May Beauty & Cosmetics

သွေးသားမမှန်နေတဲ့အမျိုးသမီးတယောက်က..

မျက်နှာမာဝက်ခြံ..
အသားရေ မဲခြောက်တာ..
ဝမ်းချုပ်တာ..
ဗိုက်ပူတာတို့ဖြစ်တတ်တရ်နော် မမှန်သေးဘူးဆို မှန်အောင်
မနောပျိုမယ်လေးသောက်လို့ရတရ်နော်....

မှန်သွားရင်.. ဝက်ခြံ/အသားရေ ကအစ သိသိသာသာထင်
ရှားလာပါလိမ့်မရ်...

#မနောပျိုမယ်တိုင်းရင်းဆေး
#ပင်ရင်းတိုက်ရိုက်ကိုယ်စလှယ်
#ရန်ကုန်

#29ခေါင်းလျှော်ရည် တစ်ဘူးကို 7500

သဘာဝစစ်စစ်ခေါင်းလျှော်ရည်

ဆံပင်ပါးခြင်း

ဗောက်ထခြင်း

ဆံပင်နှစ်ခွဖြစ်ခြင်း

ဆံပင်ပျက်စီးခြင်း

ဆံပင်ကျွတ်ခြင်း

ဦးရေပြားယားယံခြင်းတွေကိုသက်သာစေတဲ့အပြင်

ပေါင်းဆေးမလိုသူတစ်မျိုးတည်းနဲ့ပြီးပြည့်စုံစေတဲ့ဆံပင်လေးကိုပိုင်ဆိုင်စေမှာပါ
#ရန်ကုန်မြောက်ဒဂုံကိုယ်စားလှယ်

အရေပြားအတွက် sheet mask သုံးခြင်း

ကိုရီးယားမှာ မျက်နှာအသားအရေအတွက် face mask တွေ သုံးလာကြပါတယ်။ face mask တွေက အစိုဓာတ်ထိန်းပေးတယ်။ မျက်နှာအဆီပြန်ခြင်း ကင်းစင်စေတယ်။ ဒါ့ပြင် ချွေးပေါက်ထဲမှာ ပိတ်ဆိူ့နေတဲ့ ဖုန်နဲ့ အညစ်အကြေးတွေကိုပါ စုပ်ယူနိုင်တယ်။

sheet mask
sheet mask ဆိုတာ ဆေးရည် serum စိမ်ထားပြီးသား မျက်နှာဖုံးကပ်ခွာတမျိုးဖြစ်တယ်။ စက္ကူစ၊ အဝတ်စ၊ ဂျယ် စသည်ဖြင့် အမျိုးမျိုး အသုံးပြုကြတယ်။ ကပ်ရလွယ်အောင် ပြုလုပ်ထားတယ် sheet mask မှန်သမျှ တခါသုံးဖြစ်တယ်။ တခါတည်း အဆင်ပြေအောင် ဗီတာမင်ကြွယ်ဝတဲ့ serum သို့မဟုတ် essence လိုဆေးရည်မျိုးကို တခါတည်းစိမ်ထားတယ်။ sheet mask ကိုဂတခါကပ်ပြီး ၁၅-၂၀ မိနစ်ကြာ ထားရမယ်။ မျက်နှာဖုံးခွာပြီးတဲ့အခါ မျကိနှာပြန်သစ်ဖို့မလိုဘူး။ ဆေးရည်က အာနိသင်ကျန်နေသေးလို့ ဖြစ်ပါတယ်။

peel-off face mask( ခွာရတဲ့ မျက်နှာဖုံး)
ရွှံ့စေးလို ခြောက်အောင်ထားပြီး ခွာရတဲ့ mask တွေ သီးသန့်ရှိပါတယ်။ အရင်ဆုံး ခပ်ပျစ်ပျစ်အနှစ်တွေကို မျကိနှာတပြင်လုံး(မျက်လုံးနဲ့ နှုတ်ခမ်းရှောင်)လိမ်းပေးပြီး ခြောက်မှ ပြန်ခွာရတာဖြစ်တယ်။ လိမ်းတဲ့အခါ လက်နဲ့ အရင်လိမ်းပါ။ ဆေးအပျစ်က ၂၀-၃၀ မိနစ်ခန့်ကြာအောင် ထားလိုက်ရင် ခြောက်သွေ့သွားတယ်။ ခွာတဲ့အခါ ဘေးအစကနေဆွဲပြီး ဖြည်းဖြည်းချင်း ခွာပေးရတယ်။ ပြီးရင် ရေခပ်နွေးနွေးနဲ့ မျက်နှာပြန်သစ်ပေးပါ။

