tok Should

4 دول عربية تخفض أسعار البنزين ومصر ثابتة..
إيه القصة؟!

🔴 من يومين، الدنيا اتقلبت في مصر والعالم العربي، بعد ما 4 دول عربية أعلنت رسميًا خفض أسعار البنزين، في وقت كان الشارع المصري مستني القرار ده، أو على الأقل مستني إشارة.

🔴 الناس فتحت الموبايلات وشافت الخبر بيتكرر: الأردن خفّضت، المغرب خفّضت، الإمارات عدّلت، وقطر نزلت بالسعر أكتر.
وسؤال واحد فرض نفسه بقوة: إزاي دول عربية تخفّض البنزين… ومصر لأ؟ وهل مصر خارج الحسابات؟ ولا القصة أعقد من مجرد سعر لتر؟
علشان نفهم، لازم نحكي القصة بالأرقام… مش بالشعارات. مين الدول اللي خفّضت؟ وكم التخفيض؟

👈 الأردن: خفضت أسعار البنزين بنحو 3 إلى 6 سنتات للتر، حيث تراجع سعر بنزين 95 من حوالي 1.52 دولار إلى نحو 1.49 دولار.
الأردن لا يدعم البنزين، ويطبق نظام تسعير مرتبط بالأسعار العالمية، مع بقاء الضرائب والرسوم عنصرًا أساسيًا في السعر.

👈 المغرب: التخفيض كان محدودًا، إذ انخفض سعر اللتر من متوسط 1.53 دولار إلى ما بين 1.45 و1.48 دولار.
المغرب حرر أسعار الوقود منذ سنوات، ولا يقدم دعمًا مباشرًا، لكنه يسمح بهوامش حركة بسيطة وفق تكاليف النقل والتوزيع.

👈 الإمارات: نموذج مختلف تمامًا. الأسعار تُراجع شهريًا وفق متوسط الأسعار العالمية.
انخفض سعر لتر بنزين 95 من نحو 0.71 دولار إلى حوالي 0.66 دولار، دون دعم مباشر، مستفيدة من كفاءة الإنتاج وانخفاض الضرائب.

👈 قطر ضربت السوق بخطوة مفاجئة في بداية يناير 2026، خفضت أسعار البنزين والديزل، وده كله بسبب حركة أسعار النفط العالمية ومرونة الدولة المالية الكبيرة.
ليه خفضت؟ أسعارها مرتبطة بالعالم، كل شهر قطر بتراجع أسعار الوقود حسب أسعار النفط، ومع هبوط النفط في ديسمبر 2025، كان لازم الأسعار المحليّة تتحرك!
الأسعار الجديدة بعد التخفيض
بنزين 91 ممتاز: 1.95 ريال للتر
ديزل: 2.00 ريال للتر
قطر بتثبت مرة تانية إنها قوة غاز عالمية، واللي بيمدها بالقدرة على إدارة الأسعار ببساطة حتى لو النفط طالع أو نازل!

🔴 طيب… تكلفة إنتاج البنزين كام عالميًا؟
عند سعر نفط يقارب 60 دولارًا للبرميل:
تكلفة الخام وحده حوالي 0.38 دولار للتر
ومع التكرير والنقل والتخزين والضرائب، تصل التكلفة العالمية التقديرية إلى 0.60 – 0.75 دولار للتر في الدول غير المدعومة
وده يفسر نقطة مهمة: نزول سعر النفط مش شرط يترجم فورًا لنزول سعر البنزين، لأن السعر النهائي بيتأثر بهوامش التكرير وتكاليف النقل وتقلبات الطلب العالمي.

🔴 طب مصر فين من القصة؟
المقارنة مع مصر لا يمكن فصلها عن الوضع الاقتصادي العام، مصر حاليًا بتواجه نقص في العملة الأجنبية، ومعدلات تضخم مرتفعة، والتزامات إصلاح اقتصادي مع صندوق النقد الدولي، ورغم امتلاكها طاقات تكريرية كبيرة، إلا إنها لا تنتج كامل احتياجاتها من الوقود، حيث تغطي نحو 55% من استهلاك السولار، ونحو 75% من استهلاك البنزين، والباقي يتم استيراده من الخارج بأسعار عالمية، وده معناه إن تكلفة الوقود في مصر مرتبطة بسعر المنتج النهائي المستورد، مش بس بسعر برميل النفط.

🔴 هل البنزين في مصر مدعوم؟
الأرقام بتقول إن الدولة تبيع البنزين بأقل من التكلفة العالمية التقديرية:
بنزين 80: حوالي 0.37 دولار للتر
بنزين 92: حوالي 0.40 دولار
بنزين 95: حوالي 0.44 دولار
وده يعني وجود دعم غير مباشر، خصوصًا في السولار وبنزين 80.

🔴 وفي الموازنة العامة دعم الوقود في موازنة 2025/2026 يقدَّر بنحو 70 – 80 مليار جنيه (ما يعادل 1.5 – 1.7 مليار دولار)،
رقم ضخم بيضغط بقوة على الموازنة، جنبًا إلى جنب مع الإنفاق على الحماية الاجتماعية وخدمة الديون، وده بيخلي أي قرار تسعيري قرار سياسي بامتياز.

