Med Simplified by Chahinez

الشعب يك%ره الطبيب!؟

اكثر معتقد خااطئ راه يدور دك سيرتو على وسائل التواصل الاجتماعي 💯وما هو الا بعض الاشاعات لي راهم ينشروها الذباب الالكتروني لي ملازمش ندو الرأي منهم ✅✅

ليوم ونا فسبيطار صرالي موقف ولا خليني نقولكم موااقف خلاوني نفهم بلي الشعب مرتبط ارتباط كبير بالطبيب وكاين احترام وتعاون وثقة بيناتهم 🤝🙆‍♀️جات مرة ليوم للاستعجالات مع ابنها مندخلوش فالتفاصيل المهم فوتت ودات دوا وطبيبة طمنتها بلي وليدها يامات ويشفى طبعا المرأة هاديك ربي يحفظها ويحميها جبدت مبلغ مالي ومداتو لطبيبة طبيبة قاتلها لا ما هنا تفوتي باطل ايا جاوبتها قاتلها واه علابالي باطل بصح نتوما تاني راكم تتعبو🥺 يعني بمجرد ما طمنتها على ولدها شوفو ردة فعلها كيفااه مشاء الله اللهم بارك طبعا طبيبة رفضت تدي الدراهم وخبرتهاوبلي راهي تقوم بالواجب وقاتلها مديهم للمرضى لي برا صدقة علينا كامل 🌷المغزى انو متدوش راي والاشاعات السلبية لي تحاول توسخ صورة الطبيب ولا القطاع الصحي بصفة عامة بلعكس روحو لسبيطار وتم تشوفو بعينكم طبعا كاين المليح والمش مليح بصح المليح طاغي على السيء والشاذ لا يقاس عليه✋✅
ربي يحفظنا ويحفظ شعبنا ويشافي مرضانا ❤
وربي يحفظ الام وابنها فعلا عطات صورة على طيبة وحنية الشعب الجزائري مشاء الله 🥺🌷

اهم الادوية لي راح تتلاقاو بيه فليرجونس 💯

نيكارديبين ولا لوكسان 👇
يعتبر vasodilatateur معناها يوسع الاوعية ينتمي لجماعة inhibiteurs caciques🤫يعني يمنع الكالسيون انو يدخل لخلايا العضلية في القلب والاوعية يترخىالقلب ويتوسعو الاوعية 🙆‍♀️🌷
نستخدموه مخفف خدمتو الاساسية خفض ضغط الدم ويستعمل بحذر في حالات ارتفاع ضغط الدم الخطير وبزاف حالات 💯💯🌼
وشكراا

واحد من اهم الادوية لي راح تتلاقا بيها في urgences
Primperan 🌷👇
يجي اومبول تاع 10mg/2ml ❤
يتمد IV ou IM😍
يتمد في حالات التقيء والغثيان 💯🌷

اكثر حاجة لفتت انتباهي ليوم ونا فليرجونس وخلاتني نتساءل اسكو سبب هو نقص الوعي الصحي ولا نقص رعاية الابناء لابائهم؟😭

جاو بزاف مرضى اعمارهم بين 50 _80عام بآلام في الرأس الدوخة الفشلة والتعب بعدما قسنالهم لاطونسيون كلهم كانت طاالعة ومشي طالعة برك طالعة بشكل خطير ؟كي تسقسيه تقولو الحاج عندك لاطونسيون ديجا يقولك واه؟ايا وتشرب دوا تاعها يقولك تاني واه؟تقلقت ؟لالا ايا واش سبب لي خلا مثلا لاطونسيون تاعك رغم انك تدي دواك بصح طلعت يقولك عندي سمانة حبست دوا ؟؟؟؟

علاه واش سبب لي خلاك تحبس دوا من راسك يقولك انا حسبت روحي ريحت !!

كنا نديرولهم الاجراءات اللازمة لتخفيض يعني ضغط تاعهم فالاستعجالات وقاع بصح المشكل مش هنا

المشكل انو كل واحد منا لازم يفهم خاصة المصاغر بلي ضغط دم مرض مزمن ودواه تشربو قاع حياتك متحبسوش ولا تبدلو من راسك متبدلش توقيت من راسك صح الكبير ما يعرفش وو بصح الابن ولا الابنة تعرف؟ اتفقدوا اباءكم امهاتكم ياناس متغفلوش عليهم متديش مامبا نص ساعة منك يوميا لرعايتو كيما رعاك ووقف عليك فصغرك 😥😓💔

فضلا !!!

قد ما المريض يقدر يتعايش مع ضغط دم وما يصرالو والو بالدوا قد ماهو مرض خطير ويقدر يدير مضاعفات على غفلة وتقدر مامبا متفيقلوش بلي طلعتلو ضغط حتى يعطيك كارثة ديراكت لذاا فضلا انتهبهو وكونو واعيين وووعو اهاليكم 🌷👌

التدخين من بين اهم عوامل خطر الاصابة بسرطان الرئة والمثانة💔✅
ونتا دبراسك عزيزي المواطن

