Derma Glow Clinic

✨ ملمس بشرتك مضايقك والمسام واضحة مهما اهتميتي بيها؟
في Derma Glow Clinic عندنا أكتر من جلسة ممكن تساعد في تحسين شكل المسام، والجلسة بتتحدد حسب حالة بشرتك.

☆ الفيشيل العميق

لو المسام واضحة ومعاها دهون وشوائب وتراكمات، الفيشيل العميق بيساعد في تنظيف البشرة وتحسين شكلها.

☆ الديرمابن

لو المشكلة مع المسام مرتبطة بملمس البشرة وآثار سطحية، الديرمابن ممكن يساعد في تحسين ملمس البشرة وشكل المسام.

☆ الفراكشنال ليزر

لو المسام مصاحبة لآثار حبوب أو ندبات وملمس البشرة متأثر، الفراكشنال ليزر ممكن يكون من الخيارات المناسبة لتحسين شكل الآثار وملمس البشرة.

إنتِ ما محتاجة تعرفي بنفسك أنسب جلسة ليكِ.

تعالي للكشف المجاني، ونحن بنشوف بشرتك ونقول ليكِ تبدأي من وين.

☆ ولو ناوية تهتمي بالمسام الفترة دي، اكتبي "مسام" في التعليقات وحنرسل ليكِ طريقة حجز الكشف المجاني.

📍 Derma Glow Clinic
بحري – المؤسسة – قصاد دودي
الطابق التاني – بناية مختبرات تيست

👀 طيب... المسام الواسعة ممكن تختفي نهائيًا؟

دي من أكتر الحاجات البتخلي البنات يجربوا منتجات وجلسات كتيرة، وكل مرة يتوقعوا إن المسام حتختفي تمامًا.

لكن الحقيقة مختلفة.

☆ المسام جزء طبيعي من البشرة، وما ممكن نلغي وجودها.

لكن ممكن نشتغل على تحسين مظهرها بحيث تكون أقل وضوحًا، حسب حالة البشرة والسبب المخلي شكلها بارز.

وده ممكن يشمل الاهتمام بـ:

• تقليل تراكم الدهون والشوائب
• تحسين ملمس البشرة
• التعامل مع الحبوب والالتهابات لو موجودة
• تحسين آثار الحبوب والتغيرات في ملمس البشرة
• واختيار روتين وجلسات مناسبة للحالة

☆ وعشان كدا ما في جلسة واحدة بنقول إنها مناسبة لكل المسام.

في حالات ممكن تستفيد من تنظيف وعناية بالبشرة، وفي حالات تانية يكون التركيز فيها على تحسين الملمس أو آثار الحبوب، وبالتالي الخيارات بتختلف.

والأهم إننا ما نختار الجلسة لمجرد إن اسم المشكلة هو "مسام واسعة".

➜ بنشوف البشرة كاملة، وبعدها نحدد شنو الخيار الأنسب لتحسين شكلها.

🤎 وفي Derma Glow Clinic الكشف على البشرة مجاني، عشان ما تضطري تختاري الجلسة بنفسك أو تجربي حاجة ما مناسبة لاحتياج بشرتك.

☆ لكن قبل ما ننتقل للجلسات...

عايزين نعرف حاجة واحدة:

شنو أكتر حاجة مضايقاك في شكل المسام عندك؟

A — شكلها واضح
B — ملمس البشرة ما ناعم
C — بتظهر أكتر مع الدهون
D — كل الحاجات دي

اكتبي الحرف الأقرب ليكِ 👇🏽🤎

وفي البوست الجاي حنتكلم عن الجلسات الممكن تساعد في تحسين مظهر المسام، والفرق بينها ومتى ممكن نختار كل واحدة.

Derma Glow Clinic
بحري – المؤسسة – قصاد دودي
الطابق التاني – بناية مختبرات تيست

من أجمل الرسائل البتفرحني 🤎

قبل أسبوع بالضبط، زارتنا واحدة من عميلاتنا في العيادة، وكانت جاية عشان تفهم بشرتها وتعرف تبدأ من وين.

بدأنا بكشف البشرة عبر الجهاز، واتكلمنا عن مشاكلها واحتياجاتها، وبعدها حددنا ليها الجلسات والمنتجات المناسبة لحالتها.

