Dr.Rusol Saad

حركة الجنين بالشهر التاسع 🤰🏻

من أكثر الأسئلة اللي أسمعها من الحوامل:
"دكتورة، بالشهر التاسع حركة البيبي قلت… هذا طبيعي؟"

خليني أوضحلكِ نقطة مهمة 👇🏻

مع تقدم الحمل وكبر حجم الجنين، المساحة داخل الرحم تصير أضيق، لذلك ممكن طبيعة الحركة تتغير؛ يعني بدل الركلات القوية والمتكررة، ممكن تحسين بتمدد، دفع أو حركة بأجزاء مختلفة من البطن.

لكن ❌ مو صحيح أن حركة الجنين لازم تقل بالشهر التاسع لمجرد أن المساحة ضاقت.

المهم هو أن تبقى الحركة بنفس النمط المعتاد لطفلكِ.

إذا لاحظتِ أن الحركة صارت أقل بشكل واضح من المعتاد، أو صار تغير مفاجئ بنمط الحركة، لا تنتظرين ولا تعتمدين على فكرة "لأن أنا بالشهر التاسع"، وإنما لازم يتم تقييم الجنين فورًا.

🤍 لأن حركة الجنين هي واحدة من أهم العلامات اللي تطمّنا على سلامته.

🤰🏻🌻🫰🏻

، هواي ناس تتوقع إنو المغذيات أو الفيتامينات راح تزيد مي الجنين. بالحقيقة، هذا الكلام مو دقيق. مي الجنين يعتمد أكثر شي على صحة المشيمة ووظيفة الكلى عند الجنين، مو على الفيتامينات اللي تاخذها الأم. فالمهم نراقب الحمل بانتظام ونشوف السبب الحقيقي لقلة المي، مو نعتمد على المغذيات ونضيع وقت ثمين. أهم شي المتابعة الدورية والفحوصات اللازمة.
#نسائية #توليد

الحمل بعد إزالة اللولب 🤰🏻✨

مراجعة بعمر 38 سنة شالت اللولب وتركت وسيلة منع الحمل ظنًّا منها أن الحمل بهذا العمر صعب أو ما يصير… لكن بمجرد إزالة المانع، ممكن يحدث الحمل بشكل طبيعي ❤️

العمر 38 سنة لا يعني انتهاء الخصوبة، لذلك إذا ماكو رغبة بالحمل لازم الاستمرار بوسيلة منع حمل مناسبة حتى بعد إزالة اللولب.

مو كل خربطة بالدورة = تكيس! 🩸🚨

دورتچ صارت تتأخر؟ تتقدم؟ أو تنقطع لفترات؟

لا تستعجلين وتكولين: «أكيد عندي تكيس!» ❌

لأن اضطراب الدورة ممكن يكون سببه أسباب ثانية، مثل:
🔸 خمول الغدة الدرقية
🔸 ارتفاع هرمون الحليب
🔸 اضطرابات التبويض
🔸 وأحيانًا التغيرات الهرمونية بمرحلة ما قبل انقطاع الطمث، خصوصًا بالأربعينات.

✨ التكيس واحد من الأسباب… مو السبب الوحيد!

لذلك التشخيص الصحيح يبدأ من معرفة ليش دورتچ متلخبطة، مو مجرد تخمين.

👩🏻‍⚕️ لا تعالجين التكيس قبل ما تتأكدين إن هو السبب.
#نساىية #توليد #طبيب #مشاهير