ARONA Care
Share
Contact information, map and directions, contact form, opening hours, services, ratings, photos, videos and announcements from ARONA Care, Health/Beauty, Montaza 2.
💚 منتجات طبيعية 100% للعناية بالبشرة والشعر
🌿 مستوحاة من أسرار الطب الفرعوني والطبيعة
🧴 بدون مواد كيميائية ضارة – آمنة ومناسبة لكل أنواع البشرة
🌸 هدفنا: نبرز جمالك الطبيعي ونوفرلك منتجات بجودة عالية وسعر مناسب
📩 راسلينا للطلب والاستفسار
19/09/2026
فكرة ARONA بدأت سنة 2018، لكن بداية الرحلة كانت قبلها بسنة، لما كنت بشتغل في 3 شركات لمستحضرات التجميل، وهناك بدأت ألاحظ إن مكونات كتير موجودة في منتجات رخيصة ومنتجات غالية جدًا، والفرق أحيانًا بيكون في الاسم والتسويق أكتر من المكونات نفسها.
السؤال ده خلاني أسيب شغلي وأبدأ أدرس المكونات والنباتات والأعشاب بشكل أعمق، ورحلة التعلم والتجارب استمرت حوالي 5 سنين، درست فيها النباتات والطب القديم واستخدام الأعشاب في العناية.
ومع الوقت بدأت تتكون عندي فكرة ARONA:
إن الطبيعة مش لازم تكون غالية، وإن البساطة أحيانًا أفضل.
وبدأت فعلًا من الصفر… لوحدي ومن غير رأس مال تقريبًا، حتى إني بعت موبايلي القديم بـ500 جنيه وبدأت ب300 جنيه
واخترت اسم ARONA من
Aromatic & Natural 🌿
ومن أول يوم وأنا حريصة إن أرونا تكون مختلفة في حاجة مهمة جدًا:
الصدق.
مش هقولك منتج هيعمل معجزة من أول استخدام، ومش هبيعلك وعود مش واقعية. هقولك المكونات، وهقولك النتيجة اللي ممكن تتوقعيها، وهقولك كمان إن بعض النتائج محتاجة وقت واستمرار.
ARONA بالنسبة لي مش مجرد منتجات عناية بالبشرة والشعر…
دي رحلة بدأت بحلم، وكبرت بالعلم والتجربة والتعب، ولسه بتكبر يوم بعد يوم مع كل فرد جديد بيدخل عيلتنا
والحمد لله بعد ماكنت لوحدي بقينا فريق كبير
ودي لسه بداية الحكاية…
بيدج #أرونا
https://www.facebook.com/share/17b1tzwfQj/
جروب
https://www.facebook.com/share/g/1ECrvzYcyF/
#واتساب جروب
https://chat.whatsapp.com/IMHuvtt7qem0OB3HL22hXd
18/09/2026
لستة أسعار منتجات الشعر من أرونا 🌿
✨ الشامبو جل الصبار الهندي 500 مل — 120 جنيه بدل 160 جنيه
✨ البلسم 250 مل — 120 جنيه بدل 160 جنيه
✨ حمام كريم بالزيوت الطبيعية الخام 250 مل — 180 جنيه بدل 240 جنيه
✨ ليف إن 250 مل — 200 جنيه بدل 260 جنيه 120 مل — 100 جنيه بدل 130 جنيه
✨ سيروم الإنبات 120 مل — 150 جنيه بدل 200 جنيه
✨ سيروم القشرة 120 مل — 90 جنيه بدل 120 جنيه
✨ واكس ستيك للشعر الهايش 50 جم — 80 جنيه بدل 120 جنيه 20 جم — 50 جنيه
✨ هير ميست 120 مل — 100 جنيه بدل 150 جنيه
━━━━━━━━━━━━━━
🎁 بوكس التوفير — 200 جنيه فقط
اختاري احتياجات شعرك في بوكس واحد:
• شامبو 250 مل
• بلسم 120 مل
• حمام كريم 120 مل
• ليف إن 50 مل
• سيروم إنبات 35 مل
• سيروم قشرة 35 مل
• واكس ستيك 10 جم
• هير ميست 35 مل
🌿 أرونا الطبيعية — عناية بسيطة لشعر أجمل
بتستخدمى الشامبو والبلسم إزاى؟!
بوكس الشعر من أرونا أجمل فكرة للتوفير 🥰🌹
🎁 بوكس هدية سبتمبر وصل ❤️
كل شهر بنختار واحدة منكم نهديها بوكس من أرونا، من غير شروط ولا مقابل… مجرد حب وتقدير لعميلاتنا الجميلات 🥹❤️
يا ترى مين صاحبة الحظ الشهر ده؟ 👀🎁
كل اللى هتعمليه اكتبي اسمك في كومنت
ايه دا يا جماعة الريحة ديييي؟! 😭
امبارح خلصنا الليف إن، وطبعًا طباخ السم لازم يدوقه 😂
فكان لازم أجرب الريحة الجديدة بنفسي…
والنتيجة؟!
