Africanoo

كم مرة في اليوم بتلمسي وشـك بدون ما تنتبهــي؟ 👀

دراسات سلوكية لاحظت إنو أغلب الناس بيلمسوا وجوههم عشرات المرات خلال اليوم، أحياناً بدون أي وعي منهم.

المشكلـة شنو؟

إنو اليدين بتكون لامست الموبايل، مقابض الأبواب، المكتب، النقود وحاجات كتيرة خلال اليوم.

ولمن نرجع نلمس الوجه باستمرار ممكن ننقل:

▫️ زيوت إضافية للبشرة
▫️ أوساخ متراكمة
▫️ بكتيريا وملوثات بيئية

وده ممكن يساهم في انسداد المسام وظهور الحبوب عند بعض الأشخاص، خصوصاً أصحاب البشرة الدهنية أو المعرضة للحبوب.

عشان كدا تنظيــف البشرة ما بس لإزالة المكياج.

التنظيف خطوة أساسية للتخلص من الحاجات البتتراكم على البشرة خلال اليوم كله ✨

غسول تينة بالنياسيناميد وفرشاة السيليكون معمول عشان يساعدك تنظفي بشرتك بلطف ومن غير إحساس مزعج بالجفاف💜

في بنات بفتكــروا إنو البشرة الجميلة؟
معناها بشرة ما فيها ولا حبــة

الحقيقة؟حتى أطباء الجلدية ذاتهم
بشرتهم ممكن تطلع فيها حبوب 🙊🙊🙊

البشرة الصحية؟ ما البشرة المثالية
البشرة الصحية هي البشرة البتعرفي تتعاملي معاها. ✔️💜

لو سألتـــي أي بنت: شنو أكثر حاجة مضايقاك في بشرتك؟

غالبًا حتقول ليك: آثار قديمة
لون ما متوحد
وبهتان ما عارفين سببو شنو.

عشان كدا النياسيناميد بقى من المكونات البنات برجعوا ليها مرة واتنين، لأنهم ما دايرين بشرة فاتحة… دايرين بشرة شكلها مرتاح وصحي. 💜

أفريكانو 💜
عناية تبدأ من الطبيعية وتنتهي بك ..
لانك تستحقين الافضل✨️

زي ما وعدناكم… 🌿💜

أول حاجة لازم نعرفها… التونــر ما هو موية معطــرة. ولو دا فهمك ليه، فأنتِ ظلمتيه شديد.

التونر ببساطة خطوة بتيجي بعد الغسول مباشرة، وظيفته يساعد البشرة ترجع تتوازن بعد الغسيل، ويجهزها تستقبل السيروم أو المرطب بصورة أفضل. عشان كدا ناس كتار أول ما يضيفوه لروتينهم بيحسوا إن باقي المنتجات بقت ألطف وأسهل في الامتصاص.

ولو دايرة تعملي تونر طبيعي بسيط في البيت… جربي الوصفة دي:

🌿 المكونات:
▪️ كوب شاي أخضر.
▪️ نصف كوب ماء ورد.

اعملي الشاي الأخضر وسيبيه يبرد تمامًا، بعد داك اخلطيه مع ماء الورد، وحطيه في بخاخ أو عبوة نظيفة، واحفظيه في التلاجة.

طريقة الاستخدام:

بعد الغسول مباشرة، رشي كمية خفيفة على البشرة أو حطيه بقطنة، وبعدها استني دقيقة واحدة بس وكملي روتينك بالسيروم أو المرطب.

الشاي الأخضر معروف باحتوائه على مضادات أكسدة بتساعد في حماية البشرة من تأثير العوامل البيئية، وكمان بيدي إحساس بالانتعاش ويهدي شكل البشرة خصوصًا بعد التعرض للشمس أو بعد يوم طويل. أما ماء الورد فبيدي ترطيب خفيف وإحساس مريح للبشرة.

لكن مهم تعرفي… 🌸

❌ التونر ما بديل للمرطب.
❌ وما بيفتح البشرة في يومين.
❌ ولو حصل أي تهيج، أوقفي الاستخدام واعملي اختبار حساسية قبل أي وصفة طبيعية