HeptaCare Pro - Hair Treatments

❓ إيه خطوات التطبيق لو هنعمل الجلسة في البيت؟

في البداية يفضل دائمًا إن الجلسة تعملها متخصصة، لأن الخبرة بتفرق جدًا في النتيجة النهائية.

لكن لو مضطرين نعملها في البيت، فدي أهم الخطوات:

1️⃣ تنظيف الشعر تنظيف عميق
دي أهم خطوة في الجلسة كلها.
لازم الشعر يتغسل كويس جدًا بشامبو Clarifying للتنظيف العميق أكتر من مرة، علشان نتأكد إننا شيلنا أي زيوت أو تراكمات أو بقايا منتجات على الشعر.

ولو شامبو التنظيف العميق مش متوفر، ممكن نستخدم منظف قوي للتنظيف العميق بدلًا منه.

⚠️ الشامبو العادي غالبًا مش بيكون كافي للمرحلة دي.

بعد الغسيل هتلاقي الشعر ناشف وجاف وهايش ، متقلقيش من ده نهائي، لأن السبب هو إزالة الزيوت والتراكمات من الشعر استعدادًا للجلسة.

وبعد الجلسة هتلاحظي فرق كبير جدًا في النعومة والطراوة بإذن الله.

🚫 ممنوع استخدام زيوت أو كريمات أو سيرومات على الشعر خلال الأيام اللي قبل الجلسة علشان ميحصلش عزل للماده

2️⃣ توزيع المادة على الشعر
نوزع المادة على الشعر بالكامل مع ترك مسافة حوالي 1 سم بعيدًا عن فروة الرأس.

بعدها نسيب المادة من ساعة إلى ساعة ونصف تقريبًا حسب طبيعة الشعر وحالته.

3️⃣ شطف الشعر وتجفيفه
بعد انتهاء مدة الترك، يتم شطف الشعر ثم تجفيفه بالسشوار باستخدام هواء بارد أو دافئ خفيف.

4️⃣ الكبس بالمكواة
دي من أهم مراحل الجلسة.
يتم الكبس على درجة حرارة مناسبة لطبيعة الشعر مع تكرار التمرير بالشكل الكافي حتى يتم تثبيت المادة داخل الشعرة.

ومن أهم علامات إننا وصلنا لدرجة الحراره المناسبه .... إن لون الشعر يفتح درجة أو درجتين أثناء الكبس،

5️⃣ بعد الانتهاء من الكبس
بعد ما نخلص، نسيب الشعر يهدأ تمامًا.
ولو محتاجين نشطفه، يكون الشطف بالمياه أو البلسم أو حمام الكريم فقط.

❌ ممنوع استخدام الشامبو مباشرة بعد الجلسة.

ويفضل تأجيل استخدام الشامبو لمدة يومين إلى ثلاثة أيام للحفاظ على أفضل نتيجة ممكنة.

6️⃣ ضبط درجة حرارة المكواة
درجة الحرارة مهمة جدًا أثناء التطبيق

لو الحرارة أقل من المطلوب، المادة مش هتتثبت كويس وممكن النتيجة تضعف بعد الغسيل.

ولو الحرارة أعلى من اللازم، ممكن تتسبب في إجهاد الشعر.

لذلك الأفضل نبدأ بحرارة مناسبة ونزود تدريجيًا لحد ما نوصل لأفضل درجة حرارة مناسبه ( لون الشعر يفتح درجه او درجتين )

7️⃣ العناية بعد الجلسة
نستخدم شامبو خالي من السلفات عند الحاجة، وتقليل عدد مرات استخدام الشامبو قدر الإمكان للحفاظ على النتيجة لأطول فترة ممكنة.

8️⃣ التعامل مع الشعر بعد الفرد
خلال الأيام الأولى يفضل تجنب ربط الشعر بشدة أو شده بعنف أو عمل تسريحات مشدودة لفترات طويلة.

وكل ما الشعر يفضل سايب وطبيعي أكتر، كل ما النتيجة تفضل محافظة على شكلها الجميل لأطول فترة ممكنة. ✨

بيجيلنا أسئلة كتير ومتكررة من المتخصصات، وكمان من البنات اللي بتحب تعمل الفرد لنفسها في البيت، فقررنا نجاوبكم عليها هنا بكل وضوح.

