E7twaa Beauty salon
Share
Contact information, map and directions, contact form, opening hours, services, ratings, photos, videos and announcements from E7twaa Beauty salon, Beauty, cosmetic & personal care, Cairo.
مساء الخير
إن شاء الله الصالون بكره أجازه علشان عندنا شغل makeup خارجي طول اليوم
وأستاذن حضراتكم الشغل انهارده يفضل بالحجز علشان وقت حضراتكم وميبقاش ف ضغط شغل
مساء الخير ع الجميع
ف نقطه مهمه جدا حابه اوضحها ليكم لانها اتكررت الفتره الاخيره كتير وف عملا بتزعل وتفكر اني مش عايزه اشتغل وف عملا بتتفهم الوضع وتعرف انه لمصلحتها
الفتره الاخيره عملا كتير جايه علشان تعمل سيشن بروتين للشعر واما بسأل عن روتين الشعر واعرف ان كان ف كريمات بتدهن او زيوت وموقفتش من فتره كافيه اللي هو اقل حاجه شهرين قبل الجلسه مع طبعا الخطوات اللي بقولها علشان نحضر بيها الشعر قبل الجلسه انأ برفض الشغل وقتها والعميل بيكون مستعجل وعايزني اشتغل وانا بصمم وبرفض وبشرح ليه وده لان حضراتكم مهما غسلتوا الشعر وانا نفسي غسلته ف الصالون وكنتي بتستخدمي دهان كريمات او زيوت وموقفتش بوقت كافي قبل الجلسه فهي بتكون متخزنه ف فروه الشعر واول ما بنبدا شغل الكبس بالبيبي ليس والفروه بتشم الحراره بتبدا الدهون اللي متخزنه ف فروه الشعر تطلع ع سطح الشعرايه وتعمل عازل ما بينا وبين الشعر ومش بيبان حاجه نهائى وقت الجلسه الا واحنا بنغسل الشعر بنلاقي ان ي الشعر كله مفردش ي اما ف اماكن ف الشعر مفردش ع حسب بقي الدهون لسه متراكمه فين
للاسف ف عملا مش بتكون صريحه معايا ومش بتقول بتستخدم اي قبل الجلسه وبكتشف ده بعد الجلسه ورغم من كده كنت بعمل اللي عليا واحط ماده تاني واكبس تاني وده بياخد مجهود كبير واللي بيعمل بروتين عارف ده كويس وبرده مش بيفرد
ف انا بعتذر لكل عميله نورتنب وعايزه تفرد شعرها وانا رفضت ف الوقت الحالي وقولتلها المفروض اللي يتم اي
لان معذره اللي هكتشف انه كان بيستخدم حاجه ومقالش عليها قبل الجلسه واكتشفت ده وانا شغاله انا مش هعيد ع الشعر تاني لاى سبب لان ده اهدار لمواد بفلوس وكمان اهدار للوقت وصحتي لان بفضل الله انا عارفه ادا الشعر نظيف انا شغلي شكله اي والنتيجه بتطلع عامله ازاى وده كل العملا اللي اشتغلت معايا عارفه بيه وبفضل الله بيعيدوا ع الجدور معايا اكتر من مره
ف رجاءا ياريت نكون صرحا مع بعض علشان منضيعش وقت بعض وعلشان انتي كعميله تستفيدى من الجلسه وتوصلي للنتيجه اللي كنتي عايزاها وكمان علشان فلوسك مترحش ع الارض
فياريت نساعد بعض ومحدش يزعل مني اما برفض اشتغل وااجل الشغل ♥️
وحاجه اخيره التوكه اللي بنربط بيها الشعر هي اكتر مكان متخزن فيه دهون
ف وقت ما نبدأ روتين الشعر قبل سيشن البروتين نغير التوكه خالص علشان مكان ربطه التوكه بيكون اكتر مكان عازل ف الشعر 🥰
جلسه بروتين قبل وبعد
العميله الجميله خامس مره تعمل معانا 🥰 ومش بروتين بس ف كل الخدمات حقيقي من العملاء اللي لهم تأثير ف المكان من يوم ما بدأنا 😘
