The queen

أعمل ديرمابن دلوقتي ولا أستنى للشتا احسن كتير سألوني» 🤍
بصوا يابنات الديرمابن ممكن تتعمل في أي وقت مش شرط شتا أو صيف 🌸
الفكرة مش في الفصل نفسه الفكرة في إنتِ هتكوني عاملة إيه بعد الجلسة؟ 👇🏻
يعني سواء صيف أو شتا، مع الالتزام بالتعليمات والروتين المناسب بعد الجلسة، نقدر نعمل الديرمابن ونكمل علاجنا عادي جدًا.
بس طبعًا الموضوع بيختلف من واحدة للتانية:
👩🏻‍💻 لو شغلك مكتبي ومش بتنزلي كتير في النهار ومش بتتعرضي للشمس الموضوع هيكون أسهل عليكي.
☀️ لكن لو شغلك أغلبه تحت الشمس أو بتتعرضي للشمس لفترات طويلة، ساعتها الأفضل تستني شوية لحد ما الجو يهدى، لأن حماية البشرة بعد الجلسة هتكون أصعب يعني مش معنى كده إن الديرمابن ممنوعة في الصيف ❌
لكن معناها إننا نختار الوقت اللي يناسب روتين حياتك ويخليكي قادرة تلتزمي بتعليمات ما بعد الجلسة.
🤍 الخلاصة:
الديرمابن ممكن تتعمل دلوقتي وممكن تتعمل في الشتا، المهم الالتزام بتعليمات ما بعد الجلسة وحماية البشرة من الشمس.
متخلوش حر الصيف وشمسه يأخروكم عن الاهتمام ببشرتكم 💙

😊😊

مسام إيدك واسعة وشكلها مضايقك؟ 👀
الحل موجود في الصورة 👇✨
الليزر ممكن يساعد في تحسين شكل الجلد والمسام.

💧 هل السيرم ممكن يغني عن المرطب؟
❓ لو السيرم فيه مكونات مرطبة، هل كده مش محتاجة أستخدم مرطب؟ أيوه ممكن أحيانًا، بس مش كل سيرم فيه مكونات مرطبة يقدر يحل محل المرطب.
لو السيرم فيه مرطبات قوية زي حمض الهيالورونيك، الجليسرين، البانثينول ومعاه مكونات تساعد على حبس الترطيب، ومناسب لبشرتك → ممكن يكفي لو بشرتك دهنية ومش محتاجة ترطيب تقيل.
لو بشرتك جافة أو حاجز البشرة ضعيف → الأفضل تحطي مرطب بعد السيرم، لأن المرطب بيعمل طبقة تحافظ على الترطيب. الخلاصة مش كل سيرم مرطب ينفع يكون بديل للمرطب… الموضوع بيعتمد على تركيبة السيرم واحتياجات بشرتك.💙👌

كونسلير دراكون 👀
النهارده هكلمكم عن الكونسيلير اللي كررته كتير كونسيلير دراكون 🤎
أكتر حاجة بحبها فيه إنه بيدي تغطية خفيفة وطبيعية تحت العين. 👍🏻 وفي نفس الوقت تركيبته فيها مكونات مخصصة لمنطقة تحت العين، فمع الاستمرار ممكن يساعد في تحسين مظهر الهالات.❤️
أنا شخصيًا بحب أستخدمه بشكل يومي
هو مش مجرد كونسلير للتغطية لأن تغطيته خفيفة وطبيعية جدًا تحت العين، وكمان مناسب للاستخدام اليومي، وأنا بستخدمه وبنام بيه عادي. بالنسبة للريحة، في بنات قالت إنها مش حاباها، لكن أنا بصراحة شايفاها عادية جدًا؛ لأنه طبي ومش متضاف له روائح تجميلية قوية عشان يخلي ريحته حلوة وخلاص. منه درجتين: Light و Medium ✨
وطبعًا لو عندك هالات متوسطة أو شديدة، مش هقولك إنه هيكون مناسب ليكي لأن تغطيته خفيفة ومش معمول للتغطية العالية. 🤎

