RAVEN STORE

ترطيب "البشرة المختلطة"
الجل كريم : تحفة أنعم مرطب هيلمس بشرتك ترطيبة قمر مناسب للبشرات اللى الكريم تقيل ليها والجل مش بيرطبها كويس دحلاب كده دحلاب 💜 كمان خالي من العطور عشان البشرات الحساسة 🤍
متنسيش تاخدي معاه سيرام الهيرلونيك اسيد هتخدي نضاره وترطيب اكسترا🙈

قبل ما تستخدمي شفرة الحلاقة… اعملي الخطوات دي!

عشان تحصلي على حلاقة ناعمة وتقللي فرص الحبوب والتهيج 👇🏻

🫧 نضفي المنطقة كويس قبل الاستخدام.
🚿 يفضل مية دافية عشان تلين الشعر.
🧴 استخدمي جل أو كريم حلاقة مناسب لبشرتك.
🧴عقمي الشفرة بكحول
🪒 استخدمي شفرة نظيفة وحادة، ومتستخدميهاش مع حد تاني.
❌ وابعدي عن السكراب والأحماض والعطور قبل الحلاقة مباشرة وبعد الحلاقة مباشراً
🫂 رطبي كويس بكريم سيراميد أو كريم حفاض

التحضير الصح = حلاقة أنعم وتهيج أقل 🤍

لو بتستخدمي روتين التقشير تعالي أقولك تستخدميه إزاي مع الليزر عشان متغمقيش بزيادة 👇
تعليمات مهمة قبل وبعد جلسة الليزر ✨

أول حاجة، لازم تحددي نوع جهاز الليزر المناسب ليكي على حسب طبيعة ولون بشرتك، وكمان طبيعة وكثافة الشعر عندك.
والـ Power كمان بيتظبط على نفس الأساس، مش رقم ثابت لكل الناس.

تاني حاجة: الكريم المخدر قبل الجلسة.
لو الدكتورة موصية باستخدامه، لازم يتغسل بالمية كويس جدًا، ما يتمسحش بس، وبعدها تنشفي المنطقة كويس جدًا قبل ما تدخلي الـsession.

وبعد الجلسة بقى، نهتم جدًا بالـ After Care.
أول ما تخرجي من الجلسة أو توصلي البيت، استخدمي الكريمات اللي الدكتورة موصية بيها، واستمرّي عليها لمدة 3 أيام على الأقل أو حسب تعليمات الطبيبة.

طيب… نستخدم المقشرات إزاي مع الليزر؟ 👀

دي نقطة مهمة جدًا!

مبدئيًا، لو المقشر مناسب لحالتك، ممكن يتستخدم أسبوعين فقط في الشهر، والأسبوعين التانيين نوقفه.

والأهم: الأسبوع اللي قبل جلسة الليزر نوقف أي مقشرات تمامًا.

ونركز بدلها على الترطيب وإصلاح حاجز البشرة، زي المنتجات اللي فيها Ceramides، وCica وغيرها من المكونات المرطبة والداعمة لحاجز البشرة.

وفي أسبوع الجلسة، خصوصًا الأيام اللي بعد الجلسة، نلتزم بالـAfter Care اللي الطبيبة موصية بيه، ونكمل على الترطيب لحد ما البشرة وحاجزها يرجعوا لطبيعتهم.

وبكده نقلل فرصة التهيج ونساعد بشرتنا تعدّي الجلسة بأمان وراحة. 🤍

وأتمنى لكم تجربة ليزر لطيفة ومثمرة … ومن غير أي تهيج! ✨

للاستفسار عن الأسعار وطلب الاوردر
واتس آب
01023297251
لينك الجروب 👇
RAVEN BEAUTY | ERA care | NAWARA | Original Cosmetics (موزع معتمد)

ليه بيطلع لنا حبوب في وشنا؟ 🤔

خلينا نقول إن الحبوب من أكبر المشاكل اللي بتظهر في فترة المراهقة وأولى سنين الشباب…
والبشرة الدهنية ممكن تكون مرتبطة بمشاكل تانية زي فروة الرأس الدهنية اللي هي القشرة أو جلد الوزة، وممكن الشخص يكون عنده واحدة منهم أو أكتر من مشكلة في نفس الوقت

طبعًا ده مش معناه إن كل بشرة دهنية لازم يكون معاها قشرة أو جلد وزة، لكن أحيانًا المشاكل دي بتظهر مع بعض."

