ليثيا

أحلى حاجة عندنا لمن تجربوا منتجات ليثيا وترجعوا تحكوا لينا رأيكم 💙💗🥹
كلامكم بيفرق معانا وبيخلينا دايمًا نحرص نقدم ليكم الأفضل
اسمعوا رأي عميلتنا في تجربتها مع ليثيا 👇🏽✨

" شكرا ليك ماشاءالله تبارك الرحمن استلمه 🥰🥰 الخامة جميييييله حقته الدخان 👏🏼 والماكنتوش رحتو جميلة 🥰 ربنا يوفقك ويوسع رزقك يارب العالمين ❤️ "

#ليثيا

بتقعدي في الدخان زمن طويل وبعد ما تطلعي بتحسي إنو الدخان ما شال فيك؟

الموضوع مرات ما محتاج قعدة طويلة محتاج تعرفي شنو البنفع معاك وشنو لا قبل ما تقعدي في الدخان، أهم حاجة جسمك يكون جاهز والحاجات البتستخدميها في القعدة تكون قريبة منك وما تقومي كل شوية من مكانك عشان ما يتشقق ولا ينشف ❌

اختاري حطب نظيف وجودتو كويسة، لأنو الحطب بيفرق في الدخان والريحة من البداية ، وبعدين الشملة ما تلفي جسمك بأي حاجة وخلاص. الشملة المفروض تكون واسعة ومريحة وتغطي جسمك كويس، عشان الدخان يفضل قريب منك بدل ما يتسرب في كل اتجاه
وبرضو المقعد بيفرق لو القعدة مريحة وثابتة، بتقدري تستمتعي بوقتك من غير تعب ولا كل شوية تغيري قعدتك

وأثناء الدخان ما تستعجلي في كل حاجة اخدي راحتك وخلي القعدة تمشي بهدوء، وبعدها اهتمي بترطيب جسمك كويس

لأن قعدة الدخان الحلوة ما معناها تقعدي ساعتين وتتعبي نفسك 😂
الحلو إنك تعرفي تجهزيها صح من البداية للنهاية 💙

عشان كدا في ليثيا جمعنا ليك الحاجات البتحتاجيها للقعدة من :
حطب، شملة، مقعد ومرطبات ، عشان تقعدي براحتك وما تشيلي هم التفاصيل 💙

ولو عايزة طريقة الدخان الصاح 👌🏼 اكتبي لي " معاك "
وورينا اكتر حاجة فرقت معاك في الدخان شنو ؟!

#ليثيا

طلح الماكنتوش ولا طلح الدمازين؟ أستخدم ياتو ومتين عشان ما أختار الغلط؟ 👀

كتير من النسوان بيلخبطوا بين طلح الدمازين وطلح الماكنتوش، مع إنو كل واحد فيهم عندو قعدتو واستخدامو عشان كدا انا جيت أوضح ليكم الفرق بينهم شنو

اولا طلح الدمازين دا طلح للحبسات العروس وقعدات الدخان الطويلة
بديك ريحة حلوة ولون جميل ، وده السبب الخلاه خيار محبوب في حبسات العروس ،وكمان مناسب للاستخدام شبه اليومي خصوصاً لو إنتي من النوع البحب القعدة الطويلة وعايزة دخان بمعنى الكلمة 👌🏼

أما طلح الماكنتوش دا انا مسمياهو طلح الدلع والدلال 😌🤣
برضو بديك لون ونضارة وريحة أحلى من الطلح الدمازين ، لكن الفرق إنو قعدتو اسرع وهو خفيف وبارد مناسب للقعدة السريعة والبتكون دايرة تدلعي نفسك من غير قعدة طويلة

لكن أنا ما برشحو لحبسات العروس ولا للقعدات الطويلة اليومية
يعني باختصار كدا :
عايزة قعدة طويلة وحبسة عروس؟ الطلح الدمازين الاصلي
عايزة قعدة خفيفة وسريعة ودلع ودلال؟ طلح الماكنتوش

لو عندك طلحين قدامك واحد قعدتو طويلة وواحد خفيف وسريع والاتنين نفس الميزات بتختاري أي واحد ؟ 👀👇🏽

#ليثيا

عارفة ليه جسمك مرات بكون ناعم يوم وتاني يوم تحسيهو ناشف ومجهد؟ 👀

الترطيب ما حاجة بنعملها بس عشان الجسم يكون ناعم لما تحافظي على ترطيب جسمك باستمرار، بتساعدي بشرتك تحافظ على نعومتها ومرونتها، وبتقللي إحساس الجفاف والخشونة

خصوصاً مع الدخان وبعد الاستحمام ، الجو الحار وكثرة الموية جسمك محتاج الترطيب يكون جزء من روتينك، ما حاجة بتتذكريها وقت ما تحسي بشرتك نشفت

السر ما في إنك ترطبي مرة السر في الاستمرار رطبي طوالي بعد كل صلاة أنا عن نفسي عندي طريقة ما بغيرها في الترطيب وحأوريكم طريقتي أنا أول حاجة برطب جسمي بموية وبعدها بقفل الترطيب بزيت الودك ومرات بستخدم استيلا حسب الموجود عندي