💉 مقاسات الديرما بن… كل مقاس بيعمل إيه؟
مش كل عمق في الديرما بن مناسب لكل حاجة 👇
✨ 0.25 مم: يساعد على تحسين امتصاص المنتجات ونضارة البشرة.
✨ 0.5 مم: لتحفيز بسيط للكولاجين وتحسين ملمس البشرة.
✨ 1 مم: مناسب لمشاكل سطحية وآثار الحبوب البسيطة.
✨ 1.5 مم: يُستخدم للندبات وآثار الحبوب الأعمق، ويفضل عند مختص.
✨ 2 مم فأكثر: عمق كبير ومش مناسب للاستخدام المنزلي، ويحتاج مختص لتجنب التصبغات والالتهابات والندبات.
⚠️ المهم: اختيار العمق مش على حسب "الأقوى أحسن"، لكن حسب المشكلة ومكانها ونوع البشرة.
إنتِ لو هتستخدمي الديرما بن، أكتر حاجة نفسك تعالجيها إيه؟ 👀

ركزوا معايا الله يكرمكم عشان هتكلم عن حاجة مهمة زي الهوا اللي بتتنفسيه ...
هو الصن بلوك :

الصن بلوك من الحاجات المهمة جدااا ف الروتين الصباحي ، مينفعش تنزلي من غيره .

أضرار الشمس كتير فهي عدو البشرة الاول وبالتالي الجمال ، منها التصبعات و النمش و التجاعيد وبالذااات التجاعيد و الكلف ، ف مهم جدا إننا نفهم ايه فايده الصن بلوك .
عايزه اقولك ان بشوف بنات كتير في العشرينات وشهم طلع فيه خطوط وتجاعيد مبكرة .. انتو متخيلين الكارثة 😫

الصن بلوك مش للصيف بس ، لكنه للصيف و للشتا.

طبعا هو مش بيطلع حبوب و لا بيزيت ، و لو عمل كده معاكي كده يبقى انتي اختارتي نوع ميمشيش مع بشرتك او نوع وحش اصلا ، يعني ممكن تكون بشرتك دهنيه و استخدمتي بتاع الجافه ، كده وشك هيدهنن ، كل نوع بشره ليها صن بلوك مخصص ليها .

الصن بلوك بيحمي البشره من الالتهابات و التهيج و الاحمرار عند التعرض لآشعة الشمس .

بيحمي من حروق الشمس لو اتعرضتي ليها ل فتره طويله زي المصيف والبلاج .

بيعكس آشعة الشمس بعيدًا عن الجلد ، عشان كده المواد اللي فيه بتعمل كحاجز للشمس و تمنع اختراق الآشعه الضاره لطبقات الجلد .

الصن بلوك بـ تحتاجي منه كميه صغيره جدا و توزعيه ع وشك كويس مش فرح كل ماتكتري كل مابتحمي نفسك 🙄، و بتستخدميه بعد م الكريم المرطب ينشف ، بعدها بـ ربع ساعه و بـ تستخدميه قبل التعرض ل الشمس ع الأقل بـ ربع ساعه و تجدديه كل ساعتين طول ما أنتي بره البيت أو متعرضه ل الشمس .

احسن انواع صن بلوك هو لاروش أو فيشي أو ايفين حمايه +50 ، و هاتي بتاع نوع بشرتك .

أو بيوديرما أو Bio Balance و دول بينزل عليهم عروض حلوه جدا .

10 - معامل حماية spf 50+ أفضل درجة حمايه للبشره ، لأنها بتحمى من آشعة الشمس UVA و UVB الضاره ....

انا عن نفسي بستخدم لاروش مناسب للبشرة المختلطة المايلة للجافة ف الشتا ومايله للدهنية ف الصيف .. والنوع ده ظابط معايا جداا وبشتريه ف العروض بس بحط قبله مرطب للبشرة و مش بتحتاجي تحطي فاونديشن 🥰