1️⃣ هل المادة فيها كيماويات ممكن تضر الشعر؟
2️⃣ إيه المميز في المادة بتاعتنا؟
3️⃣ يعني إيه معالج؟ وليه بنسميه معالج مش بروتين عادي؟

خلينا نوضح نقطة مهمة جدًا…

المادة بتاعتنا مش بروتين فرد تقليدي، دي مادة معالجة غنية بالبروتينات والأمينو اسيد ومواد الترميم وإعادة البناء وكمان مجموعة كبيره من المكونات اللي بتحسن حالة الشعر بشكل عام مش بس تنعمه وترطبه وتخليه طري ولامع

مش بس كده، المادة كمان مدعّمة بخامات مخصصة لحماية الشعر من حرارة المكواة، ومعاها زيوت وزبدات وبانثينول للترطيب والطراوة والنعومة.

وكمان من أهم مميزاتها إنها بتساعد المكواة تتحرك على الشعر بسلاسة أثناء الكبس، وده بيساعد المتخصصة إنها تشتغل براحة أكتر، ويقلل إجهاد الشعر الناتج عن الحرارة.

والأهم إننا بنعتمد في الفرد على الأحماض التجميلية، وليس على الفورمالين.

وعشان نشتغل بأعلى درجة أمان وراحة، ونتجنب أي دخان شديد أثناء الكبس:

✅ لازم يتم شطف المادة قبل الكبس
❌ ومينفعش نكبس على المادة مباشرة

ومع الالتزام بطريقة الاستخدام الصحيحة، هتشوفي نتيجة ترضيكي جدا من أول تجربة إن شاء الله ✨

❓ ليه عندنا أنواع بروتين ومعالجات كتير؟ ليه مش مادة واحدة وخلاص؟

سؤال بيتكرر كتير جدًا، والإجابة ببساطة:

إحنا عاملين أكتر من تركيبة علشان نغطي أكبر قدر ممكن من الاحتياجات والميزانيات.

✅ في عميلة عاوزة أفضل سعر ممكن.
✅ وفي عميلة أهم حاجة عندها الجودة العالية جدا والنتيجة العلاجيه

وعلشان كده وفرنا أكتر من مستوى، بحيث كل واحدة تلاقي المنتج المناسب ليها.
.............................

❓ طيب إيه الفرق بين الأنواع طالما كلها من إنتاجنا؟

أولًا، في حاجات مشتركة بين كل منتجاتنا:

✔️ جميع المنتجات زيرو فورمالين.
✔️ جميع المنتجات تحتوي على سيليكونات حماية للشعر.
✔️ جميع المنتجات تحتوي على بروتينات ومواد ترميم وإعادة بناء.
✔️ جميع المنتجات تحتوي على زيوت علاجيه ومرطبات ومكونات عناية بالشعر.
✔️ جميع المنتجات تعطي فرد 100% مع نعومة وطراوة ولمعة صحية.

(ما عدا الترميم الحراري، فهو مخصص للعلاج والترميم أكثر من الفرد، وتكون نسبة الفرد فيه تقريبًا 60% إلى 70%).
.............................

❓ طيب فين الفرق الحقيقي؟

الفرق الأساسي بيكون في جودة وتركيز المكونات المستخدمة

على سبيل المثال:

🔹 تركيبة فيها نسبة عالية من البانثينول
🔹 تركيبة أقل شويه فيها نسبة بانثينول أقل
🔹 تركيبة اقتصادية تعتمد علي بدائل ترطيب أقل تكلفة مع الحفاظ على النتيحة زي الجلسرين

ونفس الفكرة تنطبق على باقي المكونات

✨ الكيراتين.
✨ الكولاجين.
✨ الأحماض الأمينية.
✨ مواد الترميم وإعادة البناء.
✨ الزيوت العلاجية.
✨ سيليكونات الحماية.

فمثلًا عندنا تركيبات تحتوي على أنظمة سيليكونات مستوردة جودتها عاليه جدا وسعرها بالآلاف
، وتركيبات تانيه تعتمد على سيليكونات أبسط لتقديم سعر اقتصادي مناسب ...وهكذا

وطبعا سيليكونات الحماية ليها دور مهم جدًا في:

✔️ تقليل تأثير حرارة المكواة على الشعر.
✔️ الحفاظ على النتيجة لفترة أطول.
✔️ زيادة النعومة والانسيابية.
✔️ إعطاء لمعة صحية ومظهر احترافي للشعر.

ونفس الكلام ينطبق على باقي المكونات الموجودة داخل التركيبة، واللي بيصل عددها في بعض المنتجات إلى 30 مكون مختلف بين ترميم وترطيب وحماية وعناية.