بس يا ترى ليه أصلًا بتطلع؟

الحقيقة إننا مش دايمًا نقدر نتحكم في السبب الأساسي لظهور الحبوب، لأن الموضوع بيشارك فيه أكتر من عامل، زي زيادة إفراز الدهون، تراكم الخلايا الميتة، انسداد المسام، والتغيرات الهرمونية.

لكن اللي نقدر نتحكم فيه هو النتيجة… يعني نقلل فرصة ظهور الحبوب ونساعد بشرتنا إنها تبقى أهدى.

طيب نعمل إيه؟

روتين البشرة المعرضة للحبوب لازم يبدأ بـ3 أساسيات:

أول حاجة: غسول مناسب للبشرة المعرضة للحبوب، وممكن يكون فيه ساليسيليك أسيد بتركيز مناسب، زي 2%، لأنه بيساعد على تنظيف المسام وتقليل تراكم الدهون والخلايا الميتة.

تاني حاجة: النياسيناميد بتركيز مناسب، لأنه بيساعد في دعم حاجز البشرة وتنظيم مظهر الإفرازات الدهنية وتهدئة البشرة.

تالت حاجة: المرطب.
ودي نقطة ناس كتير بتغلط فيها جدًا!

كون بشرتك دهنية مش معناه إنك مش محتاجة ترطيب. بالعكس، الترطيب المناسب بيساعدك تحافظي على حاجز البشرة، وده مهم جدًا خصوصًا مع استخدام المنتجات اللي بتستهدف الحبوب.

اختاري مرطب خفيف، ويفضل يكون جل أو Non-comedogenic
وممكن يحتوي على مكونات مرطبة زي الهيالورونيك أسيد.
اهم حاجة تكون قاعدته مائية

خلي بالك لو فيه حبوب تحت الجلد أول ما تستخدمي السالسيلك اسيد بتبدأ تطلع ودا Purging طبيعي

إلا لو الحبوب مستمرة أو بتزيد بشكل واضح، أو فيها التهاب شديد، يبقى محتاجين نراجع الروتين بدل ما نكمل ونقول "ده طبيعي".

والأهم: مش كل بشرة دهنية لازم يكون عندها قشرة أو جلد وزة، ومش معنى إن عندك واحدة منهم إن لازم يكون عندك التانية. كل مشكلة ليها أسبابها وطريقة التعامل معاها.

ولو عايزة تعرفي إزاي نتعامل مع القشرة، شوفي البوست اللي اتكلمنا فيه عنها،
ولو عايزة تعرفي حل مشكلة جلد الوزة… تابعينا، لأننا هنتكلم عنها بالتفصيل. 💚

ليه شعري مقصف وهايش !!
خلينا متفقين إن التقصف من أهم الأسباب اللي بتسبب هيشان الشعر بس دا مش السبب الوحيد !

طب ليه الشعر بيقصف ؟
سوء تغذية ، نقص في الفيتامينات والمعادن الضرورية

فاكرة باقه تحاليل الشعر ؟
ابقي حللي بقى

التقصف في الحالة دي بيبقى بسيط والعلاج بيبقى بخلطات لتقويه الشعر زي زيت جوز الهند واللوز وزيت الزيتون

السبب التاني للتقصف هو الاستخدام المفرط للحرارة واستخدام الصبغات ومواد الفرد زي الترميم والكافيار وأي هبل تحت مسمى تريتمنت فلو شعرك مقصف بسبب الأسباب دي قولاً واحداً قصي أطرافه