بدأنا بالفيشيل وبلازما الوجه، وبعد الجلسات استلمت المنتجات الخاصة بروتينها.

وبعد أسبوع رجعت لينا بالرسالة دي 🥹🤎

📩 افتحوا الصور واقروا تجربتها كاملة 🤎

أكتر حاجة أسعدتني في كلامها م بس إنها لاحظت فرق في بشرتها…

لكن إنها حكت عن تجربتها كلها؛ من الاستقبال، للكشف، للجلسات، وحتى المنتجات.

ولما قالت لي:
«بشرتي اتعافت تماماً 🥹»

وإن الناس بقوا يسألوها عملت شنو… بصراحة الكلام ده بيفرحني جدًا. 🤎

لكن مهم أوضح إن كل حالة مختلفة، والنتائج ما بتكون واحدة عند كل الناس.

ممتنة جدًا إنها شاركت تجربتها بكل التفاصيل والمصداقية. ❤️

ونحن في Derma Glow ما بنحب نبدأ معاكِ بمنتج أو جلسة لمجرد إنها مناسبة لزولة تانية،بنبدأ بفهم مشكلتك أول، وبعدها بنحدد الأنسب ليكِ. 🤎

لو عندك مشكلة في بشرتك أو شعرك ومحتارة تبدأي من وين، تعالي المركز وخلينا نبدأ بالتقييم لحالتك ونشوف الأنسب ليكِ. 🤎

📍 Derma Glow Clinic
بحري – المؤسسة – قصاد دودي

📞 0912544443
📲 واتساب: 00971508074781

والكشف مجاني 🤎

👀 المسام الواسعة… هل فعلًا ممكن «نقفلها»؟

من أكتر الجمل البنسمعها:
«عايزة حاجة تقفل لي المسام دي نهائي!» 😩

لكن أول معلومة مهمة لازم تعرفيها:
المسام ما باب عشان يتفتح ويتقفل 😅🤎
هي جزء طبيعي من بشرتنا، وما الهدف إننا نخفيها تمامًا، لكن في حالات ممكن مظهرها يكون أوضح وأكبر من الطبيعي.

طيب ليه المسام بتبان واسعة؟ 🤔

✨ زيادة إفراز الدهون: خصوصًا في البشرة الدهنية والمختلطة، ممكن تخلي المسام أوضح.

✨ تراكم الدهون والخلايا الميتة: لما المسام تكون مزدحمة، مظهرها ممكن يكون أكبر.

✨ آثار الحبوب وتغيّر ملمس البشرة: مرات المشكلة البتفتكريها «مسام» تكون مرتبطة بآثار أو ندبات سطحية محتاجة تقييم مختلف.

✨ فقدان مرونة الجلد مع الوقت: لما تقل مرونة البشرة، المنطقة حول المسام ما بتكون مشدودة بنفس الشكل، فبتظهر المسام بصورة أوضح.

وعشان كده لو جربتي منتج مكتوب عليهو «تقفيل المسام» وما شفتي النتيجة المنتظراها، ما معناها بشرتك مستحيل تتحسن…

ممكن ببساطة إنك بتحاولي تعالجي شكل المسام بدون ما تعرفي السبب المخليها واضحة من الأساس. 👌🏽

والحل ما واحد لكل الناس.

بعض الحالات محتاجة روتين مناسب وتنظيم الدهون والعناية الصحيحة بالبشرة، وحالات تانية ممكن تستفيد من جلسات مخصصة بعد تقييم البشرة وتحديد سبب المشكلة.

وعشان كده في Derma Glow Clinic بنحب أول حاجة نفهم بشرتك ومشكلتها، وبعدها نحدد ليك الخيار الأنسب بدل التجارب العشوائية. 🤎

👀 وخلونا نعرف حالتكم…

المسام عندك أكتر وين؟

A️⃣ الخدود
B️⃣ الأنف
C️⃣ الجبهة
D️⃣ في أكتر من منطقة

💬 اكتبي الحرف في التعليقات، ولو عندك دهون أو حبوب مع المسام اكتبيها كمان.
حنشوف أكتر إجابة متكررة ونعمل ليكم البوست الجاي عن الحلول والجلسات الممكن تساعد في تحسين مظهر المسام. 🔥

