Veasna News

នគរបាលការពារព្រំដែនគោក៨៩១ ឃាត់ខ្លួនជនសង្ស័យ២នាក់ ពាក់ព័ន្ធករណីលួចនាំមនុស្សឆ្លងដែនខុសច្បាប់ ខណ:អូរព្រំដែនកំពុងជន់លិច
==========
បន្ទាយមានជ័យ៖ អនុវត្តតាមបទបញ្ជារបស់លោកឧត្តមសេនីយ៍ត្រី សឿម សារិទ្ធិ ស្នងការនគរបាលខេត្តបន្ទាយមានជ័យ
លោកវរសេនីយ៍ឯក បោន សីហា មេបញ្ជាការវរសេនាតូចនគរបាលការពារព្រំដែនគោកលេខ៨៩១ បានសហការជាមួយកម្លាំងអធិដ្ឋាននគរបាលក្រុងប៉ោយប៉ែត និងកម្លាំងកងរាជអាវុធហត្ថក្រុង នៅថ្ងៃទី២៤ ខែកញ្ញ្ញា ឆ្នាំ២០២៦នេះ បានឃាត់ខ្លួនជនសង្ស័យ២នាក់ ពាក់ព័ន្ធនឹងបទល្មើសនាំមនុស្សឆ្លងដែនខុសច្បាប់ បញ្ជូនឲ្យការិយាល័យប្រឆាំងការជួញដូរមនុស្ស និងការពារអនីតិជន កសាងសំំណុំរឿងបញ្ជូនទៅតុលាការផ្តន្ទាទោសតាមច្បាប់។

លោកវរសេនីយ៍ត្រី អ៊ុយ សុធារ័ត្ន នាយប៉ុស្តិ៍នគរបាលការពារព្រំដែនគោកអូរជ្រៅ បានឲ្យដឹងថា កាលថ្ងៃទី២៣ ខែកញ្ញា ឆ្នាំ២០២៦ វេលាម៉ោង១០និង៤០នាទី កម្លាំងសមត្ថកិច្ចចម្រុះបានបើកកិច្ចប្រតិបត្តិការចុះបង្ក្រាប និងឃាត់ខ្លួនជនសង្ស័យជាមេខ្យល់ចំនួន០២នាក់ទី១. ឈ្មោះ ឆោម សុលី ភេទប្រុស អាយុ១៩ឆ្នាំ និងទី២. ឈ្មោះ ឈុំ ឌុល ភេទប្រុស អាយុ៥២ឆ្នាំ និងដកហូតវត្ថុតាង ខ្សែសម្រាប់ចម្លងចំនួនមួយដុំធំ និងការបាក់សម្រាប់ចម្លងចំនួន០១ ដែលពាក់ព័ន្ធនឹងបទល្មើសនាំមនុស្សឆ្លងដែនខុសច្បាប់ នៅចំណុចក្បែរអូរព្រំដែន ភូមិប៉ោយប៉ែត សង្កាត់អូរជ្រៅ ក្រុងប៉ោយប៉ែត។

បច្ចុប្បន្ន ជនសង្ស័យទាំងពីរនាក់ និងវត្ថុតាង ត្រូវបានកម្លាំអធិការដ្ឋាននគរបាលក្រុងប៉ោយប៉ែត បញ្ជូនទៅឲ្យការិយាល័យជំនាញ ដើម្បីកសាងសំណុំរឿងចាត់ការបន្តតាមនីតិវិធី។ ទន្ទឹមគ្នានេះ សមត្ថកិច្ចជំនាញបានកំពុងបន្តស្រាវជ្រាវនិងបើកការស៉ើបអង្គេតស៊ីជម្រៅបន្ថែមទៀត ដើម្បីស្រាវជ្រាវរកអ្នកពាក់ព័ន្ធយកមកផ្តន្ទាទោសតាមផ្លូវច្បាប់ជាធរមាន៕

អត្ថបទ: វ.ទោ ប៊ុន សំណាង

ដោយមានការណែនាំ និងចង្អុលបង្ហាញពីលោក ឧត្តមសេនីយ៍ស្នងការនគរបាលខេត្តបន្ទាយមានជ័យ។
ក្រោមការដឹកនាំបញ្ជាផ្ទាល់ លោកវរសេនីយ៍ឯក បោន សីហា មេបញ្ជាការវរសេនាតូចនគរបាលការពារព្រំដែនគោកលេខ៨៩១
✍️ នៅថ្ងៃទី២៤ ខែកញ្ញា ឆ្នាំ២០២៦ ដោយស្ថានភាពអាកាសធាតុ ជំនន់ទឹកភ្លៀងលាយឡំជាមួយទឹកភ្លៀងដែលហូរមកពីប្រទេសថៃ តាមអូរព្រំដែន បានធ្វើឱ្យកម្ពស់ទឹកក្នុងអូរព្រំដែនកម្ពុជា-ថៃ កើនឡើង បណ្តាលឱ្យមានការជន់លិចភូមិសាស្ត្រវរសេនាតូចនគរបាលការពារព្រំដែនគោក ៨៩១ ដល់លំដ្ឋានប្រជាពលរដ្ឋដែលរស់នៅតាមបណ្តោយមាត់អូរព្រំដែន ចាប់ពីភូមិសាស្ត្រប៉ុស្តិ៍អូរជ្រៅរហូតដល់ភូមិសាស្រ្តប៉ុស្តិ៍អូរល្ហុង.
ផលប៉ះពាល់ដែលបានកើតឡើង៖
ខ្នងផ្ទះប្រជាពលរដ្ឋចំនួន ២៤២ ខ្នង ផ្ទះរួមមាន: ភូមិប៉ោយប៉ែត.ភូមិអូរជ្រៅ.ភូមិក្បាលកោះ .ភូមិគីឡូម៉ែត្រលេខ៤ .ភូមិផ្សារកណ្ដាល.និងភូមិសុខសាន្ត ក្រុងប៉ោយប៉ែត ខេត្តបន្ទាយមានជ័យ ។
បច្ចុប្បន្នស្ថានភាពទឹកភ្លៀងនៅពុំទាន់បានស្រកចុះនៅឡើយ កម្លាំងអង្គភាពវរៈ៨៩១ បានធ្វើការចុះផ្សព្វផ្សាយដល់ប្រជាពលរដ្ឋនៅតាមបណ្ដោយអូរព្រំដែន និងបានត្រៀមកម្លាំងជួយសង្គ្រោះប្រជាពលរដ្ឋទៅទីទួលសុវត្ថិភាព ក្នុងស្ថានភាពទឹកអូរហក់ឡើងខ្លាំង ។