Ask Dr Alex

اللى هيقول تعليق مناسب للصوره دى ليه هديه مستحضرات تجميل من صفحه
wa.me/01158885161

مطلوب مساعد صيدلي خبره بمصر الجديدة
01158885161

Call now to connect with business.

اهرووووب يا ولد

لو دخلت مكان وشُفت حد ماسك "البِتاعة دي" وبيشربها… اهرب فورًا!
أيوه، اهرب بدون تفكير، لأنك في اللحظة دي مُعرّض تبدأ أخطر نوع من أنواع الإدمان في تاريخ البشرية، وإدمانه بيحصل من أول مرة… حتى لو بالغلط!

ركز معايا كويس، لإن اللي هقوله مش هزار…
الكلام ده ممكن حرفيًا ينقذ حياة، ولو اتأخرت عليه، تبقى ضيّعت على حد فرصة النجاة.

الموضوع عن أخطر مخدر في العالم، اللي بيموتك وإنت حيّ… اسمه: الشابو.

أيوه، الشابو…
في ناس بتسميه الكريستال ميث، وآيس، والزجاج، والثلج، والكريستالا، والزونجا…
أسامي كتير، لكن النهاية دايمًا واحدة: خراب شامل.

المخدر ده "معملي"، مش طبيعي زي الحشيش مثلًا.
ده كيماوي تقيل، بيضرب الجهاز العصبي، وأول ما يدخل الجسم بيكسر في المخ ضربة ما بترجعش.

يديك إحساس كدّاب إنك جامد، سعيد، وسوبرمان…
وبعد كده؟ بتقع وقعة مالهاش آخر!

في شباب من أول جرعة دخلوا في حالة:
هلاوس، خوف، عنف، شكّ في أهلهم، في اللي مسك سكينة على أمه، واللي بيفضل صاحي ٣ أيام، واللي بيهرش في جلده لحد ما يجرّحه لأنه حاسس إن في حشرات ماشية عليه!

ده مش هزار… ده واقع مرير.

في أبحاث أثبتت إن الشابو بيغيّر شكل المخ فعلًا، كأن أجزاء منه بتتحرق ومش بترجع تشتغل.
وحتى لو بطّلت… مخك مش بيرجع زي ما كان، بتعيش بـ"نصّ دماغ".

مفيش علاج سهل.
لا في دوا بيريّح، ولا بروتوكول ثابت.
كل اللي عندك إنك تقعد في مكان نظيف، وسط ناس بتساعدك، وتحارب نفسك كل لحظة…
لأن الانتكاسة أسرع من تفكيرك.

ناس كتير قالت:

"إحنا مشينا في طريق الموت برجليـنا"،
"أنا ما بقيتش نفس الشخص"،
"أنا خسرت كل حاجة".

واللي مكمل… يا في السجن، يا مات، يا بيته اتخرب.

الشابو بيهدّ كل حاجة:
الصحة، الأهل، الشكل، الروح…
مفيش حاجة بتطلع من وراه غير الفقد والخراب.

لو تعرف حد قرّب منه، ماتسكتش.
ماتخافش تزعل حد… إلحقه قبل ما يضيع.
ولو في يوم فكرت تجربه، افتكر إنك واقف على حافة جهنم…
خطوة واحدة ممكن توقعك ومتعرفش تطلع تاني!

اللي شاف جحيم الشابو عمره ما بينساه.
بس اللي يفوّت التحذير… بيدفع التمن بحياته.