👑 الخلاصة:

إحنا مش بنعمل منتجات هدفها الفرد فقط...

إحنا بنقدم تركيبات متوازنة تجمع بين الفرد والترميم والحماية والعناية بالشعر، لأن الشعر بالنسبة لأي بنت جزء أساسي من ثقتها بنفسها وجمالها.

⚠️ ونقطة مهمة جدًا:

السوق مليان منتجات مجهولة المصدر أو مقلدة، وبعضها للأسف قد يحتوي على مواد ضارة أو نسب غير آمنة من الفورمالين، وده ممكن يسبب مشاكل كبيرة للشعر مع الوقت.

علشان كده قبل ما تبصي للسعر فقط، بصي كمان لجودة المنتج، ومصدره، والمكونات المستخدمة فيه، لأن صحة الشعر أهم من أي توفير مؤقت. 💖

لو عاوزة تعملي شعرك لكن لسه مترددة أو خايفة تجربي، في حل بسيط جدًا يطمنك قبل ما تاخدي قرارك 💖

إحنا عاملين عبوات 100 جرام مخصوص للغرض ده، علشان لو مش حابة تطلبي اللتر كامل من أول مرة، تقدري تجربي كمية صغيرة وتشوفي النتيجة بنفسك.

ممكن تطلبي 100 جرام فقط، وتعملي تجربة على خصلة صغيرة من الشعر، وبعدها تراقبي النتيجة براحتك.

شوفي النعومة، والطراوة، واللمعة، ودرجة الفرد، وسيبي الخصلة فترة كمان قبل ما تعملي باقي الشعر، لحد ما تطمني تمامًا.

وساعتها خدي قرارك وأنتِ مطمنة، وإحنا واثقين إن النتيجة هتبهرك بإذن الله ✨

ولأفضل نتيجة ممكنة، يفضل الالتزام بالنصائح دي:

1️⃣ قبل الجلسة لازم الشعر يتغسل كويس جدًا بشامبو Clarifying للتنظيف العميق.

الشامبو العادي غالبًا بيكون غير كافي للمرحلة دي، لأن المطلوب إزالة أي زيوت أو تراكمات أو بقايا منتجات موجودة على الشعر لإنها ممكن تعمل عازل يمنع الماده إنها توصل للشعر

وفي بعض الحالات بيتم استخدام منظفات قوية للتنظيف العميق جدًا قبل الجلسة، لذلك طبيعي تلاقي الشعر بعد الغسيل بقى ناشف أو جاف وهايش .... متقلقيش من ده نهائي، لأن الهدف هنا هو تنظيف الشعر بالكامل وتجهيزه لاستقبال المادة.

وبعد الجلسة هتلاقي فرق كبير جدا في النعومة والطراوة ولمعان الشعر بإذن الله

2️⃣ بعد الجلسة يفضل تقليل استخدام الشامبو على قد ما نقدر، والاعتماد أكثر على البلسم أو حمامات الكريم المناسبة.

ولو هنستخدم شامبو يكون بعد يومين تلاته من الجلسه و يفضل يكون نوع جيد وخالي من السلفات علشان نحافظ على النتيجة لأطول فترة

3️⃣ أثناء الحمل أو الرضاعة، أو في أي فترة فيها اضطراب هرموني واضح، يفضل تأجيل جلسة البروتين لحد ما الهرمونات تستقر.

ولو الهدف تحسين شكل الشعر أو تحسين النفسيه خلال الفترة دي، ممكن نلجأ لجلسات الترميم الحراري أو حمام الكريم أو حمام الزيت

4️⃣ لو في تساقط يبقي لازم نعالج سبب التساقط الأول قبل عمل البروتين.
لأن البروتين وظيفته الأساسية تحسين مظهر وملمس الشعر وترطيبه وتنعيمه لكنه مش علاج للتساقط.

ولو كان التساقط موجود من قبل الجلسة واستمر بعدها، ممكن يحصل سوء فهم ويتم ربطه بالبروتين رغم إن السبب الأساسي موجود من البداية.

💖 التجربة على خصلة صغيرة هتديكي فرصة تشوفي النتيجة الرائعة بنفسك وتحكمي براحتك قبل ما تعملي الشعر بالكامل.