charcoal mask(အဆီစုပ်ယူပေးတဲ့ မီးသွေးမှုန့်မျက်နှာဖုံး)
အဆိပ်အတောက်ဖယ်ရှားတဲ့နေရာမှာ activated charcoal mask တွေက ကောင်းတယ်။ အဆီပြန်ခြင်းကင်းစေတယ်။ အညစ်အကြေးနဲ့ ဖုန်ပိုးမွှားကို သန့်စင်ပေးတယ်။ ချွေးပေါကိပိတ်ဆို့ပြီး မြံှုနေတဲ့ ဆားဝက်ခြံနဲ့ အဆီဖုဝကိခြံအတွက် အလွန်ကောင်းတယ်။ အကောင်းဆုံးက (၁၀)မိနစ်သာ ထားပါ။ ပြီးရင် မျက်နှာပြန်သစ်ပါ။ Bosia charcoal mask နဲ့ clinique charcoal mask က ကောင်းတယ်။

maskကို အကြာကြီးထားရင် ဘာဖြစ်မလဲ
mask က ခြောကိသွေ့သွားတဲ့အခါ မျက်နှာပေါ်က အစိုဓာတ်ကို ပြန်လည်စုပ်ယူနိုင်တယ်။ အထူးသဖြင့် ရွှံ့စေးနဲ့ အက်ဆစ်ဓာတ်ပါတဲ့ mask တွေကို အချိန်ကြာမသုံးသင့်ပါ။ ရွှံ့စေးမျက်နှာဖုံးတွေ သုံးပြီးတဲ့အခါ မျက်နှာပြန်သစ်ဖို့ လိုပါတယ်။ ဒါမှသာ အစိုဓာတ် အလွန်အကျွံခြောက်ခမ်းမှုကို ကာကွယ်နိုင်မှာဖြစ်တယ်။

ဘာ့ကြောင့် mask sheet အကြာကြီးမထားသင့်သလဲ
ပုံမှန်အားဖြင့် mask တခုဟာ မိနစ်(၂၀)ထက် ပိုမထားသင့်ပါဘူး။ sheet mask က ခြောက်သွေ့သွားရင် မျက်နှာပေါ်က အစိုဓာတ်ကို ပြန်လည်စုပ်ယူနိုင်ပါတယ်။ ဒါ့ကြောင့် အရေပြားမခြောက်သွေ့ခင် sheet mask တွေ ခွာဖို့ လိုပါတယ်။ အထူးသဖြင့် ရွှံ့စေးနဲ့ အက်ဆစ်ဓာတ်ပါတဲ့ mask တွေကို အချိန်ကြာမသုံးသင့်ပါ။ ရွှံ့စေးမျက်နှာဖုံးတွေ သုံးပြီးတဲ့အခါ မျက်နှာပြန်သစ်ဖို့ လိုပါတယ်။ ဒါမှသာ အစိုဓာတ် အလွန်အကျွံခြောက်ခမ်းမှုကို ကာကွယ်နိုင်မှာဖြစ်တယ်။

