Sis Salve

Hindi lang incentive ang gusto kong maibigay sa team ko kundi dahilan para maramdaman nilang worth it ang lahat ng pagod nila.
As an owner one of the happiest things for me is seeing my team genuinely happy when they receive the fruit of their hard work. Yung makita mong napapangiti mo sila, kahit sa maliit na bagay sobrang fulfilling.
Pero alam naman natin na hindi lahat ng araw sa trabaho puro saya. May pressure may mistakes may misunderstandings may pagod at may mga araw na gusto mo na lang sumuko.
Pero tandaan natin part ng growing ang mahirapan.
Kung lagi tayong comfortable at lagi tayong masaya minsan doon tayo nagiging kampante. Kaya may mga challenges talaga na dumarating para mas maging matatag tayo mas matuto, at mas gumaling.
Kaya sa team ko kapag nahihirapan kayo, huwag niyong isipin na ibig sabihin nun hindi kayo magaling.
Baka ibig sabihin lang nun may mas malaking version ng sarili ninyo na binubuo.
And as your owner I will always be happy to celebrate your wins with you. Dahil bawat incentive bawat achievement at bawat improvement ninyo hindi lang achievement ng employee.
Achievement din yan ng buong team.
Keep going Keep learning Keep improving.
Darating yung araw na masasabi nating, Buti na lang hindi tayo sumuko.

MINSAN ANG PINAKAMABIGAT NA KWENTO AY GALING SA MGA TAONG TAHIMIK LANG NA LUMALABAN

Nakausap ko si Macy at hindi niya napigilan ang luha habang nagpapasalamat dahil may trabaho siya

Doon mo talaga makikita na para sa iba ang trabaho ay hindi lang basta trabaho

Ito ang panggastos sa araw araw
Pangtulong sa pamilya
At pagkakataon para makabangon nang marangal

Marami pa ring tao ang pinipiling lumaban nang patas

Pumapasok araw araw
Nagtatrabaho nang maayos
Napapagod pero hindi sumusuko
At pinipiling kumita sa sariling sipag at tiyaga

Kaya kapag may mga taong ganito sa team mo matututo ka ring mas pahalagahan sila

Hindi man perpekto ang bawat empleyado
Pero kapag nakikita mong totoo ang pagsisikap at may malasakit sa trabaho malaking bagay na iyon

Ito rin ang isa sa pinakamagandang bunga ng negosyo para sa akin

Hindi lang yung may nabebenta kami

Kundi may mga taong nabibigyan ng pagkakataong lumaban nang patas at magkaroon ng maayos na pagkakakitaan

At sana habang lumalago ang Djis Shoppee mas marami pa kaming buhay na matulungan at mas maraming pangarap ang sabay sabay naming maabot

KAPAG MASAYA KA SA TRABAHO NARARAMDAMAN MONG GUSTO MONG MAGTAGAL

One month pa lang si Admin Riri sa Djis Shoppee pero sinabi niyang feeling niya aabot siya ng years sa trabahong ito

Dahil masaya raw siyang kasama ang team
At masaya rin silang katrabaho

Mas tumatak sa akin yun nang malaman kong halos isang taon siyang walang trabaho

Ilang beses daw siyang nag apply pero hindi agad nabigyan ng pagkakataon

Totoo pala talaga na mahirap maghanap ng trabaho ngayon

Kahit masipag ka
Kahit willing kang matuto
At kahit college graduate ka
Hindi ibig sabihin na makakahanap ka agad

Kaya kapag nakahanap ka ng trabahong maayos
May respeto
May nagtuturo
At masaya kang pumapasok
Pahalagahan mo

Hindi naman magiging madali ang bawat araw

May pagod
May corrections
May pressure
At may mga pagkakataong kailangan mong mas galingan

Pero kapag alam mong masaya ka at may opportunity kang lumago
Mas nagkakaroon ka ng dahilan para manatili at gawin ang best mo

Sana tuloy tuloy ang journey ni Admin Riri sa Djis Shoppee

At sana balang araw masasabi niyang

Buti na lang hindi ako sumuko sa paghahanap ng trabaho

Dahil minsan ang trabahong matagal mong hinintay
Ito rin pala ang lugar kung saan mararamdaman mong gusto mong magtagal

ANG SARAP SA FEELING KAPAG ANG TRABAHO HINDI LANG TRABAHO

Yung pakiramdam mo may pamilya kang kasama
Magaan ang samahan
Masaya kang pumapasok
At hindi mo kailangang pilitin ang sarili mo araw araw

Si Joy muntik na raw lumipat ng trabaho after three weeks

Pero mas pinili niyang manatili dahil masaya siya dito
Magaan daw ang trabaho
At ramdam niyang kabilang siya sa team

Nakakatuwang marinig yun

Pero totoo rin na hindi lahat ng araw masaya
May pagod
May pressure
May misunderstanding
At may mga pagkakataong gusto mo na lang sumuko

Kaya mahalaga ring matutong maging matatag

Hindi porket nahirapan ka isang araw kailangan mo nang umalis agad
Hindi rin porket may problema ibig sabihin mali na agad ang napasukan mo

Minsan kailangan mo lang huminga
Magdasal
At itanong kay Lord kung para sa iyo ba talaga ang lugar na ito

Kapag alam mong maayos ang trabaho
May respeto
May growth
At may mga taong handang tumulong sa iyo
Baka kailangan mo lang bigyan ang sarili mo ng panahon para matuto at mag-adjust

Hindi lahat ng trabaho perfect

Pero malaking blessing kapag nakahanap ka ng lugar na hindi ka lang empleyado
Kundi tinuturing ka ring pamilya

