Saw KTL Htoo

လူတစ်ယောက်နဲ့ တစ်ယောက်
ခင်မင် ရင်းနှီးမှု ဆိုတဲ့ ကောင်းမွန်တဲ့ ဆက်ဆံရေးတွေ ပြတ်တောက်သွားတယ်ဆိုတာ များသောအားဖြင့်
၁. ကတိ မတည်တာ
၂. စည်း မစောင့်တာ
၃. သစ္စာ မရှိတာ
၄. မနာလိုစိတ်တွေ ဝင်လာတာ
၅. ငွေကြေး ကိစ္စ အရှုပ်အရှင်းတွေ ရှိလာတာ
ဒီလို အခြေအနေ ငါးခုနဲ့ ကြုံလာရင် ဘယ်လောက်ခင်မင်တဲ့သူတွေ ဖြစ်နေပါစေ ၊ ဆက်ဆံရေးတွေ အေးစက်ပြီး အခင်အမင် ပြတ်တတ်ကြပါတယ်။

"တစ်နေ့ကျရင် ငါ ကိုယ်ပိုင်လုပ်ငန်း လုပ်မယ်။"
"တစ်နေ့ကျရင် ငါ နိုင်ငံခြားခရီး ထွက်မယ်။"
"တစ်နေ့ကျရင် ငါ စာအုပ်တစ်အုပ် ရေးမယ်။"

အဲဒီ "တစ်နေ့" ဆိုတာ ဘယ်တော့ ရောက်မှာလဲ။
ကျွန်တော်တို့ အများစုက အရာရာ ပြီးပြည့်စုံမယ့် အချိန်ကို ထိုင်စောင့်နေတတ်ကြတယ်။

"ပိုက်ဆံလုံလောက်မှ၊ အတွေ့အကြုံပြည့်မှ၊အဆက်အသွယ်စုံမှ၊ စီးပွားရေးအခြေအနေ ကောင်းမှ စလုပ်မယ်" ဆိုပြီး ဆင်ခြေတွေ ပေးနေကြတယ်။ ဒါဟာ အသံကောင်းဟစ်နေတဲ့ "ကြောက်ရွံ့မှု" (Fear) ပါပဲ။ ငါတို့က မစရဲလို့၊ ကျရှုံးမှာ ကြောက်လို့ "ပြင်ဆင်နေတယ်" ဆိုတဲ့ ခေါင်းစဉ်တပ်ပြီး ကိုယ့်ကိုယ်ကို လှည့်စားနေကြတာပါ။

ဘဝဆိုတာ ကားမောင်းရတာနဲ့ တူပါတယ်။ မင်း အိမ်ကနေ ရုံးကို သွားမယ်ဆိုပါစို့။ လမ်းတစ်လျှောက်လုံးမှာ ရှိတဲ့ မီးပွိုင့်တွေ အားလုံး တစ်ပြိုင်နက်တည်း စိမ်း နေမယ့်အချိန်ကို စောင့်ပြီးမှ ကားစက်နှိုးမှာလား။

ဘယ်တော့မှ မဖြစ်နိုင်ဘူးလေ။ မီးနီနဲ့တိုးရင် ခဏရပ်မယ်၊ မီးစိမ်းရင် ဆက်မောင်းမယ်၊ လမ်းပိတ်ရင် လမ်းကြိုလမ်းကြားက ကွေ့သွားမယ်။ ဒီလိုနဲ့ပဲ လိုရာခရီးကို ရောက်အောင် သွားရတာပဲ မဟုတ်လား။

မင်းရဲ့ အိပ်မက်တွေလည်း ဒီအတိုင်းပါပဲ။ အခြေအနေ အရပ်ရပ်က မင်းအတွက် အဆင်သင့် ဖြစ်နေမယ့်အချိန်ဆိုတာ ဘယ်တော့မှ ရှိမနေပါဘူး။

ပိုက်ဆံရှိတဲ့အချိန် အချိန်မရှိဘူး။ အချိန်ရှိတဲ့အချိန် ကျန်းမာရေးမကောင်းဘူး။ အားလုံးပြည့်စုံတဲ့အချိန် စိတ်ဓာတ်က မတက်ကြွတော့ဘူး။

ဒါကြောင့် "အဆင်သင့်ဖြစ်မှ လုပ်မယ်" ဆိုတဲ့ စိတ်ကူးကို ဖျက်ပစ်လိုက်ပါ။ မင်း ဘယ်တော့မှ အဆင်သင့် ဖြစ်မနေပါဘူး။ အရေးကြီးတာက အဆင်သင့် မဖြစ်သေးပေမယ့် စတင်ရဲတဲ့ သတ္တိရှိဖို့ပါပဲ။

စလုပ်လိုက်ပါ။ လုပ်ရင်းနဲ့မှ လိုအပ်တာတွေကို ဖြည့်ဆည်းသွားပါ။ လမ်းမှာ ကြုံရမယ့် ပြဿနာတွေကို လမ်းရောက်မှ ဖြေရှင်းပါ။

ကမ်းစပ်မှာ ရပ်ပြီး ရေကူးတတ်အောင် သင်လို့မရပါဘူး။ ရေထဲ ခုန်ဆင်းလိုက်မှသာ ရေကူးတတ်မှာပါ။ အကောင်းဆုံး စတင်ရမယ့်အချိန်က လွန်ခဲ့တဲ့ ၁၀ နှစ်ကပါ။ ဒုတိယ အကောင်းဆုံးအချိန်ကတော့ ဒီနေ့ပါပဲ။

Min Khant (Verse)