vijay kumar yadav

आदरणीय उद्योगपति, वरिष्ठ समाजसेवी एवं प्रवल व्यक्तित्व श्री मनीष शारदा ज्यूका सुपुत्र अंकित र पुनम बीच २०८३ असार २२ गते सम्पन्न सुखद शुभ विवाहको यस पावन एवं ऐतिहासिक अवसरमा नवविवाहित जोडीलाई सुखद दाम्पत्य जीवन, आपसी प्रेम, समृद्धि र दीर्घायुको हार्दिक मंगलमय शुभकामना व्यक्त गर्दछौं ।
यो शुभ विवाह केवल दुई परिवारको मिलन मात्र नभई, हाम्रो लहान नगरकै लागि एउटा उत्सव र गौरवको क्षण बनेको छ। शारदा परिवारमा थपिनुभएका नयाँ सदस्य (बुहारी) को आगमनसँगै लहान क्षेत्रले थप व्यावसायिक उचाइ लिने विश्वास लिएका छौं । यहाँको दूरदर्शी सोच र नेतृत्वले लहानमा हालसम्म उपलब्ध नभएका आधुनिक, सुविधासम्पन्न र नयाँ व्यवसायहरूको उदय गराउनुभएको छ, जसले समग्र लहान सिटीको मूल्यांकन र गरिमालाई अझ उच्च बनाउने निश्चित छ । यसले स्थानीय आर्थिक विकास र रोजगारी सिर्जनामा समेत कोशेढुगां साबित गर्नेछ ।
यो ऐतिहासिक र भव्य (राजा जस्तो) विवाह समारोहमा हामी जस्ता मध्यम वर्गीय नागरिकहरूलाई समेत आत्मीयताका साथ निमन्त्रणा गरी सरिक गराउनुभएकोमा आदरणीय मनीष शारदा ज्यू तथा सम्पूर्ण शारदा परिवारप्रति म विजय कुमार यादव एवं एल.आर.एल. संस्था परिवार सदैव आभारी र ऋणी रहनेछौं।

नवदम्पतीको आगामी जीवन सुख, शान्ति र प्रगतिका साथ अगाडि बढोस्, यही नै भगवानसँग प्रार्थना गर्दछौं। .

शुभचिन्तक
विजय कुमार यादव
तथा
सम्पूर्ण एल.आर.एल. परिवार
लहान, सिराहा