ဒေါက်တာအေးမင်းထူး
အရေပြားအထူးကုဆရာဝန်
www.drayeminhtoo.com

ဝက်ခြံမထွက်အောင် ဘာလုပ်သင့်လဲ

(၁) မျက်နှာကို သန့်စင်အောင် နေ့စဉ် ပြုလုပ်ပါ။ မျက်နှာသစ်ဆပ်ပြာသုံးပြီး မနက်တကြိမ်၊ ညတကြိမ် ဆေးကြောသန့်စင်ပါ။
(၂) အပျော့စား scrub ဆေးဆပ်ပြာတခုခုကို တရက်ခြားတခါ သုံးပြီး မျက်နှာသစ်ပါ။ scrub သုံးတဲ့အခါ အလွန်အကျွံပွတ်လိမ်းတာမျိုးရှောင်ပါ။ မျက်နှာပေါ် တမိနစ်ခန့်ထားပြီး ရေပြန်ဆေးပါ။ နောက်ပိုင်း တပတ်နှစ်ကြိမ်ခန့်သာ ဆက်သုံးပါ။
(၃) အဆီပြန်တဲ့ မျက်နှာမှာ လိမ်းဆေးအဆီ oil ဆွေ မလိမ်းသင့်ပါ။ ဝက်ခြံပိုထွက်တတ်တယ်။
(၄) မိတ်ကပ်ရွေးရာတွင် အဆီနဲ့သိပ်ထားတဲ့ pressed powder ထက် loose powder ကိုသာ ရွေးချယ်သင့်ပါတယ်။
(၅) အစားအသောက်ပုံစံပြောင်းသင့်တယ်။ အဆီ၊ဆီကြော်စာ ၊နို့၊ကြက်ဥ၊ ပင်လယ်စာ မစားပါနဲ့။ အသီး၊အရွက်၊အစေ့အဆန်၊ အိုမီဂါသရီးပါတာ များများသားပေးပါ။ ရေများများသောက်ပါ။ အားဆေးတွေထဲမှာ vitamin A,C,B3,B5 ပါတာတွေ ကောင်းတယ်။
(၆) လိမ်းဆေးတွေထဲမှာ AHA(alpha hydroxy acids) နဲ့ BHA( beta hydroxy acids) ပါတာတွေ ပြောင်းလိမ်းပါ။ ဒီ chemical လိမ်းဆေးတွေက ဝယ်လို့ရတယ်။ အဆီဂလင်း ဖွဲ့စည်းမှုကို တားဆီးတဲ့ပြင် ဆဲလ်သေတွေကိုပါ ဖယ်ရှားပေးနိုင်တယ်။ ဒီထဲမှာ BHA (salicylic acid)က ပိုကောင်းတယ်။
(၇) ဝက်ခြံထွက်နေစဉ် whitening cream, နေလောင်ကာတွေ မသုံးပါနဲ့။ အရည်ကျဲတဲ့ serum နဲ့ essence စတာတွေ ပြောင်းလဲသုံးစွဲသင့်တယ်။
(၈) ဝက်ခြံပေါက်သူမိန်းကလေးများရဲ့ (၄၅)ရာခိုင်နှုန်းဟာ အသားဖြူစေတဲ့ emulsion သို့မဟုတ် cream တွေကြောင့်ဖြစ်တာ တွေ့ရှိရတယ်။

ဒေါက်တာအေးမင်းထူး
အရေပြားအထူးကုဆရာဝန်

မျက်နှာ စတီးရွိုက်ထိခြင်း

စတီးရွိုက်ထိလို့ မျက်နှာအသားအရေပျက်ဆီးသူတွေ တော်တော်များနေပါပြီ။ ဒီဖက်ခေတ် တရားဝင်မဟုတ်ဘဲ ဝင်လာတဲ့ အလှကုန်ပစ္စည်းတွေမှာ စတီးရွိုက်အနည်းနဲ့အများ ဆိုသလို ပါလေ့ရှိပါတယ်။ ဒါမှလည်း ဝယ်ယူသုံးစွဲသူသဘောကျ အာနိသင်က ချက်ချင်းသိသာမှာကိုး။ အထူးသဖြင့် အရေပြားလိမ်းဆေးတွေမှာ အသားအရေ ချက်ချင်းချောမွေ့ပြီး ဖြူဖွေးသွားတယ်ဆိုတာ စတီးရွိုက်ပါလို့ဖြစ်ပါတယ်။ ရေတိုမှာတော့ ဝမ်းသာစရာကြီး။ သို့သော် ရေရှည်သုံးရင် ဆိုးကျိုးတွေဖြစ်လာတာ လူသိနည်းတယ်။ ဖြတ်လိုက်တာနဲ့ အရေပြားက ရစရာမရှိအောင် ပျက်ဆီးသွားပါတယ်။ ဘယ်လောက်ပျက်ဆီးမလဲဆိုတာ ပါဝင်တဲ့ စတီးရွိုက်အပြင်းအပျော့နဲ့ဆိုင်ပါတယ်။ ဒီထဲမှာ clobetasol ပါတဲ့ဆေးတွေက အပြင်းဆုံးနဲ့ အရေပြားကို ဒုက္ခအပေးဆုံးပါ။ hydrocortisone ပါတဲ့ဆေးတွေက အဲလောက်မပြင်းထန်ပါ။ မပြင်းတာတောင် သုံးဖို့သတိထားရတယ်။