📍 Derma Glow Clinic
بحري – المؤسسة – مقابل دودي

📞 للحجز والاستفسار:
0912544443
00971508074781

⬜ لو نفسك تصحي بكرة وتلقي مشكلة واحدة اتعالجت في بشرتك ،،،، حتختاري تعالجي شنو؟

☆ خلينا نكون صحريحين 👀
تقريبا كل واحدة فينا عندها مشكلة مؤزماها في بشرتها ، بتخليها تقول:

"ياخ لو اتخلصت من الحاجة دي بس"

☆ يمكن تكون المشكلة:

• حبوب بتظهر كل شوية
• اثار الحبوب الما عايزة تختفي
• تصبغات ولون م موحد
• جفاف وقشرة
• دهون زايدة ولمعان
• بشرة باهتة وماف نضارة

☆ هل المشكلة فعلا إنك م لقيتي المنتج الصح؟

كتير بنجرب سيروم او كريم نصحتنا بيهو صحبة او شفناه في مواقع التواصل ، لكن الحاجة النفعت مع غيرك م شرط تكون مناسبة ليك

➜ لأن نوع بشرتك ، وحساسيتها ، ورتينك ومشكلتك الاساسية ممكن تكون مختلفة عنها

☆ عشان كدا قبل ما تفكري :

"أشتري شنو؟"

الافضل اول تسالي نفسك:

"شنو سبب المشكلة العندي ، والحل المناسب ليها شنو؟"

ــــــــــــــــــــــــــــــــــــ

☆ اكتبي لينا مشكلة واحدة نفسك تختفي !

وحنجمع اجاباتكم ونعمل منها سلسلة :

• الأسباب
• الأخطاء البتعقد المشكلة
• والحلول الصحيحة للتعامل معاها

ــــــــــــــــــــــــــــــــــــ

Derma Glow Clinic
بحري المؤسسة قصاد دودي الطابق التاني ف بناية مختبرات تيست

💜 بنات أم درمان… المرة دي نحنا الجايين ليكم! 😍

كتير من بنات أم درمان قالوا لينا: «نفسنا نجيكم، لكن المؤسسة بعيدة علينا» 🥹
وعشان كده قلنا بدل ما إنتو تجونا… نحنا نقرب ليكم! 🤎

✨ Derma Glow Clinic مشاركة معاكم في بازار آلاء محجوب، وحَنكون موجودين عشان نقابلكم ونتعرف على مشاكل بشرتكم عن قرب.

📍 المكان: صالة القصر الملكي – أم درمان
📅 البازار يوم 23 و24

والأحلى؟ 😍
🔍 حنقدم ليكم كشف بشرة مجااااني، نقدر من خلاله نتعرف على نوع بشرتك والمشاكل الظاهرة فيها واحتياجاتها.

وبناءً على التقييم، نساعدك تعرفي شنو الروتين الأنسب لبشرتك والمنتجات المناسبة ليك بدل التجربة العشوائية لكل منتج تسمعي بيهو. ✨

يعني لو عندك حبوب، آثار، تصبغات، مسام، جفاف، دهون أو بهتان ومحتارة تبدأي من وين… دي فرصتك تجينا وتتكلمي معانا عن بشرتك. 🤎

🎁 وكمان حتلقونا معاكم بمنتجات FAL وهدايا،
وحنوزع كوبونات تخفيض خاصة على جلسات Derma Glow Clinic لزوار البازار. 🤎✨

بنات أم درمان… منو حتجينا في البازار؟ 😍👇🏽
اكتبي «جاااية» في التعليقات عشان نعرف عددكم!

✨ لأنو كل بشرة مختلفة... كان لازم يكون عندها مكان بيفهم احتياجها.

كتير من البنات بيسألونا:

"المركز عندكم بقدم شنو؟ وأبدأ بأي جلسة؟"

عشان كده من الليلة حنبدأ سلسلة بسيطة نشرح فيها كل جلسة، شنو فائدتها، ومنو المحتاجاها، عشان تختاري الخدمة المناسبة ليك بثقة. 🤎

📋 الجلسات المتوفرة حاليًا:

🩸 1. بلازما الوجه والشعر — بتساعد في تحسين نضارة البشرة، وتقليل مظهر الخطوط وآثار الحبوب، وكمان بتساعد في حالات تساقط الشعر حسب تقييم الحالة.

