Lumpiang Shanghai King

INC, NAGLABAS NG OFFICIAL STATEMENT

Matapos ang malawakang pagtitipon ng libo-libong miyembro ng Iglesia ni Cristo (INC) sa EDSA People Power Monument ngayong araw, naglabas ng opisyal na pahayag ang tagapagsalita ng INC na si Bro. Edwil D. Zabala kaugnay ng usapin ng posibleng paghahain ng kasong plunder laban kay Sen. Rodante Marcoleta.

Ayon kay Zabala, iginagalang ng Iglesia ni Cristo ang pagpapatupad ng batas, ngunit mariin nilang tinututulan ang anumang umano'y pagbaluktot nito para pagtakpan ang katiwalian.

"Hindi tutol ang Iglesia ni Cristo sa pagpapatupad ng batas. Pero, tutol kami sa pagbaluktot sa batas, lalo na kung ang layunin ay para pagtakpan ang katiwalian."

Ipinaalala rin ni Zabala na si Marcoleta ang nanguna sa pag-iimbestiga sa umano'y malawakang anomalya sa flood control projects noong siya pa ang chairman ng Senate Blue Ribbon Committee. Bagama't napalitan umano ang liderato ng komite, sinabi niyang ipinagpatuloy pa rin ng senador ang paglalantad ng mga isyung may kaugnayan sa umano'y pandarambong sa pondo ng bayan.

Kinuwestiyon din ng INC kung bakit si Marcoleta umano ang posibleng kasuhan sa halip na ang mga personalidad na naiuugnay sa mga alegasyon ng katiwalian.

Ayon pa kay Zabala, ang plunder ay isang non-bailable offense, kaya kung maisasampa ang kaso at maaresto si Marcoleta ay hindi na umano ito makapagpapatuloy sa paglalantad ng mga isyung kanyang iniimbestigahan at maaaring hindi rin siya makalahok sa mga mahahalagang gawain bilang senador.

Pinuna rin niya ang batayan ng umano'y kaso.

"Paanong naging plunder ang pagtanggap ng campaign donation? Hindi naman galing sa kaban ng yaman ng Pilipinas ang tinanggap niyang donasyon mula sa mga sumuporta sa kanyang pagkandidato bilang senador."

Dagdag pa niya, ayon sa kanilang pahayag, naglabas na rin umano ng desisyon ang COMELEC na nagsasabing walang paglabag sa pagtanggap ni Marcoleta ng campaign donations.

Sinabi rin ni Zabala na ang paninindigan ng Iglesia ni Cristo ay hindi lamang para kay Marcoleta kundi para sa pagsusulong ng transparency, accountability, justice, at peace.

"Kahit ipakulong nila si Senator Marcoleta ay hindi kami titigil sa paghingi ng katarungan para sa mga kababayan natin na ninakawan."

Binigyang-diin pa niya na, sa kanilang pananaw, ang selective justice ay isa ring uri ng kawalan ng katarungan.

"Gusto naming ipaalam sa kanila na isang injustice ang selective justice, at hindi kami mananahimik sa harap nitong napakalaking pagyurak sa katarungan na hinihingi ng ating mga kababayan."

Wanted:
Tindera for Tatala Store, Binangonan Rizal.

aray ko 😂 Enjoy the videos and music you love, upload original content, and share it all with friends, family, and the world on YouTube.