Djfmh-Public Health Unit

REGULAR NA BREAST CANCER SCREENING, SUSI SA MAAGAP NA PAGGALING!

Nananatiling nangungunang uri ng kanser sa Pilipinas ang Breast Cancer na may higit 33,000 na bagong kaso at higit 11,000 na namamatay taon-taon. Dahil sa patuloy na pagtaas ng mga kaso nito, mahalagang matuklasan ang sakit habang maaga pa.

Upang maprotektahan ang ating kababaihan, inirerekomenda ng Department of Health (DOH) ang mga sumusunod:

MANDATORY SCREENING (EDAD 50–69 TAONG GULANG):
Magpatingin sa pinakamalapit na health facility para sa Clinical Breast Examination (CBE) o Mammogram bawat 2 taon. Ito ang pinakakritikal na paraan upang matukoy ang kanser sa pinakamaagang yugto.

SA TAHANAN:
Maging pamilyar sa sariling katawan sa pamamagitan ng Breast Self-Examination (BSE). Kung may makapang kakaibang bukol o anumang pagbabago sa dibdib, magpakonsulta agad sa pinakamalapit na doktor o health center.

Huwag matakot magpasuri! Ang maagang pagtuklas ay nagbibigay ng mas malaking tsansa sa paggaling!

World Rabies Day.

Ano ang Rabies?
Ang rabies ay isang malubha at nakamamatay na sakit na dulot ng virus at karaniwang naipapasa sa tao sa pamamagitan ng kagat o kalmot ng infected na hayop. Ngunit ito ay maiiwasan kung maagap na makikilos.

Nakagat o nakalmot?
- Hugasan agad ang sugat ng sabon at dumadaloy na tubig nang 10–15 minuto.
- Magpakonsulta agad sa Animal Bite Treatment Center (ABTC).
- Huwag balewalain kahit maliit ang sugat.

Para sa mga buntis: Kapag nakagat o nakalmot ng hayop, magpakonsulta agad. Huwag ipagpaliban ang pagpapagamot dahil sa pagbubuntis.

Paano makaiwas?
- Pabakunahan ang mga alagang aso at pusa.
- Iwasan ang mga ligaw o hindi kilalang hayop.
- Turuan ang mga bata ng ligtas na pakikitungo sa mga hayop.

Alamin. Iwasan. Agapan.
Para sa ligtas na ina, sanggol, pamilya, at komunidad.

P A A L A L A sa Ating mga Pasyente ‼️📣

Family Planning Talk

Tinalakay ni Ma’am Kim ang iba’t ibang family planning methods, kabilang ang LAM (Lactational Amenorrhea Method).

Ang LAM ay isang natural method of family planning na nakabatay sa epekto ng eksklusibong pagpapasuso sa pag-delay ng pagbabalik ng fertility pagkatapos manganak.

Epektibo ang LAM kung natutugunan ang tatlong kondisyon: Wala pang regla ang nanay. Eksklusibong pagpasuso. Wala pang 6 na buwan ang sanggol.

PAALALA, MGA MANILEÑO!

Idineklara ng Malacañang ang November 16–18, 2026 bilang Special Non-Working Days sa buong Metro Manila bilang bahagi ng paghahanda sa pagho-host ng Pilipinas sa 49th ASEAN Summit and Related Summits.

Tatlong araw po ito—Lunes hanggang Miyerkules.

Layunin nito na makatulong sa pagbawas ng traffic congestion at bigyang-daan ang paghahanda para sa kaligtasan at seguridad ng mga dadalo sa summit.

Kaya mga Manileño, magplano nang maaga sa inyong mga biyahe at gawain sa tatlong araw na ito.

Makiisa po tayo sa matagumpay na pagho-host ng Pilipinas sa ASEAN Summit.