Hoda Hasan

مش مصدقة إن من حقك تختاري؟ 🚪

فيه صوت جواكي بيقول…
«هو ينفع فعلًا… إني أختار؟»

تعالي أقولك سر 🤫
إنتِ عارفة عايزة إيه…
بس فيه صوت قديم جواكي لسه شايفك
البنت اللي لازم تاخد الإذن الأول 🙈

بس الحقيقة؟
إنتِ اللي محتاجة تدي "الإذن" لنفسك.

الباب قدامك مفتوح، والنور طالع منه…
بس رجلك واقفة، ومش عارفة تاخدي القرار.

والتحدي دلوقتي بقى أصعب 😉
هتفضلي مستنية الإذن من حد؟
ولا هتاخدي الخطوة بنفسك؟ 🤍

اكتبيلي في الكومنت "اسم الباب"اللي واقفة قدامه من زمان 👇

يا صباح القرارات المؤجلة 😂
اللي قاعدة في الدرج بقالها سنين… وإحنا شايلينها جوانا ومستحملين 🙈
بس الحقيقة؟
مش القرار هو التقيل… الخوف إنه "يطلع غلط" هو اللي تقيل 🤍
قوليلي في كومنت:
إيه أكتر قرار مأجلاه؟ ✍️
وأنا هرد عليكي واحدة واحدة 🌿

وافتكري دايما ...إنت بطلة الحكاية 🏆

عارفة اللي المفروض تعمليه…… وبرضه مش بتعمليه؟ 🙈

مش كسل…… ومش ضعف…… ومش قلة إرادة 🤍

إنتِ بتفهمي وبتتعلمي وبتبدأي بحماس…… وبعد كام يوم ترجعي لنفس النقطة.

بصي على السحابة دي…… شايفة اللولب؟ 🌿
بيلف…… بس مش بيلف في مكانه.

كل لفة بتقرّبه من نقطة النور اللي في النص.

النقطة دي هي إنتِ.

ودايرتك مش مقفولة…… هي بتلف علشان ترجّعك لنفسك ✨

وعشان كده مدار بيمشي معاكي في أربع محطات:

م — مواجهة: تبطلي تهربي وتبصي على اللي واجعك.

د — دفا: تطبطبي على نفسك بعد ما شفتيها.

ا — أصالة: ترجعي لحقيقتك، مش اللي اتعودتي تمثّليه.

ر — روقان: وتحسي بالسلام اللي كنتي بتدوري عليه.

لو اتأخرتي…… لسه ليكي مكان.

أنا بمشي الطريق ده مع ستات كتير…… وهفضل أحكيلك عنه 🤍

💬 كملي معايا الجملة دي في الكومنتات:
"أنا بعرف إني المفروض أعمل…… بس بوقف لما……"

(انت بطلة الحكاية🏆…… وهنا ناس فاهماكي 😉)

.....كملي معايا 🤍🤍
إيه أكتر قيمه نفسك تعيشيها الفتره الجاية؟👏👏👏؟

إيه أكتر خطوة حاسة إنك لو أخدتيها مع نفسك، يومك كله هيتغير للأحسن؟ 🤍

بصي على السلم ده كويس……

مفيش فيه خطوة اسمها
"أبقى إنسانة تانية خالص" 😅
ولا "أغير حياتي في يوم وليلة" 🙈

كله خطوات صغيرة…… وحنينة:

☕ أوقف الـ Overthinking
🤍 أسامح نفسي لما أقصر
🌸 أبطّل أخاف من كلمة «لا»
🕊️ أستمتع بصحبة نفسي
☀️ أعيش لحظتي وأسيب بكره للي خلقه

وهنا الحقيقة اللي محدش قالهالك…

إنتِ مش محتاجة تتغيري عشان تتحسني ✨
إنتِ محتاجة "ترجعي لنفسك"🤲🏻

ومن هنا بدأت فكرة ..."مدار"…
مكان ماشية فيه خطوة خطوة، من غير ضغط ولا جلد ذات
ولا حد يقولك "إنتِ المفروض كنتِ بقيتي كذا" 😌

خطوة تهدّي…… وخطوة تطبطب…… وخطوة تأمّن…
لحد ما تلاقي نفسك طالعة السلم وإنتِ مش واخدة بالك 🌿

الطريق بيبان…… بس إنتِ كملي 💪🏻

💬 قوليلي في الكومنتات:
أنهي خطوة من الخمسة دي محتاجاها النهاردة؟

وماتتكسفيش، أنا هنا علشانك...إنت بطلة الحكاية🏆

أصعب إحساس ممكن تحسي بيه.. إنك تكوني عارفة الصح وعارفة إيه اللي يريحك، بس جسمك وعقلك مش قادرين يتحركوا خطوة واحدة!