စတီးရွိုက်ဆေးတွေရဲ့ အာနိသင်က မနည်းလှပါ။ အရောင်ကျစေတယ်။ နေ့စဉ်သုံးရင် အသားအရေပါးပြီး သွေးကြောလေးတွေ ပေါ်လာတတ်တယ်။ အဲဒီထက်ပိုဆိုးတာက အဆီထုတ်လုပ်မှုကို အဆမတန်များစေတာမို့ ဝက်ခြံတွေ ထွက်လာတယ်။ သုံးနေတုန်းတော့ မသိသာဘူး။ ရပ်လိုက်ရင် ဝက်ခြံတွေ ပရပျစ်ထွက်လာလိမ့်မယ်။

စတီးရွိုက်လိမ်းဆေးတွေသုံးပြီး ဖြစ်တဲ့ ဝက်ခြံကို steroid induced rosacea ခေါ်တယ်။ steroid acne ဆိုတာလည်းတခုရှိသေးတယ်။ ဒီ နှစ်ခုက မတူပါ။ steroid acne ဆိုတာ စတီးရွိုက်သောက်ဆေးတွေ အလွန်အကျွံသောက်ပြီး ဖြစ်တာကို ခေါ်တာ။ ဒီနေရာမှာ steroid rosacea အကြောင်း ဦးစားပေးဖော်ပြပါမယ်။

ဆေးပညာမှာ မျက်နှာရဲတာကို rosacea ခေါ်တယ်။ သွေးကြောတွေ ပါးပြီးကျယ်လာ၊ ဖောင်းလာလို့ဖြစ်တယ်။ စတီးရွိုက်ဆေးတွေရဲ့ ဘေးထွက်ဆိုးကျိုးပါ။ အရင်ဆုံး လိမ်းတဲ့နေရာက ရဲလာလိမ့်မယ်။ နောက်ခြောက်သွေ့ယားလာမယ်။ ဒါစတိီးရွိုက်သုံးသူတိုင်း ဖြစ်တဲ့ ကနဦးပြောင်းလဲမှုပါ။ ပြီးရင် အဆီဂလင်းတွေ ပွားများလာပြီး အဆီထွက်များလာတယ်။ အဆီများတဲ့အသားရေဟာ ဝက်ခြံပေါက်တာ လူတိုင်းသိတယ်။ အဆီနဲ့အတူ ရောဂါ ပိုးမွှား၊ အညစ်အကြေးတွေ ကပ်ညှိလာတယ်။ ဗက််တီးရီးယားနဲ့ ဖုန်တွေက မွှေးညှင်းပေါက်ကိုပိတ်ဆို့စေတယ်။ ဗက်တီးရီးယားတွေ ခိုအောင်းတာနဲ့ ဝက်ခြံဆိုတာ ဖြစ်တယ်။ အရင်ဆုံး pastuleခေါ်တဲ့ ပြည်တည်ဖု သေးသေးလေးတွေ စပေါက်လာတယ်။ သုံးတာကြာတာနဲ့အမျှ ပိုဆိုးလာပြီး မျကိနှာတပြင်လုံးရဲပြီး အဖုပိန့်တွေ ထွက်လာလိမ့်မယ်။ သုံးတာ ဖြတ်လိုက်ရင် ဆိုးကျိုးတွေ သိသိသာသာ ဖြစ်လာပြီ။

