Manny Potter

( September 29,2026- Tuesday) Our daily bread for today.
Kawikaan 3:5-6🙏❤
( Mga kapatid, ipagkatiwala natin lahat lahat ng ating mga plano o mga ninanais sa buhay at ang Diyos na ang bahalang magbigay nito sa atin. Sapgkat nalalaman Niya kung ano ang makabubuti sa atin. Huwag tayong padalos-dalos sa ating mga desisyon na maaari nating ikapahamak, bagkus humingi ng gabay sa ating Panginoon sa pamamagitan ng panalangin at pagbabasa ng Kanyang mga Salita upang tayo ay di maligaw at magkaroon tayo ng pang unawa. Pagtiwalaan natin ang mga pangako Niya sa atin, tiyak di Nya tayo bibiguin. Amen.)🙏🙏🙏

( September 28,2026- Monday) Our daily bread for today.
Philippians 4:13🙏❤
( Mga kapatid, tunay ngang ang ating Panginoong Hesukristo ang tanging nagbibigay sa atin ng lakas sa bawat araw, magagawa natin ang lahat ng bagay kung atin lamang tatanggapin ang ating Panginoong Hesukristo bilang ating Diyos at Tagapagligtas. Sumampalataya tayo s Kanya upang sa bawat hamon ng ating buhay ay malampasan natin ang bawat pagsubok na dumarating sa ating buhay. Sapagkat si Hesus ang ating lakas, kasapatan, kapayapaan, at kaligtasan. Amen)🙏🙏🙏

( September 27,2026- Sunday) Our daily bread for today.
Pahayag 22:12🙏❤
( Mga kapatid, tunay ngang palapit na nang palapit ang pagbabalik ng ating Panginoong Hesukristo upang iligtas at kunin ang mga nararapat sa Kanya . Kaya't magsipaghanda tayo anumang oras na dumating ang takdang panahon. Kaya't mapapalad ang mga sumusunod at nagsasagawa ng Salita ng Diyos dahil may gantimpalang matatamo. Mga kapatid, kung nais nating maisama sa kaharian ng langit ay gawin na ang nararapat at maglingkod na tayo sa Kanya habang tayo ay nabubuhay pa. Amen.)🙏🙏😂

( September 26,2026- Saturday) Our daily bread for today.
1 Tesslonica 5:16-18🙏❤
( Mga kapatid, huwag na huwag tayong magsasawang msnanalangin, magpasalamat at humingi ng habag sa ating Panginoong Diyos na Syang pinagkukuhanan natin ng lakas sa bawat araw. Ito ang nais ng Diyos sa atin ang makipag ugnayan tayo sa Kanya sa pamamagitan ng pananalangin at pasasalamat. Anuman ang maging sitwasyon ng ating buhay ay dapat palagi tayong makipag usap sa Kanya sa pamamagitan ng Kanyang mga Salita. Dahil ang Kanyang mga Salita ay makapangyarihan at tinutupad Nya ang Kanyang mga pangako sa atin. Mahal na mahal tshi ng Diyos at hindi tayo pababayaan. Amen.)🙏🙏🙏

( September 25,2026- Friday) Our daily bread for today.
1 Tesalonica 4:6🙏❤
( Mga kapatid, wala tayong maililihim sa ating Diyos na Syang pumapatnubay at gumagabay sa atin saanman tayo magpunta at anuman ang ating ginagawa, maging sa ating mga binabalak sa ating mga kapwa. Mga kapatid, ito ay paalala sa atin na huwag tayong manlamang o mandaya sa ating kapwa sapagkat ito ay hindi kalugud-lugod sa Diyos, paparusahsn ng Diyos ang mga gumagawa nito. Kaya't mga kapatid, maging patas nawa tayo at magkaroon ng takot sa Diyos upang buhay natin ay sumagana at maging kalugud-lugod sa kanyang harapan . Amen.)🙏🙏🙏

