Zo LINK

Alicei'n pasal a nei dawn ! An lawmpuiawm hle mai👏

Mizo host kan neih zinga lar ber pawl Pi Mali fanu host leh actress, Alice Rintluangi Hmar chuan pasal a nei dawn e....

October 20, 2026 hian Hmangaiha nen Electric Veng Presbyterian Biak In, Aizawl ah "tiam tlat e" tiin Pathian leh kohhran te hmaah k*t an insuih ang.

Nupa tuak thar tur te thinlung takin kan lawmpui e🙏

Cp

A van pawi thin tak em aw...

Pasal k*t tuar ni ngeia hriat vangin k*m 46 mi a boral

Aizawl; Thawhlehni zan dar 9:53 PM khan Ramthar North, Aizawl a cheng Lalthangliani k*m 46 chu a pasal k*t tuar ni ngeia hriat avangin an chenna inah thi a hmuh a ni.

Thudawn danin, Ramthar North khawtlang hruaitute Lalthangliani te ina an kal hian Lalthangliani chu khumah a hmai chauh langa mu anga hmuh a ni a. Inchhungah thisen hmuh a nih avangin chhungte hriattir an ni a, Police te hriattir nghal an ni. Police leh Forensic Team te chuan a chenna in an endik nghal a, khawtlang hruaitute sawi danin a taksa ah duk leh hliam a awm nual niin an sawi.

He thihna thleng chungchangah hian a pasal Lalrinzuala chu Police ten thu zawhfiah turin an la nghal a, tunah hian Police k*tah a awm mek a ni. Thenawm khawveng ten thawm an hriat thu an sawi a, mahse nupa karah thawm an neih fo thin avangin ngaiah an lo nei deuh tawh niin thudawnna chuan a tarlang.

A ruang hi Thuampui venga a nu leh pa te chenna lamah lak a ni a, vawiin September 29, chhun dar 12:00 khan vuiliam a ni. An nupa hian fa an la nei lo tih hriat a ni.

Hemi chungchangah hian Thuampui Branch MHIP chuan thuchhuah siamin pawi an tih thu an tarlang a. An thuchhuah chuan, an hmeichhiatpui an veng mi Pi Lalthangliani chu a pasal k*t tuara a nunna chan ta mai chu tawrh har an tih thu leh an ngaihthiam loh thu an sawi a.

Hetianga hmeichhiaten mipa te laka nunna an chan fo mai chu veiawm an tih thu an tarlang a, a pasal hian a phu tawk hremna hmu ngei rawh se tiin an phut a ni.
Cp

CM hlui Pu Zoramthanga hian mi welcome a thiam bawk a, hnam dangte tan pawh hian an la ngaihhlu hle niin alang... Sonam Wangchuk hi chu tunlai thalai GenG kan tihte phei chuan hrelo an awm awm love..Thlahnih khat liam ta mai a, Delhi a Exam Paper leakout duh lohna lantirnaa a khaipa ber kha a ni a, Pu Zoramthanga (Ex CM ) a rawn kawm nghal chat mai... 👇 Zalen post aw..

Sonam Wangchuk-a'n Mizoram neih ang Memorandum of Settlement hlawhtling neih ve a duh thu Zoramthanga hrilh

ZALEN September 29, 2026: Activist hriat hlawh Sonam Wangchuk, Engineer leh Educator ni bawk chuan Delhi-a cham mek MNF President Zoramthanga chu appointment a dil angin nimin khan Mizoram House, New Delhi ah a kawm.

Wangchuk chuan, "Mizoram neih ang Memorandum of Settlement hlawhtling tak hi zirchian ka duh a; Mizo Peace Accord - Inremna hlawhtling neih kawnga sulsutu Zoramthanga tawnhriatte hriat chian lehzual a, kawm hi ka duh a ni," a ti.

Zoramthanga leh Sonam Wangchuk inkawmnaah hian politics leh tunlai khawvel chungchang an sawi tam ber a. Wangchuk hian Mizoram leh India inremna chu ropui a tih avangin zirchian ve a duh thu a sawi a. MNF President pawhin lawm taka lo dawngsawngin, he Peace Accord hi inremna tlo leh tluantling, hlawhtling ber a nih avangin mimal leh ram dangte pawhin zir thamah ngaiin an rawn zir fo tawh tih a lo hrilh a. Sonam Wangchuk pawhin zir belh leh zirchian zel a duh a, amah leh Ladakh lama a ṭhiante nen Mizoramah emaw, a remchan dan anga inkawm a, zirchian lehzual a duh thu a sawi.

