Hakeem Khalid Mehmood

مُرید کے گھر سے پیر زبردستی گائے کا بچھڑا لیکر گیا ،مُرید فریاد کرتا رہ گیا ۔
پیر کہہ رہا ہے اس وقت میں سخت جلال میں ہوں ۔😎
جوتا نکال کر پیر کی چھترول کرتا تو بچھڑا بھی بچ جاتا اور عقیدہ بھی

خبر غم

قاری سعید(عبدالعزیز رنگپور مظفر گڑھ) مسئول شعبہ ورثاء شہدا جنوبی پنجاب
قضائے الٰہی سے وفات پاگئے ہیں۔
اناللہ وانا الیہ راجعون

عشاء کی نماز سے کچھ دیر پہلے ہم نے اکٹھے کھانا کھایا۔ اتنے میں اذان ہو گئی۔ ہمارا ارادہ تھا کہ فیض آباد جا کر ٹکٹ لے آئیں اور واپس آ کر نماز ادا کریں۔ اسی دوران قاری صاحب نے کہا “پہلے نماز پڑھ لیتے ہیں، پھر چلتے ہیں۔” میں نے کہا ٹھیک ہے۔

قاری صاحب وضو بنانے لگ اور میں انکا بیگ پکڑ کر انتظار کرنے لگا قاری صاحب وضو بنانے کے بعد میں نے ان سے کہا: “قاری صاحب! آپ اس طرف سے جائیں، میں دوسری طرف سے آتا ہوں۔” کون جانتا تھا کہ یہ ہماری آخری گفتگو ہوگی، اور قاری صاحب جماعت میں بھی شریک نہ ہو سکیں گے۔

میں جیسے ہی جماعت میں شامل ہونے کے لیے آگے بڑھا، پیچھے سے حذیفہ بھائی دوڑتے ہوئے آئے اور گھبراہٹ میں بولے: “جلدی باہر آئیں، قاری صاحب کی طبیعت اچانک خراب ہو گئی ہے!”

یہ سنتے ہی میں سکتے میں آ گیا۔ دل میں خیال آیا کہ ابھی تو وہ بالکل خیریت سے مسجد میں داخل ہوئے تھے، آخر اچانک کیا ہو گیا؟

میں فوراً مسجد کے برآمدے کی طرف بھاگا۔ وہاں پہنچ کر دیکھا تو قاری صاحب زندگی اور موت کی آخری کشمکش میں تھے۔ مسجد کے اندر عشاء کی نماز ادا کی جا رہی تھی، اور مسجد کے برآمدے میں موت کا فرشتہ قاری صاحب کی روح قبض کرنے کیلئے آیا کھڑا تھا۔

پہلے سنتے تھے کہ زندگی فقط اتنی سی ہے جتنی آذان اور نماز کے درمیان کا وقفہ۔
آتے وقت آذان، جاتے وقت نماز۔ یہ بات ہمیشہ ایک مثال محسوس ہوتی تھی، مگر آج اپنی آنکھوں کے سامنے زندگی کی بے ثباتی کا ایسا منظر دیکھا کہ دل لرز کر رہ گیا۔
قاری صاحب کی موت اس فیض آباد کے چوک میں بھی آسکتی تھی لیکن نہیں اللہ نے قاری صاحب کی موت وضو کی حالت میں اور مسجد میں لکھی تھی آہ آپ ویڈیو میں بھی دیکھ سکتے ہیں جیسے ہی قاری صاحب نے اپنا دائیں پاؤں مسجد میں رکھا تو ادھر ہی موت کا فرشتہ آگیا اللہ پاک نے کیا ٹائم اور کیا مقام منتخب کر رکھ تھا

سوچنے کی بات یہ ہے کہ زندگی نے انہیں اتنی مہلت بھی نہ دی کہ جس وضو سے اپنے رب کے حضور کھڑے ہونے جا رہے تھے، اسی وضو کے ساتھ اپنی آخری نماز بھی ادا نا کرنے دی۔

یہ منظر بار بار ایک سوال بن کر دل میں اتر رہا ہے۔ کیا ہم نے کبھی وضو کرتے وقت یہ سوچا کہ شاید یہ ہماری زندگی کا آخری وضو ہو؟
کیا ہمیں یقین ہے کہ جس نماز کے لیے وضو کر رہے ہیں، اسے ادا کرنے کی مہلت بھی ملے گی؟
کیا ہمیں معلوم ہے کہ اگلا سجدہ ہماری قسمت میں لکھا بھی ہے یا نہیں؟

بھائی یہ بات تو طح ہے موت نہ عمر دیکھتی ہے، نہ منصوبے، نہ سفر، نہ مصروفیات۔ وہ صرف اپنے مقررہ وقت پر آتی ہے، اور جب آتی ہے تو نہ ایک لمحہ آگے بڑھتی ہے اور نہ ایک لمحہ پیچھے ہٹتی ہے۔

کاش! ایسی اچانک اموات صرف افسوس کا سبب نہ بنیں بلکہ ہماری غفلت کو جھنجھوڑ دیں، ہمارے دلوں کو نرم کر دیں، ہمیں نمازوں کا پابند بنا دیں، توبہ کی توفیق عطا کر دیں اور اس احساس کے ساتھ جینا سکھا دیں کہ شاید آج کا دن، شاید یہ وضو، شاید یہ سجدہ، ہماری زندگی کا آخری سجدہ ہو۔

اللہ تعالیٰ قاری سعید صاحب کی کامل مغفرت فرمائے، ان کی قبر کو جنت کے باغوں میں سے ایک باغ بنا دے، درجات بلند فرمائے، لواحقین کو صبر جمیل عطا فرمائے، اور ہمیں بھی اس انجام سے پہلے اپنی اصلاح کی توفیق عطا فرمائے۔ آمین ثم آمین 🤲