Naphyta back to nature

رمضان هذا العام كانه في سباق الماراثون 😥..اللهم لا تجعلنا ممن لا يستغلون اواقاتهم بالذكر
اللهم أعنا على طاعتك وشكرك وحسن عبادتك🤲🏻 ❤

I never thought that it's gonna work
فعلو الهاشتاج

فعلو هاشتاج

شفتو كي واحد يقولكم هدرة بطريقة عيانة ونتا تبغي تطرطق بصح متصلحش تردلو مالقري قادر دعدعلو المشاعر 🙂 ...منبعد تتفكر الموقف وتبغي تقول عدة كلمات وتقول علاه مرديتش كذا وكذا ....ايا منبعد تبقا تحرق في قلبك ...وتكتمها في نفسك هذا يسمى كظم الغيظ "الكاظمين الغيظ والعافين عن الناس"
وتزيد تسمحلو من فوق هادا ....هنا عندك اجر عظيم
متضيعش الاجر وتزيد تلحقلو سيئات وتغتاب في السيد عند الناس مام سي غلط معاك لكن انت معندكش الحق تهدر فيه غيبا ..
علابالي صعيبة لكن لنجاهد انفسنا ونعودها على ذلك

السلام عليكم
علابالي علابالي it's been a long time
كل خطرة نجي نكتب شغل نحشم نقول عندي شحال محطيتش بوست 😅
هي صح كانت عندي شوي ظروف (ما ظروف قاهرة ما والو تفنين )
مهم جيت نشارك معاكم هاد المعلومة بما انو كنت مريضة بالسعال .والسعلة تاعي فري سامطة متروحش حتى بالدواء
لكن الحاجة لي تنفعني ولي تقدر تنفعكم بزااااف خاصة في هاد الايام هي زيت الضرو 🌱
وي زيت ضرو معروف بقدرته العجيبة لعلاج السعاال وعندو فائدة عظيمة للجهاز التنفسي وكذا الجهاز الهضمي
كانت معكم

لا لرمي الاوساخ في الارض
مافيها والو الا لقيت قارورة في الارض ورميتها في مكانها المناسب
مافيها والو كي تخرج تحوس ترفد معاك ساك بوبال ترمي فيه الوسخ

فعلو الهاشتاج ✌🏻

لوكتاه اه لوكتاااااه يا ال جزائريتو لي مترميش الاوساخ في الارض
الى متى الى متى
جماعة ديرو اليد في اليد رجاءا هيا نديرو حملة نظافة
الشعب تاعنا يحب يعاند الاهكا على الاقل يعاند في المفيد والحاجة لي تنفع ديرو حملة تنظيف شوارع وغابات وانشرو صور قبل وبعد انشرو صور ايجابية ومتنشروش التفاهة
اضعف الايمان الا لقيت قارورة في الارض صورها وارميها في مكانها وصور بلي رميتها في مكانها وانشرها واكتب مترميهاش في الارض
الى متى هاد العادة السيئة تمشي فينا
عيب وعار حتى الاولاد الصغار يلاحظو ويهزو هاد التصرف السيء متقولش نورمال راك مسؤول على حوايج وتتحاسب عليهم
وتحسبونه هينا وهو عند الله عظيم
انتم قدوة لاطفالكم كونو قدوة حسنة والتغيير يبدأ من ابسط الامور ايماجينيو كل واحد يلقا قارورة يرميها في ماكانها ...راح يكون انجاز
اما بالنسبة للجماعة لي تكسر حاويات القمامة وترمي القمامة في الجبل لازم السلطات تتصرف معاهم
ولو ورقة صغيرة لقيتها مرمية في الارض ارفدها وارميها في ماكنها خليها نقية

#توعية
بارتاجو خاوتي باارتاجو وشاركونا في الحملة