Yusra Gasim

لا تستبعد فرجًا، ولا تستبطئ خيرًا
فما يأذن الله به لا يمنعه مانع، ولا يرده راد

لمن تختاري شريك حياتك وتقرري انو دي الانسان الي ح تكملي معاهو ختي في بالك انو القروش ما اهم حاجة ولا اول حاجة

اتزوجي الي ح يخاف الله فيك
اختاري الحنين ،الهين ،اللين الي م بتهوني عليهو
الي عشرتو تنسيك هموم الدنيا اتزوجي الي ح يبقي ليك سند في اسوء حالاتك قبل يكون في احسنها الي ح يكون ليك ضهر و عزوه وراجل بمعني الكلمة الي م يهون عليه زعلك مهما حصل بينكم
الي انتي ح تكوني متاكده تمام في يوم من الايام لو حصل انفصال بينكم ح يخاف الله فيك وفي اولادو لو بينكم اطفال الي ما ح يبهدلك وح يصونك حتي لو كان الطلاق بينكم هو الحل

ربنا يغفر ليك يا بسنت من اسوء الفديوهات الي مرت علي وصلت نقطة م فكرت حتي في بناتها واخدت حياتها قنعت من كل شي

يابنات مهما حصل ليك من سوء في الحياة دائما اتذكري مافي زول احن عليك من ربنا الي خلقك
وانو اكيد في يوم من الايام الظروف الصعبة دي ح تتغير
وانو الله سبحانه وتعالي ما بديك حمل انتي م قدرو
م تزعلي وتحملي نفسك فوق طاقتها عشان الزعل نهايتو مرض

اللهم إنا نعوذ بك من اليأس وضيق الصدر وفقدان الأمل، ونسألك رحمةً تطمئن بها القلوب وتخفف بها الآلام