Banat7wa

افكار ستايلات طبقات للمحجبات مناسبة لموسم #الخريف

الآثار الجانبية لازالة الشعر بالليزر لازم تعرفيها

هل ازالة الشعر بالليزر آمنه؟
في كتير بيشوفوا ان ازالة الشعر بالليزر وسيلة آمنه وفعالة ، ومالهاش مخاطر صحية على المدى الطويل ، ولكن مع ذلك ممكن بعض الاشخاص يعانوا من آثار جانبية خفيفة ومؤقتة بعد عملية العلاج.

اكتر الآثار الجانبية لازالة الشعر بالليزر:
1- احمرار وتهيج الجلد:
احمرار وتهيج الجلد يعتبر من الاثار الجانبية الشائعة لازالة الشعر بالليزر ، والعرض بيحصل اكتر في ازالة الشعر من المناطق الحساسة ، ممكن تحسي بألم في الجلد وتلاحظي احمرار وتهيج وتورم حوالين مكان نمو الشعراية.
وغالبا الاثار دي بتشبه اوي الاثار بعد ازالة الشعر بالشمع او وسائل ازالة الشعر التانية ، وعادة التهيج بيقل خلال ساعة بعد العلاج ، وممكن تحطي كيس تلج لتسريع الشفاء.

2- التغير في لون الجلد:
ممكن تلاحظي تغيرات في لون الجلد ، في حين ان الاشخاص اللي بشرتهم افتح ممكن يلاحظوا بقع غامقة على بشرتهم بعد العلاج ، واصحاب البشرة الاغمق ممكن يلاحظوا بقع افتح ، ولكن الاثار دي بتبقى جانبية ، ولو حسيتي انها شديدة ضروري ترجعي لاستشارة الدكتور.

3- تقشر الجلد:
ممكن بعض الاشخاص يعانوا من تقشر الجلد في المنطقة المصابة (بسبب الحروق السطحية بعد العلاج) وعلى الرغم ان المشكلة دي بسيطة ، الا انها ممكن تسبب ندبات وقشور ، وغالبا التقشر بيحصل لو الجلد جاف والليزر مكنش بارد بدرجة كافية لمنع الحروق السطحية ، ووضع مرطب على المنطقة المصابة بعد العلاج ممكن انه يمنع مشكلة التقشر.

الآثار الجانبية النادرة لازلة الشعر بالليزر:
– التغيير في لون الجلد: وده ممكن يحصل لو انتي عاملة تان لبشرتك قبل الليزر.

– زيادة نمو الشعر: وده من الاثار النادرة جدا اللي ممكن تحصل ، ان في بعض الاشخاص ممكن يحصل عندهم نتيجة عكسية ويحصل نمو زيادة للشعر في المنطقة المعالجة بالليزر والمنطقة اللي حواليها.

– البثور: ممكن يحصل ظهور بثور لو عرضتي بشرتك للشمس بعد وقت قصير من عملية ازالة الشعر بالليزر ، وممكن كمان تظهر بثور لو تمت ازالة الشعر بالليزر بشكل مش صح.

لازم تعرفي حاجة مهمة جدا ان ازالة الشعر بالليزر مش بتزيل الشعر بشكل دائم ، ولكن هي بتقلل من نمو الشعر ، مع كل جلسة الشعر بيبقى اخف وبتقل كثافته وبتزود دورة نمو الشعر مرة تانية ، وهتبقي محتاجة لجلسات كتير لازالة الشعر تماما ، لان مستحيل كل الشعيرات تبقى في مرحلة النمو النشط في نفس الوقت ، وبعد الازالة بتحتاجي تعملي جلسات صيانة او تجديد للمناطق الصعبة او الشعر الجديد اللي طلع.

هل ممكن ازالة الشعر بالليزر اثناء الحمل؟
الخبراء مش بينصحوا بازالة الشعر بالليزر اثناء الحمل ، مافيش اي دليل علمي يثبت ان عملية ازالة الشعر بالليزر آمنه خلال فترة الحمل.