قاع تسمعو بلي المراة لي ترضع ما يحكمهاش سرطان ث*ي بصح اسكو هادي كاينة منها ولالا؟ فالحقيقية ايه كاينة منها بصح مشي ما يحكمهاش قاع لا❌❌الا انو الرضاعة الطبيعية لمدة عامين تحمي المرأة وتنقص خطر الاصابة بهذا المرض الخبيث عفانا الله 🩺وكلما زاد عدد الولادات كلما زاد نقص الخطر علاه؟ باسكو في فترة الرضاعة لي تجي بعد الولادة يكون هرمون البرولاكتين مرتفع كلما رضع البيبي وهذا الشي يخلي هرمون الاستروجين ينقص هدا هو الهرمون لي يغذي الخلايا السرطانية ويحفزها🚫💔 وتاني في فترة الرضاعة ينضح النسيج تاع الث*ي ويخليه يخدم ايا ينقص خطر تحول الخلايا الناضجة الى خلايا سرطانية وحتى الدراسات اثبتت انو في هاذي الفترة يصرا تجديد للخلايا والتخلص من الخلايا الميتة وقاع وهكاااا شافو بلي الخطر ناقص بزااف عند المرأة لي ترضع طبيعيااا وشافو بلي نادرا وين يحكمها هذا السرطان 🤷‍♀️👌
سمعتو يالي تقولو نشربو حليب القوطي خير 🙄؟
اذا عجبكم المنشور خلي تعليق ومتابعة 🤍🥼

الى متى•••🥺💔
الواحد تلو الاخر يوما بعد يوم نفقد حكيما بسب الاجهاد خلال المناوبات المتواصلة دون راحة😭

رحمكم الله وجعل عملكم شفيعا لكم يوم القيامة
😔💔

مكانش جزايري يجي يقولي مناكلش دلاع فالصيف 🤣😂🍉غي تحل فريجيدار يقابلك نص دلاع تولي تفطر وتتعشا بيه حتى يخرف 🙂 ونظن كامل تسمعو بمقولة الماء تاع دلاع يحي القلب🙆‍♀️اودي يحيي القلب وتتربا عليه الكبدة 🚶‍♀️باسكو فيه الفيتامينات لي تعاون القلب باش يخدم خدمتو غاية كيما بوتاسيوم ومغنزيوم فيتامين A والاحماض الامينية لي تساعد في توسع الاوعية الدموية وتخليها تنقل كمية مليح من الدم لي فيه الاكسجين باش تتغذا الاعضاء غاية 🤷‍♀️✅بصح حبس علابالك بلي قادر يحكمك تسمم منه ؟خاصة كي يتعرض لاشعة شمس بزااف ونتا تروح تاكلو مباشرة البكتيريا تكون تكاترت غاية 😭 خاصة لي يبيعوه مفتوح وتاني ادا مغسلتش الدلاعة مليح من براا كي تفتحها تتوسخ من داخل بكاش جرثومة بلا مننساو بلي كاي نوع من الخضر والفواكه لي يقدر يكونو مكثرينلو الاسمدة والمواد الكيماوية ❌🚫 ومن اعراض التسمم بيه الحمى والتقيء وتاني الام البطن والاسهال والامر يقدر يطور متهملوهش🤷‍♀️ امالا كي تحبو تشرو عرفو علامن تشرو وبردوه وضربو الدلاع بارد في دا الصيف وباعتدال مشي حتى يخرجلكم من النيف 🙂😂 فهمتو؟
قولولي نتوما كيفاه تسموه من جيهتكم؟ 🙄
.chahinez

البارح فقط كان عندي اخر امتحان في السنة الخامسة امتحان جينيكولوجي وكنت متابعة هادي الصفحة ونسقسي ادا دوراتها ينفعو ولالا ؟وبحكم نقرا فمستغانم وكانو راح يديرولنا tt ou rien لاول مرة وخايفة تبلاع مع الحمان العبد مش طايق يقرا من لكور ويتصفح وبعد تخمام كبير باسكو خفت ما يكونوش نفس الدروس يعني ونقرا منها ونخلي كورات البروف تاعنا ونحصل شريت دورتهم تاع جينيكو لمدة شهرين السعر كان ب150الف 🤍ليوم جيت نمد رايي باختصار دورة فالقمة مشاء الله اللهم بارك كنت بمجرد نتفرج الفيديو نفهم مباشرة ونحفظ معاه ونطل طلة خفيييفة برك على لكور وكاين ديكور مشفتش اصلا لكور تاع بروف تاعنا لانو صح صح يشرح بالديطاي وبالعربية والفرنسية والامثلة الخ... يعني تفهم بسيف عليك بلا منحكو على انو البروف لي قدم الدورة بزااف مربي اللهم بارك في علمه كان كي يلحق لاي مصطلح احتراما للمستمعين يقول (حشاكم)لفتت انتباهي بزااف 😍❤يعني الدورة كانت نافعة 100% سهلت عليا بزااف وبلعت بنقطة مرضية والحمد لله 🌸✅وباذن الله نزيد نشارك في بقية الدورات 🤍🤷‍♀️
وتاني الدورة ومحتواها كان مطابق تماما لدروس لي بروف تاعنا 🤷‍♀️✅❤الحمد لله
صفحة ننصح بها طلبة الطب في كامل الاعوام وعندهم تاني دورات للاطباء واللي مقبلين على اجتياز امتحان التخصص الخ.❤
ربي يوفقهم🌸🤍
طاقوهم يشوفو المنشور باسكو حلفت كون تنفعني دورتهم نهدر عليهم في كل بلاصة🤣🤣
وفي جميع صفحاتي
ولي كان عندو تجربة مليحة معاهم يشاركها فالتعليقااات
طاقو طلبة الطب يستفادوو🔥✅⏳