Ali tv

دورہ آلچوڑی، اسکنتھگ، ضلع شگر


قائدِ ملتِ جعفریہ گلگت بلتستان آقائے سید راحت حسین الحسینی نے ضلع شگر کا دورہ کیا اور اسلام آباد کے المناک واقعے میں شہید ہونے والے آلچوڑی، اسکنتھگ، ضلع شگر کے رہائشی شہید معراج حسین ولد محمد ناصر حسین کے گھر جا کر لواحقین سے تعزیت کی۔

اس موقع پر علامہ شیخ کرامت حسین نجفی نے قائدِ ملت جعفریہ، ہیئتِ آئمہ جماعت اور مرکزی انجمن امامیہ گلگت بلتستان کی جانب سے تعزیتی خطاب کیا اور شہداء کی قربانیوں کو ملت کے لیے باعثِ فخر و بیداری قرار دیا۔

بعد ازاں فاتحہ خوانی کی گئی اور شہید کے درجات کی بلندی، مغفرت اور پسماندگان کے لیے صبر و استقامت کی دعا کی گئی۔

اللہ تعالیٰ شہید کے درجات بلند فرمائے اور اہلِ خانہ کو صبرِ جمیل عطا فرمائے۔ آمین۔

— ترجمان
قائدِ ملتِ جعفریہ گلگت بلتستان
آقائے سید راحت حسین الحسینی

Syed Rahat Hussain Al Hussaini