تتهني بيه يارب وعقبال كل مره ♥️
مساء الخير
علشان العملا اللي طلبت مننا تاني نكرر عرض تنظيف البشره
عرض انهارده تنظيف البشره عليه خصم ٢٠٪ ♥️
عندى ليكم عرض جامد هيبقي موجود ع طووووول 😉
يومياً أول زبونه هتنورنا ف الصالون هتاخد خصم ٥٠٪ ع شغلها ( بعيدا عن شغل الصبغه والبروتين ) 😂 علشان عرفاكم 😂
ف انتوا وحظكم بقي تعالوا كلكم اول ما نفتح 😅😅
تاني حاجه هنزل كل يوم إستورى ع الواتس اب بالمواعيد اللي فاضيه خلال اليوم بحيث ان محدش يجي وينتظر علشان وقتكم 🥰
وإن شاء الله هستناكم من انهارده علشان تستفادوا بعرض الصدقه الجاريه اللي شغال معانا لمده إسبوع ♥️
15/06/2026
عرض الصدقه الجاريه بدايه من بكره ليوم الأحد
عملا كتير بيقلولي شعرنا نموه وقف ومعدش بيطول !! هل الكلام ده صحيح ؟؟
ـ الشعر ف الغالب نموه مش بيقف ابدا ابدا ابدا وده اللي دايما بقوله وبثبته عن طريق جذور الشعر ولكن الطول اللي مش بيتغير اللي انتوا حاسين بيه له شويه أسباب
١ : صحه وقوه بصيله الشعر بتأثر ع جوده وسرعه نمو الشعر ود اللي بيخليكي حاسه ان طول الشعر ثابت
٢ : الشعر الضعيف اكثر عرضه للتقصف والتساقط وده برده اللي بيخليكي حاسه ان طول الشعر ثابت
٣ : تكسير اطراف الشعر بسبب الجفاف والحراره علشان كده دايما بنصح ترطيب الاطراف يومياً
ـ طيب انا عايزه اعالج كل الكلام ده اعمل اي !!؟
هقولك ع مكونات لتنشيط بصيلات الشعر
اكليل الجبل
البهرنجراج
الأملج
ذيل الحصان
زيت الچوچوبا
زيت الأرجان
زيت الزيتون
قص أطراف الشعر كل ٤٥ يوم
*الخلاصه من بقي من ده كله إن الشعر حساس جدا وبيدلع عايز مننا عنايه وإهتمام زى ما بنهتم ب أى شى ف حياتنا علشان نوصل
لبصيله نشيطه + شعر قوى + اطراف محميه = ده كله هيساوى شعر طوووووووويل
صباح الخير
الصالون شغال ف المواعيد العاديه من 12 الظهر ل 9 مساءا
جلسه بروتين قبل وبعد
اللهم بارك الشعر طرى وف طراوه ومش مشدود ولا ناشف بعد الجلسه
نورتينا ي فندم ومكانك وتحت امرك ف اى وقت ♥️
حبايب قلبي كل سنه وانتم طيبين وعيد سعيد عليكم جميعاً يارب ♥️
ان شاء الله الصالون مفتوح من انهارده لحد يوم الواقفه باذن الله مفيش اجازات ف مواعيدنا العاديه باذن الله
استاذن كل اللي له ميعاد محجوز يلتزم بالميعاد بدون اى تاخير
وان شاء الله البادكير حاليا شغال ولكن ممكن يتقفل اى وقت ع حسب الشغل علشان محدش يزعل ف اللي عايز يعمل بادكير ينورنا علشان يلحق قبل ما نقفله
وزى ما متعودين مفيش حجوزات الا الصبغه والبروتين فقط ف استاذنكم محدش يتصل او يبعت يقول اجي امتي او عايزه احجز بعتذر جدا ليكم
واستاذنكم اللي عايز يسال عن اى شي بعيدا عن سوال أجى امتي 😂 يتواصل ع الارضي فقط 0221843095
اشوفكم جميعاً ع خير وعيد أضحي مبارك عليكم جميعاً 🥰
Click here to claim your Sponsored Listing.
Category
Telephone
Address
Cairo
Opening Hours
| Tuesday | 12pm - 9pm |
| Wednesday | 12pm - 9pm |
| Thursday | 12pm - 9pm |
| Friday | 12pm - 9pm |
| Saturday | 12pm - 9pm |
| Sunday | 12pm - 9pm |