keep fit & Cheer it

طيب بما ان لقيت لنظام الطيبات صدي كبير بين اصحابي الفنانين وسألوني عنه ...لدرجة جبتلهم "تمر مجدول " في الdish party واكلت انا الchocolate 🍫🤭😄مبدئياً كده ياريت تركزوا علي فلسفه النظام اكتر مش النظام نفسه ..لان د.ضياء نفسه باسلوب الكوميديا الصادمه بتاعه ده قالهم مره: انتوا شغلني بأكلكوا ليه !!🤭 فهمتوا ليه ..لان ممكن نصحي بكره نلاقي بقي فيه ضمير والبطيخ مثلا اللي كان ممنوع بقوا يتقوا ربنا في زراعته والناس ترجع تاكله عادي 🤷🏻‍♀️وده المطلوب 🤗وكده كده هو قال المسموحات بالتجربه يعني اسمع لجسمك لان رد فعل كل جسم مختلف في المدخلات 🤷🏻‍♀️..واكد ان نظامه قايم علي الممنوعات اصلا 🤷🏻‍♀️فهمتوا الفكرة..النظام متغير لكن الفكرة ثابته 👍🏻فالناس اللي مش متقبله اسلوب د.ضياء الله يرحمه فيه غيره كتير اتكلم عن افكاره العلميه في السكر والكوليسترول والمياه ذي "د.حسام موافي "🤗فمتقفلوش دماغكوا علي حد ولا تبيعوا دماغكوا لحد لخدمه اهدافه..صحتكوا اغلي حاجه وتستحق البحث وانكوا تتحققوا من كل معلومه بنفسكوا ..لان مستويات الفهم والذكاء عند الناس مختلفة فمتستناش حد يقولك رأيه هو الشخصي ..انت عارف هو فهم ايه ولا طبقه ازاي !!!🤷🏻‍♀️ ده في ناس قلبوا الهرم 🙃😃د.ضياء علشان كان استاذ جامعة فكان بيقول المعلومة وابحث انت بقي ..🤗فأثناء بحثي عرفت بالصدفة "د.محمد عبد الواحد "لقيته متبني فكره كله وبيبسط المعلومات جدا 🤗 ود.نهي حمزه بتناقش قضايا بردوا كتير وحياديه جدا عجبتني 💕فمحدش يبص بسطحية علي الامور ويحكم من منظور واحد🤷🏻‍♀️باب العلم واسع قدامك والفضل يرجع لد.ضياء انه فتحلنا الباب ده للعلم والبحث 🌷

🍃🌸 هنسأل سؤال الاول..هو احنا بنعرف منين النظام الغذائي ده صح ولا غلط ؟! انه لازم يبقي متوازن ومتوفر فيه كل العناصر الغذائية اللي محتاجها الجسم ( غذاء للميكروبيوم/ بروتين/ دهون / كارب ) ..طيب ده متوفر اه طبعا ومش حقيقي اللي يقول غير كده ...وفي دكاتره محترمه ومعروفين قالوا كلمه حق و عادي انك تختلف براحتك بس باخلاق الفرسان وده مش بالكلام ..يعني بلاش كدب او افتراء او خيانة الامانه باني منقلش المعلومه كامله او غلط...لمجرد انه مش عاجبني 🤷🏻‍♀️ بصوا انا عمري ما اتبعت اي نظام في حياتي لاني عندي lifestyle خاص بيا دايما وبهتم بصحتي وكل جوانب حياتي دايما بس ده كان قريب من نظامي لان اي حد دارس تغذيه عارف اضرار الدقيق والالبان وحتي السكر كانوا بيخوفونا منه اوي 🙈وحتي الخضار مليش فيه خالص بس استاذي د.حسام لما قالنا علي البنجر فلاحظت بنضارة في بشرتي غير طبيعيه ومكنش بيسببلي اي مشكلة وده الاهم واللي اكد عليه د.ضياء الله يرحمه ان تسمع لجسمك "Listen To Your Body "و قال بعد لما المعده ترتاح خالص ..ابتدوا دخلوا حاجات جديدة بس ركزوا اوي في تأثيرها علي جسمكوا لو عدت كويس ضيفوها علي النظام و علمنا نختار اكلنا مش نرمي في المعده اي حاجه 🤷🏻‍♀️
في تجمعات العيله والصحاب طبعا صباح الفرفشه واللغبطه 🤷🏻‍♀️😄كان تركيزي كله بيبقي علي الchocolat 🍫 وشيبسي برنجلز وزياده عليهم مارشميلو وچيلي كاندي 🤭 نيجي بقي للبيض طبعا اي حد دارس تغذيه عارف قيمه البيض وانه في تقريبا كل القيمه الغذائيه اللي بنحتاجها ..كنت باستمرار عندي منه حساسيه صدر وكحه خفيفه وكان من اجود الانواع اللي كل بيضه عليها ختم دي ..فجربت لما قال كده ابطله راحت خالص 🤭
🍃🌸في بوست عدي عليا بردوا واحد بيتريق علي ان د.ضياء قال انه "منذر" تقريباً ..هو واحد حافظ القرآن كله ومرجعيته دايما دينيه ومتأثر بالقرآن فده طبيعي جدا تشبيهاته دي ..انت لو مرجعيتك شاكيرا مثلا حد هيقولك حاجه!!😃 ده موجود وده موجود .. متزعلش نفسك🤷🏻‍♀️هي لو بنت يبقي شاكيرا ممكن نمشيها عادي 😌💅🏻بس خليها ذي الشيبسي والنوتيلا كده في اخر الهرم 🤭😄
نرجع بقي لموضوعنا الاهم ...هل هو كان نذير فعلا وعنده اخلاص لله وصادق في كلامه ؟!! من تأملاتي وملاحظاتي اه 😊...والدليل 👇🏻👇🏻👇🏻
✅عمليه التكميم: اقل حاجه تتقال فيها انها جريمه ..في حالة اعرفها جدا ..اسره كامله الأم وبنتها علي طول بقوا لازم ينقلوا دم 🩸 كل فتره💔 والابن كان في مناسبه عادي وكان بيفرح مع اصحابه فجأة بحركه بسيطه جاله شرخ في
العضم في رجله لوحده كده 💔