MNF President chuan he inremna atana India sawrkar patlinzia sawi langin, " Pu Laldenga, electoral roll-a chuanglo kha India sawrkarin Interim Agreement-ah ṭul an tih avangin Indian Constitution ang thlapa thlan tlin Mizoram UT Chief Minister Pu Lal Thanhawla pawh an lan-tir duh a. Hei hian India sawrkarin remna a duhzia leh remna atan a man pek an inhuamzauzia a lantir a ni," a ti. He inremna tlo leh entawntlak ber pakhat neitu Mizoram mipuite neih ang inremna hi nei ve zel sela an duh thu Sonam Wangchuk hi a lo hrilh bawk.

Wangchuk chuan Zoramthanga chu fakin, ramhnuaiah k*m 20 MNF underground movement-a awm tawh, k*m 15 zet Chief Minister ni zui ta bawk leh, chawl miah lova k*m 36 chhung MNF President-ah a ṭang thei chu mak a tiin a fak a. Hun remchang la siamsak leh tur leh, Memorandum of Settlement zirchiang tura Mizorama lo zin a duh thu Sonam Wangchuk hian a sawi bakah, MNF President Zoramthanga pawh Ladakh-ah zin ve ngei turin a sawm bawk.

He inkawmnaah hian Mizoram House Kitchen siam Mizo chhangban kan leh Mizo thingpui nen Zoramthanga, MNF President leh Chief Minister hlui ni bawk hian Sonam Wangchuk hi a lo hlui a. A lehkhabu ziah 'From Guerilla Fighter to Chief Minister' leh, Memorandum of Settlement original scanned copy chu a hlan nghal bawk.

Damtakin hmu hram sela awww🙏

MIBO

LALPARVULI (18) D/o Ramngaihzuali
Zampuimanga Section Salem Veng, Aizawl.

Ni 22/08/2026 tlai lama an in a chhuah san chu tun thlengin a chin hriat ala ni lo a, a awmna chin hria leh lo hmu chuan, a hnuai contact number kan dahah hian min hrilh theih chuan kan lawm hle ang.

Salem Veng Branch YMA

President : 9862859979
Secretary: 9862372946

Sd/-
Secretary
Salem Veng Branch YMA

Note : A bo hun hi arei ve deuh tawh niin a lang a, a awmna chin emaw, a mah hria kan awm hlauh chuan phone number an tarlanah khian be hram hram turin kan inngen e. Tunlai kan mizoram dinhmun thlirin ngaihtuahna a kal thui duh hle mai a, Mahse Pathian zarah damtakin hmu leh mawlh teh se..🙏

Ramdinpuii thattu Denghmingthanga Lockup atanga a tlan chhuah chungchangah Lunglei YMA te leh Police ten ngenna an ti chhuak...

*YMA SUB-HEADQUARTERS, LUNGLEI NGENNA*

Mualthuam 'N' tleirawl, H. Ramdinpuii thattu-a puh, Denghmingthanga, K*m 20 chu tukin Ni 1.9.2026 (Thawhlehni) zing Dar 1:00 vel-ah khan Lunglei Police Station-a thu zawh fiah tura kawl a nih laiin a tlan chhuak a.

YMA Sub-Headquarters, Lunglei hnuaia Branch te, a zawn chhuah kawngah Police-in hmalakpui tura min ngen angin, YMA Branch ten mahni huam chhungah theuh mit len a, Police-te thawhpui turin kan inngen a, hmu kan lo awm a nih pawhin k*t thlak lo turin kan inngen a ni.

Thlalaka a thuamhnaw hak hi a tlan chhuah laia a inbel a ni a, pheikhawk bun lovin Handcuff vuah chungin a tlan chhuak a ni. A chin hria kan awm a nih chuan Lunglei Police Station - Mb. No. 9485414441 ah emaw, YMA hruaitute hnenah hriattir turin kan inngen a ni.

*Denghmingthanga thlalak*

( C. LALRINDIKA )
Secretary
Young Mizo Association
Sub-Headquarters, Lunglei

Police lam ve thung..

*NGENNA*

Denghmingthanga(20) s/o Ramdina of Mualthuam North, Lunglei District Lunglei PS C/No.84/26 Dt.05.08.2026 u/s 103(1)/140(1) BNS a man niin, DT.01.09.2026 zinglam dar 01:00 AM vel khan Police Custody atangin a tlan chhuak a. Amah hi Ft.5'4 sang leh a biang vei lamah khuavang chhinchiah dum a nei a. Rahsi Veng pana a kal hmuh hnuhnung ber a ni.

Amah lo hmu chuan a rang lama Lunglei Police te emaw a hnuaia Phone Number dahah hian be pawp vat turin kan inngenin kan inhriattir a ni e.

*8259901971*
*SDPO*

*9485414441*
*Lunglei PS*