Pink Tulip Store

Pink Tulip 🌷

مساءوا عسل عليكم يا وردات 💋 طمنوني كيف حالكم و كيف ماشة معكم الروتين ؟!

بوست اليوم عن كم حالة جاتني فيما يخص فقدان أو تساقط الشعر 👩🏻

الطبيعي كل يوم بنفقد كمية بسيطة من الشعر ، لكن إذا لاحظتي المشط و لا الفرشة بقوا يتملوا بالشعر و لا التساقط مستمر فترة طويلة فغالباً هنا المشكلة انو بصيلات شعرك محتاجة عناية و تركيز أكتر 💗

🌷من الأسباب الشائعة :

🦋 نقص بعض العناصر الغذائية عشان كدا بنقول التغذية و التنويع فيها مهمين 🦋
🦋 التوتر و الإجهاد 🦋
🦋 إستخدام منتجات غير مناسبة 🦋
🦋إهمال النظافة و العناية بالفروة 🦋

لكن زيت الشعر بالأعشاب الطبيعية و الورد يغنيك ، يغذي الفروة و يقوي البصيلات و مع الإستخدام المنتظم مرة او مرتين في الأسبوع بقلل التساقط و يزيد الكثافة و يكون شعرك ناعم لامع صحي 💗

🌷طريقة إستخدامه :

كمية قليلة على فروة الرأس و أطراف الشعر ، مع عمل مساج 5 دقايق او مساج الطريقة الهندية و ح اتكلم لكم عنه . خليهو من ساعتين ل 3 و يفضل 3 و غسليه بالشامبو و ركزي على الفروة تغسليها كويس و الشامبو يكون لطيف و ظريف زيك 🌚💋

و آخر حاجة يا حلوة الانتظام في الإستخدام مع الإهتمام بالتغذية و Healthy Life Style هو المفتاح عشان تلقي نتائج و أحلام حلمتيها و Pink Tulip 🌷 بتوصلك لطريق أحلامك و معك خطوة بخطوة لرضاك 💗💗💗💗

مساء الورد على وردات Pink Tulip 🌷 🫶🏻

طمنوني عليكم 🫂

✨ *باب الاستشارات فاتح و الطلبيات على :* ✨

🦋 الصابونية
🦋 زيت الشعر
🦋 كريم الشعر
🦋 تركيبة الجسم
🦋 تركيبة الوش
🦋 مرطب الوش
🦋 تركيبة المفاصل
🦋 اخر علبة التميت ماكا

096 257 2548

نهنيكم أسرة 🌷 PinkTulip بحلول العام الهجري و نتمنى لكم عام مليء بالخير و اليمن و البركات و البشريات و قبول الدعوات و الأعمال الصالحة منا و منكم يا رب 💗

عام هجري يذكرنا بشفيع الأمة محمد صلى الله عليه و سلم
فأكثروا من الصلاة عليه و الذكر لله كل حين 💗



#مصر #السودان #السعودية

عليكم تحددوا مشكلتكم و علي اديكم الحل 💋

وروني في الكومنتات و حتى إذا مشكلة خارج إطار المنشور 💗



#عناية
#السودان #مصر #السعودية

Pink Tulip 🌷

جمعة مباركة طيبة عليكم أسرة Pink Tulip ، بتمنى تكونوا بخير و صحة 💐💗💗💗

*7 عادات يومية تدمر الكولاجين و تسرع الشيخوخة ببشرتك .. احذري منها :-*

إذا كنتي حاسة انو فجأة بشرتك فقدت نضارتها ، م شرط يكون السبب في روتين العناية الخاص بك ، لكن في *تفاصيل صغيرة يومية* بنعملها بدون ما نعرف قوة تأثيرها على بشرتنا و خاصة مخزون الكولاجين !!

🎀 إهمال واقي الشمس :

الأشعة فوق البنفسجية هي العدو الأول للكولاجين ، حتى في الأيام المغيمة ☁️ أو قاعدة جنب الشباك في ظل و الجو حار ، الشمس يتكسر ألياف الكولاجين ببطء فإياك تطلعي بدون واقي شمسي و حتى في البيت استخدميه 💗

🎀 الإفراط في تناول السكر يا سكر انتوا 😘 :

السكرية (Glycation) بتحصل لما يرتبط السكر الزائد في دمك بالبروتينات ، و دا بخلي الكولاجين هش ويفقد مرونته ، ما يعني : *بشرة مشدودة ؟ سكريات أقل* 💗

🎀 السهر و قلة النوم :

النوم هو الوقت البشرتك بتشتغل فيهو ترميم لنفسها ، فلما تساهري انتي بتعطليها عن شغلها يا عسل 🙂 و قلة النوم بترفع مستويات الكورتيزول .. و دا منووو ؟ دا بقى أخونا في الله هرمون " التوتر " البيفكك الكولاجين و بعمل ظهور الخطوط الدقيقة و أمور هرمونات تانية كتير ح نتكلم عنه بشكل مفصل 💗

🎀 التعرض المستمر للتلوث والإجهاد التأكسدي :

