Mero Hair Care

«أنا اكتشفت إن الشعب المصري عنده مرض اسمه: هنستنى لآخر لحظة!» 😂
هو إحنا ليه بنحب نزنق نفسنا في آخر لحظة؟! 😂

يعني أنا ممكن أبقى عندي مواعيد فاضية طول الشهر…
ولا حد يحجز
تيجي قبل دخول المدارس بيومين:
«ميرو، عندك معاد؟ ضروري عشان المدرسة!» البنت مش هتروح نعكوشه 😂

يا جماعة ما إحنا كنا قاعدين فاضيين 😭😂

والحكاية دي مش عندي أنا بس…

قبل العيد الكبير يوم واقفه عرفات نفتكر نشترى اللحمه. 😂
قبل العيد الصغير: يوم الوقفه نفتكر نشترى الكعك
قبل رمضان:يوم وقفه شعبان فجأة الكل بيجري يشتري ويجهز.
قبل شم النسيم قبليه بثانيتين نفتكر نشترى فسيخ
قبل مولد النبي: حلاوة المولد تبقى قضية أمن قومي! 😂

إحنا حرفيًا بنحب نعمل لنفسنا ضغط جماعي.

وأنا مشكلتي إن شغلي مش برص العملاء واقعد اتفشخر وافرح أن عندى عملاء كتير والناس فوق بعضها
أنا باخد عدد محدد على قد الوقت اللي أقدر أدي فيه كل عميلة حقها، وعشان كده زحمة آخر لحظة بتربكني جدًا.

فلو عندك مناسبة… متستنيش لما المناسبة تقرب عشان تفتكري تحجزي. 😂
إنتِ مش لوحدك اللي بتفكري كده… البلد كلها بتفكر كده!
المواعيد عندى بالحجز
والحجز قبل الجلسه ب ٥ ايام علي الاقل
والحجز بديبوزت
وفي تعليمات لازم تمشي عليها قبل الجلسه
والتواصل واتساب فقط 01003912601
ارجوا الالتزام ✌🏻✌🏻❤❤

أصغر عميلة عندي عندها ٥ سنين بس! 🥹❤️

«أصغر عميلة عندي… وعندها شرط واحد: مامتها عايزة الشعر يتفرد 100%!
ودي مش أول مرة معايا… دي تالت جلسة ليها.

وبصراحة؟
أنا شخصيًا مش من الناس اللي بتحب تعمل فرد 100% للأطفال في السن ده، لكن مامتها كانت مصممة على النتيجة دي، فكان أهم شيء عندي إننا نشتغل بأكبر قدر من الحرص والالتزام بالروتين المناسب للحفاظ على الشعر.

وطبعًا التعامل معاها كان تحدي 😂
بتتحرك كتير، والـ Baby Liss كانت خايفه منها ومقدرتش تستحملها بسهولة…
لكن واحدة واحدة خلصنا، والحمد لله وصلنا لنتيجة جميلة جدًا ❤️

وفي الآخر قصينا الاوصّة، وقصينا الأطراف،
والأجمل من كل ده؟
إنها مشت من عندي وهي مبسوطة بشعرها جدًا 🥹💕 ✌🏻✌🏻❤❤

دي مش نتيجة جلسة… دي نتيجة 10 شهور! 👀
العميلة كانت عندي في ديسمبر اللي فات، وكانت من الحالات اللي شعرها كان محتاج شغل بحساب جدًا.
جفاف شديد جدًا،
استكه عالية جدًا وهو مبلول وهو ناشف بيتقطم فوق ما تتخيلوا.
بعد حوالي 10 شهور كاملة رجعتلي تعمل اعادة جذور للمرة التانية…
واللي شوفته النهارده خلاني أقول:
اللهم بارك ❤️الشعراية طالعة طرية ومرنة،
مفيش تساقط،
مفيش تقطيم
والجذور نفسها متحسنة وطرية.
بسم الله ما شاء الله عليكى يا مرمورة💋
طب رجعتلي ليه؟
لأنها ببساطة ما لقتش مشكلة تقابلها.
وده بالضبط اللي أنا بشتغل عليه في كل جلسة:
أنا ببذل أقصى مجهود ممكن وقت السيشن،
و في نفس الوقت بختار الـ material اللي يناسب حالة الشعر، حتى لو النتيجة مش هتكون فرد 100%.
لأن بالنسبة لي:
فرد أقل شوية مع شعر سليم… أحسن مليون مرة من فرد مثالي يسيب وراه مشاكل.
وطبعًا دور العميلة بعد الجلسة مهم جدًا، والالتزام بالروتين والتعليمات جزء أساسي من الحفاظ على النتيجة.
وعشان كده أنا مش بحب أوريكم الشعر وهو لسه خارج من الجلسة وبس.
أنا عايزاكم تشوفوا الشعر بعد 8 شهور، 10 شهور، سنة، وسنة ونص…
لأن هنا بقى بنعرف الشغل الحقيقي. ❤️والأجمل من كل ده إن عندي قاعدة كبيرة جدًا من العميلات اللي مكملين معايا سنين.
في عميلات عملوا معايا 20 و25 مرة…
وفي ناس شعرها معايا من أول ما بدأت لحد النهارده.
وده بالنسبة لي مش مجرد أرقام…
ده ثقة ومسؤولية أنا بحمد ربنا عليها كل يوم.
يارب دايمًا أكون قد ثقتكم فيا،
وأفضل أقدملكم شغل يحافظ على شعركم… مش مجرد شكل حلو وقت الجلسة. ❤️اعادة جذور للمرة التانية — بعد 10 شهور.
والحمد لله… الشعر بيتكلم عن نفسه. ✌🏻✌🏻❤❤