✅نشرب لما نحتاج بس: بدون اسراف ..دي دراسه كبيره مؤكده واتكلم فيها قبل د.حسام موافي وده غني عن التعريف 🤷🏻‍♀️ده غير ان دي كانت اجابه علي آيه في القرآن كنت بقف عندها كتير "{فَلَمَّا فَصَلَ طَالُوتُ بِالْجُنُودِ قَالَ إِنَّ اللَّهَ مُبْتَلِيكُمْ بِنَهَرٍ فَمَنْ شَرِبَ مِنْهُ فَلَيْسَ مِنِّي وَمَنْ لَمْ يَطْعَمْهُ فَإِنَّهُ مِنِّي إِلَّا مَنِ اغْتَرَفَ غُرْفَةً بِيَدِهِ فَشَرِبُوا مِنْهُ إِلَّا قَلِيلًا منهم...." كنت بفضل اقول طيب يا عيني دول هيحاربوا ازاي كده!! ..دول هيموتوا كده ..🥹ما هي المعلومة اللي كانت عندي اشرب قبل ما تعطش واشرب تلاته لتر مياه 💦🤭

✅الانسولين ممكن نستغني عنه "تحت اشراف طبيب ": اه واستاذي د.حسام كان بيعالج السكر النوع التاني و مش كتير بيعرفوا يعملوا ده .. فايه المشكله لما د.ضياء يطلع بنتايج مثبته انه عالج type 1 ببرتوكول معين مع نظامه ده قبل ما البنكرياس يقف تماما ويعتمد كليا علي الانسولين بدل ما يساعد نفسه🤷🏻‍♀️
✅السكر واهميته :و مش هو سبب مرض السكر..دي بردوا اكدها د.حسام موافي ..وانا من ملاحظاتي بردوا بأكد ده لان في حد اعرفه اوي طول حياته صحته كويسه جدا في حاجه زعلته اوي رجع من بره مريض سكر بعد الموقف ده 💔وانا كنت طبعا بخاف من السكر وبقلل منه اوي كنت علي طول بحس كأن ضغطي واطي وكنت في ايام الجامعة مش بقدر اقف كتير من غير ما الدنيا تقفل فجأه قدامي بدل ما تبقي بينك🌸🤭وبداية اغماء ولازم اقعد بسرعة 🙈وانا اصلا ضغطي مايل للواطي🤷🏻‍♀️..لكن دلوقتي لما دخلته في نظامي تاني من التمر والعسل وبردوا "بدون اسراف "الحمد لله بشرتي بقت هيلثي اكتر ومفيش اكسده بشره خالص ..البشره بتنور 🤗🥰

✅الكوليسترول: الدهون مش هي السبب الاساسي لارتفاعه ومش ادويه الكوليسترول هي الحل بالعكس...لان ارتفاع الكوليسترول ما هو الا حيله دفاعيه علشان تحمي الجسم من الالتهابات فهل من الذكاء اتدخل بالدوا انزل الكوليسترول ولا اعالج الالتهاب اللي هو اصل المشكله؟!!!!!🤷🏻‍♀️ مع العلم ان الكوليسترول مهم جدا لتصنيع الهرمونات ووجود كمية مناسبة منه ضروري للتوازن الهرموني ووظائف الجسم الطبيعية🌸🌸🌸