التعرض أو التعايش في بيئات تلوثها شديد بيولد " جذور حرة " بتهاجم خلايا البشرة ، احمي بشرتك بمضادات الأكسدة 💗

🎀 التعامل مع بشرتك بعنف :

سواء أثناء غسل الوجه و لا التجفيف ، الشد والفرك المتكرر بضعف مرونة الجلد ويخليه اكتر عرضة للترهل على المدى الطويل . فرجاءاً كوني لطيفة مع بشرتك دائماً 🥹

🎀 الجفاف :

الجفاف بأنواعه بمعنى عدم الترطيب الداخلي و الخارجي . و الداخلي بيشمل شرب الموية و العصاير خاصة البتحتوي على فيتامين C ، و الخارجي الترطيب بمرطب عميق يناسب بشرتك 💗

🎀 إهمال التغذية :

في فرق من لما تقولي لي باكل و لما تقولي بتغذى ؛ التغذية يعني بتنوعي في أكلك بمعنى تاني بتدي جسمك و كل عضو شغال فيه العناصر و المواد المحتاجها عشان يشتغل بكفاءة ، فأكلي كويس و نوعي في الأكل بتلقي تغذية صحياً و تغذية جمالياً ( بشرتك و شعرك كمان ) ... معادلة بسيطة 💗

و طبعاً طبعاً منتجنا الجديد بشتغل على دا و اكتر .. و دا سؤال بكرة ففكروا من هسة 🙈💗







#عناية

Pink Tulip 🌷


كريم عجوبة !! 🤔 "Chapter 2 "

اتكلمنا بالأول عن كريم عجوبة و أضراره المرة دي ح نتكلم عن طرق العلاج .

أول خطوة إنك توقفيه ، و حتى لما تجي توقفي عنده محاذير فتابعي و بعدها تبدي ترطيب و ترميم لحاجز البشرة و دا بكون كيف ؟

🌷 عن طريقة الترطيب العميق و خاصة المرطبات البتحتوي على مواد مرممة لحاجز البشرة المدمر 🦋

🌷 ماسك ترطيب و تهدئة زي ماسك الكستر البارد ، أعملي كستر عادي التحلية دا أكلي منه بردي على نفسك و على بشرتك خاصة لما تكوني جاية من شمس ، بقلص الشعيرات الدموية المتهيجة و يهدي الحكة و الحرارة 🦋

🌷 ماسك الشاي الأخضر مع النشا و العسل : ( على نار هادية شاي اخضر و نشا و تخلطي لحدي ما القوام يبقى كريمي تنزليه من النار يبرد شوية و تضيفي العسل و ممكن تضيفي نقاط زيت جوز الهند و تعمليه على وشك لحدي م يجف تغسليه و ترطبي . في الفترة دي الترطيب مهم شديد 🦋

🌷 تشربي موية كتير طبعا عشان تطردي السموم الاتغلغلت فيك دي 🦋

🌷 تستخدمي كريم بحتوي على أكسيد الزنك او PEA ، زي زنك اوليف بس امشي للصيدلية و بتوريك المتاح 🦋

🌷لجسمك جيبي اي زبدة ( شيا ، كاكاو ، أفوكادو ، ليمون .. ) و اضيفي لها زيت جوز هند و لوز حلو و سمسم و زيتون و لوز حلو إذا في و كل يوم بعد الحمام على بشرة مندية اتمسحي لأنهم مفيدين لترميم و تغذية البشرة ، و حتى في حال ما استخدمتي عجوبة بنفعوك بس ما تطلعي بهم في الشمس 🦋

🌷 لازم تستخدمي واقي شمسي مناسب لبشرتك و كذلك لجسمك م كله طبعا ، حتى إذا كنتي بالبيت 🦋

⛔*ممنوعات*:

🌷 لكن إذا كنتي بتستخدميه لك سنوات و لا أشهر طويلة ، الأفضل توقفيه بالتدريج عشان ما تحصل لك " انتكاسة كورتيزونية " عنيفة = احمرار شديد و حكة و تهيج ، فمثلاً : يوم بعد يوم لمدة أسبوع ، تاني مرتين في الأسبوع تاني توقفيه تماماً و تبدي ترميم 🦋

🌷 ممنوع المقشرات فترتها + مهم الواقي الشمسي و يا حبذا إذا فيه زنك برضو 🦋

🌷 ممنوع استخدام فيتامين سي او ريتينول او أحماض فواكه ( AHA / BHA ) ، و حتى المقشرات الفيزيائية لا ( سكر و بن ) لأنو البشرة حاليا جرح مفتوح 🦋

🌷 فترة الترميم بتحتاج من 3 ل 6 أسابيع و بختلف حسب استجابة بشرة للتانية طبعا ، و طبيعي بالبداية اللون يغمق أول اسبوعين و دا طبيعي نتيجة لانسحاب المواد الكيميائية و الحل م في إنك ترجعي للكريم الحل الاستمرار في الترميم لحدي م بشرتك تستعيد صحتها و نبدأ التفتيح الآمن و كمان ح اتكلم لكم عنه ، فكل العليك الصبر و الاستمرارية 🦋

🌷*مواد مرممة*:

