Good bye

بنات نركز مع البوست دا هينزل كل شهر علي البيدج هفكركم بمواعيد القص الهجرية
قَصي شعرك في الأيام القمرية🌝
١٣ و ١٤ و١٥ و١٦ و ١٧
١٣ بهدف #الكثافه
١٤ بهدف #التطويل
١٥ بهدف #الجمال
١٦ بهدف #التقوية
١٧بهدف #تعزيزالجذور..
#توضيحات....
1.القص #بالنهار مش بالليل يعني معاكي من الصبح لحد قبل المغرب وينتهي موعد القص للهدف بسبب انه الفيتامينات والمعادن تتركز بالليل باطراف الشعر والاظافر ولو اتقصت هتضعف وتفقدها....
2.القص بمقص خاص للشعر فقط وعلى شعر #مبلول ويفضل وانتي قاعده مش وانتي واقفه...
3.القص ع حسب التاريخ الهجري
4.الهدف يتكرر لمده ثلاث شهور متتاليه والهدف تختاري واحد بس ليوم واحد لمده تلات شهور وبعدها اختاري هدف تاني لو حابه او توقفي عادي يعني ماينفعش تختاري هدفين مع بعض بنفس الفترة...
5.قصي من 1/2 سم او ممكن سم او حتى ربع سم هيبقا تمام ويوفي بالغرض
دعوه حلوه بقا 😘😘

اذيكم يابنات احنا انهارده هنكلم عن وصفة الحلبه لتقوية الشعر وفوائدها
المكونات
هنجيب معلقه كبيرة من بذور الحلبة.
وهنجيب كوب من زيت جوز الهند.
طريقة التحضير
هنحط الاتنين على بعض فى برطمان ونغطيه كويس جدا
وبعد كده نحط البرطمان فى مكان بارد بعيد عن اشعة الشمس
لمدة يوم واحد
وبعد كده نصفى الزيت ال جوه البرطمان وندلك بيه فروة الراس
اما فوائد الحلبه للشعر
بتمنع من تساقط الشعر
بضيف اللمعان للشعر
بتعالج جفاف فروة الرأس
بتعالج القشره
بتنعم الشعر
وبتعالج الشيب المبكر

اذيكم يابنات احنا انهارده هنكلم عن وصفة البيض للشعر( الوصفه دي ممنوعه للبروتين العالي)
المكونات
2 بيضه
طريقة التحضير
اكسرى 2 بيضه فى طبق وقلبيهم كويس جدا
وحطى الخليط على فروة رأسك وشعرك
والبسى بونيه الشاور وسيبى الخليط على شعرك لمدة ساعه
وبعد كده نغسل الشعر بالمية البارده والشامبو
وكررى الوصفه دى مرتين فى الاسبوع
عارفين فوايد البيض للشعر ايه؟؟؟
1- بيجدد البروتين في الشعر
2- بيعزز نمو الشعر
3- يحمى الشعر من الجفاف
4- بيعالج قشرة الشعر
5- بيعزز مرونة الشعر ويخلي شعر طري جدا
6- بيزيد من لمعان الشعر
7- بيزيد تطويل الشعر

ازيكم يااحلا بنات احنا انهارده هنكلم عن وصفه الدقيق والبيض لتقوية الشعر
المكونات
ملعقة كبيرة من الدقيق
بياض بيض
نص معلقه كبيره من الزبادى
عصير نص لمونه.
اما طريقة التحضير
هنحط الدقيق وبياض البيض فى وعاء ونخلطهم جيدا
وبعد كده نضيف الزبادى وعصير الليمون ونستمر فى الخلط
وبعد كده نحط الخليط على الشعر كله ونوزعه كويس مع التدليك الجيد لمدة خمس دقائق
وبعد كده نسيبه على الشعر لمدة نص ساعه لغاية لما ينشف
وبعد كده نغسل الشعر بالمية البارده والشامبو
اما فوائد الدقيق للشعر
1- يخلص الشعر من اي اثار كيميكالز قديمة متراكمة لان الدقيق بيحتوى على مجموعه من المعادن والفيتامينات
2- بيطول الشعر مع الاستمرار عليه
3- يزيل القشره ال بتظهر على فروة الرأس
4- بيزود سمك الشعراية
5- يحمى الشعر من التقصف والتساقط الشديد
6- لو شعرك ناشف انسي الجفاف
7- يطري وينعم الشعر

اذيكم يابنات احنا انهارده هنكلم عن
نصائح مهمه جدا لزيادة كثافة الشعر (زيادة سمك الشعراية)
1- اغسلى شعرك مراتين فى الاسبوع وعدم غسله كل يوم علشان تستفيدى من فوائد الزيوت ال بتنتجها فروة رأسك
2- جففى شعرك بعنايه بسيشوار بارد
3- متسرحيش شعرك وهو مبلول علشان ميتكسرش
4- سرحى شعرك بمشط خشب لو شعرك متشابك يكون واسع وبعدين مشط اضيق
5- نشفي شعرك بفوطة ميكروفايبر او تيشرت قطن من بتاع جوزك😂
6- استخدمي شامبو يكون بزيت الخروع
7-اعملي حمام زيت مره فالاسبوع

ماسك الخميرة للشعر
المكونات
هنجيب ملعقة صغيرة من الخميرة
وكبايه ميا صغيره وتكون دافيه
وطبعا ممكن تزويدى الكميه لو شعرك طويل
اما الطريقه
1- اخلطى الخميره بالميا لمدة ساعه
2- اغسلى شعرك بالميا وحطي الماسك على شعرك وهو مبلول
3- دلكي فروة رأسكِ بالماسك كويس اوي وخلي بالك لازم يغطي أطراف الشعر عشان يعالج تقصفها.
4- سرحي شعركِ بمشط خشب عشان يوصل لكل أجزاء الشعر.
5- سيبي الماسك على شعرك لمدة ساعه واغسليه بشامبو خالي سلفات او شامبو من عندي
6- كررى الماسك دا كل اسبوع مرة

هنتكلم انهارده يابنات عن فوائد ماسك الخميرة للشعر
1. بتعزز من نمو أنسجة شعر صحية
2. بتقاوم تساقط الشعر والصلع
3. بتقلل الافرازات الدهنية في الفروة
4. بتعطى للشعر فوليوم وكثافة رهيبة
5. لمعان للشعر قوي .
6. بترطب الشعر.
7. بتقاوم القشرة.

تحتوي الخميرة على:
1. فيتامين ب 1 : وده بيزيد من تدفق الد م فى الرأس وده بيساعد على تنشيط بصيلات الشعر فيزداد نموه
2. فيتامين ب 5 : وده بيساعد على تقليل الضرر ال بيصيب الشعر من التعرض لحرارة الشمس وبيساعد باردوا على علاج التقصف
3. فيتامين ب 7 : وده بيقوى بصيلات وخصلات الشعر وبيمنع من تساقط الشعر
4. فيتامين د : وده بينظم تدفق الدم وبيساعد على امتصاص المغنسيوم والكالسيوم وبيساعد باردوا على تقوية بصيلات وخصلات الشعر وبيمنع باردوا من تساقط الشعر
5. حمض الفوليك : وده بيساعد على نمو خلايا الشعر فيقلل من تساقطه
6. بتحتوى الخميره على عناصر زي الحديد والمغنسيوم والكالسيوم وكلها معادن مهمه جدا لصحة ولمعان وتقوية الشعر
لازم نهتم بشعرنا من برا ومن جوااااااا❤️❤️❤️