طب والهيشان ؟
الهيشان في الأصل بيبقى جفاف ونقص ترطيب ومش معنى إن فروة رأسك دهنية أنه شعرك ميهيش بالعكس معظم أصحاب الشعر الدهني بيشتكوا من هيشان الشعر

طيب نرطب الشعر بإيه ؟
لو شعرك جاف هيبقى بشامبو غني بالألوفير وحمامات زيت مناسبة وحمام الكريم وليف إن مناسب لطبيعة الشعر

لو شعرك دهني هتتعاملي مع القشرة زي ما شرحنا قبل كدا وهنستعمل البلسم وحمام الكريم بالمدة المحددة على الأطراف فقط ونستخدم ليف إن مناسب لطبيعه الشعر

ده المفروض يبقي قوام اى مرطب هتسخدميه لوبشرتك دهنيه و بيطلعلك حبوب 🤷🏼‍♀️❤️

ليه شعري مبيطولش وبيقع ؟

اول حاجه بنستبعد العامل الوراثي ، يعني ميبقاش في حد في العيلة عنده صلع وراثي لأن في الحالة دي المنتجات الطبية مبتبقاش كفاية بيبقى فيه عامل هرموني وعوامل تانية بتحتاج دكتور جلدية يتعامل معاها وأوقات في أمراض مناعية بتوقع الشعر زي الروماتويد والذئبة الحمرا .. الخ

طب لو مفيش صلع وراثي ولا مشكلة تانية وشعري بيقع ومبيطولش !
تساقط الشعر وقله نموه الاتنين ممكن ميبقلهش لهم علاقة ببعض بس غالبا بيبقى لهم أسباب مشتركة

يعني عشان نعالج شعر مبيطولش وبيقع محتاجين نستبعد الأسباب الداخلية زي أنيميا نقص الحديد ونقص فيتامين د وفيه بوست إسمه باقة تحاليل الشعر هحطهملكم في الكومنتات

طب التحاليل سليمة وبردة الشعر بيقع !

يبقى بنشتغل على العوامل الخارجية

زي أشهر الأسباب اللي بتوقع الشعر هي القشرة خاصة القشرة الدهنية

ليه ؟

لأن القشرة الدهنية بتعمل حاجتين أول حاجة بتعمل طبقة كريستاليه بتقطم الشعراية من الجدر وكمان بتعمل عدوى فطرية بتضعف نمو الشعر وتسبب تساقط الشعر

عندنا روتين كامل للتعامل مع القشرة الدهنية 🫡♥️

طب لو مفيش قشرة والتحاليل سليمة والشعر بردة مبيطولش!

الحالة دي كانت مشكلتي أنا شخصياً ♥️🪽

بيبقى المشكلة في فروة الرأس نفسها يعني فيه خلل في الدورة الدموية الواصلة لفروة الرأس ودا سهل أننا نعززه بكذا تكنيك زي

- نستخدم حمامات زيت من مرتين لتلت مرات أسبوعياً بزيوت فيها عشبة ديل الحصان والروز ماري وكل الأعشاب الطبيعية اللي بتغذي الشعراية

-ونعتمد تدليل فروة الرأس وأحنا بنسرحة بفرشة مساج الشعر أو بفلايه خشب من مرة لمرتين يوميا

مشاكل الشعر مش سهل أننا نحلها بس مش مستحيل المهم تفهمي مشكلة شعرك وتستني عليه ومن أول شهر هتلاحظي الفرق ♥️

طبعاً أول نتيجة مرضية بتشوفيها من تلاته لست شهور لأن دي دورة حياة الشعراية وبردة بيعتمد على حسب استجابة شعرك ♥️

#ليةشعري ؟
#تساقطـالشعر
#ديناـااشرقاوي

مكون واحد لكن هيوفر عليكي كتير!

ايوه مكون واحد ولكن فوايده واستخداماته كتير لكل أنواع البشرة، الفترة الأخيرة البنات بقت بتسأل عنه..
المكون ده هو النياسيناميد اللي بقى موجود في منتجات كتير..