لكن عايزة أعرف منكم برضو أي واحدة عندها طريقة ترطيب فرقت معاها بجد، تورينا طريقتها عشان نستفيد كلنا؟وورينا إنتي من الناس البترطب جسمها كل يوم ولا بس لمن تحسي إنو بقى ناشف بتجري ترطيب ؟

#ليثيا

إنتو بتدخنوا بطلح بس ولا بشاف الدخان؟ 👀

أنا غايتو ما بقدر على الطلح براهو 😂
بحب أعمل طلح مع شاف الدخان بحس الاتنين مع بعض بيدوني القعدة الظابطة الأنا عايزاها

والشاف حقنا بالذات بحبو عشان بديك نورة ونضارة وبخلي لونك لون منقاوي كدا خطير يا سلام عليه 🔥🧡
يعني بعد القعدة بتحسي إنو في حاجة اتغيرت في شكلك ما بس ريحة دخان أنا خلاص بقيت ما بعمل الطلح براهو الشاف معاهو بقى عندي أساسي 😂🤣

إنتو كيف بتدخنوا بطلح بس ولا بتخلطوا معاهو شاف الدخان؟ ورونا طريقتكم ؟

#ليثيا

أمس واحدة من زبوناتنا رسلت لي وهي مبسوطة شديد وكانت منبهرة إنو أول مرة تحس الشملة مريحة للدرجة

وقالت"بالجد أول مرة أفهم الناس كانوا بقصدوا شنو لمن يقولوا الشملة بتفرق 💗 "

كانت فاكرة أي شملة بتأدي نفس الغرض لكن أول قعدة مع شملة ليثيا غيرت رأيها أول حاجة لاحظتها إنو الدخان بقى مركز معاها والشملة ثابتة وما محتاجة كل شوية تتغطى

والسبب؟ 💙
شملة ليثيا أفضل شملة واحسن واحدة عندنا بتمنع تسريب الدخان لأنها مبطنة طبقتين جلد

وفي النهاية قالت جملة ضحكتني
"واضح المشكلة ما كانت في الدخان المشكلة كانت في التوب البدخن بيهو كنت ظالمة الدخان ساي 😭😂 "

جربتي قبل كدا شملة خلتك تقولي دي ما زي أي شملة ؟

#ليثيا

شنو أكتر غلطة بتخلي قعدة الدخان تمشي على الفاضي وإنتي بتعمليها كل مرة ؟

في حاجات صغيرة لكن بتفرق فرق كبير في قعدة الدخان زي الواحدة تقعد في الحفرة وتخلي لمن الحطب يسود أول ما الحطب يسود خلاص ما بقى نفس الدخان الأول وكتيرات يقعدن يقولن خليهو يخلص أو انا مشترياهو بالغالي لا يا السمحة هنا المفروض تبدلي الحطب طوالي ما تبهدلي جسمك وتتبشتني عشان تستفيدي منو ولا هو غالي ، أو كمان في نوع الواحدة تقوم من الحفرة وتتمسح بكريمات تقيلة ومعطرة على طول جسمك لسه سخن والمسام فاتحة اديو فرصة يهدأ الأول ويرتاح وبعدها استخدمي مرطباتك زي ما انتي دايرة وكمان في وحدات اكعب الواحدة تقول كل ما أطول في القعدة أحسن الدخان ما بالكترة الدخان بالطريقة الصح مرات القعدة الزيادة بتعب جسمك أكتر من إنها تنفعك وبتجفف وتشقق الجسم

الدخان ما شطارة ولا تحدي الشطارة إنك تعرفي تعمليهو بالطريقة الصح 👌🏼💙

إنتي في رأيك شنو الغلطة البتشوفي النسوان بقعن فيها كتير في قعدة الدخان ؟! ولو مهتمة تعرفي اكتر اكتبي لي "مهتمة " 💙

#ليثيا

السخانة براها مكفية تقومي انتي تتدخني وتزيديها ببطانية تقيلة؟ 🥵
عندك شملة ليثيا المصنوعة من أجود وأفضل أنواع قماش الكتان

مناسبة للسخانة دي وخفيفة ومريحة عشان تقدري تقعدي قعدة دخان براحتك في عز السخانة دي حتى نص النهار وفيها فتحات بتساعدك على التهوية، لكن بدون ما تطلع الدخان برا الشملة

الشملة واسعة جداً وطويلة كمان بتناسب أي مرأة وما بتضايقك ولا بتحسي إنها تقيلة عليك ،وكمان ما بتتكرفس وغسيلها ساهل وما بتتعبك يعني عملية في الاستخدام اليومي

والحاجة الأحلى من دا كلو انو دي الشملة المفضلة لقعدة الدخان الفي السخانة ناس الدخان نص النهار دي شملتكم وحبيبتكم 🙂‍↔️😂

لو خيرتك تختاري ميزة واحدة في الشملة ح تختاري شنو الراحة أو الخامة ولا التهوية؟ ولو لسه ما جربتي شملة ليثيا شنو أكتر حاجة شجعتك في المواصفات دي؟

#ليثيا