အဆီများတဲ့ ဝက်ခြံက သိသာတယ်။ အဖုပိန့် အနီဖုကြီးတွေ ထလာတာမျိုး။ သုံးတဲ့ဧရိယာကျယ်သလောက် မျက်နှာတပြင်လုံးဖြစ်နိုင်တယ်။ ခန္ဓာကိုယ်မှာ ခုခံအားဆိုတာ ရှိတယ်။ ခုခံအားစနစ်မှာ cytokine ထွက်လာရင် ရောင်ရမ်းခြင်းကို ဖြစ်စေတယ်။ ဒါပေမယ့် လောလောဆယ် မသိသာသေးပါ၊ ဘာ့ကြောင့်လဲဆိုတော့ အရောင်ကျစေတဲ့ စတီးရွိုက်သုံးထားတာကိုး။ သုံးတဲ့ဆေးကို ရပ်လိုက်ရင်တော့ ငရဲစကျပါပြီ။ စောစောက မြုံနေတာတွေပြန် ထလာလိမ့်မယ်။ အင်္ဂလိပ်လို rebound flare ခေါ်တယ်။ ဘောလုံးတလုံးကို ပုတ်လိုက်ရင် အပေါ်ပြန်တက်လာတာကို rebound လို့သုံးတယ်။ မြန်မာလို ပြန်ကန်ထွက်လာတာတဲ့။ ဒီအခြေနေက အဆိုးဆုံးပဲ။ မြုံနေတာတွေ ပြန်ကန်ပြီး မျက်နှာတပြင်လုံး ရစရာမရှိအောင် အဖုပိန့်တွေ ထွက်လာလိမ့်မယ်။

လိမ်းတဲ့ ဆေးထဲမှာ အားပြင်းတဲ့ စတီးရွိုက်သုံးလေ အခြေအနေဖြစ်နိုင်ချေပိုများလေပဲ။ ဆေးထဲမှာ clobetasol လို ပြင်အားအများဆုံးသုံးထားရင်တော့ ကုဖို့ ပိုခက်တယ်။ ဒီလို ပြောင်းလဲမှုတွေက စတီးရွိုက်တင်လားဆိုတော့ မဟုတ်ဘူး၊ tacrolimus , pimecrolimus cream လို နှင်းခူအရေပြားမှာ သုံးတဲ့ဆေးတွေလည်း ဒီတိုင်းဖြစ်တယ်။ အဆိုပါဆေးတွေက ပုံမှန်အားဖြင့် နှစ်ပတ်ထက် ပိုသုံးသင့်တဲ့ဆေးတွေ မဟုတ်ကြပါ။ ဆရာဝန်ညွှန်မှ သုံးရတယ်။

ကိစ္စတခု ဖြစ်သွားရင် ကုသဖို့နဲ့ နောင်မဖြစ်ဖို့ပဲ လုပ်ရတော့မယ်။ ဘာဆက်လုပ်မလဲ။ သုံးနေတဲ့ဆေးကို သေချာပေါက် ဖြတ်ပစ်ရမယ်။ ဒါပေမယ့် ဒီတိုင်းဖြတ်လို့မရပါ။ ပညာရှိနည်းနဲ့ ဆေးကို ဖြေးဖြေးချင်း အကြိမ်ရေတွက်လျှော့ပြီး ဖြတ်ပါ။ ဒီနေရာမှာ လိုအပ်ရင် စတီးရွိုက်အပျော့စား hydrocortisone (သို့) bethamethasone အစားထိုးပြီး ဖြတ်လို့ရတယ်။ ပုံမှန်ကတော့ မသုံးသင့်ပါ။ ကြားထဲမှာ အဆီပါတဲ့ဆေး လုံးဝမသုံးရပါ။ အဆီပါတဲ့အစားအသောက်တွေ လုံးဝရှောင်ကြဉ်ရမယ်။ သောက်ဆေးထဲမှာ ပိုးသတ်ဆေး tetracycline (သို့) doxycycline သောက်ဆေးကို အချိန်ကြာစွဲသောက်သင့်တယ်။tetracycline 250mg (သို့) doxycycline 100mg တနေ့နှစ်ကြိမ် အနည်းဆုံး သုံးလသောက်ရမယ်။tetracyclineရဲ့တခြားအားသာချက်က အဆီထုတ်လုပ်မှု လျှော့နည်းစေတာဖြစိတယ်။ ဒါပေမယ့် ကိုယ်ဝန်ဆောင်မိခင်နဲ့ (၈)နှစ်အောက်ာကလေးတွေမှာ မသုံးရပါ။

