Shwe Thu’s World

marketing ပညာဆိုလဲ တကူးတကသင်ယူစရာမလိုအောင် ပါရမီရှိသူလို့လဲ မြင်မိတယ်။ သူ့ video တွေများ view တွေအများကြီး။ ကြိုးစားရိုးသားဂုဏ်ဖြင့် ဝင်ငွေတွေပိုကောင်းပါစေ

အခုခေတ်မှာ တစ်ယောက်နဲ့တစ်ယောက် ယုံကြည်ဖို့တောင် ခက်လာတဲ့အချိန်မှာ ကိုယ့်အိမ်ထဲဝင်ပြီး အလုပ်လုပ်ပေးရတဲ့ အလုပ်မျိုးဆို ပိုပြီးတော့ ယုံကြည်မှုလိုပါတယ်။

အခု ပြောချင်တာကတော့ ရန်ကုန်မြို့က သစ်ပင်ခုတ်သမား ကိုမောင်မြ ရဲ့ ရိုးသားမှုလေးပါ။

ရေညှိတွေ အရမ်းများပြီး ခက်ခက်ခဲခဲတက်ခုတ်ရတဲ့ ရေစင်ပေါ်က ညောင်ပင်ကြီး ၂ ပင်ကို ကိုမောင်မြက ခု-//တ်ပေးခဲ့ပါတယ်။

အလုပ်ပြီးလို့ အိမ်ရှင်ဘက်က ငွေ ၃ သောင်းပေးတဲ့အခါ “ဒါက များပါတယ်၊ မယူပါဘူး” ဆိုပြီး ၇ ထောင်ပဲ လက်ခံယူခဲ့တယ်လို့ သိရပါတယ်။

အဲဒီမှာတင် ကိုမောင်မြရဲ့ ရိုးသားမှုကို မြင်ရပါတယ်။

အလုပ်အခကို အဆမတန်တောင်းပြီး ရသလောက်ယူမယ့်အစား ကိုယ်လုပ်ခဲ့တဲ့အလုပ်နဲ့ ထိုက်တန်တဲ့ပမာဏကိုပဲ ယူခဲ့တာပါ။

နောက်ထပ် သဘောကျစရာကောင်းတာတစ်ခုကတော့ “နောက်ပိုင်း သစ်ပင်တွေ ပေါက်လာရင် ကျနော့်ကို ခေါ်ခုတ်ပါ” လို့ ပြောခဲ့တာပါတဲ့။

တစ်ခါလာပြီး အလုပ်လုပ်ပေးပြီး ငွေယူသွားတာထက် အိမ်ရှင်ရဲ့ ယုံကြည်မှုကို ရေရှည်တည်ဆောက်သွားတဲ့ပုံစံ ဖြစ်နေပါတယ်။

ဒါ့အပြင် ကိုမောင်မြဟာ အိမ်ပိုင်ရှင်တွေရဲ့ အိမ်ထဲအထိ ဝင်ရောက်လုပ်ကိုင်ရတာဖြစ်လို့ အိမ်ပိုင်ရှင်ရဲ့ ယုံကြည်မှုရအောင် လုပ်ဆောင်ထားတာကလည်း အတုယူစရာပါ။

သူ့ရဲ့ Smart Card၊ မှတ်ပုံတင်၊ ယာဉ်မောင်းလိုင်စင် တွေကို ပိုင်ရှင်ထံ အပ်နှံပြီးမှ အလုပ်လုပ်တာ ဖြစ်လို့ အိမ်ပိုင်ရှင်တွေဘက်ကလည်း ယုံကြည်စွာ အလုပ်တွဲလုပ်နိုင်တာပါ။

အခုလို လူတစ်ယောက်နဲ့တစ်ယောက် ယုံကြည်ဖို့ ခက်လာတဲ့ခေတ်မှာ ရိုးသားမှု + တာဝန်ယူမှု + ယုံကြည်မှု ဆိုတာ တန်ဖိုးရှိတဲ့ အရာတွေဖြစ်လာပါပြီ။

ကိုမောင်မြကတော့ အလုပ်တစ်ခုကနေ ငွေရဖို့ထက် “ဒီလူကို နောက်တစ်ခါလည်း ယုံပြီးခေါ်လို့ရတယ်” ဆိုတဲ့ ယုံကြည်မှုတစ်ခုကို ရယူသွားနိုင်ခဲ့တာပါ။

ရိုးသားတဲ့လူကို လူတွေက မှတ်မိတယ်။
ယုံကြည်ရတဲ့လူကိုတော့ နောက်တစ်ခါ ပြန်ခေါ်ကြပါတယ်။

စကားပြောကောင်းတာက
အရည်အချင်းနဲ့ဆိုင်ပြီး

စကားကောင်းပြောတာက
စိတ်ရင်းနဲ့ဆိုင်ပါတယ်…



ဟုတ်လိုက်တာလို့ ထောက်ခံရင်း ပုံလေးတင်မယ်☺️