Bilj Dup

Thilɛ ram mi ŋäc cäŋ benä G*tdä Ran

(Mak 13:32-37, Luk 17:26-30,34-36)

36“Thilɛ ram mi ŋäc cäŋdɛ kiɛ thaakdɛ, cäŋɛ ni ja̱a̱k nhial kiɛ G*t, ɛ ni Gua̱n in te nhial kärɔa ŋäc jɛ mɔ. 37Bi ben G*tdä Ran ce̱tkɛ ni̱n Nowa. 38Mëë ŋot nyɔc /kenɛ ni ben, mi̱th naath kä mäthkɛ, kuenkɛ kä kuɛnkɛ kɛ, amäni cäŋ ëë ci Nowa wä rɛy ria̱a̱y, 39kä kueckɛ mëë tuɔɔk amäni mi ci nyɔc ben, kä cu kɛn diaal mua, bi ben G*tdä Ran ce̱tkɛ inɔ bä. 40Kä bi wutni da̱ŋ rɛw te rɛy kakä, ba kɛl naŋ, kä bi kɛl duɔth. 41Bi män da̱ŋ rɛw guär kɛɛl kɛ pil, ba kɛl naŋ, kä bi kɛl duɔth. 42Kɛ kui̱ ɛmɔ, guecɛ, kɛ ɣöö kuecɛ cäŋ in bi ben kɛ Kuäärun ni Kuoth. 43Kä ŋa̱cɛ mɛmɛ, mi ci gua̱n ciëŋ gua̱a̱th in bi ben kɛ kueel kɛ wäär ŋa̱c, derɛ cu te jinä, kä cɛ kueel dee lɛ jakä to̱lɛ duelɛ. 44Kɛ kui̱ ɛmɔ, yɛn bia rɔ̱ dhil rialikä, kɛ ɣöö bi G*t Ran ben kɛ gua̱a̱th mi kui̱c yɛn ɛ.”