee, preserva Udan been no kuidadu ambiente.

“Labarik saudavel , Nasaun Saudavel”

“Informasaun kona-ba Ai-han Grupu 3 no Merenda superfood: Marungi ba Labarik “

Iha Kinta-feira Semana kotuk ekipa Nutrisaun husi Naroman Kontinua Prepara no fo Merenda saudavel ba Labarik Sira “Paun Marungi”.

Marungi mak ai-han majiku ida ne’ebe moris lalais iha ita Nia Uma Sorin-sorin no fasil atu hetan. Hanaran superfood Tanba marungi iha Nutriente barak hanesan: Vitamina A, B no C, Kalsiu, proteina no zinku nebe iha knar inportante atu halo ita Saude diak no forte no bele prevene Malnutrisaun. Marungi bele han Kahur ho ai-han oi-oin. Atu konvense Labarik Sira han marungi tenke Koko halo reseita marungi ho variedade seluk hanesan : Paun marungi no seluk tan. Iha tenpu hanesan ekipa mos nafatin fo hanoin ba Labarik Sira kona ba inportansia husi balansu ai-han grupu 3: ai-han fo forsa, haburas no fo protesaun.

“Labarik saudavel , Nasaun Saudavel”

Atividade Asesamentu no Edukasaun Nutrisaun📗
🍅

Semana kotuk iha loron Sabadu 20/06/2026, Ekipa nutrisaun husi Naroman ho susesu halao avaliasaun nutrisaun, formasaun nutrisaun no lee livru konta istoria nutrisaun ba estudante eskola primaria são João de Brito iha Liquiça Bazartete husi klase 1-6.

Labarik sira simu formasaun kona-ba “Balansu Ai-han” hanesan ai- han Grupu3 ho nia funsaun: ai-han fo forsa atu fo forsa ba ita nia isin, ai-han haburas atu halo kresimentu ba isin no ai-han protesaun atu proteje isin husi moras oi-oin, “inportansia husi matabixu dader no hemu bee”. Iha tempu hanesan ekipa mos halo asesamentu nutrisaun liu husi sukat antropometria ( todan no altura) check nehan, no fahe eskova no pasta nehan ba labarik sira.

Ami mos Kontente no Agradese ba kolaborasaun husi voluntariu JICA ne’ebe lee livru konta Istoria Nutrisaun nian ba labarik sira. Labarik sira kontent atu rona no hola parte durante sesaun hotu.

Antusiasmu husi labarik Sira Nia participasaun hatudu katak edukasaun nutrisaun inportante no ajuda labarik sira atu sai boot, aprende no esforsu.

Ami Nia Agradese ba professor/a hotu iha eskola, estudante no parseiru hotu.

Iha Loron 12/06/2026, Ekipa Nutrisaun husi Naroman Kontinua halo Atividade Nutrisaun ba Labarik free school husi “Uma Labarik Santa Rafaela “ hodi esplika ba sira kona ba inportansia husi ai-han Grupu 3 ba ita Nia isin lolon hanesan: han ai-han fo forsa: ai-farina, foos, Fehuk midar, talas, batar atu fo forsa ba isin lolon hodi iha forsa atu halo servisu no halimar, ai-han haburas: naan, naan manu, Manu tolun, koto, fore mungu, Tempe, Tahu, susubeen, ikan atu halo Kresimentu ba isin lolon no ai-han fo protesaun: modo tahan no ai-fuan sira atu proteje isin husi moras oi-oin.
Alein de ida ne’e Labarik sira mos han Merenda ne’ebe ekipa prepara “Sasoro foos rai kahur marungi no naan karau rahun”. Uja ai-han lokal ne’ebe fasil atu asesu iha Uma toos rasik no Merkadu.
Labarik Saudavel nasaun Saudavel.

Iha Semana ida ne’e ekipa Nutrisaun husi Naroman halao Aktividade importante sira hodi Kontinua suporta Saude no Bem star Labarik sira nian Iha komunidade liu husi halo vizita ba Partisipante Tuan sira nebe uluk Partisipa Iha Naroman Nia Atividade nutrisaun no ekipa mós Kontinua kolabora ho Uma Labarik Santa Rafaela hodi halo avaliasaun Nutrisaun ba Labarik husi free school ho idade Tinan

Ami mos iha pajina Tik Tok , ajuda follow atu bele Hatene Ami Nia Atividade Nutrisaun nebe halao ho Labarik sira husi free school “Uma Labarik Santa Rafaela “.

TikTok · Naroman NPO🌞 Check out Naroman NPO🌞’s video.

“Atividade Hijene Liman & Edukasaun Nutrisaun “

Iha loron sexta-feira 29/05/2026, Ekipa Nutrisaun husi Naroman halao atividade hijene liman no edukasaun hanesan demonstrasaun tein ho Labarik Sira husi free school “Uma Labarik Santa Rafaela”.

Atividade Hahu hó aprende kona-ba mikroorganismu no inportansia husi fase Liman ho lolos. Utiliza hand hygiene kits, Labarik Sira hare oinsà bakteria hela iha ita Nia liman no pratika kedas etapa fase liman lolós atu prevent moras no kontaminasaun.
Depois Ami Kontinua kedas ho demonstrasaun tein uza ingrediente lokal ne’ebe fresku hanesan “fehuk midar ungu” hodi halo dosi. Ida ne’e hatudu ba Labarik Sira katak ai-han saudavel bele sai hanesan kreatividade no halo husi ai-han lokal.

Liman moos + Ai-han nutritivu = Moris Saudável.

Iha sexta feira Horseik no Semana Ida liu ba, ekipa Nutrisaun husi NAROMAN, halo sesaun badak edukasaun nutrisaun kona-bá ai-Han Grupu 3: ai-han fó forsa, ai-han haburas no ai-han fo protesaun, liu-liu ai-han protesaun ba Labarik free school iha “Uma Labarik Santa Rafaela”.
Inportansia husi han ai-han protesaun hanesan modo tahan no ai-fuan atu halo isin sai saudavel, forte no protezidu husi moras tanba modo tahan no ai-fuan riku ho vitamina no mineral atu suporta kresimentu no imunidade. Depois de sesaun remata Ami fó ba sira merenda saudavel : “salada ai-fuan” no “bolu senoura”, hodi Koko introduz ba Labarik atu han modo tahan no ai-fuan ho maneira interesante no bele harí ábitu han ai-han saudavel.

Husi pasu kikoan bele harí futuru ne’ebé saudavel ba ita Nia Oan.

Workshop nutrisaun no atividade demonstrasaun tein ba labarik sira ho topiku "xave 5 ba hahan seguru"

ohin loron 17／04／2026 ekipa nutrisaun husi NAROMAN NPO halo Workshop nutrisaun ba labarik sira ho topiku "xave 5 ba hahan seguru" ho objetivu atu hanorin labarik sira oinsa atu prepara hahan rasik iha Uma ho seguru no dook husi kontaminasaun bakteria hodi prevene ita husi moras．Laos deit ida ne’e ami mos aprende Kona ba grupu 3 husi aihan hanesan aihan fo forsa , aihan haburas no aihan protesaun ．
Ami mos pratika kedas fase liman tuir etapa ne’ebe Los no tein hamutuk liu husi demonstrasaun tein ho reseita "pancake senoura no hudi tasak" ne’ebe fasil atu labarik sira koko iha uma.
labarik mak futuru nasaun nian, Labarik saudavel nasaun mos sai saudavel.UMA Labarik Sta.Rafaela Naroman