Pandoda Store

بسم الله، وعلى بركة الله، أول خطوة في حلم جديد من أحلامي 🤍✨

النهارده بعلن بكل فخر عن افتتاح PANDODA CENTER 👑🤍

يمكن ناس كتير تشوف إن دي مجرد خطوة جديدة في شغلي، لكن محدش يعرف الحكاية اللي وراها، ولا أنا وصلت للحظة دي وأنا شايلة جوايا قد إيه من الوجع والتعب.

من يوم ما بابا مشي وسابني، وأنا حاسة إن حتة كبيرة مني راحت معاه، وإن الحياة بقت أصعب من إني أقدر أشرحها بالكلام. بقيت بحاول أعدّي الأيام، وأدور على أي حاجة تشغلني عن وجعي، عن فراغه، وعن إحساس الفقد اللي بيكبر جوايا كل يوم.

علشان كده قررت أركز في شغلي، وأحط طاقتي وتفكيري في حلمي، مش علشان نسيت وجعي، ولا علشان بقيت كويسة، لكن علشان أحاول أقف على رجلي من تاني، وألاقي حاجة أتمسك بيها وسط كل اللي اتكسر جوايا.

يمكن الشغل كان بالنسبالي هروب من التفكير ساعات، ومحاولة إني ألهي نفسي عن وجع مش عارفة أتعايش معاه، لكنه كمان كان حلم نفسي أشوفه بيكبر ويتحقق.

والنهارده، وسط فرحتي بالخطوة دي، في غُصّة جوا قلبي محدش هيحس بيها غيري… غُصّة إن أكتر شخص كان نفسي يشوفني وأنا بوصل، مش موجود معايا.

كان نفسي يا بابا تكون أول واحد أفرّحه، وأحكيله عملت إيه، وأشوف الفرحة في عينيه وهو فخور بيا. كان نفسي أسمع دعوته ليا، وأحس إن ضهرى وسندي موجودين، وإن مهما الدنيا صعبت عليّا، في حضن أرجعله.

بس ربنا يعلم إني بحاول، وبحاول بكل اللي فاضل فيا. بدعي ربنا يعوض قلبي، ويقويني، ويباركلي في تعبي، ويجعل كل خطوة جاية خير ليا.

يا رب، نجاحي ده يكون بداية لجبر خاطري، وعوض عن كل لحظة وجع عشتها، وارحم أبويا رحمة تطمّن قلبي عليه، واجعل له نصيبًا من كل خير ترزقني بيه.

📍 PANDODA CENTER & STORE
مول الرابعة التجاري – الدور الثالث.

دي مش بس بداية شغل جديد، دي بداية بحاول فيها أرجع لنفسي، وأحقق حلمي، وأكمل رغم كل حاجة اتغيرت جوايا.

ادعولي ربنا يباركلي في خطوتي، ويجبر بخاطري جبرًا يليق بكرمه، ويرحم أبويا اللي كان نفسي يكون أول واحد أشاركه فرحتي. 🤍🕊️

العرض دا ب230 بس في باندودا ستور متاح من العرض حجز واحد بس 💗