Pharmacist Assawer Jawad

الرتينول هو المادة الوحيدةالمتوافق عليها كمضاد للشيخوخة ويقلل الخطوط والتجاعيد ويحفز انتاج الكولاجين بالبشرة ويفيد للتصبغات المسامات تقليل ظهور الحبوب يبين مفعوله بعد شهرين ولازم استعماله فترة طويلة حتى تشوفوا عليه نتيجة .استعماله يبدأ من عمر ١٨ سنة لا تنتظرون الوقت يفوت والعمر يتقدم والتجاعيد تظهر يلة تستعملوا كلما تتقدموا بالعمر التجاعيد صعب تروح.يناسب كل انواع البشرة اهم شي اختيار الشكل والتركيز المناسب .يجي بتراكيز مختلفة
‎0.01-0.03% للمبتدئين
‎0.05-1%للمتعودين
‎1%-3% للمخضرمين
بس مو معناها كلما اعلى يعني احسن الدراسات اثبتت اي تركيز تستعملوا هو شغال المهم الاستمرارية .البشرة الدهنية والمختلطة والمعرضة للحبوب استعمال السيروم.البشرة الجافة والعادية والحساسة استعمال بشكل كريم .طريقة الاستعمال حسب طبيعة البشرة نبدأ بالتدريج ساعتين مرتين بالاسبوع بطريقة الساندويتش مرطب سيروم مرطب ونزيد المدة حسب تحمل البشرة ممكن نخلي كل يوم طول الليل والافضل ٣ مرات بالاسبوع.وافضل طريقة هي الشهر الاول كل ٣ ايام مدة شهر الشهر الثاني ٣ مرات بالاسبوع الشهر الثالث كل يوم.نخلي على بشرة جافة ويفضل نخلي مع سيروم هايلورونيك اسيد او نياسين امايد وبعده مرطب .دائماً البدء بتركيز قليل وبعد تعود البشرة ممكن نستعمل تركيز اقوى وممكن نغير للرتينال بعد فترة.
غير امن للحامل والمرضع واللي ناوية على حامل لازم توقفه قبل شهر من نية الحمل.
#الرتينول⁩⁩

انتوا شنو رايكم؟؟

هذه الفيتامينات اللي اني اخذها انتوا شنو تاخذون ؟
#فيتامينات

انتوا شنو رأيكم؟؟

هل من الممكن نخلط منتجات البشرة حتى تصير منتج واحد لسهولة الاستعمال واختصار الوقت ؟
الجواب لا طبعا احنة مو علماء ولا خبراء بمنتجات البشرة حتى نخلط المنتجات من كيفنا يعني تتوقعون هم ما فكروا يسوون منتج ٦ في ١ ونخلص اكيد فكروا لكن في سبب انه ما يصير والسبب هو
مايصير نخلط المرطب أو الفاونديشن مع الواقي شمس والسبب انه حماية الواقي راح تقل باعتبار خففنا بمنتج ثاني .
والافضل نخلي المرطب وراه واقي
او واقي شمس وراه فاونديشن.
ما يصير نخلط السيرومات مع بعض ونخليهم بعلبة وحدة السبب
كل منتج اله PH مختلف يعني وسط حامضي او قاعدي مناسب يشتغل بي اذا خلطنا منتجات مختلفة Ph راح تتكون غازات مضرة وممكن يتكون مركب يؤذي البشرة او يفقد فعاليته او كل منتج يلغي عمل الثاني وبالتالي ما نستفيد من الاثنين .
الحل انه نخلي السيرومات اللي تتناسب مع بعضها على البشرة مع فرق دقيقة تمتص الاول وبعدين نخلي الثاني واذا كانت سيرومات ما تتناسب مثلا أحماض ورتينول نخلي كل واحد بيوم مختلف .
ما يصير نخلط السيروم مع المرطب لانه المرطب قوامه ثخين والسيروم قوامه خفيف بخلطهم راح يصير منتج سايح 🤣
لا هو كريم ولا هو سيروم بالاضافة انه ممكن يتاكسد ويخرب الحل انه نخلي السيروم وراه مرطب واذا كان السيروم يسبب تحسس نخلي بطريقة الساندويتش يعني مرطب سيروم مرطب وفي حالات التهيج الشديد من السيروم نكدر ناخذ قطرتين من السيروم وشوي كريم ونخلطهم براحة ايدنا ونخليهم بس مو نخلط العلبة كاملة .
الملخص لا تسوون خلطات من كيفكم
واستعملوا المنتجات فوق بعض افضل .
وغالبا اكثر الخلطات يتغير لونها بعد فترة لانه تتفاعل وتتاكسد .