يااااا لهوي بجد مش طبيعية! 😭❤️
الريحة حلوة لدرجة إني مش راضية تروح من إيدي من امبارح، وطول اليوم وأنا ماسكة شعري جنب مناخيري من جمالها 😂😂🌹
بصراحة كدا من النهارده مفيش هير ميست! 😂
الليف إن هيقوم بكل المهام لوحده: ترطيب + فك تشابك + وريحتُه اللي هتفضل معاكي 😍❤️
وكمان وفرنا عليكي منتج كامل وهو الهيرميست 🌚😂
وكمان تقدرى تختارى في بوكس التوفير 2 ليف إن بدل الهيرميست.👌
ليف إن ARONA الجديد… ريحته لوحدها حكاية ❤️🌹
🎁✨ الفائزة بالبوكس الشهري من ARONA Natural ✨🎁
فاكرين بوكس التحويش اللي عملناه عشان نشجع بناتنا الطالبات على التوفير، والاهتمام بنفسهم، والاعتماد على نفسهم؟ ❤️
النهارده جه وقت إعلان فائزة الشهر 🥰👇
🎉 مبروك لـ Ahlam Elshiekh 🎉
بوكسك الشهري هدية من ARONA Natural ❤️
ومن غير شروط ولا مسابقات… مجرد اختيار عشوائي من بناتنا اللي شاركوا في الكومنتات 🌸
وإن شاء الله كل شهر هنختار بنوتة جديدة ونفرّحها ببوكسها 🎁
اعملي منشن لبنتك، أختك أو صاحبتك اللي لسه طالبة ❤️
يمكن تكون هي فائزة الشهر الجاي 😉
بنختار من كومنتات الجروب أو البيدج أو الاكونت
في حاجة مضايقاني أوي من يوم ما بدأنا…
كل فترة تكلمني بنوتة جميلة وتقولّي:
«أنا استخدمت الشامبو الطبيعي بتاعكم، بس مش بيرغي زي الشامبو العادي… فاستخدمت بعده الشامبو العادي.»
وبجد بزعل… مش عشان هي استخدمت شامبو تاني، لكن عشان بفكر:
إزاي هنقدر نتغلب على اللي اتزرع جوانا من سنين؟
اتعودنا إن النظافة معناها رغوة كتير…
وإن بعد غسل الشعر أو البشرة لازم نحس إنها ناشفة وبتشد كده عشان نقول: «أهو كده اتنضفت!» 😔
مع إن أحيانًا الإحساس ده معناه إننا شيلنا الزيوت الطبيعية اللي ربنا خلقها أصلًا عشان تحمي جلدنا وشعرنا وتحافظ على توازنهم.
والموضوع مش بس شكل شعر حلو وخلاص…
إحنا بنتكلم عن صحتنا وصحة ولادنا، وعن حاجات بنستخدمها على أجسامنا بشكل مستمر ولسنوات.
وهو أنا يا جماعة معرفش أصنع الشامبو العادي؟
بالعكس!
ده مجال دراستي أصلًا، ومكوناته هي اللي أنا خبزاها وعجناها سنين طويلة.
طيب ليه أصعّبها على نفسي واللي حواليا؟
ليه نقعد نتعامل مع نبات قاسي زي التين الشوكي، ومهما أخدنا احتياطات نلاقي نفسنا في الآخر مليانين شوك 💔؟
عشان بس نستخلص منه جل طبيعي نصنع بيه الشامبو والغسول والشاور جل. 🌿
ليه كل التعب ده؟
عشان أنا مؤمنة إن صحتنا تستاهل.
وإن صحة ولادنا تستاهل إننا نحاول نختار لهم حاجة ألطف، حتى لو احتاجت مننا شوية صبر عشان نتعود عليها
وبالمناسبة، الشامبو الطبيعي بتاعنا بيرغي عادي جدًا، بس رغوته أهدى ومش بنفس كثافة الشامبو التقليدي… وده طبيعي.
شعرك كمان اتعود سنين على القسوة، فمش غريب إنه في البداية مايرتاحش لشامبو لطيف زي ده.
اديه فرصة… واصبري شوية.
أنا مش بقول إن كل شامبو عادي وحش…
ولا إن كل حاجة طبيعية معناها إنها أفضل.
أنا بس نفسي نبدأ نفهم إن الرغوة مش هي مقياس النظافة، والإحساس بالشد مش دليل إن المنتج أفضل.
خلينا نصبر شوية على شعرنا وبشرتنا…
يمكن اللي اتعودنا عليه سنين مش هو فعلًا اللي محتاجينه. ❤️
وده يمكن أصعب جزء في رحلة ARONA…
مش صناعة المنتج بس، لكن إننا نغيّر مفهوم اتزرع جوانا من سنين. 💚
الاخضر دا هو اللي بيميز الشامبو بتاعنا👌💚
بتسألوني دايمًا: إزاي بوكس الشعر بـ200 جنيه بس؟ 🤔
وفيه ناس مش مصدقة إن جودته بفضل الله ممكن تكون أفضل من منتجات بآلاف الجنيهات 🌹
والأجمل؟ إن اللي بيجربه… مش بيصدق أكتر❤️
طب إيه السر؟ 😎
🌿 السر في مزرعتي وجل الصبار الهندي
💰 السر إني بكسب… بس بعقل، مش أضعاف سعر المنتج
والسر الأكبر إني نفسي منتجات مصرية 🇪🇬 بجودة حقيقية توصل لكل بيت في مصر، ونثبت إن عندنا شباب يقدر ينافس… وبسعر مصري أصيل🇪🇬
… جودة تستحق التجربة، وسعر يخليها في متناول كل بيت. 🌿
Click here to claim your Sponsored Listing.
Category
Website
Address
Alerts
Be the first to know and let us send you an email when ARONA Care posts news and promotions. Your email address will not be used for any other purpose, and you can unsubscribe at any time.