Abaq.musk

لولاكم ما كبر عبق المسك واستمر لهاد الوقت 🤍

شكراً لكل زبونة كانت سبب بهي التغيرات والاستمرارية ☺️

عبق المسك صنع للمتميزات ويلي بحبوا يكونوا غير وين ما راحوا 🤍

تابعينا دائماً لانه في شغلات مميزة بكل وقت وروائح جديدة لفترة محدودة 👌🏻🥹😍

معكم كبرنا وثقتكم كانت سبب لنستمر 😍

شكراً لكل زبونة وثقت فينا 🥹

تابعونا دائماً وادعمونا لنستمر ❤️

عامان من عبق المسك 🥹

اليوم بحتفل ببداية مشروعي " عبق المسك " لعامه الثاني

ب ٢٢ اغسطس ٢٠٢٤ بلشت عبق بفكرة بسيطة ومنتج بحبه

كل فترة كانت تيجي على بالي فكرة مشروع جديد ، فكرة مو موجودة بالسوق واقترحها على كم شخص قريب مني ويحكيلي حلوة كتير يلا بلشي ، يمر الوقت وانا عندي خوف بالبداية بعد فترة اتفاجئ انه حدا عمل هالمشروع وقول يا ريت بلشت 🙁

بس عبق المسك لما اجت فكرته ببالي ولاني بحب الروائح والعطور كثير ضليت سنتين فكر فيه وخايفة يفشل لحتى قررت اخد الخطوة.

كانت عندي خطة معينة، لكن الله يسرلي خطة افضل بمية مرة من يلي ببالي الحمدالله.
وطبعا، المشاكل والعقبات كانت تطلع بكل خطوة، ولاني بحب هالشي كنت اخدها دروس لاتعلم ولاني كنت متأكدة انها تيسير من الله حتى يكون المشروع بأفضل صورة

تعلمت شلون اسعى، وإن كل مشروع جديد وراه تفاصيل دقيقة، صعوبات كتيرة، ومن أهمها التعرض للنصب، وصارت معي وكانت درس قوي، ومن هون اخترت المصداقية والاخلاق بشغلي وكل دينار يدخل يكون حلال لانه ياما جربت منتجات اون لاين وتكون كذب. وكانت فكرتي الاساسية انه اتعلم كل شي لحالي لانه لما أي مهندس يطلع بالبناء اذا كانت الاساسات صح رح يكمل البناء وما ينهدم

هدول السنتين ما كان " عبق المسك " مجرد مشروع للعطور كان مدرسة عملية فيها مساحة حقيقية اطبق فيه كل شي تعلمته

فتت عالم العطور وتعلمت تفاصيله، وتعلمت تفاصيل السوشل ميديا من بناء الاستراتيجية التسويقية لتنفيذها بكامل التفاصيل من تسعير، محتوى، تصوير، تصميم، مونتاج، تسويق، اعلانات، والبيع والتعامل مع الموردين

تعلمت التعامل مع الزبون مو بس "مرحبا واتفضل هاد السعر" لازم أفهم شو بحاجة العميل فعلا، واساعده يعرف شو الريحة المناسبة لشخصيته وكيف ممكن يدخل بروتينه اليومي وكان كل زبون بالنسبة إلي عبارة عن درس لاعرف اتعامل اكثر

اهم درس تعلمته بعد هالسنتين، إن كل براند اله قصة، ووراء استمراره تحديات كبيرة ما بيشوفها العميل ولكن بالنهاية، التجربة الحقيقية عند العميل هي يلي بتصنع البراند فعلا

اليوم انا فخورة بيلي وصل لاله "عبق المسك " وكلي حماس لكل شي لسا ما انبنى فيه وخصوصاً الحمدالله، بعد سنتين ما صار معي مرة إن حدا رجع المنتج لأنه ما عجبه، وبالعكس، رجوع الزباين للطلب مرة تانية وكلامهم عن الروائح والتجربة، كان الفيدباك دائماً عبارة عن رسائل بتصنع يومي 🥺😍

مو لازم الخطة تكون كاملة حتى تبلش، احيانا البداية نفسها هي يلي بتعلمك كيف تبني الخطة

سنتين من عبق والحكاية بعدها بأولها 🤍

في روائح منشمها ومننساها وفي روائح بتعلق بذاكرتنا هي والاشخاص والاماكن وبترتبط فيهن 😍

بهاد الموقف ارتبطت ريحة المسك يلي حاطته بدرس السباحة والموقف وشعور السعادة يلي كان جواتي 😍😍

بتحبي الناس تذكرك وتربط الريحة فيكي 😎

الصيف إله تفاصيله ( شاور أكثر، طلعات أكثر، وشوب أكثر. 🔥)
ومشان هيك الريحة بالصيف مو تفصيل صغير.

من أجمل الأشياء اللي سمعتها من زبونة قريبة مني:
«حتى بعز الشوب، بحب تضل ريحتي مسك.»

ومن هون إجتني فكرة: يمكن المسك مو بس عطر نحطه… يمكن يكون جزء من إحساسنا بالنظافة والاهتمام بأنفسنا. 🤍



وأنتِ، لو بدك تختاري ريحة ترافقك طول هالصيف… شو بتحبي تكون

بعد سنين…
يمكن تنسي تفاصيل صغيرة من يوم عرسك،
بس أحياناً ريحة واحدة بترجعلك الشعور كله. 🤍

اختاري الرائحة يلي بدك ترتبط بأجمل يوم إلك.
عبق المسك | لأن لكل عروس بصمتها