🩸 2. بلازما المفاصل — تستخدم لدعم بعض حالات آلام والتهابات المفاصل بعد تقييم الحالة.

✨ 3. ديرما بلازما — دمج بين البلازما والديرما بن لتحفيز تجدد البشرة بصورة أكبر.

💉 4. ميزوثيرابي — جلسة بتوصل مواد مغذية للبشرة أو الشعر حسب المشكلة الموجودة.

💉 5. ميزو ديرما — دمج بين الميزو والديرما بن لنتائج أفضل في بعض الحالات.

🫧 6. فيشيل عادي — تنظيف وترطيب أساسي للبشرة.

🫧 7. فيشيل عميق — تنظيف أعمق للمسام وإزالة الشوائب والخلايا الميتة.

🫧 8. فيشيل علاجي — للبشرات الدهنية أو المعرضة للحبوب حسب احتياج البشرة.

🫧 9. فيشيل ديرما جلو — جلسة مخصصة للنضارة والإشراقة مع ترطيب مكثف.

👰 10. فيشيل عروس — تجهيز كامل للبشرة قبل المناسبات.

✨ 11. تقشير الجسم — لتجديد البشرة والتخلص من الجلد الميت وتحسين ملمسها.

✨ 12. إزالة الشام والنخل

💇🏽‍♀️ قسم الشعر 🌿

13. حمام زيت
14. أوزون عادي
15. أوزون بالأمبولات

🎁 وكشف البشرة عندنا مجاني، بنحدد نوع بشرتك ومشكلتها، وبعدها بنرشح ليك الجلسة أو الروتين المناسب ليك.

📍 الموقع: بحري – المؤسسة – مقابل دودي.
🕘 الدوام: من 9 صباحًا إلى 5 مساءً.

👇🏽 اكتبي رقم الجلسة الحاساها مناسبة ليكِ. 🤎

😩 شعرك بيتساقط ومحتارة المشكلة من وين؟ تعالي نفتش عن السبب أول! 👀💚

تساقط الشعر، الفراغات، ضعف الكثافة، بطء النمو، التقصف، القشرة والحكة… كلها مشاكل بنشوفها كتير، لكن ما كلها عندها نفس السبب ولا نفس العلاج.

مرات المشكلة بتكون واضحة في فروة الرأس: دهون زيادة، قشرة، التهاب أو مشكلة محتاجة عناية معينة.

لكن شنو لو كشفنا الشعر وفروة الرأس وما لقينا سبب واضح؟ 🤔
هنا ممكن المشكلة تكون من جوة الجسم، والطبيب حسب حالتك وأعراضك ممكن يطلب فحوصات زي:

🩸 CBC – صورة دم كاملة، ومنها بنشوف مؤشرات الأنيميا.
🩸 Ferritin / Iron – لمعرفة مخزون الحديد.
🩸 TSH – لتقييم الغدة الدرقية.
🩸 Vitamin D – في الحالات المحتاجة تقييم لمستواه.
🩸 Vitamin B12 – حسب الأعراض والحالة.

ولو التساقط مصحوب بـ عدم انتظام الدورة، زيادة شعر الوجه أو حبوب واضحة، ممكن الطبيب يطلب تقييم وفحوصات هرمونية حسب الحالة.

يعني بدل ما تغيّري زيت وشامبو وتعملي جلسات عشوائية كل مرة… أول سؤال مفروض نجاوب عليه: شعري بيتساقط ليه؟ 👌🏽

وبعد معرفة السبب، بنقدر نحدد هل الحالة محتاجة عناية بفروة الرأس، جلسات شعر، تعديل روتين، أو مراجعة طبية وعلاج للسبب الداخلي.

⚠️ وطبعًا ما معناها أي زولة شعرها بيتساقط تمشي تعمل كل الفحوصات دي؛ الفحوصات المناسبة بتتحدد حسب الحالة.

💬 لو بتعاني من تساقط، فراغات، قشرة، جفاف، تقصف أو بطء نمو وعايزة تعرفي الحلول الممكنة لمشكلتك، اكتبي لينا مشكلتك في التعليقات 👇🏽 وحنرد عليك. 🤎✨