الشلل ده مش كسل ولا قلة إرادة.. ده "إنهاك فكري" من كثرة جلد الذات ومحاولة إرضاء كل اللي حوليكي على حساب راحتك.

عقلك لما بيحس إن كل خطوة وراها تأنيب ومثالية بزيادة، بيكون أفضل ليه إنه يقف مكانه وما يتحركش.

و عشان تخرجي من الدايرة دي.... غيري العدسة بـ 3 خطوات بسيطة....

* الرحمة بنفسك.....تقبلي إن طاقتك دلوقتي مجهدة، وده مش معناه إنك فاشلة.

* صغّري الخطوة جداً..... بلاش خطط كبيرة؛ فكري في أصغر خطوة تساعدك تتحركي وممكن تعمليها في 5 دقايق بس.

* افصلي النتيجة عن قيمتك.....عملتي الخطوة أو ما قدرتيش، قيمتك وحبك لنفسك مش مرهونين بالإنجاز.

رحمتك بنفسك في لحظة العجز، هي اللي بتديكي الطاقة عشان تقومي تقفي من تاني.

👇 شاركوني في التعليقات....

إيه أصغر خطوة ممكن تعمليها النهاردة عشان خاطرك؟

حتى لو كانت مجرد إنك تقعدي 5 دقايق في هدوء من غير ما تفكري في أي مسؤولية!!!!!!

هتوصلي أكيد
مش بالحماس ..بالخطوة...🤍

تخيلي كدة ...إنك فكرتي🎭 في نفسك واهتميتي بيها ...هل ده يخليكي أم أنانية... ولا يخليكي أم أهدى وأرحم ببيتها؟؟؟😇

أول خطوة عشان تفتكري نفسك.. بتبدأ بـ "ورقة وقلم". 📝✨
​
الوجع اللي بيطلع وقت الانفجار بسبَب السكوت..

الحل بيبدأ من عندك إنتِ...
ومن لحظة هدوء تدي فيها لنفسك مساحة تعبري عنها أول بأول.

​في الصورة دي.... أنا بطلب منك تاخدي نفس عميق..

تخيلي إن الورقة والقلم دول قدامك دلوقتي، ومش مطلوب منك ترضي أي حد غير نفسك.
​
إيه أول حاجة حابة تكتبيها وتفتكريها فيكي النهاردة؟ 💭
(كلمة حلوة نسيتيها عن نفسك، ميزة فيكي، أو حتى حق من حقوقك خفتِ تطلبيه؟)
​اكتبيلي في التعليقات.. وخلينّا نبدأ الرحلة سوا. 🤍
​

كام مرة وجَعْتِي لما اتكلمتِ بعد ما انفجرتِ.. ورجعتِ اتوجَعْتِي إنتِ من كُتْر الندم؟

​المأساة الحقيقية مش إنك اتعصبتِ..
المأساة إنك شخص طيب، ما بيحبش يزعل حد، وبيعدي مواقف كتير تحت شعار: "مش مستاهلة".

​تفضلي تتنازلي، وتسكتي، وتراكمي..
لحد ما ييجي موقف صغير جداً —يمكن تافه— وتلاقي نفسك انفجرتِ.

يخرج منك كلام حاد، نبرة جافة، وكلمات بتجرح أكتر ما بتداوي.
​والنتيجة؟

اللي قدامك بيشوف "هجومك الجارح" بس، وما بيشوفش "سكوتك الطويل" اللي سبقه.

فتقعدي مع نفسك بعدها وتقولي: "يا ريتني سكت.. أنا إزاي قلت كدة؟".

​الحقيقة إنك ما جرحتيش عشان أنتِ قاسية..
أنتِ جرحتِ لأنك اتكلمتِ بـ وجع متخزن، مش بـ وعي حاضِر.

​التعبير عن نفسك أولاً بأول مش معناه إنك تعملي مشكلة على كل حاجة..
التعبير بوعي هو حماية لقلبك، ورحمة باللي بتحبيهم قبل ما رصيد المحبة يخلص.

​شاركيني في التعليقات. ..
إيه أكتر كلمة خرجت منك في لحظة انفجار وندمتِ عليها، واكتشفتِ إنها كانت ناتجة عن سكوت قديم؟

"الشكر والامتنان"...معاني جميلة لو عشتيها انت الأول

هترجع ليكي أضعاف مضاعفة ...
جربي كدة وشوفي لما تطلع منك الأول ..بدل ما انت منتظراها طول عمرك🙈

حاجات بسيطة...بس محتاجة تتشاف👌🥰

قوليلي حسيتي بايه؟

آه ونسيت أقولك دي من أهم معاني الست الأصيلة😉👌
يلا ابعتيها👇🥰