Islami update

بئرغرس (غرس کا کنواں) ایک انمول تاریخی حیثیت رکھتا ہے یہاں سے نبی مکرم ﷺ نے پانی نوش فرمایا تھا۔
بئرغرس (غرس کا کنواں) مدینہ میں ایک تاریخی سنگِ میل کی حیثیت رکھتا ہے۔ مدینے کی اس امتیازی علامت کی جڑیں گہرے انداز میں نہ صرف پیغمبرِ اسلام صلی اللہ علیہ وسلم کی حیاتِ مبارکہ سے جُڑی ہوئی ہیں بلکہ اس کنوئیں کو سنت میں بھی دستاویزی حیثیت حاصل ہے۔
روایات کے مطابق پیغمبرِ اسلام محمد صلی اللہ علیہ وسلم نے اس کنوئیں کا پانی نوش فرمایا تھا اور رحمت کی دعا کی تھی۔ راویوں نے لکھا کہ نبی صلی اللہ علیہ وسلم نے یہ بھی فرمایا تھا کہ ان کے غُسل کے لیے اس کنوئیں کا پانی استعمال کیا جائے۔
سعودی پریس ایجنسی کے مطابق چاہِ غرس (غرس کا کنواں) مدینے میں مسجدِ نبوی اور مسجدِ قبا کے درمیان جنوب کی طرف واقع ہے۔ یہ مقام ثقافتی میراث کی اتھارٹی کی محتاط نگرانی میں ہے تاکہ اس کی مستند خصوصیات اور مخصوص پہلوؤں کو محفوظ رکھا جا سکے۔
حکام نہ صرف اس متبرک مقام کے انتظامات سنبھالتے ہیں بلکہ اس کے لیے بھی کوشاں رہتے ہیں کہ یہاں آنے والے زائرین اس کنوئیں کے پانی سے بھی سیراب ہوتے رہیں۔

وضو کا بیان

اور وہ وقت بھی جب تمہارے پروردگار نے اعلان فرما دیا تھا کہ اگر تم نے واقعی شکر ادا کیا تو میں تمہیں اور زیادہ دوں گا، اور اگر تم نے ناشکری کی تو یقین جانو، میرا عذاب بڑا سخت ہے۔ اور موسیٰ (عليه السلام) نے کہا تھا کہ : اگر تم اور زمین پر بسنے والے تمام لوگ بھی ناشکری کریں،

اسلام گناہوں کو دھو دیتا ہے

اگر آپکے آنگن میں ماں کی مسکراہٹ اور باپ کا سایہ موجود ہے تو آپ دنیا کے خوش نصیب انسان ہیں!