Makeup Naya

في شغلات بتعمليها بالحاجب…
بس النتيجة بتظهر عالوجه كلو.🩷

اللامنيشن بالنسبة إلي مو «نرفع الشعرة وخلص» 😌
هي دراسة لشكل الحاجب، اتجاه الشعر، قياس العين، وتفاصيل الوجه… لحتى نطلع بنتيجة بتشبهك وبتزيد جمالك، مو تغيّر ملامحك.

والأحلى؟
إنو كل مرة بشوف النتيجة بقول:
«إيه… كرمال هيك بحب اللامنيشن!» 😂🩷

وبين كل هالحواجب اللي عم تمرق من عندي هالفترة…
واضح إنو الصبايا صاروا يعرفوا الفرق بين لامنيشن عادي ولامنيشن معمول بإيد بتعرف شو عم تعمل. 😉

إذا حواجبك محتاجة هاللمسة،
احجزي موعدك بكير… لأنو المواعيد عم تنحجز قبل ما ألحق قول “مين بعدها؟” 😂🩷🤲🏻

Makeup Naya

في حواجب بتفوت لعندي عالصالون وهي مفكرة حالها جاية تعمل «تنضيف»…(الحواجب هاااا)
وبتطلع مكتشفة إنو كان عندها مشروع كامل بحاجة لإدارة 😂

هالحواجب كانت كثيفة…
يعني من الآخر: المادة الخام موجودة وبوفرة 😂
بس الترتيب؟
كل حاجب كان عايش حياتو الخاصة وما إلو علاقة بغيرو !

والأهم… إنو الكثافة الحلوة ما كانت عم تخدم ملامح الوجه، بالعكس كانت عاطية الملامح قساوة أكتر من اللازم.

فما خففتلها الحاجب لمجرد إني بدي فرجي شغل الملقط…
أنا اشتغلت على الرسمة اللي بتليق فيها هي.

ملقط فقط.
لا سحر، لا فوتوشوب، ولا اختراع حاجب جديد 😂🩷

والنتيجة بعد التنضيف لحالها؟
أنا شخصياً بحب هاللحظة… لما الحاجب يرتب حالو فجأة وبتحسي الوجه قال:
«شكراً… هيك كنت ناطر!» 😂

واللامنيشن؟
إلو قصة تانية…
لما يكون الحاجب بحاجة إلو، بيجي كلمسة أخيرة وبيعطي ترتيب أكتر وملامح أنعم.

بس أنا ما بعمل لامنيشن لكل حدا.
لأن خبرتي مو إنو أعرف أعمل لامنيشن وبس…
خبرتي إني أعرف إيمتى أعملو وإيمتى الملقط لحالو بيكون كافي.

ويمكن أكتر شي بفتخر فيه بشغلي؟
إني خلال كل هالسنين ولا مرة خذلت ثقتي بحالي ولا ثقة زبوناتي فيني.
كل صبية بتقعد عكرسيي، بتقوم وهي حاسة إنو اختيارها إلي كان بمحلو.🩷

فإذا حواجبك كثيفة ومخربطة، لا تستعجلي تقولي:
«بدي لامنيشن!» 😂

خليني أول شوفها…
يمكن القصة كلها بتنحل بـ ملقط وخبرة. ✨

@أبرز المعجبينMakeup Naya

«الفراغ بنص الحاجب رغم كثافة الحاجب كان واضح… بس ما احتجت لا رسم ولا تعبئة ولا حتى شعرة زيادة. ✨
بالملقط فقط رجّعت للحاجب شكلو، وخليت الفراغ يختفي بين تفاصيلو.»

@أبرز المعجبينMakeup Naya

«أول مرة بساوي حواجبي… وما بخلي حدا يقرب عليهن»🩷

هيدي الجملة سمعتها من صبايا كتير إجوا لعندي،
واليوم سمعتها من صبية جامعية لأول مرة بحياتها بتسلّم حواجبها لحدا.

ويمكن بالنسبة لغيري تكون جملة عادية…
بس أنا؟ ما بتصدقوا اديش بتعنيلي. 🥹

لأن وراها ثقة كبيرة…
إنك تكوني أول حدا اختارتو الصبية ليغيّر شكل حواجبها،
وهي مطمّنة إنك رح تفهمي ملامحها وتحافظي على جمالها الطبيعي.

شوفوا الفيديو قبل وبعد…
وشوفوا التفاصيل الصغيرة اللي صنعت هالفرق الكبير. ✨

مو بس حواجب مرتبة…
هي حواجب مدروسة، مرسومة لتليق فيها هي.🩷

وهالثقة بالنسبة إلي…
أجمل من أي نتيجة.

@أبرز المعجبينMakeup Naya

أوقات… حتى أنا بنصدم من شغلي! 😳

مو لأني مو واثقة بحالي…
بالعكس، أنا واثقة بخبرتي وبإيدي وبشغلي من زمان.
بس كل مرة بشوف حاجب كان مخربط، ومنشال بطريقة غلط، و من الأمام والوسط والاخر فاقد التوازن…
وبعدها شوف شو عمل ملقطي السحري بإيدي 😌✨
بقول: عنجد؟! كل هالفرق من دون لامنيشن… ومن دون أي شي غير التنضيف؟!

هون الشطارة مو بكترة الشغل…
الشطارة إنك تعرفي وين تشيلي، ووين تتركي، وكيف ترجعي التوازن للحاجب بما يناسب العين وملامح الوجه.