الحمل بيسبب تغيرات هرمونية كتير في الجسم ، وده بيأدي لنمو الشعر الزائد ، وفي حين ان نمو الشعر ده بيكون محرج ، الا انه بيروح من نفسه بعد الولادة ، ولو الشعر مارحش لوحده تقدري بعد الولادة تعملي جلسات ازالة بالليزر.

الخرافات المرتبطة بازالة الشعر بالليزر:
– الخرافة 1: ازالة الشعر بالليزر بيزود من نمو الشعر وبيخليه كثيف
الحقيقة: نمو الشعر بيعتمد على عدد بصيلات الشعر ، والعلاج بالليزر بيساعد على تقليل معدل نمو الشعر, كثافة الشعر, سماكة الشعر مع كل جلسة ، وده في النهاية بيخفف من نمو الشعر ، والعلاج بالليزر مش حل دائم ، في النهاية الشعر هينمو مرة تانية ، ولكن اللي هيفرق بس ان ظهور الشعر مرة تانية هيتأخر ، والشعر الجديد اللي هيطلع مش هيقى كثيف ، الحالة الوحيدة اللي ممكن يطلع فيها الشعر كثيف واكتر سمك بعد الليزر هو لو اتعمل بشكل غلط.

– الخرافة 2: ازالة الشعر بالليزر ممكن انه يسبب السرطان
الحقيقة: مافيش اي دليل علمي بيأكد ده ، الليزر المستخدم لازالة الشعر بينتج كمية من الاشعاع ، مالهاش ضرر خطير ، وكمان الليزر المستخدم في ازالة الشعر بيستهدف بصيلات الشعر بأقل قدر من الاشعاع.

– الخرافة 3: انتي محتاجة جلسة واحدة بس لازالة الشعر بشكل دائم
الحقيقة: تقليل الشعر بالليزر مش حل دائم ، وعدد الجلسات المطلوبة بيعتمد على نوع شعرك, ملمسة, كثافته, والمنطقة اللي عايزة تزيلي منها الشعر والعوامل الوراثية.

– الخرافة 4: ازالة الشعر بالليزر عملية مؤلمة
الحقيقة: كل اللي هتحسي بيه اثناء العملية هو احساس شبه الوخز بالدبابيس على بشرتك ، اللي ممكن يسبب لك ازعاج شوية ، ولكنه اقل الم من الشمع.

– الخرافة 5: ازالة الشعر بالليزر بتسبب العقم
الحقيقة: مافيش دليل علمي بيثبت ده ، الليزر المستخدم في العلاج ده بيزيل الشعر بس ومش بيخترق الجلد او بيأثر على اي اعضاء تانية في الجسم.

امتى تروحي للدكتور:
الاشخاص اللي بيعانوا من اثار جانبية بعد ازالة الشعر بالليزر الافضل انهم يستشيروا الدكتور ، وفي حين انه ممكن علاج الاثار الجانبية الخفيفة زي الاحمرار والتورم في البيت ، الا انه الاثار الاكتر خطورة زي الالتهابات الجلدية هتبقى محتاجة استشارة الدكتور.

طريقة التحضير لجلسة ازالة الشعر بالليزر:
لو قررتي تروحي تعملي جلسة ازالة شعر بالليزر ، فلازم تحطي في اعتبارك حاجات معينة قبل الجلسة ، مهم انك تحافظي على حاجز بشرتك الطبيعي والحفاظ على بشرة نضيفة وصحية خلال الجلسات.

1- وقفي استخدام المنتجات اللي بتحتوي على حمض الهيدروكسي, حمض الساليسيليك, الريتينول, والبنزويل بيروكسيد في المناطق اللي هيتم علاجها بالليزر قبل الجلسة ب 3 ايام ، ده هيساعد على منع الاثار الجانبية.

2- استبدلي اللوشن والغسول بتاعك بأنواع اخف والطف على البشرة.

3- اتجنبي اشعة الشمس وسرير التسمير قبل جلسة العلاج باسبوعين.

4- استخدمي واقي من الشمس معدني واسع المدى مع عامل حماية 30 او اعلى سواء في الصيف او الشتا.

5- قولي للدكتور على اي ادوية بتستخدميها.