At kapag nahanap mo yun
Pahalagahan mo
Galingan mo
At sabayan mong lumago

WALANG TRABAHONG PURO MADALI

Kahit saan kang work mapunta may pressure may misunderstanding at may mga taong mahirap pakisamahan

Naranasan ko rin yan noong empleyado pa ako

May mga araw na pagod ka na sa trabaho mas mapapagod ka pa sa pakikitungo sa ibang tao

Pero doon mo rin matututunan kung paano maging matatag
Paano kontrolin ang emotions mo
At paano patunayan na kaya mong gumaling kahit mahirap ang environment

Hindi ibig sabihin na kailangan mong tiisin ang pambabastos pang-aapi o anumang nakakasira na sa mental at physical health mo

Ang ibig sabihin lang nito hindi lahat ng discomfort ay dahilan para sumuko agad

Matutong makisama
Makipag-usap nang maayos
Maglagay ng boundaries
At ituon ang energy sa trabaho at growth mo

Kapag may taong gustong hilahin ka pababa huwag mong pantayan

Mas galingan mo
Mas maging professional ka
At hayaan mong performance mo ang magsalita para sa iyo

Walang madaling trabaho

Pero kapag marunong kang humawak ng pressure at marunong kang pumili ng laban mas magiging handa ka sa mas malaking opportunity

ANG SARAP PALANG MARINIG NA MAY TAONG NAGPASALAMAT DAHIL MAY MAAYOS NA SIYANG TRABAHO

Kinausap ko si Tin na bago naming kasama sa team

Nagpasalamat siya dahil masaya siya sa trabaho niya
Hindi na siya on call
At mayroon na siyang trabahong maaasahan

Simple lang siguro itong marinig para sa iba
Pero para sa taong matagal naghahanap ng stable na trabaho malaking bagay ito

Doon ko mas naramdaman na hindi lang pala negosyo ang pinapalaki namin

Habang lumalago ang business may isang taong nagkakaroon ng trabaho
May pamilyang natutulungan
At may taong nagkakaroon ulit ng pag asa

Sobrang sarap sa puso na mabigyan ng pagkakataon ang mga taong handang magsikap matuto at mahalin ang trabaho nila

Hindi ko man kayang tulungan ang lahat
Pero sa bawat taong mabibigyan ko ng maayos na trabaho alam kong may isang buhay na unti unting gumagaan

Ito ang klase ng success na gusto kong ipagpasalamat
Yung hindi lang ako ang nakikinabang

KASAMA KO SILA SA PANGARAP

Dati simple lang talaga ang pangarap ko

Magkaroon ng sariling bahay
Magkaroon ng sasakyan
At mabigyan ng magandang buhay ang pamilya ko

Pero habang tumatagal iba na pala ang binibigay na purpose sa akin ni Lord

Hindi na lang pala para sa sarili ko ang mga pangarap ko

Ngayon kapag nagdadasal ako kasama na roon ang mga taong tumutulong sa negosyo namin

Kasama ko ang mga admin na mahal ang trabaho nila
Yung mga taong hindi lang pumapasok para sumahod
Kundi ginagawa talaga ang best nila
Yung marunong makisama
Marunong magmalasakit
At nananatili kahit may pagod at pagsubok

Hindi naman lahat ng tao pare-pareho

Pero makikita mo talaga kung sino ang totoo sa trabaho
Kung sino ang may malasakit
At kung sino ang gusto ring lumago kasama mo

Kaya habang lumalaki ang negosyo mas lumalaki rin ang pangarap ko para sa kanila

Gusto kong dumating ang araw na hindi lang ako ang may bahay
Hindi lang ako ang may sasakyan
Hindi lang ako ang may magandang buhay

Gusto kong makita na yung mga taong naging totoo sa amin ay umaangat din

At hindi lang sa mga kasama ko sa negosyo

Kahit minsan may makita akong nangangailangan sa daan hangga’t kaya kong tumulong tumutulong ako

Hindi ko na kailangang videohan lahat

Kasi may mga bagay na mas masarap gawin nang tahimik

Yung walang camera
Walang palakpak
Walang kapalit

Dahil iba talaga kapag galing sa puso ang pagtulong

Siguro ito na talaga ang bagong purpose ko

Hindi lang magkaroon ng marami

Kundi maging dahilan para may ibang taong magkaroon din

Hindi ako aakyat mag-isa

Kasama ko sila sa pangarap

PART 1

Huwag kang matakot i-share ang mga knowledge na natutunan mo sa trabaho. Huwag mong isipin na kapag itinuro mo sa iba ang mga natutunan mo, mababawasan ang value mo. Kasi ang tunay na knowledge, mas lumalawak kapag naibabahagi.
May mga bagay na natutunan mo dahil nagkamali ka, napagod ka, nahirapan ka, at pinili mong hindi sumuko. Kaya kung may pagkakataon kang magturo, mag-guide, o tumulong sa iba, gawin mo. Baka yung simpleng advice mo ang maging dahilan para hindi na nila pagdaanan yung hirap na pinagdaanan mo.
Hindi mo kailangang itago lahat para lang manatiling magaling. Mas maganda yung marunong kang mag-share, kasi habang mas marami kang natuturuan, mas marami ka ring natutulungang lumago.
At tandaan mo, hindi lahat ng blessing ay pera o success. Minsan, blessing din yung maging dahilan ka kung bakit may isang taong natuto, nagkaroon ng confidence, at naniwala na kaya rin pala niya.
Kaya huwag kang matakot magturo. Huwag kang matakot mag-share. Dahil ang knowledge na ibinabahagi nang may magandang puso ay hindi nababawasan. Mas lalo lang itong nagiging blessing sa mas maraming tao.