Young Nurses Association Bannu

——Recruitment ——
Medical Officers, Dental Surgeons, and Nurses Data has been uploaded to the online portal. Any grievance or discrepancy may be submitted
within 3 Days
withthrough the following link.

Candidate Portal | Health Department KP Secure access for candidates to view application details, preferences, registration information and submit correction or grievance requests.

پریس ریلیز

ینگ نرسز ایسوسی ایشن (وائی این اے) بنوں چیسٹ وارڈ میں پیش آنے والے افسوسناک اور انتہائی قابلِ مذمت واقعے کی سخت ترین الفاظ میں مذمت کرتی ہے، جس میں وائے این اے بنوں کے صدر محمد عاصم شاہ پر مبینہ طور پر حملہ کیا گیا۔

تفصیلات کے مطابق ایک مریض کا اٹینڈنٹ نرسنگ کاؤنٹر سے بغیر اجازت ویڈیو ریکارڈنگ کر رہا تھا۔ صدر وائی این اے بنوں محمد عاصم شاہ نے اسے فوری طور پر روکا اور واضح کیا کہ ہسپتال کے اندر نرسنگ کاؤنٹر اور طبی عملے کی ویڈیو بنانا نہ صرف ادارہ جاتی قواعد و ضوابط بلکہ قانون کی بھی کھلی خلاف ورزی ہے۔ اس پر مریض کا اٹینڈنٹ مبینہ طور پر اشتعال میں آ گیا اور اپنے چار سے پانچ ساتھیوں کے ہمراہ نرسنگ کاؤنٹر کے اندر زبردستی داخل ہو کر صدر وائی این اے بنوں محمد عاصم شاہ پر حملہ آور ہوا۔

یہ واقعہ ہسپتال انتظامیہ کی سنگین غفلت، امن و امان کے ناقص انتظام اور عملے کے غیر محفوظ ماحول کی واضح عکاسی کرتا ہے۔ نرسنگ اسٹاف کو اپنی ہی ڈیوٹی جگہ پر غیر محفوظ چھوڑ دینا ناقابلِ قبول ہے اور اس صورتحال نے ادارہ جاتی ساکھ پر سوالیہ نشان کھڑا کر دیا ہے۔

وائی این اے بنوں واضح کرتی ہے کہ طبی عملے پر حملے، دھمکیاں اور ہراسانی کسی صورت برداشت نہیں کی جائیں گی۔ اگر ایسے عناصر کے خلاف فوری، مؤثر اور مثال قائم کرنے والی کارروائی نہ کی گئی تو یہ سلسلہ مزید سنگین صورت اختیار کر سکتا ہے۔

وائی این اے بنوں ہسپتال انتظامیہ اور قانون نافذ کرنے والے اداروں سے پرزور اور حتمی مطالبہ کرتی ہے کہ واقعے کی غیرجانبدارانہ اور شفاف تحقیقات کی جائیں، ذمہ دار افراد کے خلاف فوری ایف آئی آر درج کرکے انہیں گرفتار کیا جائے اور سخت ترین قانونی کارروائی عمل میں لائی جائے۔

تنظیم یہ واضح کرتی ہے کہ اگر اس واقعے پر فوری ایکشن نہ لیا گیا تو وائے این اے بنوں اپنے احتجاجی اور آئندہ کے سخت ترین لائحہ عمل کا اعلان کرنے پر مجبور ہوگی، جس کی تمام تر ذمہ داری متعلقہ انتظامیہ پر عائد ہوگی۔

جاری کردہ:
ینگ نرسز ایسوسی ایشن (وائی این اے) بنوں

Various Clinical and non Clinical vacancies In MTI BANNU 👇

نرسز کے ساتھ ناانصافی ہو رہی ہے۔ اگر نئی نرسز کی تنخواہ صرف 65، 70 یا 80 ہزار ہے، تو یہ موجودہ مہنگائی میں بہت کم ہے اور یہ ظلم ہے۔

نرسز دن رات مریضوں کی خدمت کرتی ہیں، مشکل حالات میں بھی فرنٹ لائن پر رہتی ہیں، لیکن انہیں نہ مناسب تنخواہ مل رہی ہے اور نہ ہی عزت۔

یہ صرف تنخواہ کا مسئلہ نہیں بلکہ نرسنگ کے مستقبل کا سوال ہے۔ اگر یہی حالات رہے تو لوگ اس پیشے میں نہیں آئیں گے۔

نرسنگ ایسوسی ایشنز کو چاہیے کہ وہ اس کے خلاف آواز اٹھائیں۔ نرسز کے ساتھ انصاف ہونا چاہیے اور انہیں ان کا حق ملنا چاہیے۔