6- ماتعمليش اي علاجات تانية في نفس الوقت زي البوتوكس, الفيلر, التقشير الكيميائي, او تقشير الجلد على الاقل قبل جلسة ازالة الشعر بالليزر ب 14 يوم.

7- خدي شاور قبل الجلسة عشان الجلد يكون نضيف ومتستخدميش اي لوشن بعد الشاور.

8- احلقي المكان اللي هتعملي عليه جلسه الليزر قبلها ب 24 ساعة لتجنب تهيج البشرة.

9- ماتستخدميش الشمع, نتف الشعر او منتجات كيميائية لازالة الشعر قبل الجلسة بأسبوعين او بين الجلسات.

10- لان الليزر بيستهدف جذور الشعر وعشان العلاج يبقى فعال ، الوسيلة الوحيدة المسموحة لازالة الشعر اثناء الجلسات العلاجية هي الحلاقة بس.

في النهاية ازالة الشعر بالليزر هي طريقة بسيطة للتخلص من الشعر غير المرغوب فيه وبتدي نتايج طويلة الامد ، وبيكون فعال مع شريحة واسعة من الاشخاص ، وخصوصا اصحاب الشعر الغامق والبشرة الفاتحة ، ولكن مع ذلك ، ممكن بعض الاشخاص يعانوا من اثار جانبية معتدلة لازالة الشعر بالليزر زي التورم, الاحمرار, تهيج الجلد والتغيرات في لون الجلد ، والاثار دي تم ملاحظتها بشكل خاص مع الاشخاص اللي بشرتهم حساسة او جافة.

دليلك عن ازالة الشعر بالليزر http://goo.gl/w8Mp2H

لو لسه مش متبعانة يلا تابعى على #الانستجرام دلوقتي 🙂 و اعرفى كل يوم نصيحة جديدة لجمالك و حياتك 👗 👢 👒 💄 👜 💋 💅
https://www.instagram.com/banat7wa/
تابعينا أول بأول ومن أي مكان! حملي تطبيق بنات حوا علي الاندرويد او الآيفون من الموبايل أو التابلت واستعتمي بخدمات التطبيق من سرعة في التصفح, محافظة علي باقة الانترنت, حفظ مقالات واستقبال اشعارات من بنات حوا.
الاندرويد: https://goo.gl/4CGPjD
الآيفون : https://goo.gl/7MHCcs

اعرفى معانا فوايد و وصفات الطمى المغربى لبشرتك

اعرفى معانا فوايد و وصفات الطمى المغربى لبشرتك الطمى المغربى مشهور جدا بين البنات خصوصا لو عروسة جديدة اول حاجه بتفكر تعملها هو الحمام المغربى اللى...

اعرفي ايه هي القطع اللى لازم تكون فى دولابك لفصل الخريف

الجاكت المبطن:
الجاكيت الجينز أو الشمواه المبطن تريندي جدا الخريف ده ومش بس هيساعدك تدفي من غير ما يبقى تقيل بزيادة ويحررك لكن كمان شكله شيك و stylish وهيساعدك تعملى لوك كول و كيوت.

شوز بكعب صغير :
يعتبر من أفضل احذية الكعوب لأنها بتكون مريحة وشكلها بيكون حلو جدا لفصل الخريف، خاصة اللون الأبيض تقدرى تنسقيه على أكثر من طقم بكل سهولة.

ستايل الشراشيب :
من خلال جاكت أو جيبة من الجلد، الجاكت الأبيض بشراشيب تقدرى تلبسيه بكذا ستايل وبمختلف الأشكال وهيكون عملي و ينجز معاكي في الأوقات اللي تبقي مستعجلة فيها .

المنقوش والكاروهات :
وده بيكون في مختلف الاستايلات من القمصان، الجيبات، حتى الفساتين لأنها ليها شعبيه جدا فى الوقت الحالى وخاصة فى اللون الأصفر والأحمر، هترقيها تريندي وبألوان ومن خامات مختلفة تناسب ذوقك وهتديكي لوك عفوي وجميل.