မျက်နှာပြင်ရဲတာ ပူတာ အရေပြားခြောကိသွေ့တာ အတွက် ရေဓာတ်အခြေခံ aquaphor oinment သုံးပါ။ အဆီပါတဲ့ မိတိကပ်အောက်ခံ ဘာဆိုဘာမှမသုံးပါနဲ့။ ပုံမှန်အသားအရေဖြစ်တဲ့ထိ ဘာမှမသုံးပဲ ဒီတိုင်းထိထားပါ။ မျက်နှာ ခြောက်သွေ့ရင် ရှားစောင်းလပ်ပက်ကို ထက်ခြမ်းခြမ်းပြီး မျက်နှာပေါ်တင်ပေးပါ။ ကြားထဲမှာ ရေများများ သောက်သင့်တယ်။ မျက်နှာရဲတာအတွက် ရေခဲကို သုံးနိုင်တယ်။ အရေပြားသိပ်ယားယံလာရင် fexofenadine 120mg တနေ့ တလုံးနေ့စဉ်သောက်နိုင်တယ်။အရေပြားသစ်ဖွဲ့စည်းဖို့ vitamin A, C, E ပါတဲ့ antoxyl forte(သို့) Axiona ဆေးမျိုးသောက်ပါ။ Biotin 5mg က အရေပြားအတွက်ကောင်းတယ်။

ကုသနည်း
လေ့လာမှုတွေအရ Tacrolimus ointment 0.03% တနေ့ နှစ်ကြိမ် တစ်လလောက် လိမ်းပြီး doxycycline 100mg တနေ့ နှစိကြိမ် သုံးလ သောက်ရင် အများစု သက်သာလာတယ်။ မသက်သာသေးရင် doxycycline တနေ့တစ်လုံး (၆)လ ဆက်သောက်ရမယ်။ ဒီဆေးနှစ်မျိုးနဲ့ ပြန်ကောင်းလာနိုင်တယ်။ ဒါပေမယ့် ဝမ်းသာအားရမလုပ်ပါနဲ့။ ဆက်ဖတ်ပါဦး။ doxycycline က ပိုးသတ်ဆေးမို့ပြဿနာမရှိပေမယ့် tacrolimusက ခုခံအားကို ကျဆင်းစေတာမို့ တချို့လူနာတွေမှာ ပိုဆိုးလာတာရှိတယ်။ တော်တော်လေး သတိထားရတယ်။ ဒီနေရာမှာ ကျွမ်းကျင်ဆရာဝန်လိုတယ်။ ကိုုယ့်ဘာသာ သောက်ဖို့မစဉ်းစားပါနဲ့။ acne rosaea လို အဆိုးဆုံးဝက်ခြံဖုတွေမှာ isotretinoin(accutane)သောက်ဆေးမျိုး ပေးနိုင်တယ်။ ဒီဆေးက vitamin A toxic dose မို့ အရေပြားဆရာဝန်တွေက လွဲရင် မသုံးသင့်ပါ။

ဆရာဝန်မပြပဲ မိမိဘာသာ ကုသချင်တယ်ဆိုရင် မျက်နှာကို ဘာမှမသုံးပဲ ဒီတိုငိးထားလိုက်ပါ။ နောက်ဆုံး tonar ကအစ မသုံးပါနဲ့။ သောက်ဆေးထဲမှာ tetracycline (သို့) doxycycline သုံးလသောက်ပါ။ လိမ်းဆေးထဲမှာ metrogel တနေ့နှစ်ကြိမ်လိမ်းလို့ရတယ်။ အစိုဓာတ်ထိန်းတဲ့ aquaphor oinment နဲ့ vaseline ကို ညစဉ် ပါးပါးလေးလိမ်းပြီး အိပ်ပါ။ ဘာမှမရှိရင် zinc oxide လိမ်းပါ။ မျက်နှာရဲပြီး အရေပြားခြောက်သွေ့ရင် ရှာစောင်းလက်ပပ်အနှစ်ကို ညဖက် သုံးနိုင်တယ်။ အရေပြား ပူတာမျိုးရှိရင် ရေခဲဝတ်ကပ််လို့ရတယ်။ ဗီတာမင် စီနဲ့အီးပါတဲ့ ဆေးမျိုးထည့်သောက်ပါ။