❓ ليه أحيانًا بعد جلسة البروتين أو المعالج، النتيجة بتكون حلوة بعد الكبس، لكن بعد الشطف النتيجة بتقل أو كأن المادة اتشالت من الشعر؟

السؤال ده مهم جدًا، وبيحصل غالبًا لسبب من سببين:
.............................

1️⃣ الشعر ما اتنضفش كويس قبل الجلسة

قبل استخدام المادة، لازم الشعر يتغسل كويس جدًا بشامبو Clarifying للتنظيف العميق.

الشامبو العادي أو شامبو العناية بعد الفرد مش بيكون كافي قبل الجلسة، لأنه بيكون تنظيفه لطيف ومناسب للاستخدام بعد البروتين، لكن مش مصمم يشيل الزيوت والتراكمات الثقيلة من الشعر.

ولو الزيوت أو بقايا الكريمات والسيليكونات فضلت موجودة على الشعر، ممكن تعمل طبقة عازلة تمنع المادة إنها توصل للشعراية وتثبت فيها بشكل صحيح.

ولو شامبو التنظيف العميق مش متاح، لازم الشعر يتغسل أكتر من مرة لحد ما نحس إن الشعر بقى ناشف وجاف وخشن شوية بعد الغسيل، وده طبيعي جدًا قبل الجلسة، لأن الهدف في المرحلة دي هو تجهيز الشعر لاستقبال المادة.
.............................

2️⃣ الحرارة كانت أقل من المطلوب أثناء الكبس

ممكن النتيجة تبان جميلة جدًا وقت الكبس، لكن لو الحرارة أقل من المطلوب، المادة مش هتتثبت في الشعر بالشكل الكافي.

فبمجرد ما الشعر يتشطف، جزء كبير من النتيجة ممكن يروح، لأن المادة ما اتثبتتش كويس من البداية.

وطبعًا لأن المادة بتاعتنا فيها نسبة عالية من سيليكونات الحماية، ودي موجودة علشان تقلل تأثير حرارة المكواة وتحمي الشعر وتدي لمعة ونعومة، فده أحيانًا بيحتاج ضبط الحرارة بشكل مناسب حسب حالة الشعر، لأن السيليكونات بتقلل وصول الحرارة المباشرة للشعراية
.............................

❓ أعرف منين المشكلة من التنظيف ولا من الحرارة؟

في علامة بسيطة ممكن تساعدك:

لو أثناء الكبس لون الشعر فتح درجة أو درجتين، غالبًا الحرارة كانت مناسبة، والمشكلة الأقرب تكون في عدم التنظيف العميق قبل الجلسة.

أما لو لون الشعر فضل زي ما هو تمامًا أثناء الكبس، ومفيش أي تفتيح بسيط، فغالبًا الحرارة كانت محتاجة تعلى شوية، وممكن يكون معاها كمان مشكلة في التنظيف.
.............................

⚠️ تنبيه مهم بعد الجلسة:
بعد الكبس، بلاش نستخدم شامبو على الشعر مباشرة.

لو محتاجين نشطف الشعر بعد الجلسة، نستنى الأول لحد ما الشعر يهدأ تمامًا، وبعدها يكون الشطف بمياه فقط أو بلسم وليس شامبو.

والأفضل إن الشامبو يتأجل لمدة يومين أو ثلاثة بعد الجلسة، علشان نحافظ على ثبات النتيجة لأطول فترة ممكنة.

الخلاصة:

تنظيف عميق قبل الجلسة + حرارة مناسبة أثناء الكبس + عدم استخدام شامبو مباشرة بعد الجلسة
= نتيجة أفضل وثبات أطول بإذن الله ✨

❓هل المعالج بتاعنا بيحرق الإيد أو فروة الرأس؟

متقلقيش 😇
المادة مصممة للاستخدام الاحترافي، وبتحتوي على مكونات مرطبة ومغذية للشعر زي البانثينول والزبدات والزيوت العلاجية، وده بيساعد على راحة الشعر أثناء الجلسة.

لكن لإننا بتعتمد على أحماض تجميلية فعّالة، فبننصح دائمًا *بارتداء الجلافز أثناء التطبيق، وعدم ملامسة المادة لفروة الرأس مباشرة*

وده إجراء احترازي طبيعي بنعمله مع أغلب منتجات الفرد الاحترافية؛ للحفاظ على راحة اليد وفروة الرأس أثناء التطبيق، وضمان أعلى درجة من الأمان والراحة.

معالج هيبتا كير برو 7×1 👑👑
بروتين علاجي 👌🥰
نتيجة سحريه تدوووووووم ✨✨