الجينز المقصوص :
من أكثر الاستايلات اللى تناسب الجو ده لأن الجو لسه مبردش بشكل كبير، تقدرى تلبسيه بمختلف الطرق من البلوزات او حتى التوبات مع حزام رفيع هيكون شيك جدا .

الشنط الشمواه :
من أكثر ستايلات الشنط المناسبة لموسم الخريف، لأنها من خامة الشمواه يألوانها البنية ودرجات الجملي والبيج، تقدرى تلبسيها بكل سهولة وتحطى فيها كل اللى محتجاه . وتبقي مستعدة تروحى بيها لاى مكان تحبيه فى يومك.

مكياج بألوان دافئة :
لازم يكون عندك باليت آيشادو بألوان هادية وناعمة تكون مناسبة لموسم الخريف لأنها بتكون مش بتلمع اللى تقدرى تمزجيها بسهولة وتطبقيها على جفن العيون، اللون البنفسجى من الألوان المناسبة جدا لخريف مثالى.

نقشة النمر :
اللبس اللى بيكون من أشكال جلد الحيوان الجريئة، سواء كان الجواكت بنقشة جلد النمر، أونقشة الحمار الوحشى بألوانها الأبيض والأسود، وتقدرى كمان تمزجى بين نوعين من الجلد من غير خوف .

نصايح مفيدة و افكار علشان ستايلك وقت خروجك مع اصحابك http://goo.gl/rQndVF

ازاى تستغلى الاكسسوارات فى تحسين اللوك بتاعك؟! http://goo.gl/nbrnKv

4 نصايح من مصممين الأزياء إزاي تنسقي الهدوم المنقوشة! http://goo.gl/vNP47D

5 خطوات هيساعدوكى تشترى هدومك بطريقة ذكية وسهلة http://goo.gl/ssI0Us

خليكى شيك وغيري ستايلك فى 5 خطوات بس! http://goo.gl/7Zwrbn

افكار ازاى تلبسي هدوم بألوان الباستيل فى الشتاء https://goo.gl/rL8qf5

القميص الكاروه من القطع المميزة لدولابك في الخريف والشتاء https://goo.gl/N3qrtJ

إزاي تلبسي السويتر دريس بطرق شيك ومختلفة https://goo.gl/3jmLS5

ازاي تلبسي السنيكرز بطريقة شيك وانيقة ؟ وشوفي احدث تريند للسنيكرز https://goo.gl/M24HPO

طرق رائعة عشان تطلعي بلوك احلى باستخدام السكارف https://goo.gl/uLdrjB

لو لسه مش متبعانة يلا تابعى على #الانستجرام دلوقتي 🙂 و اعرفى كل يوم نصيحة جديدة لجمالك و حياتك 👗 👢 👒 💄 👜 💋 💅
https://www.instagram.com/banat7wa/
تابعينا أول بأول ومن أي مكان! حملي تطبيق بنات حوا علي الاندرويد او الآيفون من الموبايل أو التابلت واستعتمي بخدمات التطبيق من سرعة في التصفح, محافظة علي باقة الانترنت, حفظ مقالات واستقبال اشعارات من بنات حوا.
الاندرويد: https://goo.gl/4CGPjD
الآيفون : https://goo.gl/7MHCcs

اعملي معانا المانيكير الاومبري Ombre بالخطوات

اعملي معانا المانيكير الاومبري Ombre بالخطوات كل يوم بيظهر استايلات وابتكارات جديدة للمانيكير ومن الستايلات الحلوة اوي والمختلفة جدا اللي ظاهرة بقالها...

ازاي تحطي حدود لنفسك: 5 نصايح هتساعدك

ازاي تحطي حدود لنفسك: 5 نصايح هتساعدك الحدود الصحية هي واحدة من اهم المكونات لحياة سعيدة ومُرضية ، وفي حين ان بعض الناس بيكون عندهم القدرة...

سيروم الجلسرين لعلاج الهالات السودا

سيروم الجلسرين لعلاج الهالات السودا النهاردة هنشارك معاكم طريقة عمل سيروم الجلسرين لعلاج الهالات السودا والحفاظ على صحة الجلد حوالين العين...