Kagawad- Jason Cama

MARAMING SALAMAT, MINUYAN PROPER! 🧡💗

Taos-pusong pasasalamat sa 4,430 na nakinig at nakiisa sa ating KUMUSTAHAN WITH TEAM BITENG 2026!

Ang inyong oras, pakikinig, pakikilahok at patuloy na pakikipag-ugnayan ay mahalagang bahagi ng ating mga pagtitipon at talakayan para sa komunidad.

Maraming-maraming salamat po sa inyong suporta at pakikiisa!
Tuloy-tuloy ang Pag-unlad ng Minuyan Proper!

TINGNAN

Nagsagawa ang Pamahalaang Barangay ng Minuyan Proper ng isang Kamustahan upang maipabatid sa ating mga residente mula sa ibat-ibang sitio ng ating barangay ang mga kasalukuyang water updates at mga proyektong isinasagawa ng Metro Pacific Water katuwang ang Pamahalaang Lungsod.

Nagbigay ng mahahalagang updates ang ating Barangay Public Information Officer, Mr. Darwin Bantayan, kasama si Punong Barangay Irene Biteng at Chairman ng Committee on Infrastructure, Kagawad Jason Iglesia Cama, upang maipaliwanag sa mga residente ang kasalukuyang kalagayan at mga hakbang na ginagawa para sa mas maayos na serbisyo ng tubig.

Isa sa mahahalagang tinalakay ang kasalukuyang isinasagawang 3-kilometer pipe laying project sa Tanawin Road, Barangay Sto. Cristo, na inaasahang pakikinabangan ng humigit-kumulang 15,000 kabahayan, kabilang ang ating barangay.

Ikinatuwa ng mga residente ang magandang balitang ito dahil inaasahang makatutulong ang proyekto upang magkaroon ng mas maayos, mas matatag, at mas maaasahang suplay ng tubig sa ating komunidad.

Patuloy nating inaasahan ang pag-usad ng proyekto at ang target na mas maayos na serbisyo ng tubig bago matapos ang Disyembre 2026.

Patuloy ang Pamahalaang Barangay sa pakikipag-ugnayan at pagbibigay ng tamang impormasyon upang manatiling updated ang bawat Pamilyang Minuyeños.
"Tuloy-tuloy ang Pag-unlad ng Minuyan Proper"

ALTERNATIVE LEARNING MODES IPATUTUPAD SA MGA PAARALAN SA LUNGSOD NGAYONG BIYERNES, SEPTEMBER 4, 2026

Alinsunod sa Memorandum Circular No. 134 na inilabas ng Office of the President, suspendido muna ang face-to-face classes sa lahat ng antas sa malaking bahagi ng bansa, kabilang ang Lalawigan ng Bulacan ngayong Biyernes, September 4, 2026.

Ito ay dahil sa inaasahang epekto ng patuloy na pagbuhos ng malalakas na ulan dulot ng Southwest Monsoon o Habagat.

SOURCE: Presidential Communications Office

PADAYON, CLUSTER 5!

Buong suporta para sa Cluster 5 sa pagdiriwang ng 11th Tanglawan Festival!

Buong sigla at pagkakaisa nating ipagdiwang ang talento, kultura, saya, at pagmamalaki ng bawat San Joseño.

Patuloy tayong magningning at magkaisa. Padayon, Cluster 5!
"Tuloy-tuloy ang Pag-unlad ng Minuyan Proper"

TINGNAN | Kalagayan ng ating mga evacuees sa Barangay Hall Annex A, Phase 4A

Patuloy na sinisiguro ng Pamahalaang Barangay ng Minuyan Proper, sa pangunguna ni Punong Barangay Kapitana Irene Biteng, na maayos, ligtas, at komportable ang kalagayan ng ating mga evacuees habang pansamantala silang nananatili sa evacuation center.

Patuloy din ang pagbabantay at pag-alalay upang matugunan ang kanilang mga pangunahing pangangailangan habang hinihintay ang pagbuti ng sitwasyon sa kanilang mga lugar.

Kaligtasan at kapakanan ng bawat Pamilyang Minuyeño ang ating prayoridad.