ဘာတွေရှောင်မလဲ
(၁) နေပူထဲသွားတာရှောင်ပါ၊ အပြင်သွားရင် အဆောင်းအကာ ယူသွားပါ။
(၂) ပူတဲ့စပ်တဲ့ အစားအသောက်၊ အဆီများတဲ့ အစားအစာ လုံးဝရှောင်ပါ။
(၃) အချိုကဲတဲ့အစားအသောက် ရှောင်ပါ။ ကော်ဖီ၊လက်ဖက်ရည်၊ ဂတ်စ်ပါတဲ့အချိုရည်။
(၄) အရက်၊ ဘီယာ၊ဝိုင် လုံးဝမသောက်သင့်ပါ။
(၅) အကြေးခွံပါတဲ့ငါး၊ ပင်လယ်စာ၊ ပုဇွန်စတာတွေ ရှောင်ပါ။
(၆) အဆီပါတဲ့ လိမ်းဆေး လုံးဝမသုံးရပါ။

ပျောက်ကင်းဖို့ဘယ်လောက်ကြာနိုင်လဲ
ပုံမှန်အားဖြင့် သုံးလနေရင် ထူးခြားလာပြီ။ အများစုက ၆လ-၁နှစ်လောက်နေရင် ပျောက်ကင်းနိုင်တယ်။ ဒါကြောင့် ဖြစ်တဲ့သူတွေကို အားပေးချင်တာက စိတ်အားမလျှော့ပါနဲ့။ စနစ်တကျနေထိုင်ကုသရင် သက်သာလာမှာပါ။ အရေပြားတထောက်စာဟာ လူတယောက်အတွက် အရေးကြီးဆုံးဖြစ်တာမို့ နောက်ဆိုဂရုစိုက်သင့်တယ်။

ဒေါက်တာ အေးမင်းထူး
အရေပြားအထူးကုဆရာဝန်
အထူးလေးစားလျှက်ပါဆရာကြီး

#မျက်နှာအဆီမပြန်အောင်
ဘယ်လိုလေးတွေသတိထားသင့်လဲ⁉

အဆီပြန်တဲ့အသားအရေဟာ ဝက်ခြံထွက်တာ လူတိုင်းသိတယ်။ အသားအရေထိန်းသိမ်းရာမှာလည်း သူများထက် ကရိကထ ပိုများတယ်။ သို့သော် ကံကောင်းတာတခုက အဆီပြန်သူအများစုဟာ အသားအရေပျက်စီးမှုမှာလည်း သူများထက် ပိုမို နှေးကွေးတာဖြစ်ပါတယ်။ အရေးအကြောင်း၊ အတွန့်အခေါက်တွေဟာ အသားအရေခြောက်သွေ့သူတွေထက် နောက်ကျပြီးမှသာ ဖြစ်တယ်။ မျက်နှာ အဆီပြန်လို့ စိတ်တော့ မညစ်နဲ့။ ကိုယ်နဲ့သင့်တော်တာကို ရွေးချယ်အသုံးပြုနိုင်ရင် လှပတဲ့ အသားအရေကို ပိုင်ဆိုင်နိုင်ပါတယ်။

💢 သတိပြုစရာလေးတွေက...⁉

💢 ရေဓာတ်အခြေခံပစ္စည်းအဓိကသုံးပါ။
💢 စကားလုံးနောက်ဆုံးမှာ “-icone” ပါတာတွေ ရှောင်ပါ။ (ဥပမာ silicone ပါတာမျိုး)
💢 အဆီဓာတ်အခြေခံ paraffin, cocoa butter, နဲ့ oils ပါတာတွေရှောင်သင့်တယ်။
💢 petrolatum ပါတာထက် Dimethicone ပါတဲ့ဆေးမျိုး ရွေးသုံးပါ။
💢 အစိုဓာတ်ထိန်းပစ္စည်းရွေးတဲ့အခါ အရည်အပျစ်၊အကျဲကို တချက်ကြည့်ပါ။
💢 အဆီပြန်တဲ့အသားအရေမှာ အရည်ကပျစ်ရင် creams နဲ့ lotions ရှောင်ပါ။
💢 အဲဒီအစား ဂျယ်၊ လိုးရှင်းအကျဲစတာတွေက ပိုသင့်တော်တယ်။
💢 အဆီပြန်တဲ့အသားအရေက ပုံမှန်အားဖြင့် နည်းနည်းထူလေ့ရှိတယ်။ ဒါ့ကြောင့် အပေါ်ယံအရေပြားကို ကွာစေတဲ့ lactic acid, glycolic acid နဲ့ salicylic acid ပါတာတွေ သုံးသင့်တယ်။

#ဒေါက်တာအေးမင်းထူး