🔴 طيب… ليه دول خفّضت ومصر لأ؟
السبب الأساسي إن مصر ملتزمة ببرنامج إصلاح اقتصادي قائم على التخارج التدريجي من الدعم، وأي خفض غير محسوب حاليًا
هيزوّد فجوة الدعم، ويضاعف العبء على الموازنة، خصوصًا في ظل عدم استقرار سعر الصرف وتكلفة الاستيراد، في المقابل الدول اللي خفّضت الأسعار إما تعتمد على فوائض نفطية (زي الجزائر)، أو تطبق تسعيرًا مرنًا شهريًا (زي الإمارات)، أو لا تتحمل أعباء دعم كبيرة من الأساس (زي الأردن والمغرب).

🔴 الخلاصة خفض أسعار البنزين في مصر ممكن نظريًا، لكنه غير مرجّح في المدى القريب.وتثبيت الأسعار حاليًا يُعد الخيار الأقل تكلفة اقتصاديًا، إلى أن تتحسن أوضاع سعر الصرف وتستقر تكلفة الاستيراد.

👈 القصة مش سعر بنزين بس…
القصة اقتصاد كامل بيتوزن بالجرام.
مين بيدفع فرق الحساب؟ الدولة ولا المواطن؟

#مصر

#السيسي

الخبر ده مهم جداً 👌 👌

مصر تدشن مجمع السيليكون الاستراتيجي باستثمارات 140 مليون دولار

التفاصيل 👇 👇 👇

شهد المهندس كريم بدوي، وزير البترول والثروة المعدنية، توقيع عقد تمويل مشترك طويل الأجل بقيمة 140 مليون دولار؛ لتنفيذ المرحلة الأولى من مجمع إنتاج السيليكون المعدني ومشتقاته، أحد مشروعات الشركة المصرية القابضة للبتروكيماويات، والمقرر إقامته بالمنطقة الصناعية في العلمين الجديدة.

وقع العقد الدكتور أمجد كامل، رئيس شركة العلمين لمنتجات السيليكون، مع تحالف بنوك: قطر الوطني (QNB)، والتجاري الدولي (CIB)، وبنك القاهرة، فيما يقوم البنك الأهلي المصري بدور المستشار المالي للمشروع.

وأكد الوزير عقب التوقيع أن هذا المشروع يمثل استثماراً هاماً لتوطين صناعة ذات قيمة مضافة، بما يحقق عائداً اقتصادياً للدولة ويسهم في خفض الفاتورة الاستيرادية، مضيفاً أن الوزارة تتطلع خلال العام الجديد لتعزيز إجراءات التمويل لمشروعات القيمة المضافة وصناعة البتروكيماويات، بما يدعم سرعة التنفيذ ويعظم مردودها الاقتصادي.

يستهدف المشروع إنشاء مجمع صناعي لإنتاج السيليكون المعدني ومشتقاته، بما يدعم تعظيم القيمة المضافة للثروات التعدينية من خام الكوارتز المصري فائق النقاء بدلاً من تصديرها كخامات أولية، وبما يعزز الصناعات التحويلية في قطاع التعدين ويؤسس لصناعة استراتيجية تدخل في العديد من الصناعات المتقدمة.

حصل المشروع على الرخصة الذهبية من مجلس الوزراء التي تشمل موافقة موحدة على الإنشاء والتشغيل والتراخيص لتسريع معدلات التنفيذ، ويضم أربع مراحل إنتاجية، تبدأ بالمرحلة الأولى التي تستهدف إنتاج 45 ألف طن سنويًا من السيليكون المعدني، باستثمارات 200 مليون دولار، وتوفر 300 فرصة عمل مباشرة، إضافة إلى نحو 3000 فرصة عمل غير مباشرة في سلاسل الإمداد والخدمات اللوجستية والصناعات المغذية.

وتستهدف المراحل التالية إنتاج مشتقات السيليكون، مع إنشاء مصنع "البولي سيليكون" بطاقة 25 ألف طن سنوياً والذي يدخل في صناعات الإلكترونيات والخلايا الشمسية، بالإضافة إلى مرحلة أخرى لإنتاج السيليكونات الوسيطة، وكذلك مرحلة للصناعات المكملة والمنتجات النهائية مثل مطاط السيليكون وزيت السيليكون، بما يجعل مصر مركزاً لصناعات السيليكون بالشرق الأوسط وأفريقيا.
#مصر #الدولار


#السيسي

السيسي والجيش قوتنا 🇪🇬 💪

الرئيس السيسي يستقبل القائد العام للقوات المسلحة وزير الدفاع والإنتاج الحربي

التفاصيل 👇 👇

استقبل الرئيس عبد الفتاح السيسي، اليوم، الفريق أول عبد المجيد صقر، القائد العام للقوات المسلحة وزير الدفاع والإنتاج الحربي.