✅الاستشفاء او الالتهام الذاتي:Autophagy ده حقيقي جدا وهي حمله تنظيف كامله للجسم وبيوت الطاقة الميتوكوندريا..طيب بينشط امتي ؟! اكتر حاجه بالصيام ولما بتقل مستويات الانسولين وطبعا النوم الكويس والرياضه 🤷🏻‍♀️🌸

✅الكانسر والعلاج الكيماوي اكبر كذبه وبيدمر الجسم كله: حقيقي فعلا وعيشت اصعب تجربة مع اقرب الناس لقلبي ..💔اللي كل يوم كانت بتكلمني مرعوبه وهي شايفه واحد ورا واحد من اللي عرفتهم هناك فارقوا الحياه وهي مستنيه دورها💔 وكنت بحاول اقويها وانا جوايا ألم كبير اوي 💔لان في حاجات كتير مكنتش مقتنعه بيها..احرق الجسم كده ازاي من جوه واقول بعالجه !!!! ده انا كده بحارب جسمي نفسه مش المرض اللي المفروض اهييء جسمي يحاربه بأني اساعده بأي حاجه حتي 🤷🏻‍♀️مش احرق خلاياه !!!💔و مفيش كمان في برتوكول العلاج اي اهتمام بالتغذيه العلاجيه !!!!! الله يرحمها ويسكنها الفردوس الأعلى من الجنة يارب 🌿🌿🌿

✅الفراخ :حد لاحظ في اصحابه واخواته شكوي الpanic attack فجاه بقت كتير ..ركزوا بقي كده في طبيعه اكلهم هتلاقيهم بياكلوا فراخ كتير انا كنت محتاره لانهم عندهم قولون كمان 🤷🏻‍♀️
وقطتي كانت بتآكل ارانب لانها كان مريضه كلي بسبب الدراي فود من عمر سنه وكان متوقع انها متكملش 5 سنين حتي وكنت بجبلها علاج الكلي من بره وكانت حالتها في تحسن كمان وعندها 10 سنين حتي الدكاتره كانوا منبهرين ازاي حققت ده و اخر سنه لما مبقتش الاقي ارانب بسهوله اكلتها فراخ هي سنه وده كان التغيير الوحيد اللي عملته 😔لقيت اورام كبد ورئه و...💔💔

✅الكود اللي اتكلم عنه ..مظبوط اوي للاسف ☺️لان قبل د.ضياء اصلا في دكتور نعرفه اوي ..محترم جدا وانسان اوي وبيحب يساعد الناس بردوا ومش بيتأخر على اي حد .. حذر اصحابه كلهم ..ان في حاجه طالعه جديد ان يبقي الدكتور مطلوب منه غير معمل التحاليل ده اللي اوقات كتير ملوش لازمه ..بيبقي ليه تارجت لازم يحققه.. عمليه لوز على عمليه زايدة فلازم تروحوا لاكتر من دكتور يأكدلكوا التشخيص 🤷🏻‍♀️

✅لما قال بيخوفكوا من المرض قبل ما يحصل اصلا..صح اوي وللاسف ...☺️احنا في ثقافتنا الطبيب النفسي عادي وكان معانا شويه فلوس فاي مشكلة نروح عادي 😌😄المهم اتقالي بالحرف ان اخد المهديء ده علشان خايف عليا من قسوه الموقف 🙂‍↕️🤭يجيلي مرض مناعي ..و هو لو كان تعب نفسه شوية وقالي كلمتين ان الدنيا لسه هتديكي ألمات 🫠كنت هتأقلم عادي ..كان يفهمني بس🤷🏻‍♀️🤭وكلامي ده في ناس شاهده عليه قبل د.ضياء بردوا ..و كنت بحكيلهم وبضحك لاني كنت عارفه حكاية الكود ده والدكتور كمان كان طيب شويه 😂فعلشان يقنعني فتحلي الكشكول اللي قدامه ..وقاصده اقول كشكول😄..بيوريني ان كل الناس بتخده اهو وحاجه عاديه خالص وفعلا لقيت list كبيره اوي 😄 و من غيره عايشه اهو حياتي وبساعد في علاج الناس كمان دلوقتي بالعلاج بالفن ..🤷🏻‍♀️😄 وده اجابة علي حاجه تاني عرفتوا ليه في أطباء نفسيين حاولوا يطلعوه مجنون ...علشان اثناء شغلي كمان مع الأطباء النفسيين لاننا "مساعدين ليهم "كان معايا حاله مش مستدعيه خالص الدوا ده ..فاللي عندهم ضمير منهم قالولي "احنا يعني دوا ..بيجولنا ليه !! "هما فعلا للحالات الحرجة بس اللي تدهورت ولازم دوا ..فهو اللي بيميزهم عن الاخصائيين النفسيين..الدوا والناس كمان ثقافتها زادت وبقي عندها وعي اكتر وبقوا يفضلوا الاخصائيين اكتر لانه بيعتمد على انه بيسمعك اكتر و يحل مشكلة ب CBT مثلا مش يخدرك ..😃فحالهم كده مبقاش ذي الاول و في منهم شايفينه كده بيوقف حالهم🤷🏻‍♀️وعايزه اقولكوا كمان ان في حالة جت لصاحبتي علاج بالموسيقى لطفلين ضمور في المخ بسبب علاج غلط كان ممكن اتعالجوا معاها من غير الادوية دي وهي فعلا محققه نتايج كويسه مع حالات كتير مشابهة 🤷🏻‍♀️ واكيد طبعا مش هنستغني ابدا عن الأطباء النفسيين وليهم كل الاحترام بس في الحالات الحرجه بس 💕