والنتيجة؟
رسمة مرتبة، متوازنة، وملامح أهدى وأرقى…
وكل هاد بالملقط فقط.ولكن بأناملي.🩷

أنا لليوم، وبعد كل هالسنين، لسا كل نتيجة جديدة بتخليني انبهر أكتر من اللي قبلها.
يمكن لأنو كل حاجب إلو قصة… وكل وجه إلو رسمة بتليق فيه. ✨

مو كل حاجب سميك… يعني حاجب مناسب لوجهك. 👀

وبصراحة؟ هالفترة عم توصلني حالات كتيرة متشابهة:
حواجب سميكة، شعر موجود، بس الرسمة مو مدروسة… وبدل ما تبرز جمال الملامح، بتعطي الوجه حدّة وقساوة ما بتشبه صاحبتو.

هون بيجي الفرق بين إنك «تنضفي حواجبك» وبين إنك تعرفي شو لازم ينشال وشو لازم يضل.

أنا ما بغيّر شكل الصبية…
أنا بدرس وجهها، قياس عيونها وملامحها، وبشتغل على الحاجب ليصير جزء من جمالها، مو شي طاغي على وجهها.

والأجمل؟ ❤️
من أكتر الجمل يلي بسمعها من زبوناتي بعد ما يطلعوا:

«كل ما حدا شافني قلي فيكي شي حلو!»
«قالولي شكلك متغير… بس ما عرفوا شو متغير!» 😂
«فيكي شي مرتب وحلو كتير!»

وهيدا بالضبط يلي بحبو بشغلي…

التغيير يكون واضح… بس طبيعي.
الناس تلاحظ جمالك، مو شغلي. ✨

ولصبايا طرطوس يلي حواجبهن سميكة وعم يقولوا:
«أنا ما بحتاج لامنيشن، حواجبي أصلاً تقال»…

يمكن ما تحتاجي لامنيشن أصلاً.
يمكن تحتاجي بس إيد تعرف شو يناسبك.

وإذا احتجتي لامنيشن، رح يكون لأنو فعلاً بيلبقلك وبيخدم ملامحك، مو لأنو كل زبونة لازم نعمللا نفس الشي.

إذا بدك حواجب مرتبة ومدروسة على قياس وجهك، أهلا وسهلا فيكي🩷
@أبرز المعجبينMakeup Naya

سماكة الحاجب مو دليل إنو لايق عليكِ… 👀
أحياناً الحاجب السميك، إذا ما انضبط على قياس وجهك، بيقسي ملامحك وبيعطي عيونك نظرة حادة ما إلها علاقة فيكِ!

هون ما نحفت الحاجب ولا غيّرت هويتو…
بس نظّفت، رتّبت، واشتغلت اللامنيشن بالمكان الصح.🩷

ضلّينا محافظين على السماكة اللي بتليق بملامحها،
بس نقلنا الحاجب من قاسي وحاد ➜ هادي، مرتب وراقي. ✨

لأن الشطارة مو إنك تعملي حاجب سميك…
الشطارة تعرفي أي سماكة بتخدم وجهك.

حبايبي بكبر فيكم وبمحبتكم وتعليقاتكم وتفاعلكم كتير بقدرو 🌸شكرا للجميع 🩷

للحجز والاستفسار يرجى التواصل على الخاص 📩🩷

@أبرز المعجبينMakeup Naya

الصراحة؟ صرت اختار زبوناتي.🩷

مو لأنو ما بدي اشتغل…
بالعكس، لأنو تعبت كتير لحتى يكون عندي شغل بيستاهل الثقة.

لما تقعد الزبونة عالكرسي، وتتركني اشتغل بكل راحة…
لا تسأل كل دقيقتين، لا تقارن، لا تفاوض، ولا تخليني حس إنو لازم أثبت قيمة تعبي…
هون بعرف إنو أنا بالمكان الصح وهيي كمان.🩷

متل زبونتي القمر بهالفيديو…
حامل، وقعدت بكل هدوء وراحة، وما حكت كلمة عن الشغل…
لأنها ببساطة كانت عارفة لوين جاية، وعارفة مين اختارت.

والنتيجة؟ ✨
قبل وبعد بيحكوا لحالهم…
وجهها هوي هوي، بس الملامح انرفعت وانبرز جمالها بالطريقة يلي بتليق فيها.

أنا اليوم ما بدي كبر عدد زبونات…
بدي كبر عدد من الزبونات يلي بتقدّر الشغل، بتحترم الوقت، وبتعرف قيمة التفاصيل.

واللي بدها أرخص سعر، وأكبر مساومة، وأقل تقدير للتعب؟
يمكن ببساطة… أنا مو مكانها.🩷

أما إنتِ…
إذا بتعرفي قيمة الشغل المتقن، وبدك شغل يليق فيكي مو يغيّرِك،
أهلاً وسهلاً فيكي. ✨
‏@أبرز المعجبينMakeup Naya
‏

مو كل حاجب بحاجة لامنيشن… 👀
أحياناً الملقط لحالو بيعمل نص الشغل! 🔥

شوفوا الحاجب كيف كان ⬅️
وبعدين شو عملت فيه بس بالتنضيف وتزبيط الرسمة بالملقط 😮‍💨✨
وبعدين… إجت اللمسة اللي كمّلت النتيجة: لامنيشن🩷

يعني النتيجة الحلوة ما بلّشت باللامنيشن…
بلّشت من رسمة صح بتلبق للعين والوجه. 👌🏻

والنتيجة؟
قبل… بعد الملقط… وبعد اللامنيشن.
والتلاتة بيحكوا لحالن! 🔥

@أبرز المعجبين Makeup Naya