Ayat Natural Care

القشرة بفروة الراس إلها أكثر من سبب، ومش كل قشرة معناها إن الفروة ناشفة 🤍

ممكن تظهر بسبب زيادة الدهون، جفاف أو تهيّج الفروة، تراكم المنتجات، أو مشكلة جلدية مثل التهاب الجلد الدهني.

عشان هيك، قبل ما نختار شامبو أو علاج، مهم نفهم شو سبب القشرة ونختار العناية المناسبة للفروة. وشامبو القشرة ممكن يساعد، بس لازم يكون مناسب للحالة وينستعمل بالطريقة الصحيحة.

إذا القشرة مستمرة أو معها حكة واحمرار، الأفضل نفحص الفروة ونحدد شو محتاجة 🌸

آيات | أخصائية عناية بفروة الرأس والشعر
سخني

ناوية تعملي بروتين لشعرك؟ انتبهي لهالنقاط قبل الجلسة 👇🌸

▫️ افحصي حالة شعرك وفروة راسك، خصوصًا إذا شعرك مفتّح، ضعيف أو متكسّر.
▫️ احكي للمختصة عن أي صبغة، سحب لون أو فرد سابق.
▫️ اطلبي اختبار خصلة قبل تطبيق المادة على كل الشعر.
▫️ إذا فروتك متهيّجة أو فيها جروح، أجّلي الجلسة.
▫️ اسألي عن اسم المنتج ومكوّناته؛ كلمة «بروتين» أو «طبيعي» لحالها مش ضمان للأمان.

نعومة الشعر ما لازم تكون على حساب صحّته 💗
أيات شلاعطة | عناية بفروة الرأس والشعر .

من أكثر الأسئلة اللي بتوصلنا: كيف نتخلص من البروتين أو الكيراتين أو تأثير مواد فرد الشعر؟

علميًا، هذه المواد لا «تتحول» داخل الشعر، بل تعمل إما على تغيير روابط الشعرة كيميائيًا أو على تغليفها بطبقة خارجية، لذلك تأثيرها يبقى في الجزء المعالج من الشعر إلى أن ينقص تدريجيًا أو يُقص بالكامل.

مصطلحات مثل «بروتين» و«كيراتين» غالبًا تسويقية، بينما التثبيت الحقيقي للفرد يكون عبر مواد كيميائية أو أحماض وظيفتها تغيير شكل الشعر أو تثبيته.

بعض منتجات الفرد قد تحتوي أو تطلق مواد مثل الفورمالديهايد أو بدائل له، وهي مواد تم تقييدها في عدة دول بسبب آثارها الصحية عند التعرض العالي أو المتكرر، وحتى المنتجات «الخالية من الفورمالديهايد» تستخدم بدائل كيميائية لها خصائص مشابهة في التثبيت وقد تسبب تهيجًا أو ضررًا عند سوء الاستخدام.

الشعر نسيج غير حي، لذلك لا يمكن إعادة الجزء المعالج لحالته الأصلية، والحل الواقعي يكون عبر نمو شعر جديد أو قص الجزء المتأثر.

الهدف هو الوصول لشعر صحي وطبيعي بدون مبالغة بالنتائج السريعة، لأن مش كل نتيجة تجميلية تعني أمان