✅ماڤيا الادوية: ده في ادويه بعد ما ينزلوها ويروجوا ليها وتجيب كوارث يقولوا معلش مكناش نعرف 🙃من ادويه اكتئاب وكوليسترول وحتي ادويه الحموضة اللي بيجيب زهايمر واللي بيقلل المناعه اوي واللي بيسبب جلطه او اورام او اعراض ذهان ..طيب ده حقيقي ..يؤسفني بردوا اه ☺️🤭طيب عرفتي منين؟!! سبحان الله بالصدفة..واحد كان متقدملي وباباه كان صيدلي ومش فاكرة ايه اللي فتح الحوار ..اه المهم😌😇اديني طلعت من القعده دي بمعلومه مهمه 😉🤭🤣
وبردوا في واحده اسمها نهي حمزه بتناقش القضايا دي بمنتهي الحياديه..عجبتني💕بس بردوا دكاتره صيدله ميزعلوش وليهم كل الاحترام لان مش كل الادويه اكيد .. د.ضياء نفسه قال انا باخد ادويه اكيد بردوا ساعات وقال الكورتيزون اكتر علاج آمن بس مع اكل صح وبيستخدموه في الرعاية لكذا حاجه 🤷🏻‍♀️و فعلا كنت خايفة مره علي اختي تخده ..وحد قالي المعلومة دي ..🌿

✅نظريه المؤامره : يعني مين الذكي بزيادة اللي لسه مش حاطتها في بند الاحتمالات في وسط كل الحروب بكافة اشكالها والصراعات دي 😃🤣 دي وصلت انها مبقتش ماڤيا ادويه بس ده بقي في ماڤيا كمان لانتهاك حقوق الحيوان💔ده العالم اتحول لدارك ويب ومشاهد قاسية ميتحملهاش بشر 💔💔💔 كل مره من وجع قلبي اقول اكيد بما اني لسه عايشه يبقي ربنا هيخليني اقدر اكمل ..اصبري🫠💔وبما ان علم النفس غربي اكتر فهتلاقي بقي ايه علشان ننام في العسل ...اي واحد يفكر في النظرية دي ويبقي مصحصح كده يبقي مش سوي ☺️...اي واحد عربي له رساله ساميه و هادفه وضحي بحاجات كتير في سبيل ان رسالته توصل وبفطرته السليمه عايز يسيب اثر نافع ...🐾ده يبقي عنده جنون عظمه او عقده المسيح 😄لازم يبقي اناني ويخليه في نفسه لكن غاندي وغيره نعمله تمثال ...😃لكن انتوا اوعوا تصحوا يا عرب ..ناموا ...ناموا ..الحروب دي كلها فوتوشوب 😊🤭

🍃🌸 ادعوا لمصر كتير ربنا يحفظها من مفتعلين الازمات واللي بيستغلوا اي ترند يوقعوا فيه مصر🤷🏻‍♀️ربنا يحفظ مصر وجيشها وشعبها يارب ويبعد عنها كل شر وسوء يارب 🤲🏻🌿🌿🌿
وادعوا لد.ضياء ربنا يرحمه علشان نلاقي احنا كمان اللي يدعلنا ..كل انسان فينا بيحاول يجتهد ويقدم اللي يقدر عليه " ربنا يرحمه ويتجاوز عن اخطائه ويعفو عنه ويسكنه الفردوس الأعلى من الجنه وبابا حبيبي يارب "🤲🏻🌿🌿🌿
وادعولي انا كمان بليز 😃🥰

كل يوم الحقيقة بتظهر اكتر 🤗😃لازم العلم ده يطلع للنور 🤗هو تقريبا د.ضياء قاله كله وهو ده اللي فهمته وبقيت بفكر علي اساسه هختار اكلي ازاي 🤗 ..ود.مصطفى محمود بردوا كان عامل highlight علي حاجات منها ربنا يرحمهم ويسكنهم الفردوس الأعلى من الجنة يارب 🍃🌸