Alaa Zain

بكل نرجسية ....
سألونى انتي بنت مين ؟؟
- قولت بنت أبويا ..
سألونى تشبهين مين ؟؟
- قولت أشبة أمى ..
سألونى طبعك ع مين ؟؟
- قولت على طبع أمى..
سألونى ليه رافعة مناخيرك لفوق؟؟
- قولت لانى بنت أبويا وأمى..

الدنيا بوخت أووى من ساعة ما الستات بقت تتكلم في الكورة ، والرجالة بتعيط في كتب الكتاب 🥺😒

حاسة نفسيتي هترجع أحسن لما السماء تدبها شتاء علي دماغي 🥺😂

والله العظيم
رفع علم فلسطين أشرف مليون مره من رفع كأس العالم
شكرا كابتن حسام
كلنا فلسطين
اللهم انصر اخواننا في فلسطين وفي غزه وفي كل مكان
اللهم انصر الاسلام واعز المسلمين🤲♥️

‏هو ليه الأكل بيبوطْ لو نمنا وسبناه برا التلاجة لكن لو فضلنا سهرانين للصبح وهو برا التلاجة مش بيبوطْ!

فيه ست بتضيع عمرها.. وست تانية بتبني عمرها

فيه نوعين من الستات بنشوفهم كل يوم
واحدة بتصحي شايلة هم الكل وتنام وهي آخر هم نفسها عايشة في دور الشمعة اللي بتحرق نفسها عشان تنور لناس أصلاً مش شايفينها

والتانية؟
صحيت وفهمت إن نفسها أمانة هيتحاسب عليها.. حبت نفسها رسمت حدودها وقررت إنها مش هتموت بالبطيء عشان ترضي حد مش شايفها

تعرفي إن الناس بتعاملك زي ما إنتي بتعاملي نفسك؟
لو هُنتي على نفسك.. هتهوني على الكل
لو جيتي على صحتك عشانهم.. هيتعاملوا مع تعبك إنه عادي

الناس مش بتحترم اللي بتضحي بكل حاجة.. الناس بتحترم اللي ليها كلمة وقيمة
طول ما أنتي موطيه راسك .. حقك دايماً رايح

٣ حاجات ارميهم ورا ضهرك النهاردة👇🏼👇🏼👇🏼

١- كلمة معلش اللي بتقوليها لما حد يضايقك أو يقلل منك.. مافيش معلش في كرامتك

٢- إحساس الذنب لو قعدتي لوحدك تشربي قهوة أو اشتريتي حاجة لنفسك.. ده حقك مش جريمة

٣- انتظار التقدير مفيش حد هيقولك شكراً على تضحية إنتي اللي اخترتي تعمليها.. قدري إنتي نفسك الأول

و خليكى فاكرة ..
اللي بيحبك بجد هيحبك وإنتي قوية وإنتي مهتمة بنفسك وإنتي ليكي كيان.. مش هيحبك وإنتي دبلانه ومطفية

خدي قرار من اللحظة دي
كوني الست اللي ليها غلاوة.. مش الست اللي ليها عوزة
عشان لما تروحي.. يفتكروا ضحكتك مش يفتكروا خدماتك !!!
لو الكلام ده جه في وقته.. اعملي شير ووصلي الرسالة لكل ست تعرفيها
ماتخليش الكلام يقف عندك.. يمكن تكوني سبب في إن واحدة ترجع تعيش من تاني!
منقول

🤔🥹

هى اللحظة المنتظرة دى هتيجي امتى انا ضهرى اتقطم 😥😂

ما تغششوني فكرة لغداء انهاردة يا بنات وبالمرة ناخد أفكار من بعض 🤔
كل واحدة تنزل في التعليقات صورة لاكلات من صنع ايديها♥️♥️

اللهم احفظ بيوتنا من كل مكروهٍ وسوء، وبارك في أزواجنا وذرياتنا، واجعلهم قرة عينٍ لنا في الدنيا والآخرة، واجمعنا وإياهم على طاعتك ومحبتك في جنات النعيم يا رب