سيراميد 🦋
سينتيلا 🦋
بانثينول 🦋
فيتامين B5 🦋
حمض الهيالورونيك 🦋

تابعينا لمزيد من المعلومات المفيدة 💗💋





#توعية
#عناية

Pink Tulip 🌷


كريم عجوبة !! 🤔 "Chapter 1 "
⛔ *التفتيح السريع فخ !! كريمات تدمر حاجز البشرة في اسبوع و ممكن تسبب لك كلف دائم .. عجوبة منها !*⛔

كل سنة و انتوا طيبين مرة تانية و كيف كان عيدكم ؟! 💗

كذا مرة بجوني بنات : عايزة حل لحبوب صغار قامت لها ، احمرار شديد في الوش و حرقة و مليون مشكلة م عارفة سببها شنو و تعمل شنو ؟؟!

اول سؤال بقول لها عملتي أو بتعملي شنو ؟ بتقول لي عجوبة 😖

💗 تعالوا اكلمكم ليه *عجوبة لا*:

بحتوي على نسبة عالية جداً من الزئبق ( Mercury ) أو الامونياتد ميركوري . طيب يعني شنو ؟

🌷 الزئبق مادة سامة شديد بمتصها الجلد و بحصل شنو ؟ ح يتغلغل مش بس في بشرتك بل في خلية بشرتك و يقتل إنزيم الميلانين فوراً ، جاي يدمر طوالي زي الدعامة ماف لعب و ضياع وقت لما الشغلة تبقى خراب 🫠

فعشان كدا بالأول بتلاحظي نتيجة سحرية سريعة مبهرة ، لكن بعد يحصل الفات دا بحصل شنو ؟ دي أهم نقطة انو *يدمر حاجز البشرة* ..

🌷و تبدأ المشاكل الآتية :

حساسية الشمس بل حتى من ضوء اللمبة 🦋

اي زيادة حرارة و جو مسحن زي الصيف هسة ح تقلب وشك أحمر و تحصل حروقات داخلية تتم الناقصة تنعكس خارجياً 🦋

نتيجة لتدمر حاجز حماية البشرة الجلد ببقى خفيف و عرضة لأقل شيء يحصل 🦋

اول ما توقفيه السواد ح يرجع أسرع و أغمق من الأول 🦋

الشقريب / السيلولايت ح يكون في كل مكان و كذلك الاوردة الخضراء 🦋

ممكن كمان مع الزمن يتغلغل لدرجة يصل الكلى و الأعصاب 🦋

و ممكن كمان يعمل لك تصبغات رمادية في البشرة صعب تروح ببساطة 🦋

عشان كدا بنقول ممنوع منعاً باتاً ، تابعي معي للجزء التاني عشان تعرفي الحلول و الأنسب 💗

و ما تنسي تعملي لايك كومنت و شير ، تفاعلك بهمني و يشجعني 💋




#توعية
#عناية

أسرة Pink Tulip Store ، جمعة طيبة مباركة عليكم 💗

أطابها الله عليكم بالذكر و إستجابة الدعوات و تقبل صالح أعمالكم و أدام شملكم 🌷

ما نفسكم في مسابقة لطيفة زيكم ؟! 🙈

Pink Tulip 🌷

كل عام و أنتم بخير عائلة التوليب الوردية الجميلة اللطيفة الداعمة 💗
نتمنى لكم عيداً مباركاً و دوام الصحة و العافية و أدام الله شملكم و فرحكم و استجاب دعواتكم و تقبل منا و منكم 💗🌷

سنعود للعمل مباشرة ... انتهت فترة الإجازة 💗
و اجهزوا لما هو آتي 💋


#عناية #ماسكات
#السودان #مصر #السعودية

دلعي جسمك من الطبيعة ... و بسعر لا يقاوم !!🌷✨

🎀 عايزة لون موحد ؟
🎀 عايزة بشرة حيوية و نضرة ؟
🎀 عندك قشرة عالقة في جسمك ؟
🎀 بتخافي من التركيبات الصيدلانية ؟
🎀 عايزة فرق يشجعك من اول إستخدام ؟

يبقى حلك في " صابونية التوليب الملكية 🌷👑 " ، بمكونات احترافية طبيعية تجمع بين التفتيح الطبيعي و نعومة حرير ✨

🌷ليه صابونيتنا و ليه ح تحبيها ؟!

مكونات طبيعية 100% يعني آمنة و مركزة ، يعني مفعول و تأثير واضح 🦋

تقشير و تفتيح لطيف و فعال بفضل أحماض العرديب 🦋

شد و تغذية بفضل عدة أعشاب 🦋

و زي ما قلت لكم عليها عرض خاص لكمية محدودة ينتهي بانتهاء الكمية 💗
و دي فرصة تجربي سر التفتيح المغربي بلمستنا الخاصة 😌💗

⛔ ملحوظة بسيطة ⛔

المنتج مخصص للجسم فقط ممنوع للوجه .

للطلب و الإستفسار تواصلوا معنا عبر ال ( DM ) 💋





#عناية
#عروض #مصر #السودان #السعودية
#صابونية