Sanskruti Salon

હું આટલાં વર્ષોથી વડોદરામાં રહું છું, પરંતુ આ વર્ષે મને એક એવી દિવ્ય જગ્યા વિશે જાણવા મળ્યું, થોડા સમયથી ગાયત્રી આશ્રમ, શેરખી સાથે જોડાવાનો અવસર મળ્યો, આ વર્ષની નવરાત્રીની તૈયારીઓ શરૂઆતથી જોઈ છે અને આજે જ્યારે એ બધી તૈયારીઓનું પરિણામ નજર સામે જોઈ રહી છું, ત્યારે જે આનંદ અને સંતોષ અનુભવું છું, એ શબ્દોમાં વ્યક્ત કરવો મુશ્કેલ છે.

અહીં અલગ-અલગ પવિત્ર મંદિરો, શક્તિપીઠો અને મા અંબાનાં વિવિધ પાવન ધામોમાંથી અખંડ જ્યોતો લાવવામાં આવી છે. આ પવિત્ર જ્યોતોમાંથી પ્રગટેલી ૧૧૧૧ દિવ્ય અખંડ જ્યોતનું અલૌકિક અનુષ્ઠાન ખરેખર એક અવિસ્મરણીય અનુભવ છે.

આટલી બધી જ્યોતો એકસાથે પ્રજ્વલિત થાય, એ દૃશ્ય, એ વાતાવરણ અને એ ભક્તિભાવને પોતાની આંખોથી જોવાનો અવસર મળવો એ મારા માટે ખૂબ જ આનંદની વાત છે.

વડોદરા અને આસપાસના તમામ ભાવિક ભક્તોને મારી દિલથી વિનંતી છે—અને જો તમે દૂરથી આવી શકો એમ હો, તો પણ એક વાર આ અનુષ્ઠાનનાં દર્શન કરવા જરૂર આવજો. કેટલીક અનુભૂતિઓ એવી હોય છે, જે