صرح بذلك المتحدث الرسمي باسم رئاسة الجمهورية السفير محمد الشناوي.
#مصر #الدولار


#السيسي

أزمة الفكة تهز مصر.. والمواصلات على خط الزيادة!
ما القصة
🔴 الدنيا مقلوبة في مصر بسبب الفكة! الحكومة والمواطنين والهيئات كلها مضايقة من نقص العملات المعدنية الصغيرة، وخصوصًا في مترو الأنفاق، لدرجة إن الدكتور طارق جويلي، رئيس الهيئة القومية للأنفاق، صرح إن الهيئة بتدرس زيادة تذكرة المترو من 8 لـ10 جنيه بسبب أزمة الفكة، إيه هي القصة؟! يلا بينا نفهم مع بعض🤝🏻

🔴 جويلي قال إن أغلب الركاب بيشتروا تذكرة 8 جنيه، وده معناه إن الهيئة محتاجة 300 ألف جنيه فكة يوميًا في محطات الخطين الأول والثاني.
🔴 معناه هنا إن المشكلة الحقيقية في سك العملة، وقالوا المواد الخام مش موجودة للاستيراد، وده ممكن يخلي التذكرة تزيد 2 جنيه فجأة.

🔴 وطالب المواطنين يساعدوا الموظفين ويحملوا معاهم فكة لتسهيل التعامل، وقال: «موضوع الـ8 جنيهات والفكة سبب لنا مشاكل يوميًا مع المواطنين».

🔴 يعني لو فهمنا الصح، أي مواصلات سعرها 8 جنيه ممكن تبقى 10، واللي بـ13 ممكن تبقى 15، واللي بـ18 ممكن تبقى 20، والسبب كله في نقص الفكة!

🔴 حتى مع تصريحات الحكومة إن مفيش زيادة في البنزين أو المترو دلوقتي، أزمة الفكة ممكن تخلي الأسعار ترتفع مرة واحدة فجأة، مش بس في المترو، لكن كل المواصلات اللي تعتمد على العملات الصغيرة.

🔴 الأزمة دي مش جديدة، موجودة من سنين وبتتكرر كل فترة:
• من 2013 لـ2016 كانت موجودة بسبب الأوضاع السياسية والاقتصادية.
• في 2016-2017 تفاقمت بسبب نقص الجنيهات الورقية والمعدنية.
• تكررت الأزمة في 2018، 2021، 2022، وبعد تعويم الجنيه، ورجعت في 2025 بشكل حاد.

طب إيه هي أسباب الأزمة الحقيقية؟!

1️- صعوبة الإنتاج والاستيراد: مصر محتاجة معادن لصنع العملات، ونقص الدولاربيوقف الاستيراد.
2️- الاحتكار: بعض التجار يحتكروا الفكة ويبيعوها بسعر أغلى.
3️- زيادة الطلب: أسعار المواصلات تحتاج فكة دقيقة، والمترو وحده يحتاج 300 ألف جنيه فكة يوميًا.
4️- ظروف اقتصادية عامة: التضخم ونقص الدولار وصهر بعض العملات.
5️- مشاكل توزيع وإدارة: حتى مع جهود البنك المركزي وسك العملة، الكميات مش بتوصل بالقدر الكافي بسبب الاحتكار وسوء التوزيع.

🔴 من الحلول المطروحة: رفع تذكرة المترو 2 جنيه لتخفيف الضغط على الفكة.
🔴 الحكومة حاولت قبل كده طرح عملات جديدة، لكن الأزمة بتتكرر لأنها مش بتحل السبب الحقيقي: نقص الدولار واحتكار الفكة.

🔴 والنتيجة؟ كل حاجة ممكن تزود فجأة، من الميكروباص للأوتوبيس للمترو، ومواطنين كتير هيتحملوا تكلفة زيادة بسيطة بس يوميًا.

🔴 والسؤال بقى ليك كمواطن: هتستنى الأزمة تكمل، ولا هتحوش فكة معاك وتكون جزء من الحل؟

#مصر #الدولار
#ج

#السيسي

الدكتور مصطفى مدبولي رئيس الوزراء، شهد توقيع عقود 3 مشاريع صناعية كبرى في "تيدا–مصر" بالسخنة الصناعية باستثمارات إجمالية 1.15 مليار دولار.

المشروع الأول مجمع ألياف وبوليمرات البوليستر باستثمارات 800 مليون دولار، على مساحة 400 ألف متر مربع، إنتاج 1.08 مليون طن سنويًا، ويوفر 3 آلاف فرصة عمل.

أما المشروع الثاني مجمع لإنتاج إطارات الشاحنات والسيارات بـ190 مليون دولار، على مساحة 200 ألف متر، ويوفر 1400 فرصة عمل مباشرة.

المشروع الثالث: مجمع تكنولوجيا حيوية لتطوير الصناعات الحيوية ودعم التصدير باستثمار160 مليون دولارؤ وعلى مساحة 160 ألف مربع

المشاريع هتوفر آلاف فرص العمل وهتدعم التصنيع المحلي والصادرات المصرية.