DT. Nagham F Salloum
Share
تغذية بذكاء .. حياة أفضل ♡
يسعد مساكن ❤
كتار مننا بيعانوا من التهابات المسالك البولية وخصوصا النساء وصعوبة بالعلاج 😥
لكن المفاجأة 😍 انو التغذية ألا دور كتير كبير بتخفيف الأعراض وتسريع الشفاء لانو بتساعد بتقليل فرص الالتهاب، بتقلل من تكرار الاصابه، وبتساهم بدعم المناعة 🥰🍓
● لهيك اليوم رح نتعرف شو لازم ناكل وعن شو لازم نبعد لنحسن حالنا 😍
١. اول واهم شغله لازم نركز عليها هيي شرب المي بكميات منيحة 💧
٢. عصير التوت البري أثبت فعاليتو بعلاج الالتهاب
٣. تناول اللبن لاحتوائه على البروبيوتيك 🥛
٤. تناول الخضروات والفواكه 🥗🍓
٥.تناول مكملات فيتامين دال أو غذاء غني فيه (لان نقص فيتامين دال يزيد من قابلية الاصابه بالالتهاب)
● في عنا اطعمة منفضل تقليلا:
١. الدجاج واللحوم المصنعة
٢. المشروبات الغازية
٣. الطعام المالح
الغذاء الصح هو اول خطوة للعلاج والراحة
🥗
#صحة #تغذية #التهابات #فيتامين #اعشاب
تبقوا بخير ❤
15/06/2025
صباح الخير ❤
كل عام وانتو بخير تنعاد عالجميع بالخير يارب 🥰❤
رجعنا بعد فترة من الانقطاع بمعلومات كتير حلوة ومفيدة 😍
حكولنا كيف كان العيد معكن؟؟؟ وكيف كان التخبيص أهم شي ؟ 😁😉
وبطريقكن اقترحولنا شغلات بتحبو تعرفوها عن التغذية لنحكي عنا بالأيام الجاي 🍓🍓
#صحة #تغذية #معلومات
تبقوا بخير ❤
DT.Nagham Salloum 🍓
04/06/2025
يسعد مساكن ❤
إذا كنت حاسس بتعب أو بشرتك صارت شاحبة، في احتمال كبير إنك تكون عم تعاني من فقر الدم، والسبب الرئيسي بيكون نقص الحديد بجسمك.
الحديد مهم كتير لأنه بيساعد الدم ينقل الأوكسجين لبقية الأعضاء، وبيمنحك الطاقة اللازمة للقيام بأنشطتك اليومية.
● من أهم مصادر الحديد:
١. السودة
٢. كبد
٣. مكسرات
٤. حبوب كاملة
٥. خضار
٦. فواكه داكنة اللون
٧. اللحوم الحمراء
● واكيد في عنا مصادر بتعيق امتصاص الحديد مثل:
١.القهوة والشاي
٢.الألياف الكتيرة
٣. البيض مابيصير فيه امتصاص بشكل كامل بسبب ماده موجودة بالصفار بتعيق امتصاصه
٤. الشخص يلي بيشرب كحول بكميات كبيرة
🍓 نصيحة مهمة:
إذا كنت عم تاكل أطعمة غنية بالحديد، حاول تضيف أطعمة غنية بفيتامين C مثل البرتقال، الفلفل الأحمر، الليمون
لأن فيتامين C بيساعد على امتصاص الحديد بشكل أفضل.
إذا حسيت إنو في عندك أعراض فقر الدم
لا تتردد بزيارة أخصائي التغذية
🍓
#صحة #تغذية #حديد #هيموغلوبين #طاقة #شحوب #تعب #ارهاق
تبقوا بخير ❤
DT.Nagham Salloum 🍓
01/06/2025
يسعد مساكن ❤
اليوم رح يكون البوست عبارة عن تفاؤل من مشتركيني الحلوين وكيف لاقو نتائج حلوة من خلال التزامن وارادتن القوية .
لاتترددو بالاشتراك معي مشان تحافظو ع جسم مثالي ورشيق ❤
خلونا نستقبل الصيف بأجسام حلوة 😍
وضلو اتذكرو 🥰❤
#صحة #رشاقه #صيف #دايت #حرمان
تبقوا بخير ❤
DT.Nagham Salloum 🍓
يسعد مساكن ❤
قديش في ناس بتقلي: بدي أضعف فبطّلت آكل خبز!
يا جماعة، الخبز مو هو المشكلة، الكمية والنوع هنن المشكلة!