أكتر لحظة العميلة بتتوتر فيها بعد الجلسة 😂✂️

أنا: هنقص هنا بس… هي: ❌ لاااااااااا 😂

أنزل شوية؟ ❌ لاااااااااا 😂

طب هنا؟ ❌ برضه لاااااا 😂

والحقيقة إن الموضوع أبسط من كده بكتير ❤️

أنا مش هدفي أقصر شعرها، ولا أجز فيه… أنا هدفي أشيل الأطراف المتفرعة والتالفة فقط، عشان الشعر يبان صحي، مرتب، ويكمل معانا بشكل أجمل.

وعشان كده حتى وأنا ماسكة المقص… أنا بدوّر على الجزء اللي محتاج يتقص، مش على طول الشعر اللي عاجب العميلة. ✂️❤️

وفي الآخر… خدنا الأطراف وسيبنا الطول زي ما هو 😌 ✌🏻✌🏻❤❤

"مش معنى إنك محجبة إن لازم شعرك يعلّم بعد الجلسة 👀✨
عشان كده بعلم أي بنت عاملة Treatment — سواء معايا أو مع غيري — طريقة آمنة ولطيفة للف الشعر داخل البندانة بدون توكة وبدون أي شد على الشعر 🤍
خصوصًا أول 3 أيام… لأنهم أهم أيام نحافظ فيهم على نتيجة الجلسة من أي علامة ." #ا ✌🏻✌🏻❤❤

هي كانت داخلة عايزاني أقص شعرها… خرجت وهي بتوصيني على كل شعراية فيه 😂✂️" ✌🏻✌🏻❤❤

🔥 «مش هوريكي الشعر وهو مفرود… هوريكم وهو بيتعصر.»
«لو أنا مش واثقة في شغلي… مستحيل أعصر الشعر قدامكوا.»
وبعدين:.
أنا بغسل الشعر شامبو وحمام كريم بعد الكبس
وبعدين أنشفه بالهوا البارد،
ومن غير مكواة ولا سيرم. ولا تنشيف هواء ساخن ابدا 🚫

لأن النتيجة اللي أنا واثقة فيها
مش محتاجة أي حاجة تتخبّى وراها.

دي النتيجة بعد الغسيل…
ودي الحقيقة. ✌🏻✌🏻❤❤

«مين قالك إن بعد التريتمنت لازم تربطي شعرك عشان تعرفي تتحكمي فيه؟! 👀
أنا هلمهولك من غير توكة… ومن غير بندانا… ومن غير ما يتعلم!»

أول ٣ أيام بعد الجلسة أهم حاجة نحافظ على فرد الشعر وشكله، علشان كده التوكة ممنوعة، وكمان إدخال الشعر جوه الهدوم وتضييقه ممكن يعمل علامة وكسرة ويزود العرق.

فشوفي اللفة دي 👇🏻
الشعر جوه الطرحة… من غير أي حاجة تمسكه أو تضغط عليه.

لأن العناية بعد الجلسة مش مجرد «متربطيش شعرك»…
المهم تعرفي تعملي إيه بدل الربط. 🤍 ✌🏻✌🏻❤❤ ゚viralシ

الكبس مش عدد كبسات… الكبس تكنيك وقراءة للشعرة.

فيه تكنيكات بشوفها في الكبس أنا شخصيًا مش بفضلها نهائيًا لأنها بتعرّض الشعر والعميلة للضغط والحرارة أكتر من اللازم.

❌ استخدام مكوتين في الكبس فى نفس الوقت.
❌ خبط المكواة فى رأس العميلة بطريقة عشوائية، وده مش Professional وممكن يعرّضها للسخونة واللسع.
❌ والأخطر: مسك الجذر بشد عنيف، وكبس الجذر لوحده كذا مرة، وبعدها الرجوع لكبسه تاني… لدرجة إن الجذر ممكن يتعرض لـ 20 كبسة أو أكتر!

وده مش تكنيك صح.

أنا مش بشتغل بفكرة:
"أكبس كام كبسة؟"

أنا بقرأ إشارات الشعرة نفسها. 👀

بحط المكواة عند الجذر، أطبّط بيها، وأسحب من الجذر لحد الأطراف بهدوء وتحكم، من غير شد عنيف ولا ضغط متكرر على نفس المنطقة.

والشعرة بتديني إشارات واضحة لما تكون اكتفت:

✨ بتفرفر
✨ وزنها بيخف
✨ بتبدأ تلمع
✨ والدخنة بتختفي

ساعتها الشعرة بتقولّي: خلاص… أنا اتكبست.

مش محتاجة أزود كبسات لمجرد إني بوصل لرقم معين، وفي نفس الوقت لو لسه ما ادتنيش الإشارة المطلوبة، مش هوقف لمجرد إن "العدد خلص".

الكبس الصح مش عدّ… الكبس الصح قراءة للشعرة.

أنا بقرأ الشعرة، وهي اللي بتحددلي إمتى أبدأ وإمتى أقف. 🤍

لأن الاحتراف مش في إنك تكبسي أكتر… الاحتراف إنك تعرفي إمتى كفاية ✌🏻✌🏻❤❤ .