( September 24,2026- Thursday) Our daily bread for today.
Kawikaan 30:5🙏❤
( Mga kapatid, patuloy lang tayong magtiwala at sumampalataya sa ating Panginoong Diyos sa pamamagitan ng Kanyang mga Salita, sa Kanyang mga pangako sa atin , dahil lahat ng Kanyang mga pangako sa atin ay Kanyang tutuparin . Magtiwala lamang tayo sa Kanya . Siya ang ating kanlungan at sandigan magpakailanman. Purihin at sambahin natin ang Diyos magpakailanman . Amen)🙏🙏🙏

( September 23,2026- Wednesday) Our daily bread for today.
Juan 14:27🙏❤
( Mga kapatid, sa ating Panginoong Hesukristo lamang tayo makskasumpong ng tunay na kapayapaan, wala ng iba. Hindi ang pera, hindi ang karangyaan sa buhay, kasikatan, mga magagarang sasakyan, bahay, trabaho, mataas na posisyon, mga kasiyahang dulot ng mga bisyo at mga taong nakapaligid sa atin kundi ang pagkakaroon natin ng tunay na relasyon sa ating Panginoong Hesukristo. Dahil ang maibibgay ng mundo sa atin ay kabalisahan, kaguluhan, takot, kahirapan, kawalan ng tiwala at walang pagkatakot sa Diyos. Kaya nga mga kapatid, huwag tayong mabalisa ni matakot sa kasalukuyang panahon ngayon na puno ng paghihirap at kabalisahan dahil ang Diyos ay lagi nating kasama, magtiwala at sumampalataya lamang tayo sa Kanya. Amen)🙏🙏🙏

( September 22,2026- Tuesday) Our daily bread for today.
Lamentations 3:25🙏❤
( Mga kapatid, patuloy tayong maglingkod at sumunod sa kalooban ng Diyos sapagkat Siya'y may mga dala dalang mga pangako sa atin, huwag magsawa sa pananalangin dahil sa tamang panahon ibibigay ang ating mga hinihiling. Sapagkat sinasabi rin sa mga Salita Nya na kapag tayo'y naghahanap sa Kanya , Kanya Niya tayong katatagpuin, kapag tayo'y kumakatok, Kanya naman tayong pagbubuksan at kung tayo'y hihiling, tayo nama'y bibigyan. Magtiwala at sumampalataya lamang tayo sa ating Panginoon na kayang ibigay lahat ng ating mga pangangailangan. Amen.)🙏🙏🙏

( September 21,2026- Monday) Our daily bread for today.
Isaias 55:6-7🙏❤
( Mga kapatid, hindi pa huli ang lahat, marami pang pagkakataon upang tayo ay lumapit at manumbalik sa ating Panginoon. Binibigyan pa Niya tayo ng pagkakataong makagsisi sa ating mga kasalanan sapagkat nais Niya na tayo ay maligtas sa kapahamakan. Huwag na nating sayangin ang natitira pang panahon, naghihintay lamang ang Diyos sa atin na tayo'y lumapit at magpakumbaba sa Kanyang harapan, napakabuti ng Diyos at sa Kanya lamang natin matatagpuan ang tunay na kapayapaan. Manalangin araw-araw, sumampalataya at magtiwala sa Kanyang kapangyarihan, sumunod sa Kanyang mga utos at maglingkod nang tapat, yan ang nais Niya sa atin upang tayo ay mapabilang sa Kanyang kaharian . Purihin at sambahin ang Diyos magpakailanman. Amen.)🙏🙏🙏

( September 20,,2026- Sunday) ;Our daily bread for today.
Psalms 145:18🙏❤
( Mga kapatid, huwag tayong magsawang manalangin, sumamba, magpuri, sumampalataya at maglingkod sa ating Panginoon sapagkat Siya'y tunay na nagmamalasakit at kumakalinga sa mga anak Nyang may malinis na kalooban. Hinding-hindi pababayaan ng Diyos ang lahat ng tumatawag sa Kanya nang may katapatan sa kanyang puso. Kaya mga kapatid, sa araw na ito, ibigay natin ang pinaka the Best na pagpupuri at pagsamba sa ating Panginoon, Sama-sama tayong magpapupuri at magpapasalamat sa kabutihan ng ating Panginoon sa ating buhay. Amen.)🙏🙏🙏