C Beauty

غلطة واحدة حتدمر بشرتك من غير ما تحسي

انتِ عارفة انه 90 في المية من التجاعيد سببها الشمس 😳
اي زي ما بقول ليك الشمس بتعمل تجاعيد و تصبغات و تكرمشك و تنشف بشرتك
حتى لو الجو كان مغيم و عامل فيها أوربي ما يغشك لأنه الأشعة الفوق بنفسجية ضررها أكبر وبتسرق شبابك منك😔

طيب واقي الشمس بعمل شنو غير الحماية؟
- وجهك ماحيتركمش 🤣
- بشرتك حتكون مرنة و ما حتفقد رطوبتها
- بشرتك حتكون منورة و نضرة
- ما حتتأكسد و وجهك ما حيقلب رمادي نص اليوم

اها بعد عرفتي عن واقي الشمس مستعدة تديه فرصة تانية ولا لسة مصرة على رأيك

وإذا ماعارفة النوع البيناسب بشرتك أتواصلي معانا عشان تاخذي إستشارتك 💜

يا السمحة😍 يا القمحة.. 🌸

قعدتي شهور تعالجي حب الشباب بدون نتيجة؟! 😥

لو فعلاً كنتي ملتزمة بروتين مناسب..
وجربتي علاجات طبية وما لاحظتي تحسن؟ !
ممكن تكون المشكلة من جوة جسمك، والحبوب مجرد عرض!

🔹من الأسباب الداخلية الممكن تسبب أو تزيد حب الشباب:

✅ اضطرابات الهرمونات (زي تكيس المبايض)
✅ مشاكل الغدة الدرقية
✅ بعض مشاكل الجهاز الهضمي

عشان كده..
لو الحبوب مستمرة لفترة طويلة أو ما استجابت للعلاج..
فالأفضل تراجعي طبيب مختص عشان يحدد السبب الحقيقي..
وتبدي العلاج المناسب من بدري. 💞

شاركينا في التعليقات👇🏽 هل سبق وعانيتي من حب الشباب لفترة طويلة؟ وهل عرفتي السبب؟

ممكن تضري بشرتك بسبب غلطة بسيطة ❗

أهم خطوة في العناية ببشرتك هي إنك تعرفي نوعها..
ليه❓🤔
لأنه كل نوع بشرة ليه احتياجات مختلفة.
وبالتالي..
روتين العناية والمنتجات المناسبة ليه بتختلف.

استخدام منتجات ما بتناسب نوع بشرتك ممكن يخلي المشكلة تزيد بدل ما تتحسن..

وتلقي نفسك كل فترة بتجربي منتجات جديدة بدون ما تصلي للنتيجة البتتمنيها.

أبدي بالخطوة الصح ✅..
و أعرفي نوع بشرتك أول.. وبعدين اختاري روتين العناية المناسب ليها..

من الصورة👇🏽 .. عرفتي نوع بشرتك شنو❓

اكتبي لينا في التعليقات..

ولو لسه محتارة وما متأكدة من نوع بشرتك..
احجزي استشارة مع أخصائياتنا👩‍⚕️..
وخلي تقييم بشرتك يكون أول خطوة لروتين صحي 🦋..

سر اليوريا شنو❓ 🤔

لو لاحظتوا الفترة الأخيرة، حتلقوا إنو أغلب كريمات الترطيب بقت تحتوي على اليوريا❗

لكن ليه❓

السر إنو اليوريا من أفضل المكونات المرطبة..
لأنها بتجذب الموية وتحافظ عليها داخل الطبقة الخارجية من الجلد..
وده بخلي البشرة تفضل رطبة وناعمة لفترة أطول..

واليوريا شاطرة جداً في ترطيب البشرة الجافة.. وكمان بتساعد على تنعيم المناطق الخشنة والمتشققة زي:
✅ الكعبين
✅ الركب
✅ الأكواع

وفي بعض الحالات.. وبتركيزات معينة،،
ممكن تدخل ضمن خطة علاج حالات زي الإكزيما والصدفية تحت إشراف الطبيب..

لو بشرتك جافة أو بتعاني من خشونة..
الكريمات الفيها يوريا حتكون خيار ممتاز ليك خصوصاً في الشتاء..👌🏽

انتي جربتي كريم ترطيب فيه يوريا قبل كده❓
شاركونا تجربتكم في التعليقات..

البشرة الدهنية ما بتحتاج ترطيب❗ ❌

كم مرة سمعتي الكلام ده❓

أكبر غلطة ممكن تعمليها هي إنك تمنعي بشرتك من الترطيب.

ولو ما بتستخدمي مرطب لأنك خايفة من الدهون أو الحبوب، فالمفاجأة إنك ممكن تكوني بتزيدي المشكلة❗

ببساطة..
لما البشرة تحس إنها فاقدة للترطيب، بتبدأ تفرز زيوت أكثر عشان تعوض الجفاف وتحمي الجلد من برة..
وده السبب البخلي وشك يزيّت كتيير.. والحبوب ممكن تظهر..

طيب الحل شنو ❓ استخدمي مرطب خفيف مناسب للبشرة الدهنية، عشان يحافظ على توازن البشرة بدون ما يكون تقيل عليها أو يزيد الدهون..

سؤال ليك🤔:
إنتي من الناس البتستخدمي مرطب يومياً❓ ولا كنتي فاكرة إنو البشرة الدهنية ما محتاجة ترطيب❓

حصل قبل كدة سألتي وحدة شنو سر نضارة بشرتك⁉️
وقالت ليك: "موية الوضوء." 😂

طيب... أنا جاية أقول ليك إنو فعلاً الموية ممكن تكون من أسباب نضارة البشرة... لكن موية الشراب ما موية الوضوء ❗✋🏻

لما تشربي كمية كفاية من الموية، جسمك برتوي من جوة، وده بينعكس على بشرتك فتبقى أنضر .

أما لو جسمك ناقص سوائل، غالبًا بشرتك بتكون جافة، باهتة، وفاقدة للنضارة..

عشان كدة يا بنات..
حافظوا على شراب الموية مع الأكل الصحي..
بشرتكم تكون مشرقة ونضرة 😍

بصراحة وروني قعد تشربوا موية كويس ولا قعد تنسوا ❓

موجودة في بورتسودان ❗
دا سبب كافي يخليكِ تزورينا في سي بيوتي 😉

🌞 الشمس حارة؟
حنساعدك تحمي بشرتك من التصبغات، وأضرار أشعة الشمس.

🌊 الرطوبة عالية؟
بنختار ليك روتين خفيف يناسب الجو، وما يزيد اللمعان.

💦 الحر والعرق مؤثرين على بشرتك؟
حنساعدك تقللي الحبوب، وانسداد المسام.

✨ آثار حبوب أو تصبغات؟
بنبدأ معاك بخطة تناسب احتياج بشرتك، خطوة بخطوة.

لأننا في سي بيوتي أول حاجة بنتعرف على بشرتك، وبعدها بنختار ليك الأنسب.👌🏻

لو موجودة في بورتسودان علقي وحنرسل ليك مواقعنا وساعات العمل.👇🏻