RMN Malaybalay

𝐁𝐑𝐄𝐀𝐊𝐈𝐍𝐆: 𝟏𝟑 𝐒𝐄𝐍𝐀𝐓𝐎𝐑-𝐉𝐔𝐃𝐆𝐄𝐒 𝐍𝐈𝐏𝐀𝐁𝐎𝐑 𝐒𝐀 𝐏𝐀𝐆-𝐔𝐒𝐀𝐁 𝐒𝐀 𝐕𝐎𝐓𝐈𝐍𝐆 𝐓𝐇𝐑𝐄𝐒𝐇𝐎𝐋𝐃 𝐒𝐀 𝐈𝐌𝐏𝐄𝐀𝐂𝐇𝐌𝐄𝐍𝐓 𝐓𝐑𝐈𝐀𝐋 𝐍𝐈 𝐕𝐏 𝐒𝐀𝐑𝐀 𝐃𝐔𝐓𝐄𝐑𝐓𝐄!

Sa botong 13 pabor ug usa supak, nagkauyon ang mga senator-judge nga usbon ang voting threshold o gikinahanglang ihap sa boto alang sa conviction o acquittal ni Vice President Sara Duterte sa impeachment trial.

Kini may kalabotan sa mosyon ni Senator-judge Erwin Tulfo nga usbon ang voting threshold tungod kay adunay mga senador nga wala nakapartisipar sa impeachment trial.

Samtang, unom ka senator-judge ang wala mibotar, lakip sila Senators Alan Peter Cayetano, Pia Cayetano, B**g Go, Imee Marcos, Robin Padilla ug Camille Villar.

via|Radyoman Mariztella Cadeliña Gonzaga

𝐌𝐀𝐋𝐀𝐘𝐁𝐀𝐋𝐀𝐘 𝐂𝐈𝐓𝐘 𝐄𝐗𝐄𝐂𝐔𝐓𝐈𝐕𝐄 𝐏𝐈𝐂𝐊𝐋𝐄 𝐁𝐀𝐋𝐋 𝐆𝐀𝐌𝐄

Kasamtangan nga ginapahigayon ang Malaybalay City Executives Pickle Ball game sa Pyonex RacketX Sports Center, Barangay Casisang, Malaybalay City.

Anaa sa maong higayon silang Malaybalay City Councilors Jason Chad Ayala, Niko Aldeguer ug Atty. Flaviano Gapol Jr., kauban silang CEEDMO Head Romeo Lapiceros, CDRRMO Head Alan Comiso, City COMELEC Head Atty. Danilo Dividina, ug uban pa.

Ang maong tournament gihimo alayon sa Civil Service Month Celebration sa Lokal nga Pangagamhanan sa siyudad sa Malaybalay.

Via| RadyoMan Mark Micabalo

📸 RadyoMan Mariztella Cadeliña Gonzaga

𝐒𝐄𝐍𝐈𝐎𝐑 𝐂𝐈𝐓𝐈𝐙𝐄𝐍 𝐍𝐆𝐀 𝐃𝐑𝐈𝐕𝐄𝐑 𝐎𝐆 𝐌𝐎𝐓𝐎𝐑𝐒𝐈𝐊𝐋𝐎, 𝐏𝐀𝐓𝐀𝐘 𝐇𝐔𝐌𝐀𝐍 𝐍𝐀𝐒𝐀𝐏𝐎𝐍 𝐒𝐀 𝐊𝐀𝐒𝐔𝐆𝐀𝐓 𝐍𝐆𝐀 𝐒𝐀𝐊𝐘𝐀𝐍𝐀𝐍 𝐒𝐀 𝐕𝐀𝐋𝐄𝐍𝐂𝐈𝐀 𝐂𝐈𝐓𝐘

Nadala pa sa ospital apan nakabsan ra gihapon sa kinabuhi ang usa ka lalaking Senior Citizen human nasapon ang gimaneho niining motorsiklo sa kasugat nga sakyanan partikular sa National Road, Purok-12, Bagontaas, Valencia City, Bukidnon adtong Lunes, Setyembre 21 pasado alas 11 sa buntag.

Ang biktima usa ka 66-anyos nga lalaki ug nagmaneho og usa ka Yamaha Mio nga motorsiklo, samtang ang nakabangga kaniya usa ka Toyota Rush SUV nga gimaneho sa usa ka 38-anyos nga lalaki.

Subay sa report sa mga awtoridad, nagdagan gikan sa managlahi nga lane ang motorsiklo ug ang SUV, apan pag-abot sa maong dapit, kalit nga naaksidente ang motor hinungdan sa pagkalagpot niini sa pikas lane, nga maoy rason nga nabanggaan ang driver niini sa kasugat nga SUV.

Sa kakusog sa impact, nakaangkon og grabe nga injury sa nagkadaiyang bahin sa lawas ang biktima nga daling gidala sa ospital apan nakabsan gihapon sa kinabuhi.

Gidala usab sa Valencia City Police Station ang driver sa sakyanan uban ang gimaneho niini alang sa tokmang disposasyon.

Via| RadyoMan Mark Micabalo

Source: PNP-Bukidnon

𝐂𝐇𝐎-𝐌𝐀𝐋𝐀𝐘𝐁𝐀𝐋𝐀𝐘, 𝐖𝐀𝐋𝐀 𝐍𝐀𝐆𝐏𝐀-𝐈𝐍𝐉𝐄𝐂𝐓 𝐎𝐆 𝐀𝐍𝐓𝐈-𝐏𝐍𝐄𝐔𝐌𝐎𝐍𝐈𝐀 𝐕𝐀𝐂𝐂𝐈𝐍𝐄 𝐏𝐀𝐋𝐈𝐁𝐎𝐓 𝐒𝐀 𝐒𝐈𝐘𝐔𝐃𝐀𝐃

Mipahimangnu karon ang City Health Office (CHO)-Malaybalay nga wala sila nagpakatag og mga personnel aron mag-inject og Anti-Pneumonia Vaccine sa mga kabarangayan.

Kini isip tubag sa mga molo sa katawhan nga nadawatan ilabi na sa Social Media kabahin aa gikaingong duha ka mga babae nga naglibot-suroy sa mga kabarangayan ning siyudad aron mang-inject og Anti-Pneumonia Vaccine.

Gipahinomdom ang publiko nga mamahimong mukoordinar una sa ilang tagsa-tagsa ka mga Barangay Health Station o diretso sa City Health Office aron ma-beripikar.

Via| RadyoMan Mark Micabalo

Source: HEPU-City Health Office Malaybalay






Please take a moment to READ and SHARE our official advisory.
For your safety, VERIFY first with your Barangay Health Station or the City Health Office.

Stay informed. Stay safe.