خبز ابيض اوأسمر أو شوفان بكميات معتدلة أحسن من انو تقطعوه نهائيا
وجسمكن بحاجتو لحتى يضل عندو طاقة.👍
تبقوا بخير ❤
#صحة #تغذية #خبز #نحافة #رشاقه
DT.Nagham Salloum 🍓
بتعاني من زيادة أو ثبات بالوزن؟؟
بتعاني من الم حاد أسفل الظهر؟؟
بتعاني من تساقط الشعر؟؟
هي الأعراض بتدلّ ع نقص فيتامين D بجسمنا
ويلي الو أعراض تانيه مثل:
تقشر الجلد، فقر الدم، الإرهاق ويلي بيأدي لقلة التركيز ، ضعف العضلات ،تطور أمراض القلب والضغط
بتعرفو وين موجود هاد الفيتامين بالأكل؟
#صحة #تغذية #فيتامينات #مناعة
تبقوا بخير ❤
DT.Nagham Salloum 🍓
يسعد مساكن ❤
كتير منّا منواجه مشكلة ثبات الوزن ، وممكن نحس انو مهما حاولنا ما عم نشوف فرق.
في ناس بتفكر إنو السبب هو الأكل أو التمرين، بس في عوامل تانية كمان بتلعب دور ومن هي العوامل :
● حمية غذائية قاسية
● حذف الكربوهيدرات(السكريات) وتقليل البروتين
● فقر الدم بنقص الحديد
● نقص فيتامين دال
● اضطرابات هرمونية أو مبيض متعدد الكيسات
● الامساك
● المبالغة بالتمارين الرياضية
● حذف الوجبات والبقاء على وجبة واحدة
لهيك انتبهو منيح شو سبب ثبات وزنكن ❤
#صحة #تغذية #حمية #هرمونات
تبقوا بخير ❤
DT.Nagham Salloum 🍓
20/05/2025
يسعد مساكن ❤
اليوم منشورنا رح يكون مميز كتير 😍❤
رح نبين فيه انو الدايت مافيه حرمان ابدا .. وفيكن تاكلو يلي بتحبوه بس بكميات محددة حسب حالة كل شخص ❤
رح تشوفو شويه صور من وجبات مشتركيني الحلوين الملتزمين دائما كرمال ياخدو نتيجة حلوة متلن ❤
ضلو اتذكرو 🥰❤
#صحة #دايت #حرمان #تغذيه #وجبات
تبقوا بخير ❤
DT.Nagham Salloum 🍓
18/05/2025
ليش لازم نضيف شوية نكهات طبيعية للمي؟
خليني خبركن!
كتير من الناس ما بيحبوا يشربوا مي لأن بيلاقوها "ما إلها طعم"، وهاد الشي بيخليهم يقصروا بشرب كمية المي اليومية يلي جسمنا بحاجتها.
وهون بيجي دور الإضافات الطبيعية متل الليمون، النعناع، الخيار...
ليش منضيفهن؟
●الليمون: بيزيد مناعة الجسم، بيساعد على الهضم، وبيعطي نكهة منعشة.
●النعناع: بيهدي المعدة، وبيخلي طعم المي أطيب بكتير
●الخيار: بيبرد الجسم وبيعطيه ترطيب مضاعف
هاد المشروب منسميه "ديتوكس" ومو بس طيب، كمان بيساعد جسمك يتخلص من السموم بطريقة طبيعية وبيخلي بشرتك احلا واحلا 🍋
جربوا تحطوا شرايح من الليمون والنعنع بكاسة المي، وخلوها تبرد شوي بالتلاجة
رح تلاقوا حالكن عم تشربوا أكتر من قبل بدون ما تحسوا.
صحتكن بالدني! وخلّي المي تكون رفيقتكن بكل نهار.
#تغذية #صحة #ديتوكس #ترطيب #مناعة #هضم
تبقوا بخير ❤
DT.Nagham Salloum 🍓
14/05/2025
يسعد مساكن ❤
كتير منسمع عن "هرمون السعادة"، بس يا ترى شو هو؟
هو السيروتونين : مادة كيميائية بدماغنا بتأثر ع مزاجنا، نومنا، وحتى شهيّتنا .
كيف منزيده؟ مو بس بالرياضة والضحك كمان بالأكل!
في عنا مجموعة اطعمة بتزيد من هاد الهرمون منها:
● الشوكولا الداكنة: بتعطي طاقة وبتحفّز الدماغ يفرز السيروتونين .
● الموز: فيه فيتامين B6 والتريبتوفان يلي بيساعدوا بإنتاج هرمون السعادة.
● المكسرات (مثل الجوز واللوز): فيهم أوميغا 3 ومغنيزيوم، وهدول مهمين كتير للدماغ.
● البيض والحليب: فيهم بروتين عالي الجودة .
● الشوفان: بيرفع السيروتونين بشكل ثابت
السعادة مو بس شعور، أحياناً بتبلّش من صحن الأكل!
تبقوا بخير ❤
#صحة #تغذية #سيروتونين #نوم #سعادة
DT.Nagham Salloum 🍓
Category
Website
Address
Homs
Alerts
Be the first to know and let us send you an email when DT. Nagham F Salloum posts news and promotions. Your email address will not be used for any other purpose, and you can unsubscribe at any time.