Nari bio

يصادف أن تداهمنا الذكريات فجأة في أيامنا الحزينة 🥺
مع إعلان الدخول المدرسي تذكرت ساحة المدرسة القديمة حيث درست في قسم جدرانه من خشب قديم - من وقت الاستعمار - كانت هناك رائحة عتيقة لتلك الاقسام والطاولات التي تحتوي ثقب المحبرة ..كان لكل شيء رائحة الممحاة ؛الأغلفة البلاستيكية؛ الكراريس؛ مدفأة المازوت ؛وملامح عمي الخذير المكلف بتشغيل المدفأة كنت دائما ما أطلب الجلوس أخر الصف لترقب الطريقة بفضول كذلك لطريقة تغليف أبي لكتبي عندما يقص مثلثات الاطراف وانا انتظر بشوق أن ينتهي لأصفهم فوق بعضهم على الطاولة ..
ورائحة تلك الصباحات المعبقة برائحة المطر في ساحة المدرسة الترابية
فأين غادرتنا كل هذه الروائح ؟! وأين ذهب ذلك الفرح وكأنه عيد ننتظره بفارغ الصبر
و خلال تدافع الأفكار من بين كل الذكريات مرت في ذهني عبارات معلمتي حداد وهي تناديني من بين رفيقاتي 🥺 لأجلس قربها في الاستراحة من أجل تظفير شعري ..لست أدري لماذا بالضبط شعرت بفرحة غااامرة في تلك اللحظة كيف لا ومعلمتي نادتني باسمي وظفرت شعري ظفائر دامت ليومين كاملين ...فتحتهم أمي لإعادة التمشيط بعدها بكثييير من البكاء 😔

وراهم صديقات قسمي تع القديمة 🥹 كشما متفكرين هاتو نقرا مدام الدموع مزال متخلاصوش 😢

كاينة إنسانة جميلة وطيوبة حبت تهدي صديقاتها هدية تكون صيفية ومنعشة ومصنوعة لأجلهم وهكا مكانش أفضل من العطور وقناع الطين وانتعاش مع لمسة مورد طبيعي ❤️❤️ كانو هداياها من القلب وحاجة القلب تجي انيقة دائما ..أعطوني رأيكم

غير لي جربت تحميمة بهذو المنتجات مع بعض لي رايحة تفهمني 🌷
صابونية الفحم اللي تنظف بعمق
مع التبريمة التقليدية ..تقشير ونعومة لمعان
وكاندي سكراب للركبين والأكواع تقشير خيالي وتفتيح مع الاستمرار
والمخمرية العطرية بعد ما تكملي 🍒❤️ ريحتك نقا وجسمك منتعش
اللي جربت منهم تخبرنا بالتجربة تاعها معاهم لطفاا 🙏🏻
ملاحظة : مكانش حجز على الطلبيات الفترة هذي للأسف إلى نهاية جويلية أخواتي .رجاء التفهم
ولي اتفقت معاهم على طلبياتهم راح يلحقوكم هذا الاسبوع باذن الله عزيزاتي

نشارك معاهم واش وصل للمحل من Enzo الإيطالية ؟ 🪮🍒🫶🏻

من الدوافع اللي تخليني ننوض نخدم رغم انعدام الشغف
كي تقولي وحدة ياريت تعاودي توفريلي المنتج الفلاني راه بزااف خرج عليا أو راه ناسب شخص مريض ووالمو....نقطة ضعفيي تع الصح الله يشافي كل مرضانا ياارب
طلبية اليوم جال الألوفيرا للترطيب وتهدئة البشرة وتغذيتها
مناسب للبشرة وللشعر ✨💯

ليوم الشعب راه يحوس غير على انتعاش
يخي قالو فرنسا هي لي زادت فيها درجة الحرارة ولهبو 🤔 ..انطڨوو انتو منييين انتو منين انتو من فرنساا ؟؟ هههههههه المهم انتعاش الاثنين تعاود تتوفر وكمية نهار اليوم تخلاصت حبايبي 😚

من باب أننا لا نذكر الايجابيات فقط بل نشارككم حتى الآراء السلبية حول منتجاتنا
نبداو بأول منتج واللي هو مزيل الروائح إنتعاش

إيجابيات : تبييض منطقة الإبط بفضل الطين الأبيض
منع تكاثر ونمو البكتيريا والفطريات
زوال الرائحة لمدة من 24:الى 48 ساعة
يترك رائحة لطيفة على البشرة
لا يسبب احمرار او تحسس وذلك بفضل العطور والمكونات الطبيعية
سلبيات في فترة الشتاء :
صعوبة في الاستعمال نظرا لقساوة المنتج أثناء البرد
والسبب هو تصلب شمع النحل وزيت حوز الهند لذلك أقترح وضع المنتج في مكان دافئ نوعا ما او نزع كمية وتذويبها بين الأصابع ثم الاستعمال على المنطقة
المنتج حاليا نقصنا فيه نسبة الشمع نظرا للجو
+ تم صنع منتج كريمي بنفس الفعالية ضد الروائح مناسب لهذه الفترة
لي تقرا المنشور كامل تعطيني رأيها في المنتج 🥰 آرائكم تسعدنا ..نسعى لخدمتكم بكل حب .

وحد النهار تلميذ سقساني قلي استاذة شحال 1+1 قتلو 1 بكل ثقة ولي قراو عندي عارفين بلي العملية هذي صحيحة مش غالطة ههههه ايااا طلبية هذي عندها شحااال ومولاتها مجاتش تديها عاودت رجعتها روتور وكي رجعتها هنا أدركت بلي أنا شوي مش نورمال ومنعرفش نحسب هههه
تبريمة 60 الف شرطت أنها تتحط فعلبة كريستال مش كيس دويباك ودرتلها رايها + صابون غليسيرين صافي 50 الف + لقيت روحي حاطتلها بورت كلي هدية وقت اللي كانو عندي وكاتبة المجموع 100 الف ..شكون اللي تخرجلهم 60 +50 =100 انا راها الآلة حاسبة عندي هاملة 🫢
كاينة وحدة مكومونديا تبريمة وحدها راح توصلها هذي الطلبية كيما راها بإذن الله ( نبدللها تبريمة جديدة علاجال الريحة فقط ولڨديمة هذي نستعملها انا بصحتي جامي خليت لعمري علبة كاملة 🫣) هكا تولي 60+50+هدية+ توصيل مجاني للدار =60 وتستاااهل ولا وش قلتو 😚