طيب ايه هو النياسيناميد؟
النياسيناميد هو شكل من أشكال فيتامين B3

بيعمل ايه عشان يبقى جوكر المواد الفعالة؟
▪️بيقلل من شكل المسام الواسعة عن طريق إنه ينظم إفراز الدهون في الجلد
▪️بيقلل الحبوب لأنه مضاد التهاب فبيهدي الحبوب النشطة
▪️ليه دور في التفتيح بيمنع الميلانين انه يطلع لسطح الجلد فبيخفف آثار الحبوب وتصبغات الشمس وكلف الحمل
▪️بيقوي حاجز البشرة بيحفز سيراميد البشرة الطبيعي ف تفضل البشرة مترطبة والحاجز بتاعها صحي
▪️بيعزز انتاج الكولاجين وده بيخليه يأخر علامات العمر - بيهدي البشرة ويخفف الإحمرار لحالات الوردية وبعد الليزر أو التقشير الكيميائي
▪️بيحسن شكل الجلد مع الوقت بتحسي إن البشرة ملمسها أنعم المسام شكلها أقل وفيه نضارة

النياسيناميد بيبقى عادة بتركيز من 5% - 10%
وأحياناً 15 - 20 % والتركيزات دي عالية جداً مش مناسبة كأول استخدام غير إن التركيزات العالية من 10% - 20 % هتسبب تهيج البشرة وغالباً هتطلع حبوب ف التركيزات دي يا نستخدمها بعد ما بشرتنا تكون اتعودت عليه أو تدخل بالتدريج..
ولكن للبشرات الحساسة ولأول استخدام يفضل يكون بتركيز 5%.

استخدمه ازاي؟
بعد ما نغسل وشنا بنحط النياسيناميد وبعده المرطب لو تركيزه 5% يبقى على بشرة مندية لو 10% على بشرة جافة..
وينفع نستخدمه صبح وليل ولكن الصبح نحط بعده صن بلوك لو هنتعرض للشمس.

تأثيره بيظهر بعد قد ايه؟
نتيجته غالباً بتظهر مع الإستمرار عليه من شهر لشهرين..

النياسيناميد لوحده فوايده للجلد كتير ولكن لو دخل معاه مواد فعالة تانية هيعزز من النتيجة حسب مشكلة البشرة..
▪️نياسيناميد + رتينول = تأخير علامات العمر وتجديد الخلايا والتخفيف من مظهر المسام وتقليل التصبغات
▪️نياسيناميد + ببتايدز = برده تأخير علامات العمر وتعزيز كولاجين البشرة
▪️نياسيناميد + ساليساليك أسيد =بيقلل من مظهر المسام الواسعة وبيشتغلوا على تنضيفها وتنظيم إفراز الدهون وكمان بيساعدوا في التخلص من الرؤوس السوداء والبيضاء
▪️نياسيناميد + أزيليك أسيد = بيشتغلوا على الحبوب وكمضادات التهاب وتفتيح الكلف والتصبغات
▪️نياسيناميد + ألفا أربيوتين = تفتيح التصبغات عن طريق تقليل صبغة الميلانين
▪️نياسيناميد + زنك = تنظيم إفراز الدهون والتقليل من لمعان البشرة ومضادات التهاب وبكتريا فبيشتغلوا سوا على الحبوب

فيه مواد ممنوع استخدامها مع النياسين؟
ايوه فيتامين سي في صورته البيور وبتركيزات عالية.

هو آمن للحامل؟
آمن من نسبة 5% أو أقل لكن مش أكتر من كدا بشرط متستخدميش كذا منتج في نفس الوقت فيهم نفس المكون ويفضل ترجعي لطبيب النسا قبل استخدام أي منتجات جديدة..

لا مفيش دا أنا والعميلة بنحط الروتين 😅🫰

للطلب واتس آب
01023297551

RAVEN BEAUTY | Cosmetics | Makeup | Perfumes (موزع معتمد)